కవిమిత్రులారా,
ఈరోజు పూరించవలసిన సమస్య ఇది...
అరిగణమ్ముల గెలిచె నుత్తరుఁ డెసంగి.
(నా ఆరోగ్యం ఇంకా కుదుటపడలేదు. దయచేసి మిత్రుల పూరణలను చదివి స్పందించండి. గుణదోషాలను చర్చించండి. నేనొక్కడనే సమీక్షిస్తే సరిపోదు. మీరంతా మర్యాద నతిక్రమించకుండా, సంస్కారవంతమైన భాషతో విమర్శన చేయండి. స్వస్తి!)
ఉత్తరుడు సినిమాలలో చూపినట్లు పిరికివాడు కాదనే భావముతో
రిప్లయితొలగించండికౌరవులు పాండవులు పోరు కాలమందు
విరట సైన్యంబు పాండవ పరముకాగ
రణమునందున ఘన ధర్మరాజు మెచ్చ
నరిగణమ్ముల గెలిచె నుత్తరుఁ డెసంగి.
జిగురు సత్యనారాయణ గారూ,
తొలగించండిమీ పూరణ బాగున్నది. అభినందనలు.
ఉత్తరుడు మహాభారత యుద్ధంలో వీరోచితంగా పోరాడి శల్యుని చేతిలో మరణించాడు.
జమ్మి వృక్షమ్ము పైనున్న శస్త్రములను
రిప్లయితొలగించండిబొంది పేడియె క్రీడియై ముందుకురికి
యరిగణమ్ముల గెలిచె! నుత్తరుఁ డెసంగి
యుత్తమంబగు సారధ్యమొసఁగినంత!
గురువర్యులు వెన్ను నొప్పినుంచి శీఘ్రమే యుపశమన మందునటుల పరమాత్మునకు ప్రార్థన.
తొలగించండిఈ కామెంట్‌ను రచయిత తీసివేశారు.
తొలగించండిగుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు
ప్రస్తుతానికి నొప్పి కొద్దిగా తగ్గింది. ధన్యవాదాలు.
రిప్లయితొలగించండిఅర్జునుని గాంచి భయమున అచ్చెరువున
కౌర వాదుల సైన్యము గాబర పడె
అరి గణమ్ముల గెలిచె నుత్తరుఁ డెసంగి
అతల కుతలమై సైన్యము అటునిటయ్యె !
రిప్లయితొలగించండికవివరుల అన్ని పద్యములు బాగున్నవి
జిలేబీ గారూ,
తొలగించండిమీ పూరణ బాగున్నది.
'గాబరా' అన్యదేశ్యం కదా! 'కలత పడెను/కలవరపడె' అనండి. 'సైన్యము+అటునిటు' అన్నప్పుడు సంధి నిత్యం. 'సైన్యమే యటునిటు/కురుసైన్య మటునిటు' అనండి.
ఈ కామెంట్‌ను రచయిత తీసివేశారు.
రిప్లయితొలగించండిఉత్తర కుమార ఫల్గుణు లుత్తములు ప
రిప్లయితొలగించండిరాక్రములును సారథి మహారథులు గోగ్ర
హణ విముక్త రతులు ఘను లందు నాజి
నరిగణమ్ముల గెలిచె నుత్తరుఁ డెసంగి.
ఉత్తరుడు : తరువాత చెప్పబడిన వాడు. ఉత్తరకుమార ఫల్గుణులలో ఫల్గుణుడు.
తొలగించండిపోచిరాజు కామేశ్వరరావు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిసమర రంగము నందున సవ్యసాచి
అరిగణమ్ముల గెలిచె నుత్తరుడెసంగి
సారథై నిలిచెను తాను యరదమునకు
విజయులక్ష్మియు వరియించె విజయు నపుడు.
ఈ కామెంట్‌ను రచయిత తీసివేశారు.
తొలగించండిడా.ఉమాదేవి గారు మీ పూరణ బాగుంది. అభినందనములు. తాను+ అరదమునకు= తానరదమునకు. సంధి నిత్యము. యడాగమము రాదు. సార- యర ప్రాస యతి దోషము. ప్రాస పూర్వాక్షరములు రెండూ లఘువులేనా అవ్వాలి లేక గురువులేనా అవ్వాలి.
తొలగించండి“సారథిగ నిలిచెనట తా స్యందనమున” అనిన రెండు దోషములు పోవును. “సవ్యసాచి / యరిగణమ్ముల” అనండి. విజయలక్ష్మియు. బహుశా “యు” ముద్రణా దోషమయి యుండవచ్చును.
డా. బల్లూరి ఉమాదేవి గారూ,
తొలగించండిమీ పూరణ బాగున్నది.
కామేశ్వరరావు గారి సూచనలను గమనించండి.
రిప్లయితొలగించండిధర్మజునిదీవనమిగులదనకుగలుగ నరిగణమ్ములగెలిచెనుత్తరుడెసంగి
పెద్దవారలదీవనల్కద్దునెడల
చేయగలరార్య!యెంతటిచేతనైన
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
విరటుని పశుగణముల నుత్తరపు దిశను
రిప్లయితొలగించండికౌరవుల్ పట్టుకొని పోవ కదురు కొనగ
సవ్యసాచికి సూతుడై సంగరమున
అరిగణమ్ముల గెలిచె నుత్తరు డెసంగి
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
అర్జునుండేమి జేసెను యావహమున
రిప్లయితొలగించండియరదమునకునెవ్వారలు సారథైరి
అరిగణమ్ముల గెలిచెనుత్తరుడెసంగి
వివరములను దెలుసుకొమ్ము విశదముగను.
అర్జునుండేమి జేసెను యావహమున
రిప్లయితొలగించండియరదమునకునెవ్వారలు సారథైరి
అరిగణమ్ముల గెలిచెనుత్తరుడెసంగి
వివరములను దెలుసుకొమ్ము విశదముగను.
డా. బల్లూరి ఉమాదేవి గారూ,
తొలగించండిమీ రెండవ పూరణ బాగున్నది.
'... జేసెను+ఆహవమున' అన్నప్పుడు యడాగమం రాదు. ఆహవమును ఆవహము అన్నారు. '... జేసినా డాహవమున |నడుమును...' అనండి.
* గు రు మూ ర్తి ఆ చా రి *
రిప్లయితొలగించండి,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
" అరిగణమ్ముల గెలిచె నుత్తరు డెస౦గి "
యనుచు నూహి౦చి రా యుత్తరాది వనిత ,
లతని యనిజోత్తరమ్ముల నాలకి౦చి |
నిజ మెరి౦గి యనుకొనిరి నెలత లిటుల :--
గీత లెక్కువ. చెల్లని ప్రాత నాణె
మునకు ; చేత కా నటువ౦టి పురుషునకును
కూత లెక్కువ. చేయడు కొ౦చె మేని
ఉత్త రాది = ఉత్తర. మొదలగు
అనిజోత్తరములు = అసత్యపు జవాబులు ,
= కల్ల మాటలు
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
త్రిపురములు స్వర్ణ,రజత,లోహపుట భేద
రిప్లయితొలగించండినమ్ములొక్కటై కలియు క్షణమ్మునందు
భస్మమొనరించె నీశుని పాశుపతము
అరిగణమ్ముల గెలిచె నుత్తరు డెసంగి
ఉత్తరుడు=మంచివాడు,శివుడు.
త్రిపురములు స్వర్ణ,రజత,లోహపుట భేద
రిప్లయితొలగించండినమ్ములొక్కటై కలియు క్షణమ్మునందు
భస్మమొనరించె నీశుని పాశుపతము
అరిగణమ్ముల గెలిచె నుత్తరు డెసంగి
ఉత్తరుడు=మంచివాడు,శివుడు.
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
. గోగణములను గొనిపోవు కోర్కె మాన్ప ?
రిప్లయితొలగించండిఅడ్డగించెను కౌరవులడ్డుబడిన
అరిగణమ్ముల గెలిచె|నుత్తరు డెసంగి
రథమునందున సారదైరాకచేత.
2.అరిగణమ్ముల గెలిచె నుత్తరు డెసంగి
రావణాసుర శక్తినిరయముజేసె
శివుని యాజ్ఞగ రాముడే భవిత మాన్పె|
దుష్ట తత్వము నిలచునా?శిష్టు లెంచ? {రావణుడు శివుని భక్తుడైనా వరగర్వమునఆహముచే నాశనంబునుకొనితెచ్చుకొనుటయే| }
ఉత్తరుడు=శివుడు,విష్ణువు.
కె.ఈశ్వరప్ప గారూ,
తొలగించండిమీ మొదటి పూరణ బాగున్నది. ‘సారథి+ఐ’ అన్నపుడు యడాగమం వస్తుంది.
రెండవ పూరణ (మీరు వివరణ ఇచ్చినా) అర్థం చేసికొనలేకపోతున్నాను. మన్నించండి.
హరిసఖుండు నరవరుండు సవ్యసాచి
రిప్లయితొలగించండిఅరి గణమ్ముల గెలిచె- నుత్తరుడెసంగ
వీరుడైనట్టి వాడిలవెంటనుండ
కోరి సారథి పయ్యెను గూర్మితోడ !
పొన్నెకంటి సూర్యనారాయణ గారూ,
తొలగించండిమీ పూరణ బాగున్నది.
మొదటిపాదంలో యతిదోషం. ‘హరిసఖుఁడు సవ్యసాచియు నరవరుండు’ అందామా? ‘పయ్యెను’ టైపాటు.
హరిసఖుండు నరవరుండు సవ్యసాచి
రిప్లయితొలగించండిఅరి గణమ్ముల గెలిచె- నుత్తరుడెసంగ
వీరుడైనట్టి వాడిలవెంటనుండ
కోరి సారథి పయ్యెను గూర్మితోడ !
కౌ ర వులపైన విజయమ్ము కూరెననుచు
రిప్లయితొలగించండితెలిసి గూఢ చారుల నుండి తెల్లముగను
పలికెను విరాటరాజు తా బలుపు తోడ
నరిగణమ్ముల గెలిచె నుత్తరుడెసంగి
అన్నపరెడ్డి సత్యనారాయణ రెడ్డి గారూ,
తొలగించండినేను ఎదురుచూస్తున్న అంశంతో మీ పూరణ వచ్చింది. బాగున్నది. అభినందనలు.
విజయ నాదములనువిని నిజముగాను
రిప్లయితొలగించండిఆలమందలు గొనిపోవ నడ్డగించి
అరిగణమ్ముల గెలిచె నుత్తరుడెసంగి
యనుచు మురిసెను విరటుడుఆర్తితోడ!!!
శైలజ గారు మీ పూరణ బాగుంది. అభినందనములు. ఉత్వమునకు సంధి నిత్యము. పాదము చివరనున్న సంధి చేయుట మంచిది. నిజముగాను+ఆలమందలు; విరటుడు+ఆర్తితోడ విసంధి గా వ్రాసిన దోషము. మీరు చక్కగ సవరించగలరని నా నమ్మకము. అటులనే “నడ్డగించి/ యరి” అనండి.
తొలగించండిశైలజ గారూ,
తొలగించండిమీ పూరణ బాగున్నది. కామేశ్వర రావు గారి సూచనలను గమనించారు కదా! ఆర్తితో మురిసె ననడం పొసగదు కదా! మీ పద్యానికి నా సవరణ....
విజయనాదములను విని నిజముగానె
యాలమందలు గొనిపోవ నడ్డగించి
యరిగణమ్ముల గెలిచె నుత్తరుఁ డెసంగి
యనుచు మురిసెను విరటుండు హర్షమొప్ప.
ధన్యవాదములు గురువుగారు, శ్రీ కామేశ్వరరావుగారు...
తొలగించండిధన్యవాదములండీ కామేశ్వరరావుగారూ,శంకరయ్య అన్నయ్యగారూ.సవరించుకొంటానండీ.
రిప్లయితొలగించండిపశుల గ్రమ్మర గొని రాగ ఫల్గుణుండు
రిప్లయితొలగించండిరంగు పీలికలను జూచి , రణమునందు
గెలిచె నని దల్చి సోదరి బలికె నిటుల
నరిగణమ్ముల గెలిచె నుత్తరుఁ డెసంగి.
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
మిత్రులందఱకు నమస్సులు!
రిప్లయితొలగించండివిరటరాట్సుతుఁడును ఘనుఁ డురుతరుఁడయి
యరిగణమ్ముల గెలిచె నుత్తరుఁ; డెసంగి,
సంగరమ్మునఁ గౌరవ సైన్యములనుఁ
జీల్చుచుం దాను శల్యుని చేతఁ జచ్చె!!
మఱొక పూరణము:
తొలగించండిజూద మాడుచు విరటుఁడు ♦ చూచి కంకు
నిట్టులనె "గోగణముఁ గొని, ♦ నిశ్చయముగ
నరిగణమ్ముల గెలిచె ను♦త్తరుఁ డెసంగి!
యదిగొ వచ్చుచుండెను! కాంచు ♦ మయ్య కంకు!!"
ఆర్యా వీరమరణముపొందిన మహా వీరునుకి “చచ్చె” పదము బాధాకరముకదా!
తొలగించండిగుండు మధుసూదన్ గారూ,
తొలగించండిమీ రెండు పూరణలు బాగున్నవి. అభినందనలు.
సుకవులు కామేశ్వరావుగారూ నమస్సులు! ఇది బాధాకరమే యైనను సత్యమేకదా! చచ్చు...పరుషముగ నున్నది కావున, దీనిని నీ క్రింది విధమున మార్చుచుంటిని.
తొలగించండివిరటరాట్సుతుఁడును ఘనుఁ డురుతరుఁడయి
యరిగణమ్ముల గెలిచె నుత్తరుఁ; డెసంగి,
సంగరమ్మునఁ గౌరవ సైన్యములనుఁ
గాల్చి, శల్యుతోఁ బోరి, స్వర్గస్థుఁడయ్యె!!
స్వస్తి
సత్కవీంద్రులు మధుసూదన్ గారు వందనములు. సవరించినందులకు ధన్యవాదములు.
తొలగించండిపోచిరాజు కామేశ్వర రావు గారూ,
రిప్లయితొలగించండిమిత్రుల పూరణలను సమీక్షిస్తున్నందుకు ధన్యవాదాలు.
పూజ్యులు శంకరయ్య గారికి వందనములు. మీమాట గౌరవించుట మా విధి.
తొలగించండికురువరుల గెలువంగను కోరి వచ్చి
రిప్లయితొలగించండినరవరుండు తా నిలువంగ నమ్మి తోలె
యరదమునొడుపుతోడుత, నద్భుతముగ
నరిగణమ్ముల గెలిచె నుత్తరుఁ డెసంగి.
లక్ష్మీదేవి గారూ,
తొలగించండిమీ పూరణ బాగున్నది. అభినందనలు.