గురువర్యులు శ్రీ కంది శంకరయ్య గారి శంకరాభరణం నేటి అంశం :: దత్తపది (సంఖ్య-130) ఇచ్చిన పదాలు :: *నది* *మది* *పది* *గది* విషయము :: గురు శిష్య సంబంధము ఛందస్సు :: ఏ ఛందస్సులోనైనా పద్యం వ్రాయవచ్చు. సందర్భం :: *అజ్ఞాన తిమిరాంధస్య ,జ్ఞానాఞ్జన శలాకయా ।చక్షు రున్మీలితం యేన , తస్మై శ్రీ గురవే నమః।।* అని మనం గురువుకు నమస్కరిస్తాం. ఎందుకంటే గురువు తన జ్ఞాన మనే తేజస్సుతో మన అజ్ఞాన మనే అంధకారాన్ని పారద్రోలుతాడు. * కుంభినీధవు జెప్పెడి గురుడు గురుడు* అని ప్రహ్లాదుడు చెప్పినట్లుగా పరతత్వాన్ని గురించి బోధిస్తాడు. తద్వారా బ్రహ్మానందాన్ని అందిస్తాడు. శిష్యుడు గురువుగారి బోధనలను భక్తిశ్రద్ధలతో *శ్రవణం* చేసి క్రమంగా *మననం* మొదలైనవాటిని చేస్తూ జ్ఞానిగా మారుతాడు. ఇలా తమ ధర్మములను చక్కగా నిర్వహిస్తే గురుశిష్యుల బంధం పెరుగుతుంది. ఆదర్శవంత మౌతుంది అని వివరించే సందర్భం.
కం: మదిలో శంకల దీర్చుచు నది సాగర మందు చేరు నడత దెలుపుచున్ పది మందికి కృప కురియును గదిలోన తపమ్ము నుండి కదలక కూడన్ (నది సాగరమందు చేరు నడత అనగా ముక్తి మార్గం. మహనీయుడైన గురువు ఎవరితోనూ ముఖతః ఎక్కువ మాట్లాదక పోయినా కృపని వర్షిస్తూ ఉంటాడు )
గురువు బోధించునది వేగ కొరత లేక విషయమది యేది యైనను విని గ్రహించి మదిని పదిలము గావించిమనగ వలెను పరగ బెదిరింపు గదిరింపు బనికి రావు శిష్యునకును గురువు బోధ చేయు వేళ.
శ్రీ గురుభ్యోన్నమః!! శ్రీ రాణి సదాశివమూర్తిగారు మద్గురుదేవులు శ్రీ శ్రీ శ్రీ పరిపూర్ణ ప్రకాశానంద భారతీస్వామివారి పుత్రులు!! గురుప్రస్తావనతో సమస్యనిడిన ఈ రోజే వారి పేరు పూరణ చూడగలగడం మహద్భాగ్యము! ధన్యోస్మి!! వారి దివ్యచరణములకు ప్రణామాలు!!
[దరి నదికి రక్ష, నది దరికి నిత్యము సన్నిహితము. సమర్థంబులగు పదంబు లేకపదం బగుట సమాసంబు కావున “నదీతటీన్యాయము” పరస్పరానుబంధమను నర్థమున నన్యార్థప్రయోగమని నా భావన.]
.......................దత్త పది. నది మది పది గది ఈ పదాలతో గురుశిష్య సంబంధం ************************************** సందర్భం: జ్ఞానమే యెంతో విలువైనది. సిరి సంపద లె న్నున్నా మనశ్శాంతి సున్న. ఈ లోకంలో ధైర్యవంతునిగా పై లోకంలో దివ్యునిగా మానవుని తీర్చిదిద్దడానికి గురువు తప్ప మరెవ్వరూ లేరు. ==============================
విలువైనది జ్ఞానంబే! కలుము ల వెన్నైన శాంతి కలదే మదిలో!.. నెలకొలుప దిటవరిగ నరు నిల దిద్దగ దివ్యునిగ మరెవ్వరు? గురువే!...
మరొక పూరణము:
సందర్భం: గురువు శివునివంటివాడు కావాలి. శిష్యుడు భగీరథుని వంటి వాడు కావాలి. శ్రద్ధతో ప్రార్థించాలి. అప్పుడు జ్ఞాన మనే గంగ దిగి వస్తుంది. మన ముందు తరాల వారు కూడ ఆ జ్ఞాన ధారలో జలకాలాడి పవిత్రులై స్వర్గానికి వెళ్ళగలరు. ==============================
పరమ శివునివంటి గురువు దొరికెనేని అవని జ్ఞాన గంగా నది యవతరించు- శిష్యు డా భగీరథు నట్లు చెలగి, మదిని శ్రద్ధ గలిగి ప్రార్థనమును సలుపగ దిగు- నఘములు నశింప దివమున కరుగుచుంద్రు తరతరాల వా రా జ్ఞాన ధార మునిగి...
పదిలమ్మైనది సత్య
రిప్లయితొలగించుమ్మది కనుగొనగ దినదినము మక్కువ తోడన్
హృదిలో దాగిన గురువే
వెదకును ప్రియ శిష్యునిచట వేడుక మీరన్
ప్రభాకర శాస్త్రి గారూ,
తొలగించుమీ పూరణ బాగున్నది. అభినందనలు.
తద్విద్ధి ప్రణిపాతేన పరిప్రశ్నేన సేవయా
రిప్లయితొలగించుఉపదేక్ష్యన్తి తే ఙ్ఞానం ఙ్ఞానినతత్వదర్శనః
గురుపదమది మది నిలుపుచు
పరిప్రశ్నల సేవజేసి పదిలముగోరన్
పరవశమున దివ్యంబగు
పరతత్వము బోధజేయు వరముగ దినమున్
సీతాదేవి గారూ,
తొలగించుఅద్భుతమైన పూరణ చెప్పారు. అభినందనలు.
ధన్యోస్మి గురుదేవా!నమస్సులు!!
తొలగించుపరిప్రశ్నయే పరతత్త్వబోధ కలిగిస్తుంది... చక్కని పద్యం... నమోనమః
తొలగించుశ్రీమతి సీతాదేవి గారికి అభినందనలు...... మురళీకృష్ణ
ధన్యవాదములు మురళీకృష్ణగారూ!నమస్సులు!!
తొలగించు(తిక్కనమహాకవి నెల్లూరు నగరంలో పినాకినీనదీతీరంలో శిష్యుడైన గురునాథునితో}
రిప్లయితొలగించుశిష్య!గురునాథ!మననది జేరినాము;
మదికి సంతోష మాయెను;మహితమతివి;
పదిలముగ గంటమును దాళపత్రములను
బట్టి ,తెలుగది వ్రాయుము భారతమ్ము.
బాపూజీ గారూ,
తొలగించుమీ పూరణ బాగున్నది. అభినందనలు.
గురువర్యులు శ్రీ కంది శంకరయ్య గారి శంకరాభరణం
రిప్లయితొలగించునేటి అంశం :: దత్తపది (సంఖ్య-130)
ఇచ్చిన పదాలు :: *నది* *మది* *పది* *గది*
విషయము :: గురు శిష్య సంబంధము
ఛందస్సు :: ఏ ఛందస్సులోనైనా పద్యం వ్రాయవచ్చు.
సందర్భం :: *అజ్ఞాన తిమిరాంధస్య ,జ్ఞానాఞ్జన శలాకయా ।చక్షు రున్మీలితం యేన , తస్మై శ్రీ గురవే నమః।।*
అని మనం గురువుకు నమస్కరిస్తాం. ఎందుకంటే గురువు తన జ్ఞాన మనే తేజస్సుతో మన అజ్ఞాన మనే అంధకారాన్ని పారద్రోలుతాడు.
* కుంభినీధవు జెప్పెడి గురుడు గురుడు*
అని ప్రహ్లాదుడు చెప్పినట్లుగా పరతత్వాన్ని గురించి బోధిస్తాడు. తద్వారా బ్రహ్మానందాన్ని అందిస్తాడు.
శిష్యుడు గురువుగారి బోధనలను భక్తిశ్రద్ధలతో *శ్రవణం* చేసి క్రమంగా *మననం* మొదలైనవాటిని చేస్తూ జ్ఞానిగా మారుతాడు. ఇలా తమ ధర్మములను చక్కగా నిర్వహిస్తే గురుశిష్యుల బంధం పెరుగుతుంది. ఆదర్శవంత మౌతుంది అని వివరించే సందర్భం.
*మది* నజ్ఞానపు చీకటిన్ దునుము, శ్రీమద్ జ్ఞానతేజమ్మునన్,
*పది* లమ్మౌ పరతత్వ బోధ నిడు శోభన్ శిష్యవర్గానికిన్,
ముద మందింప *గ , ది* వ్య మార్గముల జూపున్ , సద్గురుం డెన్న ; వి
*న్నది* శ్రద్ధన్ మననమ్ము జేయు మదిలోనన్ శిష్యుడున్ భక్తితో ,
నిది పెంచున్ *గురుశిష్యబంధము* ను వర్ణింపంగ నాదర్శమౌ.
*కోట రాజశేఖర్ నెల్లూరు.* (5.1.2018)
కోట రాజశేఖర్ గారూ,
తొలగించుమీ పూరణ ఉత్తమంగా, ఆదర్శంగా ఉంది. అభినందనలు.
సవరణ :: మూడవపాదంలో {శోభన్ శిష్య వర్గానికిన్ అనేదానికి బదులుగా} *శోభన్ గూర్చు శిష్యాళికిన్* అని మార్పు చేసి చదువ ప్రార్థన. కోట రాజశేఖర్.
తొలగించుశ్రీ కంది శంకరయ్య గురువర్యులకు హృదయపూర్వక ప్రణామాలు. కోట రాజశేఖర్.
తొలగించు
రిప్లయితొలగించుగంగానదివలె ప్రవహిం
పంగన్ జ్ఞానము గురువులు పదిలముగా నే
ర్పంగన్నింగియె హద్దుయ
నంగ దినదినము మదిమది నమతుడు వటువున్!
జిలేబి
రిప్లయితొలగించుమననంబన్నది నేర్పున్
తనశిష్యులకు, పదిలముగ తరియింపన్ జే
యునది మన మది, నిషంగది
మన గురువులుగ దినదినము మన్నిక గూర్చున్!
జిలేబి
జిలేబీ గారూ,
తొలగించుమీ రెండు పూరణలు బాగున్నవి. అభినందనలు.
'హద్దు+అనంగ' అన్నపుడు సంధి నిత్యం. యడాగమం రాదు.
వరమది గద చైతన్యపు
రిప్లయితొలగించుపరమోన్నత స్థాయి చేర్చి పదిలపరుచగా
గురువు గదిత విలువైనది
తరియించెను జ్ఞాన జన్మ ధన్యుడ నేనై ౹౹
(గదిత = మాట, పలుకు)
రఘురామ్ గారూ,
తొలగించుమీ పూరణ బాగున్నది. అభినందనలు.
జ్ఞాన రవళియె నినదించ చారుతరము
రిప్లయితొలగించుగురువు పాదద్వయమదియె గుండె నిలుపు!
ఇంపుగమది,బాప దిశాంత నిరుల నెపుడు
చెలగ దివ్యమౌ గురుశిష్య చెలిమి లోన
శ్రీరామారావు గారూ,
తొలగించుమీ పూరణ బాగున్నది. అభినందనలు.
గురు శిష్య చెలిమి.... దుష్టసమాసం. "గురువు శిష్యుల చెలిమియెః" అందామా?
మైలవరపు వారి పూరణ
రిప్లయితొలగించుచదివినది గురువులు తెలిపి
నది మది గది పదిలబరచినన్ దృఢతరమౌ
పది రెట్లు మెచ్చు గురువది ,
యిది శిష్యునికందజేయు నిహ పర సుఖమున్ !!
మైలవరపు మురళీకృష్ణ వెంకటగిరి
మైలవరపు వారూ,
తొలగించుమీ పూరణ అద్భుతంగా ఉన్నది. అభినందనలు.
ధర్మమది శిష్యునకు సదా ధరణిపైన
రిప్లయితొలగించుతనధిషణ పెంచిన గురువు తలచుకొనుచు
పదిలముగ మానసమ్మున ముదముగొనుట
తరగదీ భక్తి బ్రతికినంతవరకుభువి
అన్నపరెడ్డి వారూ,
తొలగించుమీ పూరణ బాగున్నది. అభినందనలు.
కం: మదిలో శంకల దీర్చుచు
రిప్లయితొలగించునది సాగర మందు చేరు నడత దెలుపుచున్
పది మందికి కృప కురియును
గదిలోన తపమ్ము నుండి కదలక కూడన్
(నది సాగరమందు చేరు నడత అనగా ముక్తి మార్గం. మహనీయుడైన గురువు ఎవరితోనూ ముఖతః ఎక్కువ మాట్లాదక పోయినా కృపని వర్షిస్తూ ఉంటాడు )
రవిప్రసాద్ గారూ,
తొలగించుమీ పూరణ ప్రశస్తంగా ఉన్నది. అభినందనలు.
కందం
రిప్లయితొలగించుగదిలో విజ్ఞాన ఝరిని
నదిలా పారించి తనను నమ్మిన శిష్యుల్
మదిలో దైవమ్ము వలెను
పదిలమ్ముగనిడు త్రిమూర్తి వరుడే గురువౌ
సహదేవుడు గారూ,
తొలగించుచక్కని పూరణ. అభినందనలు.
'వలె'ను 'లా' అనడం వ్యావహారికం. అక్కడ "నదివలె" అనండి.
గురుదేవులకు ధన్యవాదములు.
తొలగించుకందం
గదిలో విజ్ఞాన ఝరిని
నదివలె పారించి తనను నమ్మిన శిష్యుల్
మదిలో దైవమ్ము వలెను
పదిలమ్ముగనిడు త్రిమూర్తి వరుడే గురువౌ
రిప్లయితొలగించునిషంగదియె కందివరులు! నెమ్మ దిన్ సదా
విషక్తముగ నిచ్చు ! భళి కవీశ్వరుండితం
డు! సంఘమును జేర్చెనదియె డోల నమ్ములా
డ! శంకరుని కొల్వు పదికుడా! రమించుమా !
డిండిమ
జిలేబి
జిలేబీ గారూ,
తొలగించుమీ డిండిమ వృత్త పూరణ బాగున్నది. అభినందనలు.
'నిషంగది, విషక్తము' శబ్దాల అర్థాలకోసం ఆంధ్రభారతిని సంప్రదించవలసి వచ్చింది!
తొలగించుకంది వారు
నెనరుల్ !
జిలేబి వరుసల్ భళిభళి చిత్రమయ్యెనే :)
జిలేబి
పదిలమైనవిద్య పదుగురి మేలుకై
రిప్లయితొలగించుగురుకులాన గదిని గురువు తెల్పు;
నదియు తెలిసి కొనుచు నానా విధమ్ముల
మంచి శిష్యుడెపుడు మదిన నిల్పు.
శ్రీనాథ్ గారూ,
తొలగించుమీ పూరణ బాగున్నది. అభినందనలు.
'మదిని' అనండి.
నదికి వోలెను కలుషముల్ నాశమొంద
రిప్లయితొలగించుమదికి చిద్భావనా సుధర్మంబుఁదెలిపి
పదియు వందలు వేలు నేర్వంగ'మంచి'
గదికి తలుపులు తెఱచెడు ఘనత నరయు
పరమ గురు శిష్యు లమర ప్రభావ విదులు
ప్రసాద రావు గారూ,
తొలగించుమీ పూరణ బాగున్నది. అభినందనలు.
ధన్యవాదములు ఆర్యా!
తొలగించుగురువు బోధించి నది తాను మరువ కుండ
రిప్లయితొలగించుమదిని నిల్పు చు శిష్యుడు మహి ని వెలుగు
పది ల మగు పాత్ర త కలిగి భవి త యందు
బాగు పడగ దివ్య ము గ నుండు భాగ్యమబ్బు
నాలుగవ పాదము లో మూడవ గణం వ్య త్వమౌ అని చదవాలి
తొలగించురాజేశ్వర రావు గారూ,
తొలగించుమీ పూరణ బాగున్నది. అభినందనలు.
గురువు బోధించునది వేగ కొరత లేక
రిప్లయితొలగించువిషయమది యేది యైనను విని గ్రహించి
మదిని పదిలము గావించిమనగ వలెను
పరగ బెదిరింపు గదిరింపు బనికి రావు
శిష్యునకును గురువు బోధ చేయు వేళ.
జనార్దన రావు గారూ,
తొలగించుమీ పూరణ బాగున్నది. అభినందనలు.
ఆచార్య రాణి సదాశివ మూర్తి గారి పూరణ..........
రిప్లయితొలగించుసంస్కృతే అనుష్టుభి..
నదితం మదిభశ్రోత్రే
గదితం భవతాద్భుతమ్।
పూతస్సపది దేవాహం
ధన్యో మాన్యోఽభవమ్ భువి।।
శ్రీ గురుభ్యోన్నమః!! శ్రీ రాణి సదాశివమూర్తిగారు మద్గురుదేవులు శ్రీ శ్రీ శ్రీ పరిపూర్ణ ప్రకాశానంద భారతీస్వామివారి పుత్రులు!!
తొలగించుగురుప్రస్తావనతో సమస్యనిడిన ఈ రోజే వారి పేరు పూరణ చూడగలగడం మహద్భాగ్యము! ధన్యోస్మి!! వారి దివ్యచరణములకు ప్రణామాలు!!
పదిలముకాగ శిక్ష్యునెడ పావనమై చను భావనమ్ములన్
రిప్లయితొలగించుమది నిలుపంగగావలెను మాటికినొజ్జ గురుండుకిన్కతో
గదిమెనటంచు కత్తులను గైకొని ఖండనసేయ పాపమౌ
నది గురుశిక్ష్యబంధన మనాదిగ నుత్తమమౌను దల్పగన్
భాస్కరమ్మ గారూ,
తొలగించుమీ పూరణ బాగున్నది. అభినందనలు.
'ష్య'కు బదులుగా 'క్ష్య' టైపు చేశారు.
పదిలమైనదిగురుశిష్యబంధమిలను
రిప్లయితొలగించుగురువుబోధించుగదితలునిరతమతడు
మదిని మననజేయుచునుండుమానకుండ
నదియబంధమువారిదియనుటదగును
సుబ్బారావు గారూ,
తొలగించుమీ పూరణ బాగున్నది. అభినందనలు.
పదిలమ్ముగ విని సద్గురు
రిప్లయితొలగించువదనచ్యుత నిగదితములు పరిచర్యలు నె
మ్మది నాచరించ శిష్యులు
నదీతటీన్యాయమునఁ జనవలె గురువులున్
[దరి నదికి రక్ష, నది దరికి నిత్యము సన్నిహితము.
సమర్థంబులగు పదంబు లేకపదం బగుట సమాసంబు కావున “నదీతటీన్యాయము” పరస్పరానుబంధమను నర్థమున నన్యార్థప్రయోగమని నా భావన.]
కామేశ్వర రావు గారూ,
తొలగించుమీ పూరణ ఉత్తమంగా ఉన్నది. అభినందనలు.
పూజ్యులు శంకరయ్య గారికి నమః పూర్వక ధన్యవాదములు.
తొలగించుదినదిన మెలమిని తీరిచి దిద్దును
రిప్లయితొలగించు.....బాధ్యత లెరిగిన పౌరునిగను
మదిమది బోధించి మంచిచెడులలోని
.....తారతమ్యము నేరు దారి జూపు
పదిలముగా గురు వాక్కుల మదినుంచి
.....జ్ఞానుల బాటలో సాగి పోవు
గదితలో సౌమ్యత యెదలోన స్వచ్ఛత
.....నెరపుచు బెంచును గురుని పరువు
కొడుకు కన్న మిన్న గురువుకు ఛాత్రుడు
తల్లి తండ్రి పిదప దైవ మతడె
శిష్యునకును వసుధ చెప్పగా నింకేల
నిట్టి వారి బంధ మిలకు రక్ష.
మిస్సన్న గారూ,
తొలగించుమీ పూరణ సర్వశ్రేష్ఠంగా ఉన్నది. అభినందనలు.
ధన్యవాదాలు గురువుగారూ.
తొలగించుగురు శిష్యుల బంధమ్మది
రిప్లయితొలగించుపరువంబును బెంచ గలుగు|పదిలముగానే|
గురువే దైవంబన్నది
సరిపడ?దాగదిక|మంచి సంస్కృతిమనలో|
ఈశ్వరప్ప గారూ,
తొలగించుమీ పూరణ బాగున్నది. అభినందనలు.
సమ్మతి యగు గురువునకు సంతతమ్ము
రిప్లయితొలగించుశిష్యుని ప్రగతి తనదిగా చేసికొనుట
దారి చూప, దినమురాత్రి తగఁ జదివిన
గురువునకు నది యిచ్చును కరము తృప్తి
అన్నపరెడ్డి వారూ,
తొలగించుమీ పూరణ బాగున్నది. అభినందనలు.
నది ప్రవహించు నటులనే
రిప్లయితొలగించుమది పరుగిడ జేసి గురువు మాన్యుడు కాగా
గదికే పరిమిత మవకన్
పది మందికి జ్ఞాన మోసగవలె శిష్యుడొగిన్
కృష్ణారావు గారూ,
తొలగించుమీ పూరణ బాగున్నది. అభినందనలు.
'జ్ఞాన మొసగ..' టైపాటు.
.......................దత్త పది.
రిప్లయితొలగించునది మది పది గది
ఈ పదాలతో గురుశిష్య సంబంధం
**************************************
సందర్భం: జ్ఞానమే యెంతో విలువైనది. సిరి సంపద లె న్నున్నా మనశ్శాంతి సున్న. ఈ లోకంలో ధైర్యవంతునిగా పై లోకంలో దివ్యునిగా మానవుని తీర్చిదిద్దడానికి గురువు తప్ప మరెవ్వరూ లేరు.
==============================
విలువైనది జ్ఞానంబే!
కలుము ల వెన్నైన శాంతి
కలదే మదిలో!..
నెలకొలుప దిటవరిగ నరు
నిల దిద్దగ దివ్యునిగ
మరెవ్వరు? గురువే!...
మరొక పూరణము:
సందర్భం: గురువు శివునివంటివాడు కావాలి. శిష్యుడు భగీరథుని వంటి వాడు కావాలి. శ్రద్ధతో ప్రార్థించాలి. అప్పుడు జ్ఞాన మనే గంగ దిగి వస్తుంది. మన ముందు తరాల వారు కూడ ఆ జ్ఞాన ధారలో జలకాలాడి పవిత్రులై స్వర్గానికి వెళ్ళగలరు.
==============================
పరమ శివునివంటి గురువు దొరికెనేని
అవని జ్ఞాన గంగా నది యవతరించు-
శిష్యు డా భగీరథు నట్లు చెలగి, మదిని
శ్రద్ధ గలిగి ప్రార్థనమును సలుపగ దిగు-
నఘములు నశింప దివమున కరుగుచుంద్రు
తరతరాల వా రా జ్ఞాన ధార మునిగి...
✒~ డా.వెలుదండ సత్యనారాయణ
వెలుదండ వారూ,
తొలగించుమీ రెండు పూరణలు అద్భుతంగా ఉన్నవి. అభినందనలు.
పదిలముగ దివ్యమంగళు నెదను గొలుచు
రిప్లయితొలగించునటుల విద్యల నేర్పెడి నయ్యవారి
పొగడు శిష్యుని కనుగొన దిగులు వీడి
తనదు ప్రేమ దిగదుడు పనెనట గురువు !
శ్రీధర రావు గారూ,
తొలగించుమీ పూరణ బాగున్నది. అభినందనలు.
పది తడవలు చెప్పగ నే
రిప్లయితొలగించునది నీ మది కెక్కదు గద నరవర సుతుడా!
గదిరించిన లొంగవుగా!
చదువెందుకు నీకు నాకు చతికిల బడనా?
ప్రభాకర శాస్త్రి గారూ,
తొలగించుమీ పూరణ బాగున్నది. అభినందనలు.
పదిమందికి విజ్ఞానము
రిప్లయితొలగించునదివలె ప్రవహింపజేయు నాచార్యుండే
మదిగదిలో గొలువుండెడు
కుదురగు దైవమ్ము గాదె కువలయమందున్!!!
నదివలె గలగల పారుచు
రిప్లయితొలగించుమదినిండుగ భక్తి తోన మర్మము లేకన్
గదిరించిన గురు వన్నను
పదిలము గాసేవ జేయు భాగ్యము పొందన్
నదివలె గలగల పారుచు
రిప్లయితొలగించుమదినిండుగ భక్తి తోన మర్మము లేకన్
గదిరించిన గురు వన్నను
పదిలము గాసేవ జేయు భాగ్యము పొందన్ [ నొందన్ ]
కం:-
రిప్లయితొలగించుమదినిండా జ్ఞానమలరి
పదిమందికి బోధజేయ బదరకమనమున్
గదిరించకహర్నిశము మ
నదికి దగిన మార్గమొసగు నరుడే గురుడౌ!!!
@ మీ పాండురంగడు*
౦౭/౦౧/౨౦౧౮
కం:-
రిప్లయితొలగించుమదినిండుగ జ్ఞానమలరి
పదిమందికి బోధజేయ బదరకమనమున్
గదిరించకహర్నిశము మ
నదికి దగిన మార్గమొసగు నరుడే గురుడౌ!!!
@ మీ పాండురంగడు*
౦౭/౦౧/౨౦౧౮