2, మార్చి 2016, బుధవారం

పద్యరచన - 1181

కవిమిత్రులారా,
పైచిత్రాన్ని పరిశీలించి తగిన పద్యాన్ని వ్రాయండి.

26 వ్యాఖ్యలు:

  1. రామ కార్యమనుచు శ్రమను లెక్కింపక
    భక్తి తోడ నీవు శక్తి మించి
    పాటు పడితి వీవు మేటియే నీ సేవ
    ఉడుత భక్తి యనుచు నుర్వి నిలుచు.

    ధర్మస్థాప నమ్మె దనుజ సంహారమ్ము
    తథ్యమనుచు తలచి తరలు వేళ
    వార్ధి దాట గలుగు వారధినే గట్ట
    ఉత్సహమ్ము నింపె నుడుత సేవ.

    ప్రత్యుత్తరంతొలగించు
    ప్రత్యుత్తరాలు
    1. ఆంజనేయ శర్మ గారూ,
      మీ పద్యాలు బాగున్నవి.
      ‘భక్తితోడ నీవు...పాటుపడితి వీవు’ అని నీవు_ఈవు పునరుక్తి. ‘పాటుపడిత వౌర..’ అనండి.
      ‘ధర్మస్థపన’ అన్నచోట ‘ర్మ’ గురువై గణదోషం. ‘ఉత్సహమ్ము’ అన్న పదం లేదు.

      తొలగించు
  2. కడలిని నింపగ యిసుకను
    నుడుతా భక్తిని మెచ్చి యుప్పొంగె మదిన్
    నుడివెను ప్రీతిగ రాముడు
    కడుమోదము నీదుచరిత కలకాల మిలన్

    ప్రత్యుత్తరంతొలగించు
    ప్రత్యుత్తరాలు
    1. రాజేశ్వరి అక్కయ్యా,
      మీ పద్యం బాగున్నది.
      ‘నింపగ నిసుకను’ అనండి. ఉడతా అని దీర్ఘాంతంగా అనరాదు.

      తొలగించు
    2. కడలిని నింపగ నిసుకను
      నుడుతకు గలభక్తి మెచ్చి యుప్పొంగె మదిన్
      నుడివెను ప్రీతిగ రాముడు
      కడుమోదము నీదుచరిత కలకాల మిలన్

      తొలగించు
  3. చేసెద నీకు సహాయము
    వేసెద నావంతు రాళ్లు వేగిర నిచటన్
    చూసెద సీత జతన్ ని
    న్నున్ సేతువు జేసెదముర నూరట గనుమా !

    ప్రత్యుత్తరంతొలగించు
    ప్రత్యుత్తరాలు
    1. జిలేబీ గారూ,
      మీ పద్యం బాగుంది.
      చివరిపాదంలో ప్రాస తప్పింది. ‘ని|న్నే సేతువు జేసెదముర నేరుపు మీరన్’ అనండి.

      తొలగించు
  4. సేతువు కై సాయమ్మును
    జేతును నేనని యుడుతయె చేసెను చూడన్
    చేతుల జేకొని రాముడు
    ప్రీతిగ నిమిరెనుగ మూపు పెట్టెను గుర్తుల్.

    ప్రత్యుత్తరంతొలగించు


  5. ఉడుతతనవంతుసాయమునుత్సుకతన జేయశ్రీరామచంద్రుడుచేతనిమురు చుండెనచ్చటచక్కగజూడుడార్య,
    పూర్వజన్మపుసుకృతముబొందెనుగద

    ప్రత్యుత్తరంతొలగించు
  6. గురుతర కార్య ధురీణుని
    స్థిరమతి వనధి తరణ సురుచిర సేవా త
    త్పరుని గనుడు రామాంచిత
    కరాంగుళీకృత త్రిరేఖఁ గమనీయముగన్

    ప్రత్యుత్తరంతొలగించు
    ప్రత్యుత్తరాలు
    1. పోచిరాజు కామేశ్వర రావు గారూ,
      అద్భుతమైన పద్యాన్ని వ్రాశారు. అభినందనలు.

      తొలగించు
    2. పూజ్యులు శంకరయ్య గారికి వందనములు. ధన్యవాదములు.

      తొలగించు
  7. పుణ్యమేమి చేసె పుడమియందీ ప్రాణి
    రాము స్పర్శ నంది రహిని పొందె
    ఉడత సాయమంచు నుర్విలోని జనులు
    పుణ్యశీలి వంచు పొగడుచుందఅరు.
    2వార్ధి కట్టువేళ వానరులకు తోడు
    సాయ పడగ నెంచి శక్తి కొలది
    నొక్కయుడుత నాడు నుర్వియందు యిసుక
    రాల్చి మెప్పు పొందె రాము చేత.

    ప్రత్యుత్తరంతొలగించు
  8. వారధి కొరకై పొరలుచు
    నీరస పడిపోతివేమొ నెమ్మది గొనుమా!
    కారుణ్య ధామ! మీ కర
    పూరిత చారలె శమనము పూయించె నయా!

    ప్రత్యుత్తరంతొలగించు
    ప్రత్యుత్తరాలు
    1. గుండా వేంకట సుబ్బ సహదేవుడు గారూ,
      మీ పద్యం బాగున్నది. అభినందనలు.

      తొలగించు
  9. చిన్నదానవైన చేసిన సాయంబు
    మరువలేను నిన్ను మమతతోడ
    "ఉడుతసాయ"మనగ కడుగొప్ప ఖ్యాతిని
    రహినిబొందుమనెను రాఘవుండు!

    ప్రత్యుత్తరంతొలగించు
    ప్రత్యుత్తరాలు
    1. పొన్నెకంటి సూర్యనారాయణ రావు గారూ,
      మీ పద్యం బాగున్నది. అభినందనలు.

      తొలగించు
  10. వడివడిగా రాళ్ళను గొని
    కడలిని బడవేయుచుండె గట్టగ నడవన్
    ఉడుతనుగని మురిపెముతో
    తడుముచు తన గురుతుల నిడె దశరధ సుతుడే!!!

    ప్రత్యుత్తరంతొలగించు
  11. రామునికార్యమేగనుక లంకకు సేతువు గట్టనెంచగా?
    స్వామిని నమ్మియున్ నుడుత భక్తిగ రేణువు లుంచ సాంద్రమున్
    ఏమి విచిత్ర- ప్రాణియని నెంచినరాముడు |ప్రేమమీరగా
    గోముగ వ్రేళ్ళతో నిముర గుర్తులు నేటికి గానుపించుగా

    ప్రత్యుత్తరంతొలగించు
    ప్రత్యుత్తరాలు
    1. కె. ఈశ్వరప్ప గారూ,
      మీ పద్యం బాగున్నది.
      ‘ప్రాణియని యెంచిన’ అనండి.

      తొలగించు
  12. ధరణి రక్ష జేయ దనుజ సంహారమ్ము
    తథ్యమనుచు తలచి తరలు వేళ
    వార్ధి దాట గలుగు వారధినే గట్ట
    ఉడుత సాయ మొకటె యుర్వి నిలుచు

    ప్రత్యుత్తరంతొలగించు