మూర్తి గారూ ధన్యవాదములు. ------------------------------------- చెడు తిరుగుడు తిరిగెడు ఒక గుడి అర్చకు చిన్న కొడుకు కూడలి నడువన్ పడి పడి నవ్వుచు జనులనె మడిగట్టిన శ్రోత్రియుండు మద్యము ద్రాగెన్.
వసంత్ కీశోర్ గారూ, మీ మూడు పూరణలూ ప్రశస్తంగా ఉన్నాయి. అభినందనలు. మొదటి పూరణలోని ఆ "పద గుంఫనం" ప్రశంసనీయం. నాకూ, మిత్రులకూ కొత్త పదాలను "నేర్పుతున్నారు. ధన్యవాదాలు. మీరు "ఒదిలి"ని వదలి పెట్టరా? రెండవ పూరణలో "తపము వదలి" అంటే సరి. ఇక మూడవ పూరణ "గుండమ్మ కథ" చిత్రంలోని "వేషము మార్చెను" పాటను గుర్తుకు తెచ్చించి.
రాజేశ్వరి నేదునూరి గారూ, మంచి భావంతో సమస్యను పూరించారు. అభినందనలు. అయితే మొదతి పాదంలో గణదోషం, రెండవ పాదంలో యతిదోషం ఉన్నాయి. నా సవరణలు బ్రాకెట్లలో ..... గుడిలో ఫూ(జ)రి బాపడు పెడ బుద్ధులు పుట్టె గాన (విడచెను పరువున్) చెడు (నేస్తులతో) దిరుగుచు మడి గట్టిన శ్రోత్రియుండు మద్యము త్రాగెన్!
శంకరార్యా ! ధన్యవాదములు ! అయ్యో ! ఇది శాస్త్రిగారిని వదలి నన్ను పట్టుకున్నట్టుంది. దీనికి ఆయనే హక్కుదారుడు ! _______________________________________
ప్రేమనగర్ సినిమా అందరికీ తెలిసిందే గదా ! కల్యాణ్(ఎ ఎన్ ఆర్) వాణిశ్రీ కోసం నిర్మించిన ప్రేమ నగరు వదలి పోతుంది అలిగి ! మనవాడు మామూలేగా మద్యం పుచ్చుకోడం ! అదీ కథ ! సమజయ్యిందా !
04) _______________________________________
విడి పోయెను ప్రేమ నగరు చిడిముడి పడి చిన్నదంచు - చెలి చెంగలికై చిడియను మరువని కల్యాణ్ మడిగట్టిన శ్రోత్రియుండు - మద్యము ద్రాగెన్ _______________________________________
వసంత్ కిశోర్ గారూ, మీ సెకండ్ ఇన్‌స్టాల్‌మెంట్ ఆరు పూరణలూ చూసాను. బాగున్నాయి. అభినందనలు. నాల్గవ పూరణ బాగుంది. అయితే కళ్యాణ్ మడిగట్టిన శ్రోత్రియుడు కాదు కదా! మొదటినుండీ తిరుగుబోతూ, త్రాగుబోతే ............. :-) ఐదవ పూరణ బాగుంది. ఆరవ పూరణలో "నడవచ్చును" అనడం గ్రామ్యం. "నడవ దగును" అందాం. మిగిలిన మూడు పూరణలూ నిర్దోషంగా చక్కగా ఉన్నాయి. అభినందనలు.
మిస్సన్న గారూ ధన్యవాదములు. మిత్రుల పూరణలన్నీ బ్రహ్మాండముగా ఉన్నాయి. కిశోర్ జీ మీ పద్యాల ప్రవాహానికి గొడు గక్కఱ లేదు,తడవడము మా కిష్టమే. క్రొత్త మాటలు చదివిస్తున్నారు,ఎంతవరకు అంటుకొంటాయో తెలియదు. మా నోట్లో తవళి ఆడే లోపల కశ్యము త్రావిస్తున్నారు, చూద్దాము.
గురువు గారూ మీ పూరణ చాలా బాగుంది. మరి నా స్వానుభవము సంగతి ; రెండు వారముల క్రితము చంద్రశేఖరుల వారి గృహములో ఏదో తాగించారు. చంద్ర భాసురమని నా అనుమానము. పద్యాల వ్రాతలలో యేమైనా తేడా ఉంటే అది వారి మహిమే !
మిస్సన్న గారు ఏదో ఒక పదప్రయోగం (ఇప్పుడు,పెదవి విరుపులు)చేసి చతుర సంభాషణ చేయందే వూరుకోరు గదా! బాబూ, మళ్ళా నేను మొదలపెట్టానంటే మాష్టారు మనిద్దరికీ కలిపి మార్కులు తీసేసి క్లాసులోంచి బయటికి పంపుతారు (నవ్వుతూ). నా చిన్నప్పుడు రాజు అనే ఫ్రెండ్ తో అదే జరిగేది. తెగనవ్వే వాళ్ళం, క్లాసులోంచి గెంటబడే వాళ్ళం. వుంటా.
హమ్మ! ఏదో చెప్పేసి తప్పించుకొందామనే! ఇప్పుడే నిఘంటువు చూశా, పెదవి కి పర్యాయపదాలు - మోవి, వాతెర అని. మీరు "మూతి" దాకా వెళితే వెళ్ళండి బాబు. నాకు అలాంటి తెలుగు రాదు బూబూ, రాదు గాక రాదు.
గోలి హనుమచ్ఛాస్త్రి.
రిప్లయితొలగించండి'గుడిగంట ' నాటకంబున
గుడిలో పూజారి పాత్ర 'గోపడు 'వేసెన్
సడి లేక మధ్య మధ్యన
మడిగట్టిన శ్రోత్రియుండు మద్యము ద్రాగెన్.
హనుమఛ్ఛాస్ర్తి గారూ పూరణ చాలా బాగుంది !
రిప్లయితొలగించండిగోలి హనుమచ్ఛాస్త్రి.
రిప్లయితొలగించండిమూర్తి గారూ ధన్యవాదములు.
-------------------------------------
చెడు తిరుగుడు తిరిగెడు ఒక
గుడి అర్చకు చిన్న కొడుకు కూడలి నడువన్
పడి పడి నవ్వుచు జనులనె
మడిగట్టిన శ్రోత్రియుండు మద్యము ద్రాగెన్.
కడునిష్ఠఁబ్రతికినద్విజుఁడు
రిప్లయితొలగించండికడపటిదినముల కలుగగ కఫమే, వైద్యుం
డిడినట్టి"మందు"గొని, యనె:
మడిగట్టిన శ్రోత్రియుండు మద్యము ద్రాగెన్
గోలి హనుమచ్ఛాస్త్రి గారూ,
రిప్లయితొలగించండిమీ రెండు పూరణలూ బాగున్నాయి. అభినందనలు.
రెండవ పూరణలో "నవ్వుచు జను లనె" అనడంకంటె "నవ్వి జనులనిరి" అంటే బాగుంటుందేమో?
ఊకదంపుడు గారూ,
మంచి పూరణ. నిజమే! ఆ మందుల్లో ఆల్కహాల్ ఇంత శాతం అని ఉంటుందికదా. బాగుంది. అభినందనలు.
అందరికీ వందనములు.
రిప్లయితొలగించండిఅందరి పూరణలూ
అలరించు చున్నవి.
01)
_______________________________________
కడు నిడుగడ పడి హండులు
కడవ గలుప , కచుని బిడుక; - కశ్యము తోడన్
గడగడ నా గుడ్డి గురుడు
మడిగట్టిన శ్రోత్రియుండు , - మద్యము ద్రాగెన్.
_______________________________________
హండులు = రాక్షసులు
పిడుక = బూడిద
కశ్యము = మద్యము
గుడ్డి గురుడు = శుక్రుడు
________________________________________
మాస్టారు గారు బాగా రాసారు
రిప్లయితొలగించండిగుడిలో ఫూజారి బాపడు
రిప్లయితొలగించండిపెడ బుద్ధులు పుట్టె గాన పరువును విడచెన్ !
చెడు మైత్రివెంట దిరుగుచు
మడి గట్టిన శ్రోత్రియుండు మధ్యము త్రాగెన్ !
తపస్సునొదలి
రిప్లయితొలగించండితరుణి వెంట బడిన వాడు
తాగకుండా ఉంటాడా అని;
తాగిందేంటో నాకు తెలియదు !
తెలిసిన వాళ్ళెవరైనా చెప్పవచ్చు !
02)
______________________________________
వెడలెను గాధేయుడు , తడ
బడు నడకల , నాట్యమాడు - పడతుక వెంటన్
వడివడిగా , తపము నొదలి !
మడిగట్టిన శ్రోత్రియుండు - మద్యము ద్రాగెన్.
______________________________________
03)
రిప్లయితొలగించండి______________________________________
పిడికెడు హృదయము నందున
కడలిని మించిన తగులము - కలిగిన దాసే
ఎడబాటును మరచుటకై
మడిగట్టిన శ్రోత్రియుండు - మద్యము ద్రాగెన్
______________________________________
తగులము = ప్రేమ
దాసు = దేవదాసు
______________________________________
వసంత్ కీశోర్ గారూ,
రిప్లయితొలగించండిమీ మూడు పూరణలూ ప్రశస్తంగా ఉన్నాయి. అభినందనలు.
మొదటి పూరణలోని ఆ "పద గుంఫనం" ప్రశంసనీయం. నాకూ, మిత్రులకూ కొత్త పదాలను "నేర్పుతున్నారు. ధన్యవాదాలు.
మీరు "ఒదిలి"ని వదలి పెట్టరా? రెండవ పూరణలో "తపము వదలి" అంటే సరి.
ఇక మూడవ పూరణ "గుండమ్మ కథ" చిత్రంలోని "వేషము మార్చెను" పాటను గుర్తుకు తెచ్చించి.
రాజేశ్వరి నేదునూరి గారూ,
మంచి భావంతో సమస్యను పూరించారు. అభినందనలు.
అయితే మొదతి పాదంలో గణదోషం, రెండవ పాదంలో యతిదోషం ఉన్నాయి. నా సవరణలు బ్రాకెట్లలో .....
గుడిలో ఫూ(జ)రి బాపడు
పెడ బుద్ధులు పుట్టె గాన (విడచెను పరువున్)
చెడు (నేస్తులతో) దిరుగుచు
మడి గట్టిన శ్రోత్రియుండు మద్యము త్రాగెన్!
ఈ కామెంట్‌ను రచయిత తీసివేశారు.
రిప్లయితొలగించండిశంకరార్యా !
రిప్లయితొలగించండిధన్యవాదములు !
అయ్యో ! ఇది శాస్త్రిగారిని వదలి
నన్ను పట్టుకున్నట్టుంది.
దీనికి ఆయనే హక్కుదారుడు !
_______________________________________
ప్రేమనగర్ సినిమా
అందరికీ తెలిసిందే గదా !
కల్యాణ్(ఎ ఎన్ ఆర్) వాణిశ్రీ కోసం
నిర్మించిన ప్రేమ నగరు వదలి పోతుంది అలిగి !
మనవాడు మామూలేగా మద్యం పుచ్చుకోడం !
అదీ కథ ! సమజయ్యిందా !
04)
_______________________________________
విడి పోయెను ప్రేమ నగరు
చిడిముడి పడి చిన్నదంచు - చెలి చెంగలికై
చిడియను మరువని కల్యాణ్
మడిగట్టిన శ్రోత్రియుండు - మద్యము ద్రాగెన్
_______________________________________
విడి = వదలి
చిడిముడి = తొందరపాటు
చెంగలి = సమీపము
చిడియ = వనిత
_______________________________________
గడగడ వేదముఁ జదువును
రిప్లయితొలగించండిమడి గట్టిన శ్రోత్రియుండు; మద్యము ద్రాగెన్
ఇడుమలకు దూర మవ్వగ
బడు గొక్కఁడు బుడ్డి యందు బ్రహ్మము గనియెన్ !
మరి ఆంగ్ల భాషలో ' స్పిరిట్ ' అంటారు కదాండీ !
వసంత మహోదయుల మొదటి పూరణ, నరసింహ మూర్తి గారి పూరణ చాల బాగునాయి.
రిప్లయితొలగించండిశంకరార్యా! ధన్యవాదములు.కిశోర్ జీ!నేను ఒదలిని వదలి పెట్టానండీ.ఎటు పోయిందా అనుకుంటున్నాను.మీవద్దకు వచ్చిందా....త్వరగా వదిలెయ్యండి.ఇటు మాత్రం పంపకండేం!
రిప్లయితొలగించండిగోలి హనుమచ్ఛాస్త్రి.
విలక్షణంగా పూరించే ప్రయత్నంలో - వృత్తి ప్రవృత్తులను అన్వయిస్తూ
రిప్లయితొలగించండివేడెను కాయలకై గు
మ్మడి గట్టిన శ్రోత్రియుండు, మద్యము ద్రాగెన్
దడి గట్టిన కూలి మనిషి
బడలిక దీరన్,ప్రవృత్తి పర భేద మిదే (మో)!
మనవి: ప్రవృత్తి లో "ప్ర " లఘువనే నిర్ణయించాను. మాష్టారు వివరించగలరు.
శంకరయ్య గారూ, ధన్యవాదములు.
రిప్లయితొలగించండిఇది కూడా పరిశీలించండి
తాటిచెట్టు కింద కూర్చొని ఏమిదాగినా కల్లేఅంటారని ఒక సామెత -
అలా అన్వయిస్తూ
గుడివీధిలోన మరిమొద
లిడిరిలె సారాయికొట్టు లేకను నీతే;
నడువన్,పూజారనరే-
మడిగట్టిన శ్రోత్రియుండు మద్యము ద్రాగెన్.
గుడి ఫ్రక్కన బారు వెలసె
రిప్లయితొలగించండివిడువక పూజారినంత వేద ద్రోహుల్
మెడబట్టి త్రాపె మద్యము
మడిగట్టిన శ్రోత్రియుండు మద్యము ద్రాగెన్.
అందరి పూరణలూ
రిప్లయితొలగించండిఅలరించు చున్నవి.
05)
________________________________________
చెడు కాలము , వచ్చెను పో
కుడి ఎడ మగు , ఎడమ మారు - కుడిగా, కనరే
చెడు మాటలు, పెడ బుద్దులు !
మడిగట్టిన శ్రోత్రియుండు - మద్యము ద్రాగెన్ !
________________________________________
06)
రిప్లయితొలగించండి________________________________________
జడివానలొ గొడుగుండిన
నడవచ్చును తడవకుండ ! - నరులకు తరమే
గడి లేదిల; చెడు రేగగ
మడిగట్టిన శ్రోత్రియుండు - మద్యము ద్రాగెన్ !
________________________________________
గడి = ఎల్ల
________________________________________
07)
రిప్లయితొలగించండి________________________________________
కుడుపరు తల్లికి ,దండ్రికి
వెడల నడుపు నింటి నుండి - వెంగలు లౌరా !
కొడి గట్టెను ఘన సంస్కృతి !
మడిగట్టిన శ్రోత్రియుండు - మద్యము ద్రాగెన్ !
________________________________________
వెంగలి = మూఢుఁడు
________________________________________
08)
రిప్లయితొలగించండి________________________________________
ఎడ ,ఎడ ,ఎడవగు; నిజమిది!
విడి పోవుటె మేలటన్న - వినతులు వినగా !
మడుగాయెడు , హృదయము గని
మడిగట్టిన శ్రోత్రియుండు - మద్యము ద్రాగెన్ !
________________________________________
ఎడ = హృదయము.
ఎడవు = దూరము
________________________________________
చిన్న సవరణతో :
రిప్లయితొలగించండి09)
________________________________________
కడుపాకలి తీర్చుటకై
పడుచులు చేపట్టి రయ్యొ - పడుపు పనులనే !
గొడవెందుకు చిరు తప్పుకు ?
మడిగట్టిన శ్రోత్రియుండు - మద్యము ద్రాగన్ !
_________________________________________
వసంత్ కిశోర్ గారూ,
రిప్లయితొలగించండిమీ సెకండ్ ఇన్‌స్టాల్‌మెంట్ ఆరు పూరణలూ చూసాను. బాగున్నాయి. అభినందనలు.
నాల్గవ పూరణ బాగుంది. అయితే కళ్యాణ్ మడిగట్టిన శ్రోత్రియుడు కాదు కదా! మొదటినుండీ తిరుగుబోతూ, త్రాగుబోతే ............. :-)
ఐదవ పూరణ బాగుంది.
ఆరవ పూరణలో "నడవచ్చును" అనడం గ్రామ్యం. "నడవ దగును" అందాం.
మిగిలిన మూడు పూరణలూ నిర్దోషంగా చక్కగా ఉన్నాయి. అభినందనలు.
మిస్సన్న గారూ ధన్యవాదములు. మిత్రుల పూరణలన్నీ బ్రహ్మాండముగా ఉన్నాయి. కిశోర్ జీ మీ పద్యాల ప్రవాహానికి గొడు గక్కఱ లేదు,తడవడము మా కిష్టమే. క్రొత్త మాటలు చదివిస్తున్నారు,ఎంతవరకు అంటుకొంటాయో తెలియదు. మా నోట్లో తవళి ఆడే లోపల కశ్యము త్రావిస్తున్నారు, చూద్దాము.
రిప్లయితొలగించండిగన్నవరపు నరసింహ మూర్తి గారూ,
రిప్లయితొలగించండిబుడ్డిలో బ్రహ్మాన్ని చూపించారు. స్వానుభవమా? :-)
బాగుంది మీ పూరణ. అభినందనలు.
చంద్రశేఖర్ గారూ,
ప్రశస్తంగా ఉంది మీ పూరణ. అభినందనలు.
"ప్ర" లఘువే. సందేహం లేదు.
ఊకదంపుడు గారూ,
నిజమే. ఆ వీధిలో నడిస్తే జనం అనుమానించడం సహజమే. చక్కని పూరణ. అభినందనలు.
"మొదలిడి రిలె" అనేది "మొదలిడి రిదె"కు టైపాటా?
జిగురు సత్యనారాయణ గారూ,
మంచి పూరణ. అభినందనలు.
దాదాపు ఇలాంటి భావంతోనే నేను పూరిద్దామనుకున్నాను. ఈలోగా ఆ పని మీరే కానిచ్చారు.
నా పూరణ ........
రిప్లయితొలగించండికడుఁ బ్రీతి శ్రుతులఁ జదువుచు
గుడి కేఁగె నెవండు? మత్తుఁ గోరిన పతితుం
డెడ మీక యేమి చేసెను?
మడి గట్టిన శ్రోత్రియుండు; మద్యము ద్రాగెన్.
గురువు గారూ మీ పూరణ చాలా బాగుంది.
రిప్లయితొలగించండిమరి నా స్వానుభవము సంగతి ; రెండు వారముల క్రితము చంద్రశేఖరుల వారి గృహములో ఏదో తాగించారు. చంద్ర భాసురమని నా అనుమానము. పద్యాల వ్రాతలలో యేమైనా తేడా ఉంటే అది వారి మహిమే !
మహాప్రభో! గంగ తప్ప ఇంకేమి తప్ప తాగించ గలడీ చంద్రశేఖరుండు. మీ జూలు నా మీద ఝళిపి౦చకండి, నరసింహ స్వామీ! నమోవాక్కాలు.
రిప్లయితొలగించండిమిస్సన్న గారూ, ఎక్కడ మీ పూరణ? విలక్షణమైన విరుపు ఎక్కడనుండో తేవటం మీ ముద్ర గదా!
రిప్లయితొలగించండిశంకరార్యా !
రిప్లయితొలగించండిధన్యవాదములు !
కల్యాణ్ మొదట్లో మీరన్నట్టే !
వాణిశ్రీ సాహచర్యం లభించాక
కొన్నాళ్ళు మడిగడతాడు గదా !
ఆ సమయంలోనే ప్రేమ నగర్ నిర్మిస్తాడు !
ప్రశ్నార్థ పూరితమైన మీ పూరణ బావుంది !
మూర్తిగారూ !
బుడ్డిలో బ్రహ్మానందాన్ని మాకెప్పుడు చూపిస్తారు ?
అభినందనలు !
ఔను ! మిస్సన్న మహాశయుల విరుపు లేమైనవి ?
చంద్ర శేఖరా కిశోర్ మహోదయా ఏ విరుపులూ కనబడక పెదవి విరుపులే మిగిలాయి.
రిప్లయితొలగించండిమిస్సన్న గారు ఏదో ఒక పదప్రయోగం (ఇప్పుడు,పెదవి విరుపులు)చేసి చతుర సంభాషణ చేయందే వూరుకోరు గదా! బాబూ, మళ్ళా నేను మొదలపెట్టానంటే మాష్టారు మనిద్దరికీ కలిపి మార్కులు తీసేసి క్లాసులోంచి బయటికి పంపుతారు (నవ్వుతూ). నా చిన్నప్పుడు రాజు అనే ఫ్రెండ్ తో అదే జరిగేది. తెగనవ్వే వాళ్ళం, క్లాసులోంచి గెంటబడే వాళ్ళం. వుంటా.
రిప్లయితొలగించండిచంద్ర శేఖరా నేను వాడిన పదం "పెదవి విరుపు".కాదు"మూతి విరుపు".
రిప్లయితొలగించండినాకేదో అనుమానంగా ఉంది మీరు హిమవన్నగాలకు వెళుతూన్నారేమోనని.
హమ్మ! ఏదో చెప్పేసి తప్పించుకొందామనే! ఇప్పుడే నిఘంటువు చూశా, పెదవి కి పర్యాయపదాలు - మోవి, వాతెర అని. మీరు "మూతి" దాకా వెళితే వెళ్ళండి బాబు. నాకు అలాంటి తెలుగు రాదు బూబూ, రాదు గాక రాదు.
రిప్లయితొలగించండిగుడిలో ముగించి యాగము
రిప్లయితొలగించండివడిగా నా సోమయాజి వహ్వా యనుచున్
కడవడు సుర గుటగుటగుట...
మడిగట్టిన శ్రోత్రియుండు మద్యము ద్రాగెన్
ప్రభాకర శాస్త్రి గారూ,
తొలగించండిమీ పూరణ బాగున్నది. అభినందనలు.
వడలను నైవేద్య మిడెను
రిప్లయితొలగించండిమడిగట్టిన శ్రోత్రియుండు;...మద్యము ద్రాగెన్
కొడుకిట తండ్రిని కాల్చుచు
భడవడు తెలగాణమందు భక్తిని జూపన్