15, మార్చి 2019, శుక్రవారం

సమస్య - 2958 (శంకరు గెల్చి...)

కవిమిత్రులారా,
ఈరోజు పూరించవలసిన సమస్య ఇది....
"శంకరు గెల్చి రఘువరుఁడు జనులను బ్రోచెన్"
(లేదా...)
"శంకరు నాజి గెల్చి జనసంఘముఁ బ్రోచెను రామభద్రుఁడే"

99 కామెంట్‌లు:

  1. పొంకము నొందెను పార్వతి
    శంకరు గెల్చి;...రఘువరుఁడు జనులను బ్రోచెన్
    లంకను రావణుని గెలిచి
    సంకటముల దీర్చి జనుల సంబరముంగన్

    రిప్లయితొలగించండి


  2. డొంక తిరుగుళ్ళదేలా?
    బొంకుచు పల్కెడు జిలేబి బొమ్మాళీ యే
    వంకర టింకర మాటల
    శంకరు గెల్చి రఘువరుఁడు జనులను బ్రోచెన్?


    జిలేబి

    రిప్లయితొలగించండి
    రిప్లయిలు
    1. జిలేబి గారూ,
      మీ పూరణ బాగున్నది. అభినందనలు.
      'తిరుగుళ్ళవేలా' అని కదా ఉండాలి?

      తొలగించండి
    2. లేదా... డొంక తిరుగు డదేలా... అని ఉండాలి!

      తొలగించండి
  3. సంకటమని దశకంఠుడు
    వంకగ సీతాపహరణ వారధి కాగా
    క్రుంకగఁ జేసెను లోకవ
    శంకరు గెల్చి రఘువరుఁడు జనులను బ్రోచెన్

    రిప్లయితొలగించండి
    రిప్లయిలు
    1. తత్కమనీయమౌ కవన ధారన లోకము మెచ్చు రీతిగా
      సత్కవి విశ్వనాథు వలె శాశ్వత కావ్యము వ్రాసి కీర్తి సం
      పత్కరుడైన మేలుగద!పద్యపు విద్యన మేటి రత్నమా
      సత్కవి, కాని.. నాగఫణి శర్మ వధానముఁ జేయు టెందుకో?

      తొలగించండి
    2. తనదు యవధాన విద్యకు తల్లి వాణి
      మెచ్చి యొడిలోన గూర్చుండ నిచ్చె నెపుడొ
      కుకవు లందరిఁ బొగిడెడు కుటిలు డింక
      "నాగ ఫణిశర్మ సుకవి యనన్" దగండు.

      తొలగించండి
    3. రాకుమార గారూ,
      మీ రెండు పూరణలు బాగున్నవి. అభినందనలు.
      'కవన ధారను' టైపాటు.

      తొలగించండి
  4. లంకను పాలించెడి యా
    శంకర భక్తుడిని చంపి సంగ్రామములో
    శంకర వరములఁ గెలిచెను
    శంకరు గెల్చి రఘువరుఁడు జనులను బ్రోచెన్

    రిప్లయితొలగించండి
    రిప్లయిలు
    1. మల్లేశ్వర్ గారూ,
      మీ పూరణ బాగున్నది. అభినందనలు.
      ఉత్తరార్ధంలో కొంత అన్వయదోష మున్నట్టుంది.

      తొలగించండి
  5. వంకర బుద్ధిని జూపుచు
    పంకజ నేత్రి జనకసుతఁ బంధించిన యా
    లంకాధిపతయగు శివ వ
    శంకరు గెల్చి రఘువరుఁడు జనులను బ్రోచెన్.

    రిప్లయితొలగించండి
    రిప్లయిలు
    1. విరించి గారూ,
      మీ పూరణ బాగున్నది. అభినందనలు.
      'లంకాధిపతి' టైపాటు.

      తొలగించండి
  6. లంకేశుని హతమార్చిన
    యంకము ముగియ శివలింగ మమరించుచు తా
    బింకము నొందక భక్తవ
    శంకరు గెల్చి రఘువరుడు జనులను బ్రోచెన్!
    (బింకము = గర్వము)

    రిప్లయితొలగించండి


  7. రంకెలు వేయ దైత్యులను, రక్తపుటేరుల తేల్చి, చేరుచున్
    వంకలు దాటి, గాధిజుని వర్దిని, మండప మందు, నేర్పుగా
    పొంకముగా కరమ్మునట పొందికగా నమరంగ సింగిణీ
    శంకరు నాజి గెల్చి, జనసంఘముఁ బ్రోచెను రామభద్రుఁడే


    జిలేబి

    రిప్లయితొలగించండి
  8. లంకాపురికిని పావని
    పంకజ నేత్రి ధరసుత నపహరించగ నా
    లంకాధీశుడగు శివ వ
    శంకరు గెల్చి రఘువరుఁడు జనులను బ్రోచెన్.

    రిప్లయితొలగించండి
  9. మైలవరపు వారి పూరణ

    సంకుచితాంతరంగుడు నిశాచరనాథుడు భ్రాతృబోధ ని..
    శ్శంకఁ దృణీకరించి , విలసద్విభవప్రభలొల్కు ద్వీపమౌ
    లంకకు చేటు గూర్చనవురా ! కనకాంచిత రాజ్యభాగ్యనా....
    శంకరు నాజి గెల్చి జనసంఘముఁ బ్రోచెను రామభద్రుఁడే !!

    మైలవరపు మురళీకృష్ణ వెంకటగిరి

    రిప్లయితొలగించండి
    రిప్లయిలు
    1. మైలవరపు వారి పూరణ ఉత్తమంగా ఉన్నది. అభినందనలు.

      తొలగించండి


    2. వావ్!


      కనకాంచిత రాజ్య భాగ్యనాశంకరు!



      చాలా బాగుందండి మైలవరపు వారు
      జిలేబి

      తొలగించండి
    3. నమో నమః.. 🙏🙏
      ఒకటి శ్రీమతి జిలేబీ గారికి..
      మరొకటి మా ప్రభాకరశాస్త్రి గారికి.

      తొలగించండి


  10. కంది వారికి విన్నపాలు

    నిన్నటి సర్వ మాధ్యమాలలో వచ్చిన సమస్యాపూరణలన్నీ డీ టీ పీ చేసి నాగ ఫణి శర్మ గారికి శంకరాభరణము తరపున పీడీయెఫ్ కానుక గా ఇవ్వవలసినదిగా మహజరు !


    ఇట్లు
    జిలేబి చేవ్రాలు

    రిప్లయితొలగించండి
    రిప్లయిలు
    1. నిన్నటి రోజంతా మా మిత్రునితో బిజీగా తిరగడం వల్ల పూరణలు చూడలేదు. ఈరోజు చూసి మీరు కోరినట్లు ప్రయత్నం చేస్తాను.

      తొలగించండి
  11. వంకర బుద్ది చేత మునివర్యుల యజ్ఞము పాడు సేయు,రా
    మాంకిత సీతఁదెచ్చెను,మహాత్ముల సంపద తస్కరించె,శ్రీ
    లంకపురేశ్వరుండు రణరంగ పిశాచము నట్టి ధర్మనా
    శంకరు నాజి గెల్చి జనసంఘముఁ బ్రోచెను రామభద్రుఁడే

    రిప్లయితొలగించండి
    రిప్లయిలు
    1. కృష్ణ గారూ,
      చక్కని పూరణ. అభినందనలు.
      'లంకాపురేశ్వరుడు' అనడం సాధువు. "శ్రీలంకకు పాలకుండు..." అనవచ్చు.

      తొలగించండి
  12. డా.పిట్టా సత్యనారాయణ
    శంకర! యెక్కడి వాక్యము
    పొంకపు పాశ్చాత్య వాణి పుణ్యమొ యేమో
    అంకెల గారడి"యుగమము"న
    "శంకరు గెల్చి రఘువరుడు జనులను బ్రోచెన్?"

    రిప్లయితొలగించండి
  13. డా.పిట్టా సత్యనారాయణ
    వంకర టింకరల్ పొసగ వాసికి పద్య సమస్య గూర్చు నా
    శంకరు నాజి గెల్చి జనసంఘము బ్రోచెనను రామ భద్రుడే;
    పొంకపు సత్యమున్ బలుకు పుణ్యము దక్కెను మాకు నో గురో!
    సంకట బాణవర్షమున సాకెను దాశరథుండె మమ్ములన్!

    రిప్లయితొలగించండి
    రిప్లయిలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.
      'దాశరథుడు' అన్న ప్రయోగ సాధుత్వం విషయంలో సందేహం.

      తొలగించండి
  14. గు రు మూ ర్తి ఆ చా రి
    ,,,,,,,,,,,,,,,,,,,,,,,,,, ,,,,,,,,,,,,,,,,,


    లంకా ప్రభువగు లంకా

    శంకరు గెల్చి రఘువరుడు జనులను బ్రోచెన్ |

    పంకజ ముఖి బంధించుచు ,

    సంకటముం గూర్చు ఖలునిఁ జావు విడుచునే ?


    ( శంకరుడు = సుఖము లిచ్చు వాడు ; లంకాశంకరుడు = లంకకు
    సుఖము చేకూర్చు వాడు )

    ~~~~~~~~~~~~~~~~~~~~~~~~~~~~~~~~~~~~~~~~

    రిప్లయితొలగించండి
    రిప్లయిలు
    1. గురుమూర్తి గారూ,
      మీ పూరణ బాగున్నది. అభినందనలు.
      'లంకా' శబ్దం పునరుక్తి కదా? "లంకాప్రభువగు రాక్షస। శంకరు..." అనవచ్చునేమో?

      తొలగించండి
  15. అంకిత భావమ్మున మది
    శంకరుగొల్చె రఘువంశ సంభూతుండే
    శంకలవేలా? భక్తిని
    శంకరుగెల్చి రఘువరుడు జనులను బ్రోచెన్

    రిప్లయితొలగించండి
  16. కొంకక దైత్యుల దునిమి యు
    నం కి త మై ముని గణము ల కండ గ నిలిచెన్
    జంకక పోరున భక్త వ
    శంక రు గెల్చి రఘు వరుడు జనుల ను బ్రోచెన్

    రిప్లయితొలగించండి
  17. డా.పిట్టా
    ఆర్యా,౨వపాదంలో "బ్రోచెను" ఉండాలి "న" అదనంగా టైపా వల్ల చేరింది.ఆపై పూరణలో"యుగము"లో మ చేరిన టైపా.

    రిప్లయితొలగించండి
  18. వంకలు నిలువెల్ల గలుగు
    లంకాధిపతి యగు దుష్ట రావణునే ని
    స్సంకోచమ్ముగ విధినా
    శంకరు గెల్చి రఘువరుఁడు జనులను బ్రోచెన్.

    రిప్లయితొలగించండి
  19. లంకాధిపతిన్ సీతను
    జంకక చెఱఁబెట్టినట్టి శంకరు బంటున్
    వంకర బుద్ధిని జన నా
    *"శంకరు గెల్చి రఘువరుఁడు జనులను బ్రోచెన్"*

    రిప్లయితొలగించండి
  20. లంకాశుభకరు ; నమరభ
    యంకరు ; సకలదనుజాభయంకరు ; భవనా
    శంకరకింకరు ; భువనవ
    శంకరు గెల్చి రఘువరుడు జనులను బ్రోచెన్ .

    రిప్లయితొలగించండి
  21. అంకముజేరెను నంబిక
    శంకరుగెల్చి,రఘువరుడు జనులను బ్రోచెన్
    బింకము గలిగిన పశువా
    లంకేశుని సంహరించి రాజసమొప్పన్

    రిప్లయితొలగించండి
    రిప్లయిలు
    1. సుబ్బారావు గారూ,
      మీ పూరణ బాగున్నది. అభినందనలు.
      'అంకమున జేరె నంబిక' అనండి. బాగుంటుంది.

      తొలగించండి
  22. క్రొవ్విడి వెంకట రాజారావు:

    లంకేశుడు మోసముతో
    నంకించిన జానకమ్మ నరయుటె గాక
    న్నంకమ్మున వాని, శివ వ
    శంకరు గెల్చి రఘువరుడు జనులను బ్రోచెన్.

    రిప్లయితొలగించండి
  23. అంకమునందుజేరెగదయంబిక సేవల మెప్పుజేసియా
    శంకరు,నాజిగెల్చి జనసంఘము బ్రోచెను రామభద్రుడే
    లంకపురాధిపు న్శిగుల రాజసమొప్పగ మూర్కొనంగసూ
    శంకలుదీరగా బ్రజలు సంతసమొందుచు నుండిరయ్యెడన్

    రిప్లయితొలగించండి
  24. జంకును గొంకులేక హరు సాంబదిగంబరు నంబికాపతిన్
    శంకరు నర్చసేసి దివిజాధిపు గెల్చెను దైత్యవంశ నా
    *"శంకరు; నాజి గెల్చి జనసంఘముఁ బ్రోచెను రామభద్రుఁడే"*
    పొంకముగాకళత్రనెపమూడ్చెమదేభనిశాచరారియై

    రిప్లయితొలగించండి
  25. ఈ నాటి శంకరా భరణము సమస్య

    శంకరు గెల్చి రఘువరుఁడు జనులను బ్రోచెన్

    ఇచ్చిన పాదము కందము నా పూరణము సీసములో


    గురుకులములో నొక మంద బుద్ది గల విద్యార్ధి పురాణములు అన్ని కలిపి గజిబిజిగా సమాధానము చెబుతుంటే ఆ గురువు అతనితో ఇవి “మూడు రకముల పురాణ కధలు కలుపకుండా చదువుకోవాలి” అని తెల్పు సందర్భము


    తనను పరిహసించ ,తామసము బడసి
    మునివాటికకు జేరి ముదముతోడ
    నొనరించె పార్వతి నొక్క వ్రతమ్మును,
    భక్తితో పూజించ పంచ ముఖుడు
    నర్దాంగి కోరిక నమలు పరచి నర్ధ
    దేహము నివ్వగన్, దిష్టి నొందె
    గిరిసుత శంకరు గెల్చి, రఘువరుఁడు
    జనులను బ్రోచెన్ విజయము బడసి


    సీత తో నయోధ్యకు జేరి , చీర లిచ్చి
    కాచె పాంచాలిని సభలో కంసరిపువు,
    మూడు రకముల కధలివి జోడు చేయ
    కూడదని చట్టు తోబల్కె గురువునొకడు


    రిప్లయితొలగించండి
    రిప్లయిలు
    1. పూసపాటి వారూ,
      మీ పూరణ బాగున్నది. అభినందనలు.
      'పరచి యర్ధదేహము...' అనండి.

      తొలగించండి
  26. వోట్ల పంచ గుళికలు 2

    6 తే: చిల్లి బక్కెట్టు తో నీరు చేదలేము,
    సందరమున శుద్ధ జలము పొందలేము
    వంచకుని లోన మంచిని కాంచబోము,
    తెలుసుకొని వోటు వేయుము తెలుగు బిడ్డ

    7 : తే: చెల్లి కేనాడు కొనబోడు చీరలేమి,
    నాదు చెల్లెళ్ళు మీరంచు నాణ్య మైన
    చీరలను పంచు జనులకు నూరులోన,
    తెలుసుకొని వోటు వేయుము తెలుగు బిడ్డ

    8 తే: దేవుని గుడిలోన తరచు తిరుగు చుండ
    భక్తి గలవాడని తలచి పల్లె జనులు
    వోట్లు రాల్చ, గతము వీడి తూట్లు పొడుచు
    తెలుసుకొని వోటు వేయుము తెలుగు బిడ్డ

    9 తే: దొరికినంత రిలీఫ్ ఫండు దోచ దలచి
    నేతలు జనుల పై సాను భూతి తోడ ,
    వరద ముంచిగ గ్రద్దలై వాలు చుండు
    తెలుసుకొని వోటు వేయుము తెలుగు బిడ్డ

    10 తే: తల్లి దొక పార్టి ,యింటిలో తండ్రి దొక్క
    పార్టి ,వేరొక పార్టి లో భార్య చేరు ,
    నెవరు గెలిచినన్ వారికే పవరు పొసగు
    తెలుసుకొని వోటు వేయుము తెలుగు బిడ్డ

    రిప్లయితొలగించండి
    రిప్లయిలు
    1. పద్యాలు బాగున్నవి. తప్పక పుస్తకంగా ప్రచురించండి.
      9వ పద్యం మూడవ పాదాన్ని "వరద ముంచగ గ్రద్దలై వ్రాలుచుంద్రు" అనండి.

      తొలగించండి
    2. పంచగుళికలు పసందుగున్నవి.
      ఆచరించదగిన,నానందకరమైన
      జనజాగృత రసగుళికలు
      మీకివే మా అభినందనలు!

      తొలగించండి
  27. పంకజ ముఖి సీతను గొని
    లంకేశుడు పరుగులెత్తి లంకను దాచన్
    బింకము గూల్చంగ శివ వ
    శంకరు గెల్చి రఘువరుఁడు జనులను బ్రోచెన్

    నిన్నటి సమస్యకు నా పూరణ

    రాగ జ్ఞానము లేని బైరాగి యొకడు
    కవన విద్య నెరుంగక కవి నటంచు
    పండితుడనని సభ కేగి బలికె నిటుల
    నాగఫణి శర్మ సుకవి యనం దగండు

    రిప్లయితొలగించండి
    రిప్లయిలు
    1. కృష్ణారావు గారూ,
      మీ రెండు పూరణలు బాగున్నవి. అభినందనలు.
      'రాగ జ్ఞానము' అన్నపుడు 'గ' గురువై గణదోషం.

      తొలగించండి
  28. శంకలు దీరగ వారధి
    పొంకముగన్ గట్టి యాకపివరుల తోడన్
    లంకాపురి జనులందరి
    శంకరు గెల్చి రఘువరుడు జనులన్ బ్రోచెన్

    తన వెంట వచ్చిన వారి మదిలో ఉన్న అనుమానాలు తీరిపోయేలా సముద్రం మీద వారధి చక్కగా నిర్మించి, వానర వీరులతో కలిసి లంకలో నివసించే జనాల పాలిటి శంకరుడు(సుఖాన్ని ప్రసాదించే వాడు) అయిన రావణుడి మీద విజయం సాధించి, రఘురాముడు ప్రజలను కాపాడాడు

    రిప్లయితొలగించండి
    రిప్లయిలు
    1. కృష్ణారెడ్డి గారూ,
      మీ పూరణ బాగున్నది. అభినందనలు.

      తొలగించండి
    2. కృష్ణారెడ్డిగారూ,రెండవ పాదంలో యతి సరిచేయండి.పొ కు పి కు యతి సరిపోదు.ఒ ఉ లకు,ఎ ఇ ఋ లకు అ అం ై ౌ లకు యతిమైత్రి
      గురువుగారు కొన్నిసార్లు గమనించరు!

      తొలగించండి
    3. కొంచెం సందేహిస్తూనే ఆ పదం వాడాను. అంతకు మించి మరే పదము తోచలేదు. మీరు ఏదైనా సూచించగలరని ప్రార్ధన

      తొలగించండి
    4. పొంకమునన్ గట్టి దనదు పొలతుకగావన్ అనవచ్చును.ఆలోచించండి,ఇంకా మరికొన్ని తట్టవచ్చు!

      తొలగించండి
  29. సంకట కారకు రావణు
    నంకము నందుఁ దునుమాడి యంబాపతినిన్
    సంకీర్త నాళి నిమ్ముగ
    శంకరు గెల్చి రఘువరుఁడు జనులను బ్రోచెన్


    పంకజ నాభు వేఁడ నల పంకజ గర్భ ముఖామరుల్ తమిం
    బంకజ లోచనుండు ఖల పంకిల మానస దైత్యు రావణుం
    బంకజ లోచనార్థ మట పంకజ జాన్వయు దర్పు ధర్మ నా
    శంకరు నాజి గెల్చి జనసంఘముఁ బ్రోచెను రామభద్రుఁడే

    రిప్లయితొలగించండి
    రిప్లయిలు
    1. కామేశ్వర రావు గారూ,
      మొదటి పూరణ ప్రశస్తంగా ఉన్నది.
      రెండవ పూరణ 'పంకజ' శబ్దావృత్తితో మనోహరంగా అత్యుత్తమంగా ఉన్నది. మీకు ఒక్కటి కాదు ఐదు 'పద్మశ్రీ'లు!

      తొలగించండి
    2. పోచిరాజువారు ఈరోజు పంచముఖ పద్మజులైనారు!అమోఘము!నమఃపూర్వక అభినందనలు!

      తొలగించండి
    3. పూజ్యులు శంకరయ్య గారికి నమఃపూర్వక ధన్యవాదములు. ధన్యోస్మి.
      డా. సీతా దేవి గారు ధన్యవాదములు, నమస్సులు. మనః పంక ప్రక్షాళనార్థమే పంకజనాభాశ్రయము.

      తొలగించండి
  30. ఆటవిడుపు సరదా పూరణ:
    (జిలేబి గారికి అంకితం)

    పొంకము మీరగా గిరిజ మోదము నొందెను మంచుకొండనున్
    శంకరు నాజి గెల్చి;...జనసంఘముఁ బ్రోచెను రామభద్రుఁడే
    రంకెలు వేసి చొప్పడుచు రాబడి గోరిన కూటశాలినిన్
    బింకము జూపి గెల్వగను విందును జేయుచు భాగ్యనగ్రినిన్

    రిప్లయితొలగించండి
    రిప్లయిలు
    1. ప్రభాకర శాస్త్రి గారూ,
      మీ సరదా పూరణ బాగున్నది. అభినందనలు.
      కాని గిరిజ ఆజిలో శంకరుణ్ణి గెలువడం?

      తొలగించండి
    2. "తపస్సును మాన్పించి ప్రేమ యుద్ధంలో గెలిచి సగ భాగమై"

      తొలగించండి
  31. కింకరుడయ్యు పూర్వమున కిన్కనుబూనుచు శత్రుభావనన్
    పంకజలోచనిన్ వనిని వంచనతోడను తస్కరించి యా
    లంకకు జేర్చగా సతిని రక్షణసేయగ దైత్యవంశ నా
    శంకరు నాజిగెల్చి జనసంఘము బ్రోచెను రామచంద్రుడే!

    రిప్లయితొలగించండి
  32. లంకేశుడు దశగ్రీవుడు
    వంకర మదితో ధరణిజ విడువక యున్నన్
    మంకునc బోరన్ ఇంతివ-
    శంకరు గెల్చి రఘువరుఁడు జనులను బ్రోచెన్

    రిప్లయితొలగించండి
    రిప్లయిలు
    1. యజ్ఞేశ్ గారూ,
      మీ పూరణ బాగున్నది. అభినందనలు.
      '...దశకంఠుడు... బోరగ నింతి...' అనండి.

      తొలగించండి
    2. కృతజ్ఞతలతో 🙏🙏
      లంకేశుడు దశకంఠుడు
      వంకర మదితో ధరణిజ విడువక యున్నన్
      మంకునc బోరగ నింతివ
      శంకరు గెల్చి రఘువరుఁడు జనులను బ్రోచెన్

      తొలగించండి
  33. వంకర బుధ్ధితోడ యినవంశకులాంగనఁ బంధిసేసెనా
    లంకపురాధినాథుడగు రాక్షసు డంచు కపీశుడావిధిన్
    పంకజ నేత్రుకున్ దెలుప భండన మందున యట్టి ధర్మనా
    శంకరు నాజి గెల్చి జనసంఘముఁ బ్రోచెను రామభద్రుఁడే.

    రిప్లయితొలగించండి
    రిప్లయిలు
    1. విరించి గారూ,
      మీ పూరణ బాగున్నది. అభినందనలు.
      'బుద్ధితోడ నినవంశ..మందున నట్టి...' అనండి. 'లంకాపురాధినాథుడు' అనడం సాధుసమాసం.

      తొలగించండి
  34. పంకజ ముఖియా సీతను
    సంకటములపాలు జేయు సర్వంకషుడౌ
    లంకాధిపతియగు శివ వ
    శంకరు గెల్చి రఘువరుడు జనులను బ్రోచెన్!!!

    రిప్లయితొలగించండి
  35. సంకట మాయె రావణుని జంపక నేను జయించు టెట్టులీ
    లంక నటంచు బాధపడ రాము డగస్త్యుడువచ్చి యిచ్చెనా
    సంకటమార్పు స్తోత్రమును సర్వులుమెచ్చగగొల్చి ధ్వాంతనా
    శంకరు నాజి గెల్చి జనసంఘముఁ బ్రోచెను రామభద్రుఁడే.

    రిప్లయితొలగించండి
  36. లంకాధిపతిని గెలువగ
    శంకరు గెల్చి రఘువరుఁడు జనులను బ్రోచెన్
    శంకరుడేరామేశ్వరు
    శంకలుదీరగవినుడిక శరణము వేడన్!!

    రిప్లయితొలగించండి
  37. కందం
    పంకజ నేత్ర కుజన్ గొని
    బింకమ్మున తమ్ముని, సతి వినతులు వీడన్
    లంకాదీశుని మోహ వ
    శంకరు గెల్చి రఘువరుఁడు జనులను బ్రోచెన్

    రిప్లయితొలగించండి
  38. కొంకక అంబ తపముచే
    శంకరు గెల్చె.. రఘువరుడు జనులను బ్రోచెన్
    జంకక దశ శిరుని దునిమి
    పంకజ ముఖి సీతఁ గాచె వసుమతి యందున్.


    శంకించక యవనీశుడు
    లంకాపురి జేరి జంపె లంకాధిపతిన్
    బింకముతో తిరుగు శివ వ
    శంకరు గెల్చె.. రఘువరుడు జనులను బ్రోచెన్

    రిప్లయితొలగించండి