10, అక్టోబర్ 2018, బుధవారం

సమస్య - 2813 (తిరుమలలో వెలసినట్టి...)

కవిమిత్రులారా,
నేటి నుండి తిరుమల శ్రీవారి బ్రహ్మోత్సవాలు!

ఈరోజు పూరించవలసిన సమస్య ఇది...
"తిరుమలలో వెలసినట్టి దేవుఁడు హరుఁడే"
(లేదా...)
"తిరుమలలోన వర్ధిలెను దేవుఁడుగా శశిమౌళి ప్రీతిగన్"

90 కామెంట్‌లు:

  1. (1)
    (తిరుమలలో వెలసిన వరాహస్వామిని గురించి....)
    హరియె హిరణ్యాక్షుని వెస
    వరాహ రూపమ్ముఁ దాల్చి వధియించెఁ గదా!
    హరుఁ డన వినాశకర్తయె;
    తిరుమలలో వెలసినట్టి దేవుఁడు హరుఁడే!
    (2)
    (తిరు=శ్రీ; మల=శైలము; తిరుమల= శ్రీశైలము)
    'తిరు' తమిళంపు శ్రీ యనఁగఁ దెల్లమె, యా 'మల' యన్న శైలమౌ
    నురు వనమై తనర్చు నది యొప్పుగ నల్లమలాఖ్య యందు స
    త్కరుణను భక్తసంఘమునుఁ గాఁచుచు శ్రీభ్రమరాంబ తోడుగాఁ
    దిరుమలలోన వర్ధిలెను దేవుఁడుగా శశిమౌళి ప్రీతిగన్.

    రిప్లయితొలగించండి
  2. అరయగ శంకర గురువర!
    తిరుమల కైలాసమనగ తెలిసితి నిపుడే
    విరుపులు చేయగ జాలను:👇
    తిరుమలలో వెలసినట్టి దేవుఁడు హరుఁడే :)

    తిరు = పూజ్యమైన
    మల = కొండ
    తిరుమల = (holy hill) కైలాస పర్వతము

    రిప్లయితొలగించండి
    రిప్లయిలు
    1. సార్! నేను మిమ్మల్ని కాపీ కొట్టలేదు. నిన్న మీరు లీకుజేయగనే తట్టిన ఊహ ఇది !

      తొలగించండి

    2. ఎక్కడ ఎక్కడ వికీ లీక్స్ ఎక్కడ :)


      జిలేబి

      తొలగించండి
    3. ప్రభాకర శాస్త్రి గారూ,
      మీ పూరణ బాగున్నది. అభినందనలు.
      మేధావులు ఒకే విధంగా ఆలోచిస్తారని ఏదో ఆంగ్లసామెత ఉన్నట్టుంది. (Wise men thin alike... అనుకుంటాను. నాకంతగా ఆంగ్లపరిజ్ఞానం లేదు!)

      తొలగించండి
  3. మరుని జనకుండు,సిరిపతి,

    తిరుమలలో వెలసినట్టి దేవుడు, హరుడే

    మరుని తన నయనము తెరచి

    పరిమార్చి హిమగిరి సుతను పరిణయ మాడెన్

    రిప్లయితొలగించండి
    రిప్లయిలు
    1. కృష్ణ సూర్యకుమార్ గారూ,
      విరుపుతో మీ పూరణ బాగున్నది. అభినందనలు.

      తొలగించండి

  4. హరియే వేంకటపతిగా
    తిరుమలలో వెలసినట్టి దేవుడు, హరుడే
    వరములు గుప్పించుచు మరి
    నిరతము భక్తులను గాచి నిలుచును జగతిన్

    రిప్లయితొలగించండి
  5. మైలవరపు వారి పూరణ

    🙏గానగంధర్వులు ఘంటసాల.. నమోనమః 🙏

    తిరువేంకటాధీశ ! జగదీశా ! కరుణనేలగ రావె కమలేశా !

    శివరూపమీవనుచు చెప్పుదురు కొందరు...
    ఆదిశక్తివటంచు నందురింకొందరు
    నారాయణుండవని నమ్ముదురు కొందరు...

    హరుడని కొందరందురిల , నంబిక యందురు కొంతమంది , కొం...
    దరు హరి యందురంచు మధుధారలు చిప్పిల గానమాధురిన్
    స్మరణము జేసి చూపెను రసాల రసాలము ఘంటసాల ! మా
    తిరుమలలోన వర్ధిలెను దేవుఁడుగా శశిమౌళి ప్రీతిగన్ !!

    మైలవరపు మురళీకృష్ణ వెంకటగిరి

    రిప్లయితొలగించండి
    రిప్లయిలు
    1. మైలవరపు వారి పూరణ మనోహరంగా ఉన్నది. అభినందనలు.

      తొలగించండి
    2. హరియించు కష్టచయమును
      హరియించును పాపరాశి నజ్ఞానంబున్ !
      హరియించువాడె హరుడౌ !
      తిరుమలలో వెలసినట్టి దేవుడు హరుడే !!

      మైలవరపు మురళీకృష్ణ వెంకటగిరి

      తొలగించండి
  6. అరయగ నిల మురహరియును
    హరహర యనినంత బలుకు నారుద్రుండే
    యిరువురు నామది దోచిరి
    "తిరుమలలో వెలసినట్టి దేవుఁడు, హరుఁడే !

    రిప్లయితొలగించండి
  7. వరముల శ్రీహరి నిలచెను
    తిరుమలలో ; వెలసినట్టి దేవుడు హరుడే
    తిరుపతిలో కపిలమునీ
    శ్వరు తీర్థము చెంతనె సతి శాంకరి తోడన్ .

    రిప్లయితొలగించండి
    రిప్లయిలు
    1. బాపూజీ గారూ,
      విరుపుతో మీ పూరణ ప్రశస్తంగా ఉన్నది. అభినందనలు.

      తొలగించండి


  8. హరిహరులొకరె జిలేబీ
    తిరుమలలో వెలసినట్టి దేవుఁడు హరుఁడే
    మరులుగొలుపునుత్సవములు
    మరల మరల రమ్మటంచు మనలను బిలుచున్ !

    బీలేజి అన నేమి జిలేబి అననేమి అన్నియు గుండు సున్నాలే
    హరి యన నేమి హరుడన నేమి అన్నియు తానే
    గోవిందా గోవిందా గొ విందా !


    జిలేబి

    రిప్లయితొలగించండి
  9. హరియే భవహరుడై యిల
    దిరుమల లో వెలసినట్టి దేవుఁడు, హరుడే
    హరియింప పాపముల శ్రీ
    గిరిపై సతితోడ నిలిచె క్షేమము గూర్చన్

    రిప్లయితొలగించండి
  10. కరుణను చూచెద జనులను
    సరియగు ముడుపుల నుగట్టి సంతస మొందన్
    మరువక భక్తిని కొలిచిన
    తిరుమలలో వెలసినట్టి దేవుఁడు హరుడే

    రిప్లయితొలగించండి
    రిప్లయిలు
    1. అక్కయ్యా,
      మీ పూరణ బాగున్నది. అభినందనలు.
      'కరుణను జూచును' అని ఉంటే బాగుంటుంది.

      తొలగించండి
    2. కరుణను చూచును జనులను
      సరియగు ముడుపుల నుగట్టి సంతస మొందన్
      మరువక భక్తిని కొలిచిన
      తిరుమలలో వెలసినట్టి దేవుఁడు హరుడే

      తొలగించండి


  11. కొండ పైన రాజు ఉండు :)
    మన ప్రక్కన భిక్షువు :)


    సరసి! తలమ్ము బట్టి గద సత్తువ, టెక్కులు ! గానవే సఖీ,
    పరపతి వచ్చు కొండని నృపాలడవన్! హరి యందుకే గదా
    తిరుమలలోన వర్ధిలెను దేవుఁడుగా! శశిమౌళి ప్రీతిగన్
    సరసన వాయులింగ మయె చాయగ చక్కగ కాళహస్తిలో !


    జిలేబి

    రిప్లయితొలగించండి
  12. హరి హరులొక్క ట భేదము
    తి రమని రార్యు లు గననగు దృష్టా oతము గా
    తిరు వేంకటేశ్వ రు డై
    తిరుమల లో వెలసినట్టి దేవుడు హరుడే

    రిప్లయితొలగించండి
    రిప్లయిలు
    1. రాజేశ్వర రావు గారూ,
      మీ పూరణ బాగున్నది. అభినందనలు.
      మూడవ పాదంలో గణదోషం. "తిరు వేంకటేశ్వరుండై" అనండి.

      తొలగించండి
  13. హరియే కలియుగ మందున
    తిరుమలలో వెలసినట్టి దేవుఁడు, హరుఁడే
    నారాయణి యండను గొని
    పరిణయమునుచేసె హరికి పద్మావతితో

    రిప్లయితొలగించండి
    రిప్లయిలు
    1. అన్నపరెడ్డి వారూ,
      విరుపుతో మీ పూరణ ప్రశస్తంగా ఉన్నది. అభినందనలు.

      తొలగించండి
  14. డా.పిట్టా సత్యనారాయణ
    హర!హర!యెన్నియొ మారులు
    తిరుమల దర్శించ నేగి తిరుగు ప్రయాణాల్
    బరువడి జేయగ మడిసిరి
    తిరుమలలో వెలిసినట్టి దేవుడు హరుడే!


    రిప్లయితొలగించండి
    రిప్లయిలు
    1. డా. పిట్టా వారూ,
      మీ పూరణ బాగున్నది. అభినందనలు.

      తొలగించండి
    2. కాని మీరు పూరణలో వెలిబుచ్చిన భావంతో నేను ఏకీభవించడం లేదు.

      తొలగించండి
    3. డా. పిట్టా నుండి
      ఆర్యా, కలడు గలండనెడు..........డో.!నా55వ యీడున ధనికుడనై ఏడు కొండలెక్కినాను.చచ్చినవారు మన వారు కాదేమో!Man's belief in a machine is greater than that of the one in God.I grieve for the dead.

      తొలగించండి
  15. హరిహర నాథుడే వెలిసె నాగిరి శ్రీగిరి విశ్వనాథుడై
    తిరుమల వేంకటేశునిగ తీరెను తిర్పతి దేవదేవుడే
    యరయగ భేద భావమది యంధున కేతగు; నిర్వురొక్కరే!
    తిరుమలలోన వర్ధిలెను దేవుఁడుగా శశిమౌళి ప్రీతిగన్
    ****)()(****
    శ్రీగిరి = శ్రీశైలం

    రిప్లయితొలగించండి
  16. హరియించగ పాపములను
    పరగిరి శిఖరంబు పైన వరలెడు హరియే
    తిరు వేంకట నాథుడనగ
    తిరుమలలో వెలసినట్టి దేవుడు హరుడే!

    రిప్లయితొలగించండి
  17. హరుని దలంచి సంతతమహామహిమాన్వితభక్తి రాజిలన్

    హరి నిట నన్వయించు కొని యా హరరూపిగ గాఢభక్తిలో

    తరుగిరిసర్వదేశములఁ దన్మయుడై తిలకించు వానికిన్

    తిరుమలలోన వర్ధిలెను దేవుడుగా శశిమౌళి ప్రీతితోన్.
    కంజర్ల రామాచార్య.





    రిప్లయితొలగించండి
  18. గురువర్యులు శ్రీ కందిశంకరయ్య గారి శంకరాభరణం
    సమస్యాపూరణ :: నేటి సమస్య సంఖ్య-2813
    సమస్య :: తిరుమలలోన వర్ధిలెను దేవుఁడుగా, శశిమౌళి ! ప్రీతిగన్.
    తిరుమలలో దేవుడుగా (శశిమౌళి అంటే) శివుడు విరాజిల్లుతున్నాడు అని చెప్పడం ఈ సమస్యలో ఉన్న విశేషం.
    సందర్భం :: పార్వతీ అమ్మవారు తన ప్రాణనాథుడైన పరమేశ్వరుని చెంత చేరి, ఓ శశిమౌళీ! స్థితి కారకుడైన శ్రీ మహావిష్ణువు శ్రీనివాసుడై కలియుగ ప్రత్యక్షదైవంగా ఇప్పుడు తిరుమలలో కొలువై ఉన్నాడు. సృష్టి కారకుడైన బ్రహ్మదేవుడు ఆ స్వామివారికి నేటినుండి బ్రహ్మోత్సవాలను చేయడానికి సిద్ధమై అక్కడకు చేరుకొన్నాడు. లక్షలాదిగా భక్తులు ఆ బ్రహ్మోత్సవాలను తిలకించి పులకించి తరించిపోయేందుకోసం అక్కడకు చేరుకొంటున్నారు. లయకారకుడవైన నీవు కూడా అక్కడే ఉంటే భక్తకోటికి త్రిమూర్తుల అనుగ్రహం ఒకే క్షేత్రంలో లభిస్తుంది కదా. కాబట్టి ఆ బ్రహ్మోత్సవాలను చూచేందుకోసం మనం కూడా తిరుమలకు పోదామండీ రండి అని పిలిచే సందర్భం.

    వరదుని కా రమేశునకు బ్రహ్మ యొనర్చెడి యుత్సవా లటన్
    జరుగును నేటినుండియె ప్రశస్తముగా, గన రమ్ము పోద, మా
    సిరి యురమందు నుండ విలసిల్లెడి విష్ణువె వేంకటేశుడై
    తిరుమలలోన వర్ధిలెను దేవుఁడుగా, శశిమౌళి ! ప్రీతిగన్.
    కోట రాజశేఖర్ పడుగుపాడు నెల్లూరు. (10-10-2018)

    రిప్లయితొలగించండి
  19. హరియైనను హరుడైనను
    హరియించుచు పాపములను హరులైరిగదా!
    ధరలో పాపుల బ్రోవగ
    తిరుమలలో వెలసి నట్టి దేవుఁడు హరుడే.

    రిప్లయితొలగించండి
  20. తిరుమల శ్రీగిరీంద్రముగ, దివ్యుడు వేంకటనాథు నీశుగన్,

    దిరుమణి యీర్ధ్వపుంఢ్రములఁ దిర్యగుదంచితపుంఢ్రమట్లుగన్,

    సిరి ధర నిర్వురన్, గిరిజ శీర్షసురాపగ లట్లు కాంచగన్,

    దిరుమల లోన వర్ధిలెను దేవుడుగా శశిమౌళి ప్రీతిగన్.

    కంజర్ల రామాచార్య.




    రిప్లయితొలగించండి
  21. డా. పిట్టా సత్యనారాయణ
    బరువడి నేక పత్నియని బాగుగ నాదరమందె రాముడే
    బరువుల కల్కి కాలమున భార్యలునిద్దరు,ఏడు కొండలన్
    సరిపడ జేరి భక్తులకు సాయము జేయగ వడ్డి కాసుకే
    తిరుమల లోన వర్ధిలెను దేవుడుగా; శశిమౌళి ప్రీతిగన్!

    రిప్లయితొలగించండి
  22. కవి పండితులు
    శ్రీ కంది శంకరయ్య గారి సమస్య
    ======================
    తిరుమలలోన వర్ధిలెను దేవుడు
    శశిమౌళి ప్రీతిగన్
    ======================
    తిరుమలలో కొలువై ఉన్నది
    శ్రీవేంకటేశ్వర స్వామి అయితె శివుడు
    నెలకొని ఉన్నాడనుటలో అసంబద్దతె
    ఇచట మనకు సమస్య
    ==================
    సమస్యా పూరణం - 279
    ==================

    అడ్డనామమనెను బసవడు-
    నిలువు నామమె యనుచు శ్రీధరుడు
    శ్రేష్టము వైకుంఠమనె వాడు-
    కైలాసమె మిన్ననె వీడు
    వెయ్యేళ్ళకు పూర్వము చూడగ-
    భవుని కొలువనగ ఖ్యాతిగన్
    తిరుమలలోన వర్ధిలెను-
    దేవుడుగా శశిమౌళి ప్రీతిగన్

    ====##$##====

    తురుష్కుల దండయాత్ర, తురుష్కుల
    పరిపాలన కాలంలో పెక్కు హిందూ దేవాలయ
    ములు ధ్వంసము గావించబడినట్లే, విశిష్టాధ్వై
    తం ఉఛ్ఛ స్థితిలో వెలిగిపోతున్న కాలంలో
    పెక్కు శివాలయములు వైష్ణవ ఆలయములుగా
    మార్చబడినవని ఒక వాదన.

    ఉన్నది ఒకటే రెండవది లేదనె అధ్వైత వాదికి
    హరిహర బ్రహ్మాదులు ముగ్గురుగా కనబడరుగా

    కొసమెరుపు: తురుష్కుల ఉనికియే మన దేశ
    ========= మున లేని స్థితి ఉండినను శాంతి
    నెలకొని ఉండునది కాదేమో ! శైవులు, వైష్ణవులు
    కత్తులు దూసుకుని యుద్దాలు చేసే వారేమో!

    ప్రస్తుతం తురుష్క ఏలుబడి దేశాలలో
    షియాలు, సున్నీలు తన్నుకుని చచ్చినట్లు.

    ( మాత్రా గణనము - అంత్య ప్రాస )
    ---- ఇట్టె రమేష్
    ( శుభోదయం)

    రిప్లయితొలగించండి
  23. హరిహర భేదము మనమే
    ర్పరచినదేగద నిజముగ పరమమొకండే
    నరులను కాపాడుటకై
    "తిరుమలలో వెలసినట్టి దేవుడు హరుడే"

    రిప్లయితొలగించండి
  24. కం.
    తిరుమల బ్రహ్మోత్సవముకు
    హరియే యాహ్వానమంపె హరునికి, వచ్చెన్
    గిరిజ సమేతము కొండకు
    తిరుమలలో వెలససినట్టి దేవుడు హరుడే .

    రిప్లయితొలగించండి
  25. రిప్లయిలు
    1. సహదేవుడు గారూ,
      మీ పూరణ బాగున్నది. అభినందనలు.

      తొలగించండి
    2. కందం
      అరయన్ సృష్టికి బ్రహ్మయె
      హరియే స్థితికిన్ లయమ్ము హరునకుఁ జెందన్
      వరదా! యన 'సంకటముల'
      తిరుమలలో వెలసినట్టి దేవుఁడు 'హరుఁడే' !

      తొలగించండి


  26. వరదుడు వేంకటరమణుడు
    తిరుమలలో వెలసినట్టి దేవుఁడు, హరుఁడే
    నరయగ కైలాసంబున
    గిరిజకు భర్తగ వెలసెను కిదుకులవేలా !

    జిలేబి

    రిప్లయితొలగించండి
    రిప్లయిలు
    1. జిలేబీ గారూ,
      మీ పూరణ బాగున్నది. అభినందనలు .
      "హరుడే యరయగ" అనండి.

      తొలగించండి
  27. ఈ రోజు శంకరాభరణంలో "తిరుమలలో ఉన్నది హరుడే" అని నొక్కివక్కాణించిన సుకవులందరికీ ప్రణామాలతో...

    మురళీ కృష్ణుల యాదిగ
    నరయంగాఁ జెప్పె శంకరాభరణంబున్
    విరియంగాఁ బద్యములవి
    *"తిరుమలలో వెలసినట్టి దేవుఁడు హరుఁడే"*

    🙏🏻

    రిప్లయితొలగించండి
    రిప్లయిలు


    1. మరియిందరు గూడి యరే
      మరిమరి యనృతంబులాడ మహిలో‌ సుమతీ
      సరియగు సత్యంబగునా
      తిరుమలలో వెలసినట్టి దేవుఁడు హరుఁడే? :)


      జిలేబి

      తొలగించండి
    2. విట్టుబాబు గారూ
      మీ పూరణ బాగున్నది అభినందనలు.
      "మురళీకృష్ణులు నాది" అనండి.
      ******
      జిలేబీ గారూ,
      మీ పూరణ బాగున్నది అభినందనలు.

      తొలగించండి
  28. రిప్లయిలు
    1. ధరణీ నర గణ జన్మాం
      తర కృత దుష్ట హృదయ జనిత ఘన కలుష సం
      హరణము కైలాసం బను
      తిరుమలలో వెలసినట్టి దేవుఁడు హరుఁడే

      [ తిరుమల = పవిత్రమైన కొండ]


      వర కిటియై హిరణ్యదృ గపార భయంకర దైత్యుఁ జంపి శ్రీ
      ధరణి సతీ సమేతము త్రిధాముఁడు వేంకట నాథు డింపుగన్
      హర సుర పద్మ సంభవుల కప్పుడు సేసిన బాస తప్ప కా
      తిరుమల లోన వర్ధిలెను దేవుఁడుగా శశిమౌళి ప్రీతిగన్

      [శశిమౌళి ప్రీతి = శశిమౌళికి ప్రీతి]

      తొలగించండి
    2. వైకుణ్ఠాత్పరమో హ్యేష వేఙ్కటాఖ్యో నగోత్తమః |
      అత్రైవ నివాసామ్యేవ శ్రీ భూమి సహీతో హ్యహమ్ || ....శ్రీ వరాహ పురాణము. పూర్వ భాగ. శ్రీ వేంక. ప్రథమ భాగ. 35. 12.

      తొలగించండి
    3. కామేశ్వరరావు గారూ మీ రెండు పూరణలు ప్రశస్తంగా ఉన్నవి అభినందనలు

      తొలగించండి
    4. పూజ్యులు శంకరయ్య గారికి నమఃపూర్వక ధన్యవాదములు.

      తొలగించండి
  29. ఆటవిడుపు సరదా పూరణ:
    (జిలేబి గారికి అంకితం)

    హరకిరి జేయ కాంగ్రెసిట హాయిగ నవ్వగ డింపులయ్యరో
    పరుగులు బెట్టె తానపుడు భళ్ళున కుందుచు మందిరాలకున్
    కరుణను మీరి మెచ్చగను గౌరిని చేకొని వీని కోసమే
    తిరుమలలోన వర్ధిలెను దేవుఁడుగా శశిమౌళి ప్రీతిగన్ :)

    తిరు = పూజ్యమైన
    మల = కొండ
    తిరుమల = (holy hill) కైలాస పర్వతము

    రిప్లయితొలగించండి
  30. హరియేవేంకటనాధుగ
    తిరుమలలో వెలసినట్టి దేవుఁడు ,హరుఁడే"
    వరములనిచ్చుచు,భక్తుల
    వరదుడుగాబేరునొందెబ్రజలమనసులోన్

    రిప్లయితొలగించండి
    రిప్లయిలు
    1. సుబ్బారావు గారూ, మీ పూరణ బాగున్నది. అభినందనలు
      "వేంకటపతిగా" అనండి

      తొలగించండి
  31. మరువక భక్తిగ గొలుతురు
    శరణని శ్రీవెంకటేశు సాహిత్యమునన్
    హరిహరు లొకటగు నామమె
    తరతరములుగొలుచుటాయె ధార్మికులెపుడున్
    వెంకటేశుడునందు వెంకట+ఈశుడుగలరు

    రిప్లయితొలగించండి
  32. ..............🌻శంకరాభరణం🌻...............
    ..................🤷🏻‍♂సమస్య🤷‍♀....................
    తిరుమలలో వెలసినట్టి దేవుఁడు హరుఁడే

    సందర్భము: తిరుమలలో వెలిసిన దేవుడు హరుడే!.. అంటే హరించే వాడే! ఏమేమి హరించే వాడు.. అంటే..
    శరణాగతుల పాపములకు హరుడు. (అంటే పాపాలను అపహరించే వాడు.. తొలగించే వాడు.)
    భగవంతుని స్మరణ అనే అమృత పానమునందు మత్తు లయిన జనుల జన్మలకు హరుడు. (అంటే జన్మ రాహిత్యాన్ని అనుగ్రహించే వాడు.)
    మొక్కులు మొక్కుకున్న భక్తుల కేశములకు హరుడు. (కేశ ఖండనం చేయించుకునే భక్తుల కరుణించే వాడు.)
    ఇవన్నీ హరించే వాడు కాబట్టి తిరుమలలో వెలసిన శ్రీ నివాసుడు హరుడే అనవచ్చు.
    ~~~~~~~~~~~~~~~~~~~~~~~
    శరణాగత దురితములకు..
    స్మరణామృత పాన మత్త జన జన్మలకున్..
    వర భక్తుల కేశములకు..
    తిరుమలలో వెలసినట్టి దేవుఁడు హరుఁడే

    ✒~డా.వెలుదండ సత్యనారాయణ
    10.10.18
    -----------------------------------------------------------

    రిప్లయితొలగించండి
  33. తిరువేంకటపతి యేగద
    తిరుమలలో వెలసినట్టి దేవుడు, హరుడే
    స్థిరముగ శ్రీశైలమ్మున
    మెఱిసెను భక్తులను గావ మేదిని యందున్!!!

    అరయగ నన్నియు తానని
    హరిహర రూపము లొకటని యారాధనతో
    నెరిగిన వారందు రిటుల
    తిరుమలలో వెలసినట్టి దేవుడు హరుడే!!!



    రిప్లయితొలగించండి
  34. సిరినురమున దాల్చెనుగా
    తిరుమలలో వెలసినట్టి దేవుఁడు, హరుఁడే
    గిరిజకు నరమేనొసగగ
    హరిహరులను గాంచి సురలు హర్షించిరటన్.

    కరివరదుండా శ్రీహరి
    తిరుమలలో వెలసినట్టి దేవుఁడు, హరుఁడే
    స్థిరముగ కొలువయ్యెను హిమ
    గిరిచెంత మురిపెముతోడ గిరిసుత తోడన్

    రిప్లయితొలగించండి
  35. మరొక పూరణ

    హరియించును దురితంబులు
    తిరుమలలో వెలసినట్టి దేవుఁడు, హరుఁడే
    కరిముఖ స్కంధుల జనకుడు
    గిరిజను గూడుచు సతతము కేళిని సలుపున్.

    రిప్లయితొలగించండి
  36. హరిహరి యని మొఱలిడినన్
    హరియించును పాపములనె యాదరమొప్పన్
    త్వరితమ్ముగ కృప తోడను
    తిరుమలలో వెలసినట్టి దేవుఁడు హరుఁడే

    రిప్లయితొలగించండి
  37. ..............🌻శంకరాభరణం🌻...............
    ..................🤷🏻‍♂సమస్య🤷‍♀....................
    తిరుమలలో వెలసినట్టి దేవుఁడు హరుఁడే

    సందర్భము: తిరుమలలో వెలసిన దేవుడు హరించే వాడే! ఏమేమి టనగా..
    శ్రేష్ఠ మైన భక్తుల పాపములను హరించేవాడే!
    కరుణామృతం కురిపించే చూపుల ప్రసారంచేత గొప్పదైన సంసారమును హరించేవాడే!
    దేవతల శత్రువుల (రాక్షసుల) ప్రాణములను హరించేవాడే!
    అందువల్ల తిరుమలలో వెలసిన దేవుడు హరించేవాడే! అంటే హరుడే!
    ఇందలి విశేషాలు:--
    1. ప్రతి పాదాంతంలోను "హరుడే" అని వస్తుంది...
    2. పాదం మొత్తం ఒకే సంస్కృత సమాసం వుంటుంది.
    ~~~~~~~~~~~~~~~~~~~~~~~
    వర భక్త పాప హరుడే!
    కరుణామృత దృక్ ప్రసార
    ఘన భవ హరుడే!
    సుర వైరి ప్రాణ హరుడే!
    తిరుమలలో వెలసినట్టి
    దేవుఁడు హరుఁడే!

    ✒~డా.వెలుదండ సత్యనారాయణ
    10.10.18
    -----------------------------------------------------------

    రిప్లయితొలగించండి