ఆంజనేయ శర్మ గారూ, మీ మూడు పూరణలు బాగున్నవి. మొదటిపూరణలో ‘గుణము+అడ్డ’ అని విసంధిగా వ్రాశారు. ‘గుణమె| యడ్డదారు’ లనండి. రెండవపూరణలో ‘పాత్రత+ఎరుగ’ అన్నపుడు సంధి లేదు. అలాగే ‘పాపమ్ము+ఏ’ అన్నపుడు సంధి నిత్యం, యడాగమం రాదు. ‘పాత్రత గనకున్న పాప మగును సుమీ’ అనండి.
జిలేబీ గారూ, మీ పూరణ బాగున్నది. ‘నిదానము’ను సంస్కృత పదంగా స్వీకరిస్తే ‘నిదానగుణము’ అన్న సమాసం సరియైనదే. కాని అర్థం ‘మొదటికారణం, రోగనిర్ణయం’ అని ఉంది.‘ఆత్రపడకుండడం’ అనే అర్థంలో తెలుగు పదంగా స్వీకరిస్త్రే సమాసం తప్పు అవుతుంది. గమనించండి. ‘జిలేబి యిదియె’ అనండి.
డా. ఆచార్య ఫణీంద్ర గారూ, చాలారోజుల తరువాత ‘శంకరాభరణం’ బ్లాగులో మీ పూరణ చూసే అదృష్టాన్ని కలిగించారు. ధన్యవాదాలు. మీ పూరణ బాగున్నది. అభినందనలు. మీరు క్షమిస్తా రనుకొంటూ సాహసిస్తున్నాను. ‘ఉంద్రు అపాత్ర’ అని విసంధిగా వ్రాశారు. వాక్యావసానంబున సంధి లేమి దోషంబు గాదండ్రు... అని ఉన్నా... ‘పెద్ద లుందు రపాత్ర’ అంటే ఎలా ఉంటుంది?
గురువు గారికి కవి మిత్రుల కభి వాదములు
రిప్లయితొలగించండి1.
సద్గుణముల లోన సాటిలేనిదొకటె
దానగుణము, మిగుల హీన గుణము
అడ్డ దారు లందు నర్థసాధన జేసి
తాను కుడువ కుండ దాచు కొనుటె.
2.
దానగుణము మిగుల హీన గుణము గాదు
తలకు మించి యెపుడు దానమిడకు
పాత్రతెరుగ కున్న పాపమ్ము యేసుమీ
యవసరార్థి నెఱిగి యాదు కొనుము
3.
కుడువకుండ ధనము కోట్లుకూడగ బెట్ట
ఫలిత మేమి యదియు ఫాంసువేను
దీనజనుల బాధ దీర్చంగ వలె, కాదు
దానగుణము మిగుల హీన గుణము
ఆంజనేయ శర్మ గారూ,
తొలగించండిమీ మూడు పూరణలు బాగున్నవి.
మొదటిపూరణలో ‘గుణము+అడ్డ’ అని విసంధిగా వ్రాశారు. ‘గుణమె| యడ్డదారు’ లనండి.
రెండవపూరణలో ‘పాత్రత+ఎరుగ’ అన్నపుడు సంధి లేదు. అలాగే ‘పాపమ్ము+ఏ’ అన్నపుడు సంధి నిత్యం, యడాగమం రాదు. ‘పాత్రత గనకున్న పాప మగును సుమీ’ అనండి.
ధన్యవాదములండీ సరిచేసిన పద్యములు
తొలగించండి1.
సద్గుణముల లోన సాటిలేనిదొకటె
దానగుణము, మిగుల హీన గుణమె"
యడ్డ దారు లందు నర్థసాధన జేసి
తాను కుడువ కుండ దాచు కొనుటె.
2.
దానగుణము మిగుల హీన గుణము గాదు
తలకు మించి యెపుడు దానమిడకు
పాత్రత గనకున్న పాపమగును సుమీ
యవసరార్థి నెఱిగి యాదు కొనుము
3.
కుడువకుండ ధనము కోట్లుకూడగ బెట్ట
ఫలిత మేమి యదియు ఫాంసువేను
దీనజనుల బాధ దీర్చంగ వలె, కాదు
దానగుణము మిగుల హీన గుణము
దాన మనగ నేమి దయతోన పేదల
రిప్లయితొలగించండికడుపు నింపి నంత కలుగు ముక్తి
ఓట్ల కొఱకు నేత నోట్లుపంచగ నెంచు
దాన గుణము మిగుల హీన గుణము
రాజేశ్వరి అక్కయ్యా,
తొలగించండిమీ పూరణ బాగున్నది.
‘దయతోను/దయతోడ’ అనండి.
దాన మనగ నేమి దయతోడ పేదల
తొలగించండికడుపు నింపి నంత కలుగు ముక్తి
ఓట్ల కొఱకు నేత నోట్లుపంచగ నెంచు
దాన గుణము మిగుల హీన గుణము
రిప్లయితొలగించండిపనిని జేయ వలయు ! పనికిరానిదగు ని
దానగుణము మిగుల హీన గుణము!
మత్తు వదులు గాంచు మహిలోన సౌభాగ్య
మును జిలేబి, నిదియె ముదితకు తగు !
సావేజిత
జిలేబి
జిలేబీ గారూ,
తొలగించండిమీ పూరణ బాగున్నది.
‘నిదానము’ను సంస్కృత పదంగా స్వీకరిస్తే ‘నిదానగుణము’ అన్న సమాసం సరియైనదే. కాని అర్థం ‘మొదటికారణం, రోగనిర్ణయం’ అని ఉంది.‘ఆత్రపడకుండడం’ అనే అర్థంలో తెలుగు పదంగా స్వీకరిస్త్రే సమాసం తప్పు అవుతుంది. గమనించండి.
‘జిలేబి యిదియె’ అనండి.
వ్రాయవలయు నేడు వ్రాతపరీక్షలు
రిప్లయితొలగించండితెమిలిరండు వేగ, తెలియసుంత
జాగుగలుగ పంప జాలరు లోన, ని
దాన గుణము మిగుల హీన గుణము
గోలి హనుమచ్ఛాస్త్రి గారూ,
తొలగించండిమీ పూరణ బాగుంది.
‘నిదానగుణం’ విషయమై పైన జిలేబీ గారికి వ్రాసిన వ్యాఖ్యను గమనించండి.
మాస్టరుగారూ ! దోషమును సవివరముగా తెలిపినందుకు ధన్యవాదములు.
తొలగించండికలిగినంతలోన కారుణ్యమున్ జూపి
రిప్లయితొలగించండిదానమీయువాడె దాతయనఁగ
పారవేయఁ దగిన పరమాన్నమున్ బెట్టు
దానగుణము మిగుల హీనగుణము
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
‘పాచిపోయినట్టి పరమాన్నమున్’ అంటే బాగుంటుందేమో?
తొలగించండిగురుదేవులకు ధన్యవాదములు. మీ సూచన తో సవరించిన పద్యం:
తొలగించండికలిగినంతలోన కారుణ్యమున్ జూపి
దానమీయువాడె దాతయనఁగ
పాచి పోయినట్టి పరమా న్నమున్ బెట్టు
దానగుణము మిగుల హీనగుణము
అన్నిగుణములందుమిన్నయేగాదయీ
రిప్లయితొలగించండిదానగుణము,మిగుల హీనగుణము
పరులబాగుజూచిపవలునురేయిని
నెంతగానొమదినినీర్ష్యబడుట
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
కపటమున జనధన మపహరణ మదిని
రిప్లయితొలగించండిదురిత భయము దలపక రయమున నొ
నరిచి గుడికి నిడ వితరణ మఘము గద
దాన గుణము మిగుల హీనగుణము.
[దాన = దాని వలన]
పోచిరాజు కామేశ్వర రావు గారూ,
తొలగించండిమీ సర్వలఘు పూరణ చాలా బాగున్నది. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిచక్కని గాత్రము శ్రోతల
రిప్లయితొలగించండినిక్కము రంజిల్ల జేయు నీ గాన సుధల్
దక్కెను మాకే నక్కా !
మ్రొక్కెద, నీ కీర్తి నిలుచు భువిని సుశీలా!
గండూరి లక్ష్మినారాయణ గారూ,
తొలగించండి‘పద్యరచన’లో పోస్ట్ చేయవలసినదానిని ఇక్కడ పెట్టారు. పద్యం బాగుంది. అభినందనలు.
గురువుగారు పోస్టింగ్ చేయడములో మరచి పోయాను మన్నించ మనవి
రిప్లయితొలగించండికోరుకున్న ప్రియుడు కూరిమి తగదన్న
నాశ పడిన యువతి యంద కున్న
ప్రేమ కొరకు చేయు పిచ్చిగ బలి
దానగుణము మిగుల హీనగుణము.
గండూరి లక్ష్మినారాయణ గారూ,
తొలగించండిమీ పూరణ బాగున్నది.
మూడవపాదం చివర గణదోషం. ‘పిచ్చితనపు బలి|దానము...’ అందామా?
శత్రువు నినుబట్ట శాంతమునందు|ని
రిప్లయితొలగించండిదానగుణమె మిగుల హీన గుణము|
స్వార్ట పరుడికి తనసంపద నంతయు
దానమివ్వుటన్న ధర్మ గుణమ?
కె. ఈశ్వరప్ప గారూ,
తొలగించండిమీ పూరణ బాగున్నది.
‘నిదానము’ను గురించి పైన జిలేబీ గారికి వ్రాసిన వ్యాఖ్యను చూడండి. ‘దాన మిచ్చుట యన ధర్మగుణమ?” అనండి.
అన్ని గుణములకును మిన్నసుమ్మ యిలలో
రిప్లయితొలగించండిదాన గు ణము, హీనగుణము
చేరి దానములను చెడగొట్టి సతతమ్ము
సంతసించునట్టి వింత గుణము
మిగుల పొరపాటున టైపు అవ్వలేదు. మన్నించండి.(మిగుల హీన గుణము)
తొలగించండిఅన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
* గు రు మూ ర్తి అ చా రి *
రిప్లయితొలగించండి,,,,,,,,,,,,,,,,,,,,,,,,,,,,,,,,,,,,,,,,,,,,
అత్త. సొమ్ము జేసె నల్లుడు దానము
ఓట్ల. కొరకు ప౦చె కోట్ల ధనము
పేరు. పొ౦ద. సొమ్ము వెచ్చి౦చె | వీ ర ల
దాన గుణము మిగుల. హీన గుణము
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
మిత్రులందఱకు నమస్సులు!
రిప్లయితొలగించండివేని కేని మిగుల దానమ్ము సేసియుఁ
జెప్పఁ గూడ దందు రెప్పటికిని!
పరులు కనఁగ వినఁగ బాహ్యమ్ముగాఁ జేయు
దానగుణము మిగుల హీనగుణము!!
గుండు మధుసూదన్ గారూ,
తొలగించండిమీ పూరణ బాగున్నది. అభినందనలు.
గుణము లందు జూడ గొప్పదైన గుణము
రిప్లయితొలగించండిదానగుణము;మిగుల హీనగుణము
దొంగతనము చేసి దొరవోలెతిరుగుట
వాని నీసడింత్రు వసుధయందు.
గుణములందు మంచి గుణమేది యన్నచో
రిప్లయితొలగించండిదానగుణము:మిగులహీనగుణము
తనకు మాలినట్టి దానములను చేసి
ననవసరము గాను నర్ది బడుట.
డా. బల్లూరి ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
పాత్ర తెరిగి మనము పాటించి ధర్మమ్ము
రిప్లయితొలగించండిదానమిచ్చి నపుడు ధరన జెల్లు
పాత్ర తెరుగ నట్టి బహు గొప్ప కొరకైన
దానగుణము మిగుల హీన గుణము
కొరుప్రోలు రాధా కృష్ణ రావు
కొరుప్రోలు రాధాకృష్ణ రావు గారూ,
తొలగించండిమీ పూరణ బాగున్నది. అభినందనలు.
కడుపు మాడునట్టి కడుపేద లుండగా -
రిప్లయితొలగించండిఉన్నవాని కింక నొరగబెట్టి
పేరు పొందగోరు పెద్దలుంద్రు! అపాత్ర
దాన గుణము మిగుల హీన గుణము!!
డా. ఆచార్య ఫణీంద్ర గారూ,
తొలగించండిచాలారోజుల తరువాత ‘శంకరాభరణం’ బ్లాగులో మీ పూరణ చూసే అదృష్టాన్ని కలిగించారు. ధన్యవాదాలు.
మీ పూరణ బాగున్నది. అభినందనలు.
మీరు క్షమిస్తా రనుకొంటూ సాహసిస్తున్నాను. ‘ఉంద్రు అపాత్ర’ అని విసంధిగా వ్రాశారు. వాక్యావసానంబున సంధి లేమి దోషంబు గాదండ్రు... అని ఉన్నా... ‘పెద్ద లుందు రపాత్ర’ అంటే ఎలా ఉంటుంది?
శంకరయ్య గారు!
రిప్లయితొలగించండినేను ఊహించినట్టుగానే ప్రశ్న వేసినారు. అయితే ... దోషం కానప్పుడు, పాఠక సౌలభ్యం కోసం సులభ గ్రాహ్యతకు పెద్ద పీట వేయడం సముచితం కదా! ఏమంటారు?
ఔననకుండా ఉంటానా? ఫణీంద్ర గారూ! __/\__
తొలగించండితప్పు జేసి ధనము దండిగ నార్జించి
రిప్లయితొలగించండిడప్పు కొట్టి జనుల మెప్పు కోరి
వేల కోట్ల టోపి వేంకటేశునకిడు
దానగుణము మిగుల హీనగుణము :)