31, మే 2011, మంగళవారం

సమస్యా పూరణం -348 (మూఁడుకనుల వేల్పు)

కవి మిత్రులారా,
ఈ రోజు పూరించ వలసిన సమస్య ఇది ........
మూఁడుకనుల వేల్పు మురహరుండు.

12 కామెంట్‌లు:

  1. అందరికీ వందనములు ! మరియు స్వాగతం !

    01)
    _____________________________________

    మూల నున్న మూర్తి - ముఖమందు గీసెను
    ముద్దు గుఱ్ఱ యొకడు - మురిపె మలర !
    ముదము గొలుప నుదుట - మూడవ నేత్రము
    మూడు కనుల వేల్పు - ముర హరుండు !
    _____________________________________
    మూర్తి = విగ్రహము(విష్ణుమూర్తి)

    రిప్లయితొలగించు
  2. 02)
    _____________________________________

    మూడు లోకములను - ముచ్చట పాలించు
    మూల రూప మొకటె - ముఖ్య మదియె !
    ముర హరుండు , బ్రహ్మ - ముక్కంటి యొక్కటే !
    మూడు కనుల వేల్పు - ముర హరుండు !
    _____________________________________

    రిప్లయితొలగించు
  3. గురువు గారికి నమస్కారములతో,
    మీరు ఆరోగ్యమును కాపాడుకొనుచూ మాకు
    ఆనందమును పంచుపెట్టమని కోరుతూ

    ఆ: మూడు కన్నుల వేల్పు మురహరుండు మదిలో
    నుండ, హరికైననుండు మురము
    రమ్ము, రమ్ముగొట్ట దుమ్ములేపుచునుండు
    మురమురమ్ము ముందు మానవులకు.
    ( మురముర= కోపము)
    మీ
    వరప్రసాదు

    రిప్లయితొలగించు
  4. ధర్మమాచరించి దానంబుజేయుచు
    సత్య పథమునందు సాగు హితుల
    వాక్కులందునెపుడు వసియింతు మందురు,
    మూడు కనుల వేల్పు, ముర హరుండు !

    రిప్లయితొలగించు
  5. వసంత కిశోర్ గారూ,
    మీ రెండు పూరణలూ బాగున్నాయి. అభినందనలు.
    రెండవ పూరణలో "ముచ్చట పాలించు" అనేదాన్ని "ముచ్చటగా నేలు" అంటే ఎలా ఉంటుంది?

    వరప్రసాద్ గారు,
    ధన్యవాదాలు.
    మీ పూరణలో మీరు చెప్పదలచుకున్న భావాన్ని అవగాహన చేసికొనలేక పోతున్నాను. కాస్త వివరిస్తారా?
    మొదటిపాదంలో "కన్నుల" అనేది "కనుల" కావాలి. రెండవ పాదంలో "హరికైన" అన్నచోట "హరికి నైన" అని ఉండాలి.

    మంద పీతాంబర్ గారూ,
    పద్యం చాలా బాగుంది. కాని చివరి రెండు పాదాలకు అన్వయం కుదరడం లేదు. ఒకసారి పరిశీలించండి.

    రిప్లయితొలగించు
  6. గురువు గారు నమస్కారం .మీరు పూర్తిగా కోలుకున్నందుకు చాలాసంతోషం.

    ధర్మాన్ని ఆచరిస్తూ,దానకార్యలను చేస్తూ సత్య పథాన నడుస్తున్న వారి వాక్కుల యందె మేము {మూడు కనుల వేల్పు, మురహరి ) వసిస్తాము అన్న భావన చేసి పురించాను . చిన్న సవరణతో

    ధర్మమాచరించి దానంబుజేయుచు
    సత్య పథమునందు సాగు వారి
    వాక్కులందునెపుడు వసియింతు మందురు,
    మూడు కనుల వేల్పు, ముర హరుండు !

    రిప్లయితొలగించు
  7. మంద పీతాంబర్ గారూ,
    మీ భావాన్ని నా "మంద"బుద్ధి అర్థం చేసికొనలేకపోయింది. మన్నించండి.

    రిప్లయితొలగించు
  8. ఒకరి హృదయమందు ఒకరుందు రెప్పుడు
    అర్థమొకటె జూడ 'హర 'కు 'హరి ' కి
    భేదమేమి లేదు, వాదమేల? యొకరె
    మూడు కనుల వేల్పు, మురహరండు.

    రిప్లయితొలగించు
  9. సురులరిపులనైన సుతులుగాఁనెంచెడి
    మూడు కనుల వేల్పు, మురహరుండు,
    నాల్గు ముఖములుండు నా కమలభవుడు
    నన్నిరూపులందు నరయఁ దానె.

    శ్రీ జగన్నాథుని దర్శనార్థం పూరీ (ఒడిషా) వెళ్ళినందున ఆలస్యంగా పూరించగలుగుతున్నాను. మన్నించి సరిచూడగలరు.

    రిప్లయితొలగించు
  10. హనుమచ్ఛాస్త్రి గారు,
    ఉత్తమమైన పూరణ మీది. అభినందనలు.

    మందాకిని గారూ,
    "ఏకం సత్" అంటూ పూరిచిన మీ పద్యం బాగుంది. అభినందనలు.

    రిప్లయితొలగించు