కవిమిత్రులారా,
ఈరోజు పూరించవలసిన సమస్య ఇది...
''ప్రజలు ప్రతిరోధకులు మన ప్రగతి కెపుడు''
లేదా...
"ప్రజలు నిరోధకు లఁట మన ప్రగతికి నెపుడున్"
ఈరోజు పూరించవలసిన సమస్య ఇది...
''ప్రజలు ప్రతిరోధకులు మన ప్రగతి కెపుడు''
లేదా...
"ప్రజలు నిరోధకు లఁట మన ప్రగతికి నెపుడున్"
రిప్లయితొలగించండినిజమా ఈ మాట కవీ ?
ప్రజలు నిరోధకులు దేశ ప్రగతికెపుండున్ ?
సుజనులటుల పలుక తగదు
సజనుల నెన్నుకొనవలెను చక్కగ మేలౌ !
జిలేబి
జిలేబీ గారూ,
తొలగించండిమీ పూరణ బాగుంది.
'ప్రగతికి నెపుడున్' అనండి. 'సజ్జనులు' సాధువు... `సజనులు'..?
గురువు గారు
రిప్లయితొలగించండితేట గీతికి ఒక లఘువు తగ్గింది. కంద పాదము కావాలంటే "దేశ ప్రగతికి నెపుడున్" అనాలి.
అది కాక "దేశ ప్రగతి" సంస్కృత సమాసమగుట చేత, "శ" గురువై తేట గీతికి , కందమునకు గణ భంగమవుతుందనిపిస్తుంది
సత్యనారాయణ గారూ,
తొలగించండిధన్యవాదాలు. సవరించాను.
ప్రజలట నిరోధకులు దేశ ప్రగతి కెపుడు
రిప్లయితొలగించండిఅని ఉంటే సరీపోతుందేమో
విరించి గారూ,
తొలగించండిసవరించాను. ధన్యవాదాలు.
సుంకమడిగిన నష్టంబు చూపుచుండి
రిప్లయితొలగించండిఎన్నికలలోన ఓటును వేయకుండి
ప్రభుత నిందించి కర్తవ్యపరత మఱచు
ప్రజలు ప్రతిరోధకులు దేశ ప్రగతి కెపుడు
ప్రజలు ప్రతిరోధకులు మన ప్రగతి కెపుడు
తొలగించండిఫణికుమార్ గారూ,
తొలగించండిమీ పూరణ బాగున్నది. అభినందనలు.
మీ సూచన ననుసరించి సవరించాను. ధన్యవాదాలు.
గురువుగారూ ధన్యవాదములు
తొలగించండికవిమిత్రులు మన్నించాలి...
రిప్లయితొలగించండిరాత్రి నిద్రాసక్తుణ్ణై గణదోషాన్ని గమనించకుండా సమస్యను షెడ్యూల్ చేశాను. నేను తేటగీతి పాదంగానే ఇచ్చాను. మిత్రులు కందపాదంగా కూడా గ్రహించారు. అందువల్ల రెండు విధాలుగా సమస్యను సవరించాను.
'దేశప్రగతి' అన్నపుడు 'శ' పాక్షికంగా గురువు అవుతుందని కొందరు లాక్షిణికుల మతం. దానిని మిత్రులు కొందరు పాటిస్తున్నారు కూడా. అభ్యంతరం చెప్పను కాని నేను మాత్రం గురువుగానే పరిగణిస్తాను. అందువల్ల ఆ పదాన్ని కూడా సవరించాను.
తొలగించండిమిత్రులందఱకు నమస్సులు!
రిప్లయితొలగించండిపన్నుఁ గట్టక, నల్ల వ్యాపారులునయి,
దేశవిద్రోహకారులై, లేశమైన
మానవత్వమ్ము లేని వెంబరలునైన
ప్రజలు ప్రతిరోధకులు మన ప్రగతి కెపుడు!
మధుసూదన్ గారూ,
తొలగించండిమీ పూరణ బాగున్నది. అభినందనలు.
మోడి మేలును తలపెట్ట మోద మంది
రిప్లయితొలగించండిభరత జనులెల్ల సాగరె భావి నరసి
మతము కులమని కూసెడి మౌడ్య జనులు
ప్రజలు ప్రతిరోధకులు మన ప్రగతి కెపుడు!
వెంకటఫ్పయ్య గారూ,
తొలగించండిమీ పూరణ బాగున్నది. అభినందనలు.
'జనులు.. ప్రజలు' అని పునరుక్తమయింది కదా! 'మౌఢ్యులైన। ప్రజలు...' అంటే ఎలా ఉంటుంది?
మూఢులైన ప్రజలు అనటం ఉచితంగా ఉంతుందండి.
తొలగించండి'మూఢులైన' అంటే యతి తప్పుతుంది. 'మతము కులమని కూయుచు పతితులైన | ప్రజలు...' అంటే ఎలా ఉంటుంది?
తొలగించండిస్వార్థపరులౌచు సర్వత్ర సంచరించు
రిప్లయితొలగించండిచుండి నిధులన్నియును మ్రింగుచుండువార
లన్యు లేమైన నాకేమి టని తలంచు
ప్రజలు ప్రతిరోధకులు మన ప్రగతి కెపుడు.
(హ.వేం.స.నా.మూర్తి)
సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
ప్రజలు ప్రతిరోధకులుమన ప్రగతికెపుడ
రిప్లయితొలగించండినుటయ కేవలమనృతం బనగదగును
దుష్ట దర్నీతి వర్తన ధర్యులైన
స్వార్థపూరిత నేతలే శకునులకట!
ర్నీ
పొన్నెకంటి సూర్య నారాయణ రావు గారూ,
తొలగించండిమీ పూరణ బాగున్నది.
రెండవ పాదంలో గణదోషం, యతిదోషం. 'ప్రగతి కెపు డ|టంచు బలుకుట యనృతమే యనగ దగును' అంటే ఎలా ఉంటుంది? 'ధుర్యులైన'...' ధర్యులైన' అని టైపయింది.
శంకరయ్యగారికి నమస్సులు. మీ సూచన గమనించానండి.కృతజ్ఞతలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిహత్య లవినీతి కృత్యంబు లనుదినంబు
రిప్లయితొలగించండిమత విరోధంబు లతివల మానహాను
లధిక మౌచుండ కిమ్మన నట్టులుండు
ప్రజలు ప్రతిరోధకులు మన ప్రగతి కెపుడు.
(హ.వేం.స.నా.మూర్తి)
సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
కులమత విభేదములు మీఱ కుటిల తంత్ర
రిప్లయితొలగించండిములను నెఱపి యుక్తాయుక్తములు నెఱి దల
చకను దమలోన తాము రోసి కలహించు
ప్రజలు ప్రతిరోధకులు మన ప్రగతి కెపుడు
సుజనతఁ జూపని వైద్యులు
ధ్వజవర్ధన సేయ లేని వాహిని గరిమన్
నిజము నుడువ సోమరులౌ
ప్రజలు నిరోధకు లఁట మన ప్రగతికి నెపుడున్
కామేశ్వరరావు గారూ,
తొలగించండిమీ రెండు పూరణలు బాగున్నవి. అభినందనలు.
రుజవలె భరతావనిని పేరుకొనె లంచ
రిప్లయితొలగించండిగొండితనము! విదేశి నిగ్గులకు లొంగి
దేశభక్తి కరవయిన దేభ్యులట్టి
ప్రజలు ప్రతిరోధకులు మన ప్రగతికెపుడు॥
ఏ పదం వేసినా 3వ పాదం ఆఖరి అక్షరం గురువే పడుతుంది (తరువాతి ప్ర వల్ల)! మరి దీనికి పరిష్కారం ఏమిటి?
రుజవలె భరతావనిని పేరుకొనె లంచ
రిప్లయితొలగించండిగొండితనము! విదేశి నిగ్గులకు లొంగి
దేశభక్తి కరవయిన దేభ్యులట్టి
ప్రజలు ప్రతిరోధకులు మన ప్రగతికెపుడు॥
ఏ పదం వేసినా 3వ పాదం ఆఖరి అక్షరం గురువే పడుతుంది (తరువాతి ప్ర వల్ల)! మరి దీనికి పరిష్కారం ఏమిటి?
ప్రజ అన్నది సంస్కృతపదం. దానికి పూర్వపదంగా మరొక సంస్కృతపదం ఉండి దానితో ఈ ప్రజ అనేది సమసించితే అప్పుడు మీరన్నది నిజం. ఆ పూర్వపదంలో చివరి అక్షరం గురువు కావలసి ఉంటుంది. కాని ఈ విధంగా పరపదం రేఫంతో కూడి ఉన్నప్పుడు పూర్వపదాంతంలో ఉన్న అక్షరం గురువుగా మారటం ఐఛ్ఛికం. దీనికి సంబంధించిన నియమాలను ఈ శంకరాభరణంలోనే లోగడ శంకరయ్యగారు వ్రాసినట్లు గుర్తు. కొంచెం గాలించండి.
తొలగించండిపూర్వపదం తెలుగుమాటగా ఉండిన పక్షంలో పరపదం సంస్కృతపదంగా సమాసం ఏర్పడదు. కాబట్టి ఆ తెలుగు పదం చివరి అక్షరం గురువుగా మారదు.
ఉదాహరణ 'నేడు ప్రజలకు పండువే నిక్కముగను' అన్నది శుభ్రంగా తేటగీతిపాదం. నేడు + ప్రజ అంటూ సమాసం ఏర్పడదు. కాబట్టి ఇక్కడ డు అన్నది గురువుగా మారదు.
మండల మేలె నొక్క ద్విజమాత్రుడు ఛాత్రులు మంత్రులైరనన్ అని ఒక సమస్యను మా మేనమామ జగన్నాథరావుగారు తమ విద్యార్థి దశలో ఒక అష్టావధానంలో పూరించారు. అది నాకు ఇస్తే నేను తికమక పడ్డాను. అప్పటికి నేనింకా స్కూలు పిల్లవాడినే. అప్పుడు మా మామయ్యగారు ఒక్క + ద్విజ అని వ్యాకరణకార్యం లేదూ సమాసం లేదూ కాబట్టి క్క అన్నది లఘువుగానే ఉంటుందీ అని విడమరచారు.
రఘురామ్ గారూ,
తొలగించండిమీ పూరణ బాగున్నది. అభినందనలు.
శ్యామలీయం గారి వివరణతో మీ సందేహం తీరింది కదా!
శ్యామల రావు గారూ,
తొలగించండిచక్కని వివరణ ఇచ్చారు. ధన్యవాదాలు.
శ్యామలీయం గారు, ఎంతో ఓర్పుగా వివరణ ఇచ్చారు, ధన్యాలండి!! ఇన్నాళ్ళూ నేను నా చెవికి వినిపించే తీరుని బట్టి, అంటే చదువుతున్నప్పుడు ఈ సంయుక్తాక్షర ప్రభావం ముందక్షరం మీద పడుతోందా లేదా అన్నది వినికిడి ద్వారా నిర్ణయించేవాడిని. వెనకాల ఈ థియరీ తెలియదు. Thank you so much!!
తొలగించండిప్రజలుప్రతిరోధకులుమనప్రగతికెపుడు
రిప్లయితొలగించండికాదుకాదార్య!యెప్పుడుకాదుకాదు
దేశప్రగతికివారలుదెగువజూపి
పాటుపడుదురునిరతముభవితకొరకు
సుబ్బారావు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిప్రజలనగనుమనమేగద
రిప్లయితొలగించండిప్రజలునిరోధకులటమనప్రగతికినెపుడు
న్నిజముగనటులుగజేతుమ?
విజయాా!యదినీవజెప్పువివరణతోడన్
సుబ్బారావు గారూ,
తొలగించండిమీ రెండవ పూరణ బాగున్నది. అభినందనలు.
ఓటు కోరుచు ప్రీతిగ మాటలాడు
రిప్లయితొలగించండినాయకుని రూపమెరుగక నమ్ముచుంద్రు
ప్రజలు! ప్రతిరోధకులు మన ప్రగతి కెపుడు
నీతి మాలిన నేతలె! నిజము సుమ్ము!
శ్రీధర రావు గారూ,
తొలగించండివిరుపుతో మీ పూరణ బాగున్నది. అభినందనలు.
ఊరువాడల కభివృద్ధ్హి కోరు వారు
రిప్లయితొలగించండిప్రజలు ప్రతిరోధకులు మన ప్రగతి కెపుడు
సొమ్ములకు మందిపై పెత్తనమ్ములకును
గద్దె పైకెక్కు నేతలు గ్రద్దలవలె.
శ్యామల రావు గారూ,
తొలగించండిమీ పూరణ బాగున్నది. అభినందనలు.
ప్రజలు తరువాత కామా పెడితే బాగుండేది.
ఇద్దరు అవినీతి రాజకీయనాయకుల నడుమ సంభాషణ:
రిప్లయితొలగించండిపంచ వర్షములు భరించు, కొంచమైన
నెదురు తిరగక యోటరులదను జూసి
యెన్నికలవేళనోటుతో నెదురు తిరుగు
ప్రజలు ప్రతిరోధకులు మన ప్రగతి కెపుడు!!
యెన్నికలవేళన్ + ఓటుతో >>యెన్నికలవేళనోటుతో
జిగురు సత్యనారాయణ గారూ,
తొలగించండిమీ పూరణ బాగున్నది. అభినందనలు.
జాతిసంపదై వెలగరే జనులు, ధర్మ
రిప్లయితొలగించండివర్తులై చరించు దేశ భక్తులైన
ప్రజలు, ప్రతిరోధకులు మన ప్రగతి కెపుడు
తీవ్ర వాదులు నిజమిదే తెలుసుకొనుడు
కుజనులు స్వార్థమ్మున తా
ము జనుల వంచించుచు ధనమున్ పొందెడు వా
రు జగతికి చీడ యౌ నా
ప్రజలు నిరోధకులట మన ప్రగతికి నెపుడున్
విరించి గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణ రెండవ పాదంలో గణదోషం. 'చరించెడి' అంటే సరి!
గురువుగారికి ధన్యవాదములు
తొలగించండిసుజనతను మరచు వారలు
రిప్లయితొలగించండికుజనత్వము జూపువారు కువలయమందున్
నిజమును సమాధి జేసెడు
ప్రజలు నిరోధకులట మన ప్రగతికి నెపుడున్!!!
శైలజ గారూ,
తొలగించండిమీ పూరణ బాగున్నది. అభినందనలు.
నిజమును పల్కక , కుటిలత
రిప్లయితొలగించండిభజనలుచేయుచు సతతము పాపా త్ములకున్
త్యజించి మంచి బ్రతికెడు
ప్రజలు ని రోధకులట ప్రగతికి నెపుడున్
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
ఓట్లు వేసెడిసమయాన నోట్లు గోరు
రిప్లయితొలగించండిప్రజలు ప్రతిరోధకులు|మనప్రగతి కెపుడు
ఆశ నత్యాసగామార్చునాశనంబు
మానవాళియు గోరుట మాయయగును|
2.ఋజువులు గల కథలెన్నొ
నిజమని గుర్తించ లేక నీతిని విడి” తా
భజనలు జేసే స్వార్థ
ప్రజలునిరోధకులట|మనప్రగతికి నెపుడున్”.
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
భజనలు జేసెడి... అనండి.
మంచి పనులను చేసినన్ మదిని రోసి
రిప్లయితొలగించండికూర్మి తోడను చెప్పినన్ కొంకు మాట
లాడుచున్ సుకార్యములకు నడ్డు చెప్పు
ప్రజలు ప్రతిరోధకులు మన ప్రగతి కెపుడు
నిజమిది నమ్ముము మదిలో
ప్రజలు నిరోధకులట మన ప్రగతికి నెపుడున్
సుజనులవోలెనటించుచు
కుజనత్వము జూపు ఘనులు కొల్లలు గనుమా!
ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
జాతి,కుల,మత భేదమల్ చావకుండ
రిప్లయితొలగించండినిప్పు రగిలించి యైక్యతా నిలువకుండ
జేసి యధికారమును బొందు చెనటి,స్వార్థ
ప్రజలు ప్రతిరోధకులు మన ప్రగతి కెపుడు.
లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
`...యైక్యత నిలువకుండ' అనండి.
సమ్మె, బందులు, ధర్మాల సమయ మందు
రిప్లయితొలగించండినదియు ప్రజల యాస్తియను తలంపు లేక
ప్రభుత యాస్తిని నాశన పరచు చున్న
ప్రజలు ప్రతిరోధకులు మన ప్రగతి కెపుడు.
నాగేశ్వర రావు గారూ,
తొలగించండిమీ పూరణ బాగున్నది.
`ధర్నాల'... `ధర్మాల' అని టైపయింది. రెండవపాదంలో యతి తప్పింది. `అదియు ప్రజల యాస్తియనుచు మది దలపక' అనండి.
ధన్యవాదాలు శంకరయ్య గారూ !
తొలగించండిమీరు సవరించినది బాగున్నది.
ఐహికమ్ముల విడనాడి దైవ చింత ,
రిప్లయితొలగించండిముక్తి మార్గము పైన నాసక్తి జూపి
నరులు సురలుగ మసలగ, నసురుల నెడి
ప్రజలు ప్రతిరోధకులు మన ప్రగతి కెపుడు
విజయ పతాకము లెగురగ
సుజనులు జేయుదురఖండ శోధన ; ధూర్తుల్
కుజనులు, నవరోధ మిడెడు
ప్రజలు, నిరోధకు లఁట మన ప్రగతికి నెపుడున్
కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
మొదటి పూరణ మొదటి పాదంలో యతి తప్పింది. సవరించండి. 'ఐహికమ్ముల విడిచి బ్రహ్మమ్ము దలచి..' అందామా?
ప్రభుత చేపట్టు పనులెల్ల బాగుకనుచు
రిప్లయితొలగించండివైరి పక్షా న జేరుచు వంతపాడు
ప్రజలు ప్రతిరోధకులు మన ప్రగతి కెపుడు
ననుచు పాలకవర్గపు మనసు తలచు.
సహదేవుడు గారూ,
తొలగించండిమీ పూరణ బాగున్నది. అభినందనలు.
విజయుడైన నేత కడకు వేగ జేరి
రిప్లయితొలగించండిస్వార్ధ భావము ఘనధన స్వామ్య మతము
కోరి రాజకీయ విషంబు నూరి పోయు
ప్రజలు ప్రతిరోధకులు మన ప్రగతి కెపుడు
కళ్యాణ్ గారూ,
తొలగించండిమీ పూరణ బాగున్నది. అభినందనలు.
భుజకీర్తులు పీకెదరే
రిప్లయితొలగించండిగజగజ లాడించి ఓటు కాంగ్రెసుకిడిరే
గుజరాతును జూడుము షా!
ప్రజలు నిరోధకు లఁట మన ప్రగతికి నెపుడున్!