30, జనవరి 2011, ఆదివారం

సమస్యా పూరణం - 212 (తలలు వంచి గగన)

కవి మిత్రులారా,
ఈ రోజు పూరించ వలసిన సమస్య ఇది ......
తలలు వంచి గగనతలముఁ గనుఁడు.
ఈ సమస్యను సూచించిన గోలి హనుమచ్ఛాస్త్రి గారికి ధన్యవాదాలు.

52 కామెంట్‌లు:

  1. గోలి హనుమచ్ఛాస్త్రి

    సీతజాడ వెదకి శ్రీరామభక్తుండు
    లంకగాల్చి అపర శంకరువలె
    నాకవాసులార! ఆకసంబుకెగసె
    తలలువంచి గగన తలము గనుడు.

    రిప్లయితొలగించండి
  2. మిన్ను చుక్క లవియె మేలు మల్లెలు జూడ
    తలలు వంచి , గగన తలముఁ గనుఁడు
    గరిక పువ్వు లమరె సరులుగ రజనికి
    నింగి ముకుర మయ్యె నేల కిపుడు !!

    రిప్లయితొలగించండి
  3. గోలి హనుమచ్ఛాస్త్రి, గన్నవరపు నరసింహ మూర్తి గార్ల పూరణలు చాలా మనోహరంగా ఉన్నాయి.

    రిప్లయితొలగించండి
  4. లంక గాల్చి నాడు రంకెలు వేయుచు
    నిలువ రక్క సాళి తలలు వంచి!
    గగన తలము గనుడు గాలి కుమారుని
    సీత దివ్య శక్తి! చిత్త శుధ్ధి!

    రిప్లయితొలగించండి
  5. హనుమఛ్చాస్త్రి గారూ మీ పద్యము చాలా బాగుంది. మిస్సన్నగారూ ధన్యవాదములు. మీ వారాంతము పద్యాన్ని సందు దొరికినప్పుడల్లా చదువుతున్నా,వారెవ అనుకొంటూ.

    రిప్లయితొలగించండి
  6. మిస్సన్నగారూ నూరేళ్ళు ఆయుస్ష్హు , మీకు !ఈ పద్యం కూడా వారె వ్హా !

    రిప్లయితొలగించండి
  7. నరసింహ మూర్తి గారూ శహభాష్!
    మీరు నిద్రను జయించేశారా?

    రిప్లయితొలగించండి
  8. నరసింహ మూర్తి గారూ! మీకూ నూరేళ్ళే! భేష్!

    రిప్లయితొలగించండి
  9. నరసింహమూర్తిగారూ
    ధన్యవాదాలు. మీభావనకూడా ఆకాశానచుక్కలనంటింది.

    గోలి హనుంచ్ఛాస్త్రి.

    రిప్లయితొలగించండి
  10. మిస్సన్నగారూ.
    ధన్యవాదాలు.మీపూరణ చాలబాగుంది.మొత్తానికి తలను పైకెత్తి గగనతలాన్ని క్రిదికి దింపారు.

    గోలి హనుంచ్ఛాస్త్రి.

    రిప్లయితొలగించండి
  11. మిస్సన్నగారూ.
    ధన్యవాదాలు.మీపూరణ చాలబాగుంది.మొత్తానికి తలను పైకెత్తి గగనతలాన్ని క్రిందికి దింపారు.

    గోలి హనుంచ్ఛాస్త్రి.

    రిప్లయితొలగించండి
  12. శ్రీయుత కంది శంకరయ్యగారూ ! నమస్కారాలు ! వృత్తిపరమైన అననుకూలతలవల్ల యీ మధ్య కాస్త వ్యవధిలేకపోయినది. అన్యథా భావింపవలదు !

    స్వయంవరానికి విచ్చేసిన రాకుమారులతో జనకుని పలుకులు !

    ఇది స్వయంవరమ్ము ; ఇవె ధనుర్బాణాలు ;
    నీటిలోన జూచి , నింగి దిరుగు
    మత్స్య యంత్రమును సమర్థులు ఛేదింప
    తలలు వంచి గగనతలముఁ గనుఁడు.

    రిప్లయితొలగించండి
  13. అంప శయ్య నున్న నాపగ సూనుని
    చెంత నిలచి నారు కుంతి సుతులు
    తలలు వంచి, గగన తలము గనుడు
    సురులు పుష్ప వృష్టి గురియు చుండ్రి.

    రిప్లయితొలగించండి
  14. విష్ణు నందను గారూ హృదయ రంజకంగా పూరించారు.

    రిప్లయితొలగించండి
  15. ప్రజల ధనము దోచి పలురీతి సుఖముల
    బడయు వారు నేడు ప్రభువు లైరి!
    హితులు గారు పరమ హీనులు,వారల
    తలలు వంచి గగన తలము గనుడు!

    రిప్లయితొలగించండి
  16. విష్ణునందన్ గారూ
    మీపూరణ బాగుంది.కాని ద్రౌపది జనకుని మాటలు జనకునితో పలికించారు.

    గోలి హనుమచ్ఛాస్త్రి.

    రిప్లయితొలగించండి
  17. మిస్సన్న గారూ
    మీ కత్తికి రెండువైపులా పదునే(ఎత్తినా, దించినా)

    గోలి హనుమచ్ఛాస్త్రి.

    రిప్లయితొలగించండి
  18. aithe moodava padam sari chudagalaru! Vyavadhi leka aanglam lo vrayavalasi vachinandulaku mannimpagalaru!

    రిప్లయితొలగించండి
  19. గోలి హనుమచ్ఛాస్త్రి గారూ,
    చక్కని పూరణ. అభినందనలు.
    "ఆకసంబుకేగె" బదులు "ఆకసంబున నేగె" అంటే సరి.

    గన్నవరపు నరసింహ మూర్తి గారూ,
    బాగుంది మీ పూరణ. అభినందనలు.
    "మల్లెలు జూడ" అనేది "మల్లెలఁ జూచె" అంటే ఇలా ఉంటుంది?

    మిస్సన్న గారూ,
    మీ రెండు పూరణలూ బాగున్నాయి. అభినందనలు.
    రెండవ పూరణ మూడవ పాదాన్ని "తలలు వంచి గగనతలముఁ గనుం డిదె" అంటే గణదోషం తొలగిపోతుంది.

    డా. విష్ణు నందన్ గారూ,
    మణిఫూసలాంటి పూరణ నిచ్చారు. ధన్యవాదాలు.

    మంద పీతాంబర్ గారూ,
    చక్కని పూరణ. అభినందనలు.

    రిప్లయితొలగించండి
  20. విష్ణు నందన్ గారు,
    సమస్యకు మత్స్య యంత్ర భేదనము చక్కగా సరిపోయింది

    రిప్లయితొలగించండి
  21. గోలి హనుమచ్ఛాస్త్రి.

    కొందమీదనున్న కోనేటిచిత్తరువు
    అద్భుతమ్ము, చూడుడందములను
    తేటనీటిలోన తెలిమబ్బు కనిపించె
    తలలువంచి గగన తలము గనుడు.

    రిప్లయితొలగించండి
  22. గోలి హనుమచ్ఛాస్త్రి.

    చిన్నమార్పు..గమనించగలరు

    కొందమీదనున్న కోనేటిచిత్రంబు (చిత్తర్వు)
    అద్భుతమ్ము, చూడుడందములను
    తేటనీటిలోన తెలిమబ్బు కనిపించె
    తలలువంచి గగన తలము గనుడు.

    రిప్లయితొలగించండి
  23. ఫ్లైటునెక్కి నీవు పైపైకి ఎగురగా
    తెల్ల మబ్బులెళ్ళ తెల్లబోయె!
    ఆకసమును గెలిచి అచ్చెరువు నొందగా
    తలలు వంచి గగనతలముఁ గనుఁడు!!

    రిప్లయితొలగించండి
  24. ధర్మరాజు భీముని తో పలుకుట: (బాల భారత నేపద్యము లో)

    వ్రతముఁ జేయఁ దలచె పాండవ మాత, ఓ
    ధీర! భీమ! వలయు దేవ గజము,
    వజ్రి యివ్వబోడు, బలము తోడ సురల
    తలలు వంచి గగనతలముఁ గనుఁడు.

    రిప్లయితొలగించండి
  25. SaMkarayya gaarU
    lEkhini lO ma^..ma^... vraayavacchu gamaniMcagalaru.
    శంకరయ్య గారూ
    లేఖిని లో మ్..మ్... వ్రాయవచ్చు గమనించగలరు.

    G.H.Sastry

    రిప్లయితొలగించండి
  26. ఏమిటో ..?! ఈ మధ్య సమస్యలు ఇవ్వడమే కాని పూరించే అవకాశం దొరకడం లేదు. న్యాయానికి నేను సమస్యను ఇచ్చినప్పుడు అందరి పూరణలను పరామర్శించిన తరువాత చివర నా పూరణ కూడ ఇవ్వాలి. సమస్యను ఇలా పూరించాలి అనుకుంటానా? అదే భావంతో ఎవరో ఒకరు పూరిస్తున్నారు. మరో ఆలోచన చేసే లోగా మరొకరు. చాలా కాలంగా ఇదే పరిస్థితి.
    అసలు సమస్య ఇచ్చినప్పుడే ఇదీ నా పూరణ అని ముందే ఇస్తే ఎలా ఉంటుంది అని ఆలోచిస్తున్నాను.
    "తలను వంచి నీటిలో ప్రతిబింబించే గగనతలాన్ని చూచే ఆలోచన" చేసాను. దాన్ని గోలి హనుమచ్ఛాస్త్రి గారు (టెలీపతీ ద్వారా తెలుసుకొని) చౌర్యం చేశారు :-) ప్చ్! ఏం చేయను?

    రిప్లయితొలగించండి
  27. గోలి హనుమచ్ఛాస్త్రి గారూ,
    అద్భుతమైన పూరణ. చాలా సంతోషం. మరో వైపు కోపమూ ఉంది. ఉదయాన సమస్య ఇచ్చే సమయంలో ఈ భావంతోనే నా పూరణ ఇవ్వాలనుకున్నాను. ఎలా తట్టిందో మీకీ ఆలోచన? నాకు శ్రమ తప్పించారు. ధన్యవాదాలు.

    నచికేత్ గారూ,
    బాగుంది మీ పద్యం. అభినందనలు.
    అయినా ఫ్లైటులోంచి క్రిందికి చూస్తే కనిపించేవి మబ్బు తునుకలే కాని గగనతలం కాదు కదా. నే నెప్పుడూ ఫ్లైటు ఎక్కలేదు లెండి :-)

    జిగురు సత్యనారాయణ గారూ,
    గాంధారీ గర్వభంగం కథను గుర్తుకు తెచ్చిన మీ పూరణ చాలా బాగుంది. అభినందనలు.

    రిప్లయితొలగించండి
  28. శంకరయ్యగారూ
    నాకు టెలీపతి శక్తి ఉన్నదని తెలియజేసినందులకు కృతజ్ఞతలు.
    ఐనా ప్రశ్నలు ఇచ్చి జవాబు పత్రాలను దిద్దుస్థానములో నున్నారు.మా జవాబులన్నీ మీవే. మీ ప్రోత్సాహమే మాకు ఉత్సాహము.

    గోలి హనుమచ్ఛాస్త్రి.

    రిప్లయితొలగించండి
  29. కొలను లోన దిగిరి కొమ్మలందరు గలసి
    జలక మాడ బోవ చెలువు మీర
    నదము నందు కనగ నిండు తారల శశిని
    తలలు వంచి గగన తలముఁగనుఁడు.

    రిప్లయితొలగించండి
  30. అందరికీ వందనములు.
    అందరి పూరణలూ చక్కగా
    అలరించు చున్నవి.
    ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌______________________________________

    వారం రోజుల నుండి phone , net
    problem వలన
    మిత్రు లందర్నీ
    మిస్సయ్యాను.
    _______________________________________

    అందరూ అన్ని రకాలుగా పూరించేసారు.
    గురువుగారికి రోజూ ఎదురయ్యే సమస్యే నాకిప్పుడు.
    ఐనా ప్రయత్నిస్తాను.
    ________________________________________

    మన మాజీ రాష్ట్రపతి
    అబ్దుల్‌కలాం గారి ఉవాచ:
    "శక్తికి మించిన కలలు కనండి
    శక్తివంచన లేకుండా శ్రమించండి.
    దేశ ప్రతిష్ఠను దిగంతరాలకు వ్యాపింప జెయ్యండి."
    ________________________________________


    01)

    దేశ మాత కీర్తి - దిక్కులన్ బ్రసరింప
    కలలు గనుడు , మించి - కరువు దీర!
    నిజము చేయు డయ్య - నెనరుతో శ్రమ జేసి !
    తలలు వంచి గగన - తలము గనుడు;
    __________________________________________

    రిప్లయితొలగించండి
  31. 02)
    _________________________________________

    వింత వింత యంత్ర - విఙ్ఞానమును బెంచు
    చదువు చదువు డయ్య - శ్రద్ధ గాను;
    మిత్ర , శత్రు ,దేశ - మెల్లరు మెచ్చగా;
    తలలు వంచి గగన - తలము గనుడు;
    _________________________________________

    రిప్లయితొలగించండి
  32. 03)
    _______________________________________

    యువకు లెల్ల మదిని - యోచించు కొనవలె
    దేశ కీర్తి పెంచు - దిశల వైపు;
    తనరు నట్లు ప్రతిభ - తారా పథంబున;
    తలలు వంచి గగన - తలము గనుడు;
    ________________________________________

    రిప్లయితొలగించండి
  33. మూర్తి గారూ !
    మన్నించాలి
    మీ సలహా శ్రద్ధగా
    పాటిస్తున్నాను
    ఐనా సమస్యలు తప్పడం లేదు.
    ప్రస్తుతానికి
    ప్రోబ్లం తీరినట్లే .

    కడుంగడు ధన్యవాదములు.

    రిప్లయితొలగించండి
  34. 04)
    _______________________________________

    జాతి మెచ్చు నట్లు - జాతీయ ఝెండాను
    నెగుర వేయ వలయు - నింగి దాటి;
    మదిని దలప సుంత - మారాకు వేయులే;
    తలలు వంచి గగన - తలము గనుడు;
    ________________________________________

    రిప్లయితొలగించండి
  35. 05)
    ______________________________________

    వీర వరులు మీరు - విధ్యాధికులుగను
    వేగ పెరుగు టన్న - వింత యౌనె;
    ప్రాణ మంత దేశ - భక్తి నిండిన చోట !
    తలలు వంచి గగన - తలము గనుడు;
    ______________________________________

    రిప్లయితొలగించండి
  36. 06)
    _______________________________________

    గెలుతు వేని యిల్లు - గెల్తువు గహనంబు
    గగురు పాటు నొంద - గగన సీమ!
    మొద్దు గాక యుండు - ముత్యమై యలరారు !
    తలలు వంచి గగన - తలము గనుడు;
    ________________________________________

    రిప్లయితొలగించండి
  37. 07)
    ________________________________________

    విద్య లేని వాడు - వింత పశు వగును!
    నిత్య సత్యము గను! - భృత్యు డవకు!
    కృషిని మదిని నమ్ము! - కృతకృత్యు డౌదువు!
    తలలు వంచి గగన - తలము గనుడు;

    ________________________________________

    రిప్లయితొలగించండి
  38. 08)
    ________________________________________

    కన్నతల్లి జూడు - కంటిపాపను రీతి
    మాతృ దేశ మన్న - మాత సమము
    దేశ భక్తి గలుగు - ధీరులె ధన్యులు
    తలలు వంచి గగన - తలము గనుడు;
    ________________________________________

    రిప్లయితొలగించండి
  39. 09)
    _________________________________________

    ఈవి పొందు మయ్య! - ఈర్ష్య నోడించుము !
    పెద్ద లందు మదిని - ప్రేమ జూపు !
    పేద వారికి గల - భీతిని దొలగించు !
    తలలు వంచి గగన - తలము గనుడు;
    _________________________________________

    రిప్లయితొలగించండి
  40. 10)
    __________________________________________

    చెడ్డ వారి నెపుడు - శిక్షింప వెరువకు !
    కండ గలిగె నేని - మెండు జయము !
    సత్య మేవ జయతి !- సన్మార్గము జరించు !
    తలలు వంచి గగన - తలము గనుడు;
    ___________________________________________

    రిప్లయితొలగించండి
  41. వసంత కిశోర్ జీ పద్యాలన్నీ చాలా బాగున్నాయి.

    మీ పునర్దర్శనము అందఱికీ ఆనంద దాయకము.

    రిప్లయితొలగించండి
  42. మూర్తి గారూ !
    మీ ప్రోత్సాహం మరింత
    ఉత్సాహాన్నిస్తోంది.
    మిక్కిలి ధన్యవాదములు.

    మీరు నాదొక సలహాను తప్పక పాటించాలి.
    అప్పు డప్పుడూ మమ్మల్ని చాలా గందరగోళానికి గురి చేస్తున్నారు.
    మీరొక వ్యాఖ్య పెట్టాక ,మీకు తీసెయ్యాలని ఉంటే తీసేసి మరలా
    క్రింద పెట్టుకోవచ్చు;
    "ఇతరులెవరూ మీ వ్యాఖ్యపై వ్యాఖ్యానించక ముందు"వరకూ.
    మా వ్యాఖ్యలు అలాగే ఉండిపోతున్నాయ్.
    మీరేమో తీసేసి , సరి చేసి క్రింద నెక్కడో పెడు తున్నారు .
    దీని వలన context అర్థం కావడం లేదు.
    continuity దెబ్బ తింటోంది.
    మొన్నొకరోజు ఇలాగే చాలా తికమక పడ్డాను.
    మీ పద్యం మీద మిస్సన్న మహాశయుల చెణుకులు
    చదివి మీ పద్య మెక్కడ మిస్సయ్యానా అని
    క్రిందికీ పైకీ తిరగడంతోనే సరి పోయింది.
    పైదలా ఉంచుతూనే మీక్కావలన విధంగా సవరించి మళ్ళా
    క్రింద ప్రకటించు కోవచ్చు.
    మీ కడ్డే ముంది ?
    గురువు గారు మార్కులు తగ్గిస్తారని భయమా?

    రిప్లయితొలగించండి
  43. మన్నించంది మహాశయా కిశోరా ! మీరు రెండు పద్యాలే వ్రాసారనుకొని( భ్రమ ) నా వ్యాఖ్య పెట్తాను.ఇంకా పద్యాలు రావడము చూసి మీ పద్య ప్రవాహములో అది పానకంలో పుడక లాగ ఉందని తీసేసాను. అందులో మీరు దేశభక్తి ప్రబోధిస్తుంటే నేను విద్యుత్తుశాఖ వారికి,దూరవాక్కు వారికి,అంతర్జాల ఉద్యోగులకు మామూళ్ళు యివ్వమని సలహా యివ్వడము బాగనిపించ లేదు. ఇకపై జాగ్రత్త వహిస్తాను. ఇప్పుడు నేనే వ్యాఖ్య పెట్టానో మిత్రులకు తెలుస్తొంది కదా ?

    రిప్లయితొలగించండి
  44. రాజేశ్వరి నేదునూరి గారూ,
    ఆహా! నిర్దోషంగా ఎంత చక్కని పూరణ చేశారు! నాకు చాలా సంతోషంగా ఉంది. ఇక మీ పద్య రచనకు తిరుగు లేదు. మీ కలం గాడిన పడింది. విజృంభించండి.

    వసంత్ కిశోర్ గారూ,
    నీతి ప్రబోధకాలైన మీ పద్య దశకం చాలా బాగుంది. అభినందనలు.
    వెనుకటికి ఒక కవి ఒక రాజును ప్రస్తుతిస్తూ "నీవు యువతులకు మాఘ మేఘానివి. కవులకు శ్రావణ మేఘానివి" అన్నాడట! మీరు పద్యాల వాన కురిపించడంలో మాకు శ్రావణ మేఘమే.

    రిప్లయితొలగించండి
  45. గురువుగారూ నా రెండవ పద్యానికి మీ సవరణ కు ధన్యవాదాలు.
    రైలుకెళ్ళే హడావిడి లో మూడవ పాదంలోని తప్పును గమనించ లేదు.

    రిప్లయితొలగించండి
  46. హనుమచ్చాస్త్రి గారూ మీరు అలా అనుకొంటున్నారు గానీ మా కత్తులు మొద్దు బారి పోయాయి. ధన్యవాదాలు.

    రిప్లయితొలగించండి
  47. ఆటపాటలందునవమానమైనచో
    పట్టుదలకుబోయి పంతమూని
    గెలుపులందవలెను ,కీడెంచిమేలెంచి
    తలలువంచి ,గగనతలముగనుడు

    రిప్లయితొలగించండి