గావుము తల్లితల్లివిగ! కాంతుని వీడితిమమ్మరోయనన్ రావణుఁ, బెండ్లియాడినది రాజిత సీత సకామయై భళా స్థావరమౌ వికుంఠమును చట్టని వీడి, జిలేబి, రాఘవున్, దావము చేరి భర్త సయి తాను విముక్తిని గూర్చి బ్రోచెనే
గురువర్యులు శ్రీ కంది శంకరయ్య గారి శంకరాభరణం సమస్యాపూరణ :: నేటి సమస్య సంఖ్య 2561 *రావణుఁ బెండ్లియాడినది రాజిత సీత సకామయై భళా.*
సందర్భం :: సీతాదేవిని అపహరించి , లంకలో అశోకవనంలో నిర్బంధించి , ఆమె తన వైభవాన్ని జూచి తనకు వశమౌతుందని , తనను వరిస్తుందని కలలు గనే రావణుడు , శిల్పులను పిలిపించి భవిష్యత్తులో నా గొప్పతనం చిరస్థాయిగా ఉండేట్లుగా *’’ సీత తనంతట తానుగా కోరి రావణుని పెండ్లాడినది.’’* అని రాతిస్తంభములపై నా చరిత్రను వ్రాయండి అని ఆజ్ఞాపించిన సందర్భం.
రావణు డిట్లనెన్ సరిగ వ్రాసెడి శిల్పుల బిల్చి, సీత తా నా వనవాసి రాము మనసారగ జేరగ బోదు, లంకలో నా వశమై చరించు, నను నాథునిగా వరియించు నింక స ద్భావన , రాతికంబముల వ్రాయుడు నాదు చరిత్ర మీ రిటుల్, *’’రావణుఁ బెండ్లి యాడినది రాజిత సీత సకామయై భళా’’* *కోట రాజశేఖర్ నెల్లూరు.* (02.01.2018)
తన ఆశ్రమంలో వాల్మీకి ధరణిజకు రావణుని వృత్తాంతం విశద పర్చుచు అన్న మాట: ****)()(**** అతడు మోహాంధుడేకాని యల్పుడౌనె? రాజనీతి యందున జాల రాటు దేలె వలచి మండోదరీ భామ వచ్చి కోరి రావణుని బెండ్లియాడె ! ధరాతనూజ!
పరివృత, ఆవృత, నివృత, వివృత సంవృతాదికాలుగా ఆయా ఉపసర్గలతో కూడుకొన్నదిగా కాక కేవలం వృత అన్న పదంగా ప్రయోగించబడటం కేవలం సాంకేతికంగా సరైనదే కావచ్చునేమో కాని ఎన్నడూ ఇంతవరకూ నా అల్పజ్ఞానానికి గమనికలోనికి వచ్చినది కాదు సుమా! వివరించినందుకు ధన్యవాదాలు.
కవిమిత్రులకు నమస్కృతులు. ఉదయం బయలుదేరి వరంగల్, మహబూబాబాద్ వెళ్ళి మళ్ళీ ఇప్పుడే హైదరాబాదు చేరుకున్నాను. రోజంతా ప్రయాణం వల్ల అలసిపోయాను. ఈరోజు మీ పూరణలను సమీక్షించలేను. మన్నించండి. ఈనాటి సమస్యకు చక్కని పూరణలందించిన మిత్రులందరికీ అభినందనలు, ధన్యవాదాలు.
ఘనుడు దశరథ రాముని గాంచి వలచి,
రిప్లయితొలగించండిశివుని విల్లును ద్రుంచిన శ్రీకరుడను
శూరుడతనిని ; ...నవ్వుచు జూచి దనుజ
రావణునిఁ:...బెండ్లియాడె ధరాతనూజ
మయుని తనయ మండోదరి మంజురూప
రిప్లయితొలగించండిపరిణయంబాయె శివభక్తు బ్రహ్మవంశ్యు
రావణుని ; బెండ్లియాడె ధరాతనూజ
రమ్యగుణధాము రఘువంశ్యు రామచంద్రు.
రాము డెవరిని నిర్జించె రణము నందు?
రిప్లయితొలగించండిపరమ శివుడేమి జేసెను పార్వతి గని ?
దాశరథి మది దోచిన తరుణి యెవరు?
రావణునిఁ; బెండ్లియాడె ; ధరాతనూజ
అశోక వనములోని సీత మనసు మార్చుటకై రావణుని కీర్తిస్తున్న రాక్షస స్త్రీల మాటలు:-
రిప్లయితొలగించండిమయుని కూతురు, సుందర మదన శరము,
వదన చంద్రిక, దనుజేశు వలపు పంట,
సారసాక్షి, మండోదరి కోరి వచ్చి
రావణునిఁ బెండ్లియాడె| ధరాతనూజ||
రిప్లయితొలగించండికెవనిబంటు పెడద్రోవకేగ, గావ
రావణునిఁ, బెండ్లియాడె ధరాతనూజ
రామదేవుని, ముదిత గారవము గాను
వెంట నడచె నడవులకు వేగిరమ్ము !
జిలేబి
రిప్లయితొలగించండిగావుము తల్లితల్లివిగ! కాంతుని వీడితిమమ్మరోయనన్
రావణుఁ, బెండ్లియాడినది రాజిత సీత సకామయై భళా
స్థావరమౌ వికుంఠమును చట్టని వీడి, జిలేబి, రాఘవున్,
దావము చేరి భర్త సయి తాను విముక్తిని గూర్చి బ్రోచెనే
జిలేబి
ఈ కామెంట్‌ను రచయిత తీసివేశారు.
రిప్లయితొలగించండిఅపహృతాబల మాయాసురాత్మభూత
రిప్లయితొలగించండిరావణుని పెండ్లియాడె, ధరా తనూజ
పరిణయంబాడె శివధనుర్భంగ భీము
రమ్య గుణధాము శ్రీరాము రక్తి తోడ
క్రమాలoకారం లో
రిప్లయితొలగించండిభామ మం డో దరెవరి కి భార్య య య్యే ?
చేవ చూపు చు రాముడు శివుని చాప
మెక్కుపెట్ట గ వరి యించి రెవరత ని ని ?
రావణుని ;పెండ్లి యా డె ధరా తనూ జ
మైలవరపు వారి పూరణ
రిప్లయితొలగించండిఇల జనించి, వధింపగా నెంచి దుష్ట
రావణుని , పెండ్లియాడె ధరాతనూజ
దశరథాత్మజు , తాను వేదవతి నాడు !
హాని కల్గించు కామ మోహములు నమ్ము !!
మైలవరపు మురళీకృష్ణ వెంకటగిరి
త్రిజట పల్కులను పరిహసిస్తూ మరో రాక్షసాంగన ఇలా👇 అంటోంది...
తొలగించండికావవి సత్యముల్ కలను గాంచినవన్నియు , నేనుఁ గంటి లం...
కా వర రాజ్యనాథు దశకంఠుని భీమబలున్ మనోహరున్
రావణుఁ బెండ్లియాడినది రాజిత సీత సకామయై ! భళా !
నీవను మాటలున్ కలయె ! నేనును గన్నది స్వప్నమే సఖీ !!
మైలవరపు మురళీకృష్ణ వెంకటగిరి
ఈ కామెంట్‌ను రచయిత తీసివేశారు.
రిప్లయితొలగించండిగురువర్యులు శ్రీ కంది శంకరయ్య గారి శంకరాభరణం
రిప్లయితొలగించండిసమస్యాపూరణ :: నేటి సమస్య సంఖ్య 2561
*రావణుఁ బెండ్లియాడినది రాజిత సీత సకామయై భళా.*
సందర్భం :: సీతాదేవిని అపహరించి , లంకలో అశోకవనంలో నిర్బంధించి , ఆమె తన వైభవాన్ని జూచి తనకు వశమౌతుందని , తనను వరిస్తుందని కలలు గనే రావణుడు , శిల్పులను పిలిపించి భవిష్యత్తులో నా గొప్పతనం చిరస్థాయిగా ఉండేట్లుగా *’’ సీత తనంతట తానుగా కోరి రావణుని పెండ్లాడినది.’’* అని రాతిస్తంభములపై నా చరిత్రను వ్రాయండి అని ఆజ్ఞాపించిన సందర్భం.
రావణు డిట్లనెన్ సరిగ వ్రాసెడి శిల్పుల బిల్చి, సీత తా
నా వనవాసి రాము మనసారగ జేరగ బోదు, లంకలో
నా వశమై చరించు, నను నాథునిగా వరియించు నింక స
ద్భావన , రాతికంబముల వ్రాయుడు నాదు చరిత్ర మీ రిటుల్,
*’’రావణుఁ బెండ్లి యాడినది రాజిత సీత సకామయై భళా’’*
*కోట రాజశేఖర్ నెల్లూరు.* (02.01.2018)
అఱయుమదె ప్రియమున యా మయాతనూజ
రిప్లయితొలగించండిరావణునిఁ బెండ్లియాడె; ధరాతనూజ
సీత పరిణయ మాడెను శ్రీరమణుని
విధిలిఖితమె గాద యెఱుంగ వేరు కాదు!
వేదవతి దశకంఠుని పీడ నొదలి
తొలగించండిసాకుగ నయోనిజగ జేరె సంహరింప
రావణునిఁ, బెండ్లియాడె ధరాతనూజ
రవికులుడనుఁ సీరధ్వజ రాజ సుతగ
ధర్మ సంస్ధాపనార్థమై ధరణియందు
రిప్లయితొలగించండిమానవాకృతి గైకొనె మాధవుండు
పరమ పావను,రాముని,పాప గణవి
ద్రావణునిఁబెండ్లియాడె ధ రాతనూజ
ధర్మ సంస్థాప నార్థము ధరణి లోన
రిప్లయితొలగించండిజన్మ మెత్తియు దనుజుల సంహరింప
వచ్చి నట్టి మహాత్ముని వలచి,విజిత
రావణుని బెండ్లియాడె ధరాతనూజ.
తన ఆశ్రమంలో వాల్మీకి ధరణిజకు రావణుని వృత్తాంతం విశద పర్చుచు అన్న మాట:
రిప్లయితొలగించండి****)()(****
అతడు మోహాంధుడేకాని యల్పుడౌనె?
రాజనీతి యందున జాల రాటు దేలె
వలచి మండోదరీ భామ వచ్చి కోరి
రావణుని బెండ్లియాడె ! ధరాతనూజ!
ఈ కామెంట్‌ను రచయిత తీసివేశారు.
రిప్లయితొలగించండితేటగీతి
రిప్లయితొలగించండిరామ, రావణ పాత్రల రమ్యముగను
నందమూరియె నటియించ నతులొసంగి
రావణునిఁ బెండ్లియాడె ధరాతనూజ
యనుచు నభిమాని నాలుక నదుము కొనియె
✍️ గుండా వేంకట సుబ్బ సహదేవుడు
ఆదిలక్ష్మియె లక్షించి యవతరించె
రిప్లయితొలగించండిదుష్టసంహార క్రియనందు దోడుగాను
సకల లోకాభిరాముని,జంప దనుజ
రావణుని, బెండ్లియాడె ధరాతనూజ!
రెడడవ పాదములో దుష్టసంహారమందున దోడుగాను గా చదువ ప్రార్ధన!
తొలగించండిభూవలయమ్మునన్ మిగుల బూత చరిత్రుడుసూర్యవంశపున్
రిప్లయితొలగించండిశ్రీవరుడార్య సన్నుతుడు,చిన్మయరూపుడు,మేరుధీరుడన్
పావనుడైన ధాశరధి,పంకజనేత్రునిరాము,నిర్జితా
*’’రావణుఁ బెండ్లి యాడినది రాజిత సీత సకామయై భళా’’*
దాశరధి జన్యమున జంపె దైత్య వీర
రిప్లయితొలగించండిరావణుని;పెండ్లియాడె ధరాతనూజ
శీలి శ్రీరామ చంద్రుని మాలవేసి
హర ధనస్సును పైకెత్తి విరిచినంత
రిప్లయితొలగించండిరఘుకుల ఘనుడు కడతేర్చె రణమునందు
రావణుని;పెండ్లియాడె ధరాతనూజ
ప్రేమ మీఱ కోదండ శ్రీరాముని,కొని
యాడిరి ముని సుర వరులు వేడుక గని
రిప్లయితొలగించండిసమరమున రాముడెవరిని సంహరించె ?
రామచంద్రు డేమియుజేసె భూమిజ గని?
ధర్మపాలక జనకుని తనయ యెవరు?
రావణుని ,పెండ్లియాడె ,ధరాతనూజ !
ఆ మయుని కూర్మినందనయైన లలన
రిప్లయితొలగించండిపరగ మండోదరాఖ్య తా ప్రమద మెసగ
ప్రీతితోడను రాముని బెండ్లియాడె
రావణునిఁ బెండ్లియాడె, ధరాతనూజ
తరుణి మండోదరి మయసుత, దశకంఠ
రిప్లయితొలగించండిరావణునిఁ బెండ్లియాడె; ధరాతనూజ
సీత చేపట్టగా సరసీరుహాక్ష
రాముని, పుడమి మురిసి పరవశ మోందె.
నీలి మేఘ వర్ణునిఁ బరానీక దమను
రిప్లయితొలగించండిదశరథాత్మజ రాముని ధన్వి వరుని
విపుల బాహుని, భావికాలపు నిహంత
రావణునిఁ, బెండ్లియాడె ధరాతనూజ
సేవిత భూసు రానిమిష శేఖర సేంద్ర విరాజమానునిం
బావన సూర్య వంశవర పంక్తి రథాత్మజు రామచంద్రునిన్
భూవల యాధినాథ వరు భూజ మనోరత శూరు శత్రు వి
ద్రావణుఁ బెండ్లియాడినది రాజిత సీత సకామయై భళా
మయునికొమరితమండోదరాఖ్యభామ
రిప్లయితొలగించండిరావణునిబెండ్లియాడె,ధరాతనూజ
కోసలేంద్రుడురామునిగూర్మితోడ
బెండ్లియాడెనుబూమాలవేసి సభను
బూమాలవేసిమెడను
రిప్లయితొలగించండిvery good telugu articels
రిప్లయితొలగించండిLatest Telugu News
పావనమైనయాముదితగభాసురలీలనుగాంచనత్తరిన్
రిప్లయితొలగించండిరావణుబెండ్లియాడినది.రాజితసీతనుసకామయైభళా
యావనమందునన్నునచనాఙ్ఞనునిచ్చెనులక్ష్ణ్మణాఖ్యకున్
భావనజేయగానదియభావ్యముకాదుగననెట్టివారికిన్
రక్తి మండోదరి వరించె రక్కసీడు
రిప్లయితొలగించండిరావణునిఁ, బెండ్లియాడె ధరాతనూజ
సోముని విలు విరిచినట్టి రామ చద్రు
సకల జనులు రాజులుఁ గన సంతతముగ
భూవరుడై జనించె హరి భూభరమున్ హరియించు కాంక్షతో
రిప్లయితొలగించండిపావనమైన ప్రేమమున పంకజ నాభుడు రక్కసీల వి
ద్రావణుఁ బెండ్లియాడినది, రాజిత సీత సకామయై భళా
సేవకుఁడై భువిన్ కలిగె శేషుఁడు లక్ష్మణ నామధేయుడై
పావన సచ్చరిత్ర పరిభాసితుఁడర్క సువంశ వాహనుం
రిప్లయితొలగించండిడావన యజ్ఞరక్షకుఁడహల్యకుఁ తన్నిజ రూప దాతనున్
స్థావర ధైర్య సాహసునిఁ చాపము నెత్తినవానిఁ శత్రు వి
ద్రావణుఁ బెండ్లియాడినది రాజిత సీత సకామయై భళా
మేడిచెర్ల వారి పూరణ
రిప్లయితొలగించండిరావణుని పెండ్లియాడె ధరాతనూజ
యనుచు భ్రాంతినొందెను గదా!హనుమ మదిని
రాణి మండోదరిని జూచి లంక యందు,
సిగ్గుపడె పతివ్రత కదా సీత యనుచు!
...మేడిచర్ల హరినాగభూషణం, గద్వాల.
రామాయణంలోని సంఘటనకు అనుగుణంగా చాలా బాగా రాశారండీ మేడిచర్ల హరినాగభూషణం గారు. వారికి నాయొక్క ఆనందాభినందనలు,ప్రణామాలు.
తొలగించండిమయుని తనయమండోదరి మాసటి యగు
రిప్లయితొలగించండిరావణుని బెండ్లియాడె, ధరాతనూజ
శివుని ధనువును విరచిన చిన్మయుండు
రామచంద్రుని చేపట్టి రహిని గాంచె!!!
మాసటి = వీరుడు
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,, ,,,,,,,,,,,,,,
{ రావణ సభలో అంగదరాయబారము జరుగు చున్న సమయంలో
అంగద రూపంలో రావణుడు పంపిన ఒక రాక్షసుడు రాముని చెంత
కేగి పలుకుట . }
" రావణు బెండ్లి యాడినది రాజిత సీత సకామయై భళా
కావున యుధ్ధ మాపి దశకంఠునితో , మన మెల్ల వెన్కకున్
బోవుద " మంచు నంగదుని బోలిన రాక్షస మాయ పల్కగా
పావని దాని గుర్తెరిగి భస్మ మొనర్చెను క్రోధ వీక్షణనన్
నారినెక్కుపెట్టకయున్న నవ్వుచు గని
రిప్లయితొలగించండి"రావణునిఁ, బెండ్లియాడె ధరాతనూజ"
ధనసుఁ భంగమొనర్చిన ధర్మరూపు
రాముని ముదమున సభలో రక్తితోడ
ఈ కామెంట్‌ను రచయిత తీసివేశారు.
రిప్లయితొలగించండినా “శ్రీమదాంధ్ర సుందర కాండ” ఏకోనపఞ్చాశ సర్గమున నేటి పద్యములలో నొకటి.
రిప్లయితొలగించండివిభ్రాజమాన మమరా
దభ్ర విరాజిత నితాంత తరళ సిత మహా
శుభ్రేందురత్న జాల వృ
త భ్రాజిత మకుట దీప్త దశముఖుఁ గాంచెన్
మూలము:
భ్రాజమానం మహార్హేణ కాఞ్చనేన విరాజతా.
ముక్తాజాలావృతేనాథ మకుటేన మహాద్యుతిమ్৷৷5.49.2৷৷
జాల వృత అని పద్యంలో గణంకోసం వ్రాయటం సబబుగా ఐనిపించటం లేదండి. జాల+ఆవృత=జాలావృత కాగా ఆవృతను వృతగా మార్చుతానంటే ఎలాగు? ఏదైనా విశేషసమర్ధన ఉందంటే దానిని తెలియజేయ ప్రార్థన.
తొలగించండిజాల + వృత సరియైనదే కదా!
తొలగించండివృతము : శంకరనారాయణ తెలుగు-ఇంగ్లీష్ నిఘంటువు 1953
తొలగించండిa.
1. covered, surrounded;
2. chosen, selected.
పరివృత, ఆవృత, నివృత, వివృత సంవృతాదికాలుగా ఆయా ఉపసర్గలతో కూడుకొన్నదిగా కాక కేవలం వృత అన్న పదంగా ప్రయోగించబడటం కేవలం సాంకేతికంగా సరైనదే కావచ్చునేమో కాని ఎన్నడూ ఇంతవరకూ నా అల్పజ్ఞానానికి గమనికలోనికి వచ్చినది కాదు సుమా! వివరించినందుకు ధన్యవాదాలు.
తొలగించండికవిమిత్రులకు నమస్కృతులు.
రిప్లయితొలగించండిఉదయం బయలుదేరి వరంగల్, మహబూబాబాద్ వెళ్ళి మళ్ళీ ఇప్పుడే హైదరాబాదు చేరుకున్నాను. రోజంతా ప్రయాణం వల్ల అలసిపోయాను. ఈరోజు మీ పూరణలను సమీక్షించలేను. మన్నించండి.
ఈనాటి సమస్యకు చక్కని పూరణలందించిన మిత్రులందరికీ అభినందనలు, ధన్యవాదాలు.
దావము నందునన్ దరుగ దారుణ రీతిని ముక్కుయున్ జెవుల్
రిప్లయితొలగించండిమావలె సీత కూడ నవమానము నొందఁగ మత్సహోదరున్
పావనిఁ దెమ్మనంటి నిట పంతము తోడను, స్వప్నమందునన్
రావణుఁ బెండ్లియాడినది రాజిత సీత సకామయై భళా!
గు రు మూ ర్తి ఆ చా రి
రిప్లయితొలగించండి,,,,,,,,,,,,,,,,,,,,,,,,,,, ,,,,,,,,,,,,,,
{ రావణ సభలో అంగదరాయబారము జరుగు చున్న సమయంలో
అంగద రూపంలో రావణుడు పంపిన ఒక రాక్షసుడు రాముని చెంత
కేగి పలుకుట . }
" రావణు బెండ్లి యాడినది రాజిత సీత సకామయై భళా
కావున యుధ్ధ మాపి దశకంఠునితో , మన మెల్ల వెన్కకున్
బోవుద " మంచు నంగదుని బోలిన రాక్షస మాయ పల్కగా
పావని దాని గుర్తెరిగి భస్మ మొనర్చెను క్రోధ వీక్షణనన్
రిప్లయితొలగించండి***************
దాశరధి జన్యమున జంపె దైత్య వీర
రావణుని;పెండ్లియాడె ధరాతనూజ
శీలి శ్రీరామ చంద్రుని మాలవేసి
హర ధనస్సును పైకెత్తి విరిచినంత
తే.గీ.
******
రఘుకుల ఘనుడు కడతేర్చె రణమునందు
రావణుని;పెండ్లియాడె ధరాతనూజ
ప్రేమ మీఱ కోదండ శ్రీరాముని,కొని
యాడిరి ముని సుర వరులు వేడుక గని
తే.గీ.
******
సమరమున రాముడెవరిని సంహరించె ?
రామచంద్రు డేమియుజేసె భూమిజ గని?
ధర్మపాలక జనకుని తనయ యెవరు?
రావణుని ,పెండ్లియాడె ,ధరాతనూజ !
-🎇ఆకులశాంతిభూషణ్
రాముడెవరిని తా జంపె రణమునందు
రిప్లయితొలగించండి*"రావణునిఁ, బెండ్లియాడె ధరాతనూజ
హరుని విల్లును విరిచిన యారఘువరు
మునులు సురలును మెచ్చంగ ముదము తోడ
2.మయుని తనయ నెవ్వానిని మదిని వలచి
మనువు కోరె తాను మమత తోడ
*"రావణునిఁ,.. బెండ్లియాడె ధరాతనూజ
ముదమున శ్రీరామ చంద్రుని పుడమి యందు
ఠీవిగ మృత్యుదేవతయె ఢీకొని ముద్దిడి లంకనందునన్
రిప్లయితొలగించండిరావణుఁ బెండ్లియాడినది;...రాజిత సీత సకామయై భళా!
పూవుల బెట్టి రాఘవుని పూజలు జేయుచు పెండ్లియాడెగా...
నీవల కాదు పృచ్ఛకుడ నెగ్గగ నన్నిట కైపదమ్ములన్!