సీస పద్యముఁ జెప్పు చెలియ సొగసు వీడి ......తేట గీతి పలుకు పైట వీడి ఉత్పలమే గాని యోర కంటఁ గనడు ......ఆట వెలదియె సయ్యాట లేదు మత్తేభమే వ్రాయు మరులుగొనగ రాడు ..... శార్దూలమే గాని శక్తి లేదు చంపకమే గాని చెంప నిమర రాడు ..... ఉత్సాహమే గాని "ఉమ్మ" లేదు
గన్నవరపు నరసింహ మూర్తి గారూ, మీ పూరణ ప్రశస్తంగా ఉంది. అభినందనలు. "చంద్ర ముఖియు నంచు" అనడం కంటె "చంద్రముఖి వటంచు" అంటే ఇంకా బాగుంటుంది.
గోలి హనుమచ్ఛాస్త్రి గారూ, చాలా బాగుంది మీ పూరణ. అభినందనలు. కాని "చంప(క?)మాల"ప్రయోగమే కాస్త ఇబ్బంది పెట్టించి. నా సవరణ ... కలికి కూర లడుగ కంద పద్యము జెప్పు పాత్ర లడుగ సీస పద్య మిచ్చు పూల నడుగ జెప్పు మేలు చంపకమాల కవిని పెండ్లి యాడి కాంత వగచె!
చంద్రశేఖర్ గారూ, మీ రెండు పూరణలూ బహు బాగున్నవి. అభినందనలు. "సరుకు"లేని కవిని పెండ్లాడి కాంత వగచిన మొదటి పూరణ చమత్కరభరితంగా ఉంది. రెండవ పూరణలో "వర్కుకు + వెళ్ళలేక" కదా. "వర్కు కేగలేక" అందాం.
వసంత కిశోర్ గారూ, ఉత్తమమైన పూరణ మీది. కాళిదాసు కథను గుర్తుకు తెచ్చినందుకు ధన్యవాదాలు.
మంద పీతాబర్ గారూ, మీ పూరణ మనోహరంగా ఉంది. అభినందనలు.
శంకరార్యా! చంపకమాలను కత్తిరించకుండా పూరించదానికి సరియైన ఆలోచన తట్టలేదు.సొగసైన సవరణ చేసినందులకు ధన్యవాదములు. కవి లో విరుపుతో చేసిన మీ పూరణ అద్భుతంగా ఉన్నది.
చందమామ నుంచి జాలు వెన్నెల యందు
రిప్లయితొలగించండిచంద్ర ముఖియు నంచు స్వామి పొగడి
జన్మదినము మఱచు జడుడైన 'ఘనుడైన '
కవిని పెండ్లి యాడి కాంత వగచె !
కలికి కూర లడుగ కంద పద్యము జెప్పు
రిప్లయితొలగించండిపూల నడుగ చంప మాల జెప్పు
పాత్ర లడుగ సీస పద్యమ్ము జెప్పును
కవిని పెండ్లి యాడి కాంత వగచె!
కొంచెం కొంటెగా,
రిప్లయితొలగించండిపండితుండు శక్తి పదగుంభనలఁ జూప
కవిని పెండ్లియాడి కాంత వగచె
“చవక మాట లేల సరకులేదా”యంచు
పాల బుడ్డి దెచ్చి, పాన్పు నెక్కి!
సూచన: కవి=పండితుడు అనే అర్థంలో.
అందరికీ వందనములు !
రిప్లయితొలగించండిఅందరి పూరణలూ
అలరించు చున్నవి !
విద్యాధరీ కాళిదాసుల కథ :
01)
____________________________
వెఱ్ఱి గొల్ల దెచ్చి - వెలదికి కట్టగా
కవిని జేసె కాళి - కరుణ జేత !
కాంత మరచి యెటకొ - కాళిదాసు వెడల !
కవిని పెండ్లి యాడి - కాంత వగచె !
____________________________
కలము కంట బడగ ,కరము విడిచి బెట్టు ,
రిప్లయితొలగించండికాన రాని కలికి కనులు మెచ్చు ,
రాత్రి పూట గూడ రాముణ్ణి వర్ణించు
కవిని పెండ్లి యాడి కాంత వగిచె !!!
ఆ: పట్టుచీరదెచ్చి పాన్పుపై పవళింప
రిప్లయితొలగించండిజేసి,గోర్కె దీర్చి సేవ జేయు
ననిదలచిన రాత్రి యాశలు వమ్ముమై
కవిని పెండ్లి యాడి కాంత వగచె !
ఆట వెలది యనును తేట గీతి యనును
రిప్లయితొలగించండికంద పద్య మనును గణము లనును
సరస మాడ మన్న సరస యతు లనును
కవిని పెండ్లియాడి కాంత వగచె.
సీస పద్యముఁ జెప్పు చెలియ సొగసు వీడి
రిప్లయితొలగించండి......తేట గీతి పలుకు పైట వీడి
ఉత్పలమే గాని యోర కంటఁ గనడు
......ఆట వెలదియె సయ్యాట లేదు
మత్తేభమే వ్రాయు మరులుగొనగ రాడు
..... శార్దూలమే గాని శక్తి లేదు
చంపకమే గాని చెంప నిమర రాడు
..... ఉత్సాహమే గాని "ఉమ్మ" లేదు
కంద రచనఁ జేయు నందముఁ జూడడు
మత్త కోకిలఁ గను మగువఁ వీడి
తరళ కవిత వ్రాయు తరుణి తలపు లేక
కవిని పెండ్లియాడి కాంత వగచె!!
మగని చెంత జేరి ముదముగ నాయింతి
రిప్లయితొలగించండితనదు కోర్కె తెలుప తెలివి గాను
కతలు కవిత లల్లి కలవర పరచగ
కవిని పెండ్లి యాడి కాంత వగచె !
కవిమిత్రులంతా మా అమాయక "కవి" ని ఆడిపోసుకొంటున్నారు. కానీ వర్కింగ్ "కాంత" యేమీ తక్కువ తినలేదు, చూడండి:
రిప్లయితొలగించండిఅలరె వలతి సరసు డతిచమత్కారియౌ
కవిని పెండ్లి యాడి; కాంత వగచె
వర్కు కెళ్ళ లేక వాలి పోయి, మగని
వంట జేయ మనుచు వఱ్ఱ గాను!
మనవి: బాపు సినిమా "మిస్టర్ పెళ్ళాం" గుర్తొచ్చింది.
గన్నవరపు నరసింహ మూర్తి గారూ,
రిప్లయితొలగించండిమీ పూరణ ప్రశస్తంగా ఉంది. అభినందనలు.
"చంద్ర ముఖియు నంచు" అనడం కంటె "చంద్రముఖి వటంచు" అంటే ఇంకా బాగుంటుంది.
గోలి హనుమచ్ఛాస్త్రి గారూ,
చాలా బాగుంది మీ పూరణ. అభినందనలు.
కాని "చంప(క?)మాల"ప్రయోగమే కాస్త ఇబ్బంది పెట్టించి. నా సవరణ ...
కలికి కూర లడుగ కంద పద్యము జెప్పు
పాత్ర లడుగ సీస పద్య మిచ్చు
పూల నడుగ జెప్పు మేలు చంపకమాల
కవిని పెండ్లి యాడి కాంత వగచె!
చంద్రశేఖర్ గారూ,
రిప్లయితొలగించండిమీ రెండు పూరణలూ బహు బాగున్నవి. అభినందనలు.
"సరుకు"లేని కవిని పెండ్లాడి కాంత వగచిన మొదటి పూరణ చమత్కరభరితంగా ఉంది.
రెండవ పూరణలో "వర్కుకు + వెళ్ళలేక" కదా. "వర్కు కేగలేక" అందాం.
వసంత కిశోర్ గారూ,
ఉత్తమమైన పూరణ మీది. కాళిదాసు కథను గుర్తుకు తెచ్చినందుకు ధన్యవాదాలు.
మంద పీతాబర్ గారూ,
మీ పూరణ మనోహరంగా ఉంది. అభినందనలు.
మిస్సన్న గారూ,
రిప్లయితొలగించండిసరసయతులే కాని సరసం తెలియని కవిని గురించిన మీ పూరణ శ్రేష్ఠంగా అలరించింది. అభినందనలు.
జిగురు సత్యనారాయణ గారూ,
నిస్సందేహంగా ఈనాటి పూరణ లన్నింటిలో మీది ఉత్తమోత్తమం. చక్కని సీసపద్యంతో ఆనందాన్ని కలిగించారు. ధన్యవాదాలు.
రాజేశ్వరి నేదునూరి గారూ,
మీ పూరణ అద్భుతంగా ఉంది. అభినందనలు.
నా పూరణ .....
రిప్లయితొలగించండిత్రాగుబోతు, దొంగతనమె యాతని వృత్తి,
వెల వెలఁదుల వెంట వెడలువాఁడె
కాని పెద్ద లతఁడు కడు యోగ్యుఁ డని పలు
క, విని పెండ్లియాడి కాంత వగచె.
శంకరార్యా! చంపకమాలను కత్తిరించకుండా పూరించదానికి సరియైన ఆలోచన తట్టలేదు.సొగసైన సవరణ చేసినందులకు ధన్యవాదములు.
రిప్లయితొలగించండికవి లో విరుపుతో చేసిన మీ పూరణ అద్భుతంగా ఉన్నది.
శంకరార్యా ! ధన్యవాదములు !
రిప్లయితొలగించండి"క" ను భలే కత్తిరించారే !!! అద్భుతమైన పూరణ మీది !
మిత్రులందరి పూరణలూ ముచ్చటగా నున్నవి !
గురువుగారూ మీ పూరణ అద్భుతంగా ఉంది.
రిప్లయితొలగించండిమీరన్నట్లు సత్యనారాయణ గారికి నూటికి నూట పాతిక మార్కులు.
శ్రీ సత్యనారాయణ గారి పూరణ గురువుగారన్నట్లు ఉత్తమోత్తమంగా ఉంది. కవిని విడదీసిన గురువు గారి చాతుర్యం ప్రశంసనీయం.
రిప్లయితొలగించండిగురువు గారూ ! మీ పూరణ నిరుపమానం. మిస్సన్న గారి పూరణ కూడ బావుంది.
రిప్లయితొలగించండిమాస్టరుగారూ! మీరు చేసిన సవరణతో,చిన్న మార్పుతో..
రిప్లయితొలగించండికలికి కూర లడుగ కంద పద్యము జెప్పు
పాత్ర లడుగ సీస పద్య మిచ్చు
పూల నడుగ నుడువు పూని చంపకమాల
కవిని పెండ్లి యాడి కాంత వగచె!
నా పూరణను మెచ్చుకున్న
రిప్లయితొలగించండిగోలి హనుమచ్ఛాస్త్రి.
వసంత కిశోర్,
మిస్సన్న,
మంద పీతాంబర్,
నాగరాజు రవీందర్
గారలకు ధన్యవాదాలు.
గోలి హనుమచ్ఛాస్త్రి గారూ,
ఇప్పుడు మీ పూరణ సర్వాగసుందరమై శోభిస్తున్నది. అభినందనలు.
శంకరార్యా! ధన్యవాదములు.
రిప్లయితొలగించండి