కవిమిత్రులారా,
ఈరోజు పూరించవలసిన సమస్య ఇది...
“పట్టాలే లేక రైలు పరుగిడసాగెన్”
(భువనగిరి అవధానంలో డా. ఐ. కిషన్ రావు గారు పూరించిన సమస్య)
డా. ఇందారపు కిషన్ రావు గారి పూరణ....
జిట్టెడు లేఁడు, ముఖమ్మున
గట్టిగ మీసమ్ము లేదు గాని తరుణులన్
బట్టి తిరుగాడు పాపడు
పట్టాలే లేక రైలు పరుగిడసాగెన్.
పట్టిన పట్టును విడువక
రిప్లయితొలగించండిభట్టారుని పరిణయ మాడ పార్వతి కోరన్
గట్టుల రాయడు ముదమున
పట్టాలే లేక రైలు పరుగిడ సాగెన్
అక్కయ్యా,
తొలగించండిపార్వతీకళ్యాణానికీ రైలుకు సంబంధం ఏమిటో బోధపడలేదు.
రెండవపాదంలో గణదోషం. ‘భట్టారుని బెండ్లియాడ పార్వతి కోరన్’ అనండి.
‘గట్టుల రాయని మనమున’ అంటే కొంత అన్వయం కుదురుతుంది.
ముని అనే అర్థంలో భట్టారుడు అన్న పదం అంత ప్రస్తిద్ధం కాదుకూడా.
ఈ కామెంట్‌ను రచయిత తీసివేశారు.
రిప్లయితొలగించండిడా. ఇందారపు కిషన్ రావు గారు అప్పుడప్పుడు దూరదర్శన్ వారి సమస్యా పూరణం లో కనిపించేవారండీ. ఓ పుష్కరం క్రితం వారీ సమస్యను దూరదర్శన్ లో ఇచ్చిన గుర్తు.
తొలగించండికాగా , రెండు/మూడేళ్ల క్రితం తి.తి.దే వారి అవధానం కార్యక్రమాన్ని నిర్వహించి అటు ఘనపాటీలతోటీ , ఇటు వర్ధమాన /బాల అవధానులతోటీ ధారావాహికగా మంచి మంచి అవధానాలను అందించారు.
వారికి భవదీయుడి నమోవాకములు తెలియజేయగలరు.
రామకృష్ణ గారూ,
తొలగించండిధన్యవాదాలు. తప్పక తెలియజేస్తాను.
పరుగెత్తే రైలును చాలా దూరం నుంఛి చూస్తే పట్టాలు కనబడవు అన్న ఊహతో
రిప్లయితొలగించండిపిట్టవలె భుజమెక్కియె
పెట్టిన చిరుతిండి తినుచు వ్రేల్ దవ్వున చూ
పెట్టి బుడుగు తండ్రి కనెను { తండ్రికి + అనెను}
పట్టాలే లేక రైలు పరుగిడసాగెన్
‘ఊకదంపుడు’ గారూ,
తొలగించండిమీ పూరణ బాగున్నది.
మొదటిపాదంలో గణదోషం. ‘పిట్టవలె భుజమ్మెక్కియె/ భుజము నెక్కియె’ అనండి.
రిప్లయితొలగించండిబెట్టులు జేసెను మోడీ
గట్టిగ మారును రయిళ్ళ గమనము మేలౌ
చట్టన జపాను సాయము
పట్టాలే లేక రైలు పరుగిడ సాగెన్
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
పట్టున శాస్త్రములు జదివి
రిప్లయితొలగించండిపట్టిన యోచనల బహుళ వనరుల బలిమిన్
బుట్టిన ఫలమౌచు యినుప
పట్టాలే లేక రైలు పరుగిడ సాగెన్!
శర్మ గారూ,
తొలగించండిమీ పూరణ బాగున్నది. అభినందనలు.
బహుళ వనరుల? నప్పదనుకుంటాను.సంస్కృతపదానికి తెలుగుపదం పరం‌కారాదు కదా.
తొలగించండిఫలమౌచు యినుప ? ఫలమౌచు నినుప. యడాగమం కాదు నుగాగమం రావాలి
ధన్యవాదములు... సవరిస్తాను
తొలగించండిసవరణతో....
తొలగించండిపట్టున శాస్త్రములు జదివి
పట్టిన యోచనల గూడు వనరుల బలిమిన్
బుట్టిన ఫలమౌచు నినుప
పట్టాలే లేక రైలు పరుగిడ సాగెన్!
శ్యామల రావు గారూ,
తొలగించండినేను గమనించలేదు. ధన్యవాదాలు.
సవరణతో....
తొలగించండిపట్టున శాస్త్రములు జదివి
పట్టిన యోచనల గూడు వనరుల బలిమిన్
బుట్టిన ఫలమౌచు నినుప
పట్టాలే లేక రైలు పరుగిడ సాగెన్!
గురువు గారికి కవిమిత్రులకు నమస్కారములు
రిప్లయితొలగించండిపిట్టల దొరలా వాగెడు
చుట్టపు వాడొకడి మాట చోద్యమె సుమ్మీ
పిట్టలె గుట్టల మేసెను
పట్టాలేలేక రైలు పరుగిడసాగెన్
దొరలా? దొరవలె అనండి.
తొలగించండిఅదటుంచి అన్వయం?
తొలగించండివిరించి గారూ,
మీ పూరణ బాగున్నది.
‘దొరలా’ అనడం వ్యావహారికం. ‘దొరవలె’ అనండి. అలాగే ‘చుట్టపువా డాడుమాట’ అంటే బాగుంటుందేమో?
శ్యామలీయం గారూ,
తొలగించండిధన్యవాదాలు.
చిట్టి బుడుగు సంబరమున
రిప్లయితొలగించండిబుట్ట నడుగున గల రైలు బొమ్మను చూడన్1
గట్టిగ నరచుచు చెప్పెను
పట్టాలే లేక రైలు పరుగిడ సాగెన్!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
పుట్టిన రీతిని వీడుచు
రిప్లయితొలగించండిమట్టెలు కాలికి వరుడును మెట్టక మునుపే
జట్టుగ తిరుగిడ జంటగ
పట్టాలే లేక రైలు పరుగిడసాగెన్
మెట్టెలు కాలికి వరుడును మెట్టక మునుపే
తొలగించండిమెట్టుట అన్న క్రియాపదం ఇక్కడ అన్వయం‌కాదు మీరనుకున్నట్లు. సాధారణార్థం‌కాక అత్తవారింటికి వచ్చు అన్న అర్థం ప్రచురం. కాని కాలికి తొడగు అని కనిపించదు.
తొలగించండిఫణికుమార్ గారూ,
తొలగించండిమీ పూరణ బాగున్నది. అభినందనలు.
శ్యామలీయం గారి సూచనను గమనించండి.
పుట్టిన రీతిని వీడుచు
తొలగించండికట్టుగ తాళిని వరుడును కట్టక మునుపే
జట్టుగ తిరుగిడ జంటగ
పట్టాలే లేక రైలు పరుగిడసాగెన్
గురువుగారూ ససవరించాను
బెట్టేల పట్టువిడువుము
రిప్లయితొలగించండిచిట్టీ,తెచ్చితినిరైలు చిత్రపు బొమ్మన్
నట్టున్త్రిప్పుచు కీ నిడ
పట్టాలేలేకరైలు పరుగులు తీసెన్
అందరూ ప్రాసాక్షరం గురువైతే లఘువు వ్రాసారు తప్పుకాదా?
రిప్లయితొలగించండిప్రాసాక్షరానికి ఆ నియమం లేదు. ప్రాస పూర్వాక్షరానికి మాత్రమే ఆ నియమము.
తొలగించండిశ్రీరామ్ గారూ,
తొలగించండిమీ పూరణ బాగున్నది. అభినందనలు.
కందంలో ప్రాసపూర్వాక్షరం మొదటిపాదంలో గురువుంటే అన్ని పాదాల్లోను గురువుండాలి. లఘువుంటే అన్ని పాదాల్లోను లఘువుండాలి. ప్రాసక్షరం లఘువుగాను, గురువుగాను ఉండవచ్చు. ఉదా...
1) ఇందు గలఁ డందు లేఁడను
సందేహము వలదు చక్రి...
2) వీడా నా కొక కొడుకని
గాడిద యేడ్చెం గదన్న ఘనసంపన్నా!
3) ఆ మందిడి యతఁ డరిగిన
భూమీసురుఁ డరిగెఁ దుహిన భూధర శృంగ
శ్యామల కోమల కానన
హేమాఢ్య దరీ ఝరీ నిరీక్షాపేక్షన్.
చిట్టియె మానస వీపును
రిప్లయితొలగించండిపట్టుక ఛుక్ ఛుక్కు మనుచు పాడుచు దిరుగన్
గట్టిగ తాతయ పొగడెను
"పట్టాలే లేక రైలు పరుగిడసాగెన్."
బాగుంది.
తొలగించండిశ్యామలరావు గారూ! ధన్యవాదములు.
తొలగించండిహనుమచ్ఛాస్త్రి గారూ,
తొలగించండిమీ ‘చుక్ చుక్ రైలాట’ పూరణ బాగున్నది. అభినందనలు.
కొట్టేసిన మందు దిగక
రిప్లయితొలగించండిగుట్టే చెప్పక విధులకు గునగున రాగా
అట్టే ట్రైనును నడపగ
పట్టాలే లేక రైలు పరుగిడసాగెన్
వెంకటప్పయ్య గారూ,
తొలగించండిమీ పూరణ బాగున్నది. అభినందనలు.
ఎట్టా యేమని యంటిరి ?
రిప్లయితొలగించండిపట్టాలే లేక రైలు పరుగిడ సాగెన్
కట్టా యే మీ ఘోరము
లిట్టుగయును గలదె సామి ! యి ధ్ధర లోనన్
ఘోరము లిట్టులనుం గలవె సామి అనండి. ఇట్టుగ అంత బాగాలేదు. పద్యం‌బాగుంది.
తొలగించండిసుబ్బారావు గారూ,
తొలగించండిమీ పూరణ బాగున్నది. అభినందనలు.
శ్యామలీయం గారి సూచనను గమనించండి.
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,,,
కిట్టను బుడతడు దారము
గట్టుచు బొమ్మలను లాగగానె : -- సలిలపున్
మట్టము లేక పడవ , యిక
పట్టాలే లేక రైలు పరిగిడ సాగెన్ ! ! !
కిట్టను = కిట్టు + అను ;
సలిలపున్ మట్టము = నీటి మట్టము
ె
పడవకూ రైలుకూ ఎలా ముడివేసారు పద్యంలో?
తొలగించండిగురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
*****
శ్యామలీయం గారూ,
నీళ్ళు లేక పడవబొమ్మ, పట్టాలు లేక రైలుబొమ్మ పరుగిడినాయని భావం.
పుట్టల తోనిండిన నొక
రిప్లయితొలగించండినట్టడవిన కొండచిలువ నాదరి కొచ్చెన్
కట్టెదుటగాంచ గుండెన
పట్టాలే లేక రైలు పరుగిడ సాగెన్
చక్కగా ఉంది. నట్టడవిని అంటే చాలు. అలాగే గుండెను అనండి గుండెనకు బదులుగా.
తొలగించండివిరించి గారూ,
తొలగించండిబాగుంది మీ పూరణ.
శ్యామలీయం గారి సూచనను గమనించండి. అలాగే ‘వచ్చెన్’ అనడానికి బదులు ‘ఒచ్చెన్’ అన్నారు. ‘నాదరి జేరెన్’ అనండి.
ముట్టవు పొత్తము నక్కట
రిప్లయితొలగించండియుట్టిగఁ దిరిగెదవు పట్టి యూరేలు మతిం
గట్టా పేరాసేరా
పట్టాలే లేక రైలు పరుగిడసాగెన్
బాగుంది. పేరాసేరా అన్నది పేరాసయేరా అవ్వాలి.కట్టా నిరాశయేరా(యేనా) అందామా? కొంచెం అన్వయసుభగత లోపించినట్లుంది కూడా.
తొలగించండిశ్యామల రావు గారు ధన్యవాదములు. సవరించిన పూరణ:
తొలగించండిముట్టవు పొత్తము నక్కట
యుట్టిగఁ దిరిగెదవు పట్టి యూరేలు మతిం
గట్టా పేరాససుమీ
పట్టాలే లేక రైలు పరుగిడసాగెన్
కామేశ్వర రావు గారూ,
తొలగించండిసవరించిన మీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిబెట్టంటిని మనవారు క్రి
తొలగించండికెట్టున గెలిచెదరటంచు, క్రీజున నొకరే
జట్టున మిగులఁగ! గుండెల
పట్టాలే లేక రైలు పరుగిడసాగెన్!
జనసాధారణమైన అనుభవం చెప్పారు. బాగుంది పద్యం.
తొలగించండిసహదేవుడు గారూ,
తొలగించండిమీ పూరణ బాగుంది. అభినందనలు.
పట్టాభి రాము గృహమున
రిప్లయితొలగించండిచుట్టాల నడుమ రణమును చూచుచునుండన్
బిట్టుగ గుండియ పొరలో
పట్టాలే లేక రైలు పరుగిడ సాగెన్.
బాగుంది.
తొలగించండిసూర్యనారాయణ గారూ,
తొలగించండిమీ పూరణ బాగున్నది. అభినందనలు.
ఎట్టుల తిరుగం గలదే
రిప్లయితొలగించండిపట్టాలే లేక రైలు, పరుగిడ సాగెన్
పట్టణ మందున పల్లెలు
గుట్టల ప్రాంతాన కార్లు కోకొల్లలుగా
నట్టింటను నేనుండగ
ముట్టడి జేసిరి పలువురు మ్రుచ్చులు రేయిన్
పట్టెను చెమటలు గుండెన
పట్టాలే లేకరైలు పరుగిడ సాగెన్
సాగెన్ ..... కార్లు.... : వచనభంగదోషం గమనించండి.
తొలగించండిరెండవపద్యం బాగుంది. (గుండెను అనండి)
సాగెన్ ..... కార్లు.... : వచనభంగదోషం ఏమీ లేదండీ. నేనే పొరబడ్డాను. పట్టణ మందున పల్లెలు అన్నచోట పట్టణముల పల్లెలలో అనండి. రెండూ ఒక వచనంలోనికి రావటానికి. కాని అప్పుడు రైళ్ళు అనవలసి వస్తుంది న్యాయానికి. అందుచేత పట్టణమున పల్లెననన్ అంటే సరిపోతుంది చక్కగా.
తొలగించండివిరించి గారూ,
తొలగించండిమీ తాజా రెండు పూరణలు బాగున్నవి. అభినందనలు.
*****
శ్యామలీయం గారూ,
‘పట్టణమున పల్లియలో’ అంటే ఇంకా బాగుంటుందేమో?
ఈ కామెంట్‌ను రచయిత తీసివేశారు.
రిప్లయితొలగించండికట్టిన బట్టలనె గొలుసు
రిప్లయితొలగించండికట్టుగ పట్టుగొనుచు తిరుగాడు బుడుతలే
పెట్టెలుగ మారె వాకిటఁ
బట్టాలే లేక రైలు పరుగిడసాగెన్॥
బాగుంది.
తొలగించండిరఘురామ్ గారూ,
తొలగించండిమీ పూరణ బాగున్నది. అభినందనలు.
పట్టా బొందెడి యూహన
రిప్లయితొలగించండిపొట్టిగ గనిపించు వాడు పుల్లారావే
మెట్టున నిదురించగ?కల
పట్టాలే లేక రైలు పరుగిడ సాగెన్ {పట్టా=డిగ్రీ}
పద్యం బాగానే ఉంది సమర్థింపులు అంతగా నప్పినట్లుగా అనిపించటం లేదు కాని. పూరణలో ఇబ్బంది కాదులెండి.
తొలగించండిఈశ్వరప్ప గారూ,
తొలగించండిమీ పూరణ బాగున్నది. అభినందనలు.
‘...యూహను’ అనండి.
పట్టగు బౌధ్ధారామము
రిప్లయితొలగించండిచెట్టాపట్టాలు వేసి చైనీయులచే
కట్టింప రాజధానిని
పట్టాలే లేక రైలు పరుగిడసాగెన్॥
కార్యకారణసంబంధం తెలియటం‌లేదు! పద్యం మాత్రం సలక్షణం.
తొలగించండితిమ్మాజీ రావు గారూ,
తొలగించండిశ్యామలీయం గారు చెప్పినట్లు సమస్యాపరిష్కారం తృప్తికరంగా లేనట్టుంది.
''సప్తగిరి '' దూరదర్శన్ వారు తే 22/04/2007 దీ కై యిచ్చిన ఈ సమస్యకు
రిప్లయితొలగించండిప్రసారమైన నాటి నా పూరణ
గట్టిగ జడలను బట్టుచు
పట్టు పరికిణీల తొడ బాలలు రైలై
చుట్టూ గిరగిర తిరుగగ
పట్టాలే లేక రైలు పరుగిడసాగెన్
సుకవి మిత్రులు భాగవతుల కృష్ణారావు గారూ...నమస్సులు! కాకతాళీయంగా మీ పూరణమూ...నా పూరణమూ...రెండూ ఒకే అంశాన్ని ఆధారంగా గొని పూరింపబడ్డాయి. మీ పూరణము నాకన్న బాగుగ ననిపించుచున్నది. శుభాభినందనలు!
తొలగించండికృష్ణారావు గారూ,
తొలగించండిమీ పూరణ బాగున్నది. అభినందనలు.
. కట్టడితోపనియేమని
రిప్లయితొలగించండిపట్టాలే లేక రైలు పరుగిడ సాగెన్|
చిట్టియు మరదిప్పగనే
దిట్టంగా నేలపైన తిరిగెను రైలై|
3. పొట్టిగ నుండినపిల్లలు
చట్టా పట్టాలయందు చరియించుచు నో
పట్టాన గలసియాడన్
పట్టాలే లేక రైలు పరుగిడ సాగెన్
దిట్టంగా నేలపైన బదులు దిట్టంబుగ నేలపైన అనండి. పద్యం బాగుంది.
తొలగించండిచట్టాపట్టాలు కాదు చెట్టాపట్టా లనా లనుకుంటాను. చట్టా పట్టాలయందు బదులు చెట్టా పట్టాల గట్టి అంటే మరింత బాగుండవచ్చును. ఓ అనటం గ్రామ్యం కాబట్టి సంప్రదాయకవిత్వంలో ఇబ్బండి. పద్యం‌కొంచెం మార్చండి.
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
శ్యామలీయం గారి సూచనను గమనించండి.
కట్టగ తాళిని ప్రియుడే
రిప్లయితొలగించండిగుట్టుగ మిత్రులనుజేరి కోవెలలోనన్
చిట్టెమ్మ మనసునందున
పట్టా లేలేక రైలు పరుగిడ సాగెన్
కొంచెం అన్వయం లోపం. తాళిని చూపారు కాని కట్టించలేదే! గుట్టుగ బదులు కట్టగ అనండి. పద్యం‌బాగుంది.
తొలగించండిశ్యామలీయంగారికి నమస్సులు. మొదటిపాదంలోనే "కట్టగ తాళిని" అనివ్రాశాను. గమనించండి.
తొలగించండిఅన్నపరెడ్డి వారూ,
తొలగించండిమీ పూరణ బాగున్నది. అభినందనలు.
కవిమిత్రులు మన్నించాలి. మరణించిన మా బావమరది ఐదవరొజు కార్యక్రమాలకోసం ఉదయం వెళ్ళి ఇంతకు ముందే తిరిగి వచ్చాను. అందువల్ల మీ పూరణలను వెంటవెంటనే సమీక్షించలేకపోయాను.
రిప్లయితొలగించండిమిత్రులందఱకు నమస్సులు!
రిప్లయితొలగించండిదిట్టపుఁ ద్రాళ్ళనుఁ బట్టియు
గట్టిగ ముడివేసి రైలుగాఁ జేసి యటన్
బొట్టెండ్రాడుచునుండన్
బట్టాలే లేక రైలు పరుగిడసాఁగెన్!
ప్రశస్తం.
తొలగించండిధన్యవాదాలండీ శ్యామలరావు గారూ!
తొలగించండిమధుసూదన్ గారూ,
తొలగించండిమీ పూరణ శ్యామలీయం గారన్నట్టు నిజంగా ప్రశస్తంగా ఉంది. అభినందనలు.
కృష్ణారావు గారి పూరణను ప్రశంసించి మీ సంస్కారాన్ని చాటుకున్నారు. సంతోషం!
కొట్టున దెచ్చితి గనుమిట
రిప్లయితొలగించండిపట్టాలే లేక రైలు పరుగిడసాగెన్
గుట్టుగ నీకే నొసగెద
మట్టసముగ నాడుకొనుము మారామిడకన్
ఉమాదేవి గారూ,
తొలగించండిమీ పూరణ బాగున్నది. అభినందనలు.
చివరి రెండు పాదాలను మొదటికి తెస్తే అన్వయం ఇంకా బాగుంటుందనిపిస్తున్నది.
ధన్యవాదాలండి సవరిస్తాను.
రిప్లయితొలగించండిధన్యవాదాలండి సవరిస్తాను.
రిప్లయితొలగించండిపట్టణమున నుండు బుడుత
రిప్లయితొలగించండిమిట్టూరికి వచ్చి జూచి మెరిసెడి జెర్రిన్
చట్టున పలికెన్నిట్టుల:👇
పట్టాలే లేక రైలు పరుగిడసాగెన్!