చంద్రశేఖర్ గారూ, నేను ఎదురుచూస్తున్న పూరణ మీ నుండి వచ్చింది. సంతోషం. నిజానికి 'టేకుమళ్ళ' వారు ఇచ్చింది "వనిత తా మిడిసి పడెను". నేను ఇద్దరి వనితల విజయాన్ని దృష్టిలో పెట్టుకొని "వనితలే మిడిసిపడిరి" అని మార్చి ఇచ్చాను. నా ఆలోచనను మీరు సాకారం చేసారు. ధన్యవాదాలు. 'పడిరి + ఎన్నికల' అన్నప్పుడు యడాగమం రాదు. ఐతే "వాక్యాంతమందు అచ్చు రావచ్చు" అనే సూత్రాన్ని బట్టి అక్కడ విసంధిగా 'ఎన్నికలు' అని అచ్చుతోనే మొదలు పెట్టవచ్చు.
గోలి హనుమచ్ఛాస్త్రి.
రిప్లయితొలగించండిబుర్ర మీసాలు యున్నట్టి పుణ్యమూర్తి
తాత వద్దకు చనువుగ తరలి వెళ్ళి
నిమ్మకాయలు నిలబడు నిజము అనుచు
మీసముల దువ్వి వనితలే మిడిసి పడిరి.
రాయబార నాటకమందు రమణులంత
రిప్లయితొలగించండిపురుష పాత్రలుఁ గట్టిరి సరసముగను
పుట్టు మీసములే లేక పెట్టినట్టి
మీసముల దువ్వి వనితలే మిడిసి పడిరి!!
అన్ని రంగాలలో వారు యడుగు బెట్టి
రిప్లయితొలగించండిమగువలు మగరాయుళ్ళుగా మారి పోవ ;
హాస్యమున కనవచ్చును హాయి గొలుప
"మీసముల దువ్వి వనితలే మిడిసి పడిరి"
బుద్ధదేవు,కరుణలకున్ బద్ధ వైరు
రిప్లయితొలగించండిలగు మమత లలితలును బల్రాజకీయ
మీసముల దువ్వి వనితలే మిడిసి పడిరి
యెన్నికల మించి గెల్చి పేరెన్నికగని!
ఈ కామెంట్‌ను రచయిత తీసివేశారు.
రిప్లయితొలగించండిఅందరికీ వందనములు !
రిప్లయితొలగించండిఅందరి పూరణలూ
అలరించు చున్నవి !
01)
_____________________________
పిల్లి పరుగుల పోటీలు - ఢిల్లి యందు !
నాతు లందరు వచ్చిరి - నాసి తోడ !
పోటి యందున పాల్గొన - బోవు ముందు !
మీసముల దువ్వి వనితలే - మిడిసి పడిరి !
_____________________________
గోలి హనుమచ్ఛాస్త్రి గారూ,
రిప్లయితొలగించండితాత మీసాలను మనుమరాళ్ళచే దువ్వించిన మీ పూరణ బాగుంది. అభినందనలు.
"మీసాలు + ఉన్నట్టి" అన్నప్పుడు యడాగమం రాదు. "మీసమ్ము లున్నట్టి" అంటే సరి!
జిగురు సత్యనారాయణ గారూ,
రిప్లయితొలగించండిపెట్టుడు మీసాలు దువ్వించిన మీ పూరణ ప్రశస్తంగా ఉంది. అభినందనలు.
నాగరాజు రవీందర్ గారూ,
చక్కని పూరణ. అభినందనలు.
"వారు + అడుగుబెట్టి" అన్నప్పుడు యడాగమం రాదు. 'వార లడుగుబెట్టి' అందాం.
చంద్రశేఖర్ గారూ,
రిప్లయితొలగించండినేను ఎదురుచూస్తున్న పూరణ మీ నుండి వచ్చింది. సంతోషం. నిజానికి 'టేకుమళ్ళ' వారు ఇచ్చింది "వనిత తా మిడిసి పడెను". నేను ఇద్దరి వనితల విజయాన్ని దృష్టిలో పెట్టుకొని "వనితలే మిడిసిపడిరి" అని మార్చి ఇచ్చాను. నా ఆలోచనను మీరు సాకారం చేసారు. ధన్యవాదాలు.
'పడిరి + ఎన్నికల' అన్నప్పుడు యడాగమం రాదు. ఐతే "వాక్యాంతమందు అచ్చు రావచ్చు" అనే సూత్రాన్ని బట్టి అక్కడ విసంధిగా 'ఎన్నికలు' అని అచ్చుతోనే మొదలు పెట్టవచ్చు.
వసంత కిశోర్ గారూ,
రిప్లయితొలగించండివనితలచేత పిల్లిమీసాలను దువ్వించిన మీ పూరణ చాలా బాగుంది. అభినందనలు.
గోలి హనుమచ్ఛాస్త్రి
రిప్లయితొలగించండిశంకరార్యా! ధన్యవాదములు.
ధన్యవాదాలు మాస్టారూ. యడాగమం విషయంలో నా ఆలోచన కూడా అదే. అయితే "యెన్నిక" అని కాకుండా "ఎన్నిక" అని వ్రాయవలెనని తెలియజేసినందులకు ధన్యవాదాలు.
రిప్లయితొలగించండిశంకరార్యా ! ధన్యవాదములు !
రిప్లయితొలగించండి02)
_____________________________
చిత్తు చేసెను కరుణను - చెత్త గాను !
మట్టి గరిపించె బుద్ధుని - ముట్టడించి !
నేడు లలితయు , మమతయు - నిజము ! జూడ
మీసముల దువ్వి వనితలే - మిడిసి పడిరి !
_____________________________