27, మార్చి 2011, ఆదివారం

సమస్యా పూరణం - 268 (ప్రొద్దు పొడిచె)

కవి మిత్రులారా,
ఈ రోజు పూరించ వలసిన సమస్య ఇది ........
ప్రొద్దు పొడిచె నింక నిద్దురింతు

18 కామెంట్‌లు:

  1. రేపు కలదు ఒక పరీక్ష,శ్రద్ధ గలిగి
    రాత్రి యంత టీలు త్రాగి త్రాగి
    ఛదువు చుంటి,గడిచె సమయ మిట్టులె జూడ
    ప్రొద్దు పొడిచె నింక నిద్దురింతు!

    రిప్లయితొలగించండి
  2. చిన్న సవరణ!మొదటి పాదం లో (కలదు +ఒక)సంధి విడిపోయింది .. కనుక

    "రేపు వ్రాయ వలె పరీక్ష,శ్రద్ధ గలిగి"
    అని మార్పు చేస్తున్నాను.

    రిప్లయితొలగించండి
  3. హనుమచ్ఛాస్త్రి గారూ,
    పరీక్ష చదువుల మీ పూరణ బాగుంది. అభినందనలు.

    రిప్లయితొలగించండి
  4. హనుమచ్ఛాస్త్రి గారూ,
    సవరణతో పద్యసౌందర్యం ఇనుమడించింది.

    రిప్లయితొలగించండి
  5. శివుని రాత్రి యంచు సినిమాలు మూడేయ;
    గాఢ నిద్ర తూలె!గార్డు గారు!
    భార్య పెట్టె ఇంట భారీగ ఫుడ్డును
    ప్రొద్దు పొడిచె నింక నిద్దురింతు
    (ఒకానొక శివ రాత్రి నాడు మూడు సినిమాల డ్యూటీ చేసిన సెక్యూరిటీ గార్డు కు ఇంటికి రాగానే భార్య ఎక్కువగా వడ్డించింది.బాగా తినేసాడు. ఇంకేముందీ తెల తెల్లవారుతుండగానే నిద్ర తన్నుకొచ్చింది పాపం గార్డు గారికి)

    రిప్లయితొలగించండి
  6. ముద్దు లొలుకు వాఁడు మామచ లువఱేఁడు
    గగన మందు వెల్గు ఘనముగా ననుచును
    వేచి యున్నతార వేసారి దాఁదల్చె
    ప్రొద్దు పొడిచె నింక నిద్దురింతు

    రిప్లయితొలగించండి
  7. అందరికీ వందనములు !
    అందరి పూరణలూ
    అలరించు చున్నవి !

    01)
    నవ వధువు మనసులో :
    ___________________________________

    తెల్ల వార్లు కునుకు - తీయ నీయ డతడు
    అతని ప్రేమ మందు - అలసి నాను !
    రమ్య మలర తిరిగి - రాత్రి వచ్చే లోపు !
    ప్రొద్దు పొడిచె నింక - నిద్దు రింతు !
    ___________________________________

    రిప్లయితొలగించండి
  8. వసంత కిషోర్ గారూ.. బాగుంది మీ పూరణ..
    అలాంటి భావం లో రాయలని అనిపించింది ఎందుకో...

    కొత్త పెండ్లి కొడుకు కోరిక లెన్నెన్నొ
    నిదుర బోద మన్న నిలువ నీడు
    అలసి పోతి నేను; ఆపుము! యోబావ!
    ప్రొద్దు పొడిచె నింక నిద్దు రింతు

    రిప్లయితొలగించండి
  9. సాప్టువేరు కొలువు, క్షణము తీరిక లేదు
    తమి సమయమున పని దనుజుల వలె
    అమెరికా సమయమె యాంధ్రాన మాకును
    ప్రొద్దు పొడిచె నింక నిద్దురింతు!!

    తమి = రాత్రి

    రిప్లయితొలగించండి
  10. రాత్రి షిఫ్టు లంచు రాడాయె నింటికి
    ప్రొద్దు పొడిచె నింక నిద్దురింతు
    ననెడు సాఫ్టువేరు తనయుని గనితల్లి
    యేల తిప్ప లనుచు జాలి వడియె!

    రిప్లయితొలగించండి
  11. చలువ రేడు సరస సల్లాపముల నాడి
    వెన్నెల కురిపించె వేడ్క తోడ ;
    తార వైపు జూచ( తడనె, "నే నలసితి
    పొద్దు పొడిచె నింక నిద్దు రింతు"

    రిప్లయితొలగించండి
  12. అంతా సాఫ్టువేర్ వాళ్ళ మీద పడ్డారు. మరి చందమామ తనలోతాను ఎమనుకొంటున్నడో తేటగీతి లో చూద్దాము:

    రేతిరంత కలువరేడు రెప్ప వాల్చ
    కుండ,పండురేయండను నిండ గాసి
    నెంచె "ప్రొద్దు పొడిచె నింక నిద్దురింతు,
    పద్మబాంధవు రాకడఁ బలకరించి"!

    రిప్లయితొలగించండి
  13. మిత్రులందరి పూరణలు ముచ్చట గొలుపుతున్నవి. నేనకొన్న భావానికి వసంత కిశోర్ మరియు టేకుమళ్ళ గారు అక్షర రూపమిచ్చారు . బాగున్నవి .ఉండ బట్టలేక ఏదో పురించానని అనిపించాను .

    రేయి గడిచి పోయె రేరాజు ముద్దాడ
    కలువ మురిసి విరిసె కొలను సాక్షి !
    కమల ముద్దు మోము కమలేశు ముద్దాడ
    ప్రొద్దు పొడిచె, నింక నిద్దురింతు !

    రాత్రి వేళ రక్కె రాకాసి దోమలు
    నైటు గార్డు డ్యూ టి నరక మయ్యె
    పొట్ట కూటి కొఱకు పుట్టెడు బాధలు
    ప్రొద్దు పొడిచె, నింక నిద్దురింతు !

    రిప్లయితొలగించండి
  14. చంద్ర కాంతు లందు సరదాలు దీఱంగ
    కులికి తన్ను మఱచె కుముద నెలత
    ఉష్ణరశ్మి యందు నోపదు హృదయమ్ము
    ప్రొద్దు పొడిచె నింక నిద్దురించె

    రిప్లయితొలగించండి
  15. రేయి మించె గాని రేరాజు రాడేల
    చుక్క లన్ని చెదరి చిక్కి పోయె
    వెన్నె లమ్మ చూడ వెలవెల బోయెనే
    ప్రొద్దు పొడిచే నింక నిద్దురింతు !

    రిప్లయితొలగించండి
  16. మిత్రు లందరికీ వందనాలు. ఉదయం ఒక్కొక్కరి పూరణలను ప్రస్తావిస్తూ వ్యాఖ్యలు టైపు చేస్తుండగా పవర్ కట్. సేవ్ చేయని వ్యాఖ్యలన్నీ పోయాయి. అర్జంటుగా ఒక పని మీద వెళ్ళవలసి ఉన్నందున విడివిడిగా వ్యాఖ్యానించలేక పోతున్నాను. మన్నించండి.
    పూరణలు పంపిన
    గోలి హనుమచ్ఛాస్త్రి గారు,
    టేకుమాళ్ళ వెంకటప్పయ్య గారు,
    మందాకిని గారు,
    వసంత్ కిశోర్ గారు,
    జిగురు సత్యనారాయణ గారు,
    మిస్సన్న గారు,
    నాగరాజు రవీందర్ గారు,
    చంద్రశేఖర్ గారు,
    మంద పీతాంబర్ గారు,
    గన్నవరపు నరసింహ మూర్తి గారు,
    నేదునూరు రాజేశ్వరి గారు.
    అందరికీ అభినందనలు, ధన్యవాదాలు.

    రిప్లయితొలగించండి