వరుణాదిత్య సమప్రభుండు నిజ సద్భ్రా తృశ్రియాఘ్నుండిలన్ తరుణోద్రేక విమోహ కామ భర చిత్తక్షోభ తప్తాంగుడున్ మరణామానుష సంఘ బాహ్య వర దుర్మత్తుండు దుష్టుండు ని ష్కరుణా సాగరు డన్న నొప్పు దశ దుష్కంఠుండు చిత్రంబుగన్
కవిమిత్రులు మన్నించాలి... ఈరోజు ఉదయం మా బావమరది చనిపోయాడు. మా ఆవిడను అక్కడ దింపి ‘ఇప్పుడే వస్తా’నని అబద్ధం చెప్పి (నిజం చెప్తే “మా తమ్ముడి కంటే మీకు అవధానం ఎక్కువా?” అంటుంది కనుక) అవధాన కార్యక్రమానికి వెళ్ళాను. అవధానం అద్భుతంగా జరిగింది. అది ఐపోగానే బావమరది శవ్యాత్రకు అందుకున్నాను. ఇప్పుడే ఇల్లు చేరాను. అలసిపోయి ఉన్నాను. మన్నించండి.
సత్యనారాయణ గారూ, ఇది దత్తపది పూరణ కోసం వ్రాసిన పద్యం కానట్టుంది. పద్యం బాగుంది. ప్రార్థనలన్+సరిజేయ, జీవికన్+రణమన.. అన్నప్పుడు ద్రుతం అనుస్వారంగా మారదు.
రాయబారం లో కృష్ణుడు దుర్యోధనునితో....
రిప్లయితొలగించండిసంధికి రా! రాకుండిన
బంధము త్రెగునిక ననికిని పద మనసారా
బంధము పోతే రాదిక
సంధియెపో! రాచబాట సౌఖ్యం బందన్!
తొలగించండిస్వల్ప సవరణతో
రాయబారం లో కృష్ణుడు దుర్యోధనునితో....
సంధికి రా! రాకుండిన
బంధము త్రెగునింక ననికిి పద మనసారా
బంధము పోతే రాదిక
సంధియెపో! రాచబాట సౌఖ్యం బందన్!
రారా జునివన మునగల
రిప్లయితొలగించండిసారాంశము నెరుగ కుండ సౌగంధికమున్
తేరా దాయని భీముని
పోరా యనిపాం చాలి పొలుపున కోరెన్
------------------------------------
కొన్ని సందర్భాలలో ఎవరినైన " ర " కొట్టవచ్చని .ఒక కవి ఉవాచ
ఈ కామెంట్‌ను రచయిత తీసివేశారు.
రిప్లయితొలగించండివినుము రారాజ! నామాట రణము వలదు
తొలగించండిపోరున మనసారాటమె పొందునింక
నరుని తేరాజిన నిలువ జ్వరము రాదె?
తగునె పోరాడ? చాలదె సగము నీకు?
ఈ కామెంట్‌ను రచయిత తీసివేశారు.
రిప్లయితొలగించండిరా! రమ్మని కృష్ణుడు, మన
రిప్లయితొలగించండిసారా వినుమనఁగ గీత, సత్యము గన నిం
తేరా! యని దెలిసి యనిని
పోరాటముఁ జేసి జయము పొందెను నరుడున్
రిప్లయితొలగించండికోరి వచ్చిన ఊర్వశి అర్జునుల సంవాదం ! ఊర్వశి శాప ఘట్టం
రారా రాజకుమారా !
కోరితి మనసార నిన్ను కోరిక మీరన్
పోరాని పోకడలు నల
తే ! రాజేంద్రు చెలివీవు తెంపరి తల్లీ !
జిలేబి
ఈ కామెంట్‌ను రచయిత తీసివేశారు.
రిప్లయితొలగించండిమిత్రులందఱకు నమస్సులు!
రిప్లయితొలగించండిరారాజున్ వధియింపఁ బెందొడలు విర్వంగాను భీముండు నా
పోరాటమ్మునుఁ జేయఁ బిల్వ, మడువున్ బోఁజొచ్చు దౌర్గత్య మిం
తేరా, దుష్టుల కృత్యముల్ వెస నసత్తీరమ్ములన్ జేర్చి, ని
స్సారాబ్ధిం దగఁ గూలఁ జేయును సుమా, సంతోషమున్ మ్రింగియున్!!
కవి పుంగవులు మధుసూదన్ గారు నమస్సులు. చక్కటి పూరణ.
తొలగించండి“నిస్సారాబ్ధి” యని ప్రయోగించి నేనిదివరలో నొక పూరణలో ప్రయోగించిన “నిష్కరుణాసాగరుడు” సమాసమునకు బలము చేకూర్చారు. ధన్యవాదములు.
వరుణాదిత్య సమప్రభుండు నిజ సద్భ్రా తృశ్రియాఘ్నుండిలన్
తొలగించండితరుణోద్రేక విమోహ కామ భర చిత్తక్షోభ తప్తాంగుడున్
మరణామానుష సంఘ బాహ్య వర దుర్మత్తుండు దుష్టుండు ని
ష్కరుణా సాగరు డన్న నొప్పు దశ దుష్కంఠుండు చిత్రంబుగన్
రారా! రమ్మిట! తెలుపుము
రిప్లయితొలగించండిపోరాడెదవా? తగదిది పోకిరి పలుకుల్!
తేరా! నీకుల మేదియొ!
సారా తాగిన మదమున సాహసి యౌనా?
(భీష్ముడు, ద్రోణుడు కుమారాస్త్రవిద్యా ప్రదర్శనలో కర్ణుని అడిగిన సందర్భంలో)
రారాజు భూమి నీయమి
రిప్లయితొలగించండిసారాంశము జెప్పుచుంటి సవినయ మున్గా న్
పోరాట పటిమ తోడన
తేరా మఱి రాజ్య మిపుడు తెగువత తోడన్
ఈ కామెంట్‌ను రచయిత తీసివేశారు.
రిప్లయితొలగించండిఈ కామెంట్‌ను రచయిత తీసివేశారు.
తొలగించండిరారాజుని నేనని కం
తొలగించండిసారాతిని నింద సేసి యభయమ్ముగ దూ
తేరాపరాఙ్ముఖివియై
పోరాటపుఁ గామి వైతి పోగాలమునన్
[దూత+ఇరా+పరాఙ్ముఖివి; ఇర = మాట, ఆ కారాంత స్త్రీలింగము.]
సారథ్యము నే జేయగ
రిప్లయితొలగించండితేరాగదు,ఫల్గునుండు త్రెంచును సేనల్
పోరాటములో, విక్రమ
సారా!రారాజ! వినుము సంధియె హితమౌ
పోరాముల్ కొనితెచ్చుకోకుమికపై పోరాటముంగోరుచున్
రిప్లయితొలగించండిరారాజా!విన ధర్మరాజు పలుకుల్ రాజ్యంబు శ్రేయంబు. చిం
తే రాదెప్పుడధర్మ కర్మ విడినన్ ధీమంతులైయున్న, ధ్వం
సారావంబది మేలుగూర్చు తెఱగా?సంధించి మేలందుమా!
రారాజా ! ధర్మజు తో
రిప్లయితొలగించండిపోరాడగ దగదు వినుము , పొంతన మిల పో
తే రాదిక; పిలువుము మన
సారా తన భాగమొసగి జయ మొందుమయా !
శ్రీకృష్ణ రాయభారమునకౌరవ సభయందుకృష్ణపలుకులు
రిప్లయితొలగించండిసారాంశ మిదియె దెలిపెద
పోరాటము వలదు మీరుపొందిక చేతన్
రారా?యుద్దముదప్పదు
తేరా నొప్పించ?మీకుదిగులే రాజా.
పోరాటము వలదని మన
రిప్లయితొలగించండిసారా ధర్మజుడు కోరి సంధికి పంపెన్
రారాజా! వినుమిల పో
తేరానిది ప్రాణ మనుచు తెలిపెనతండే
పోరాటము వలదని మన
తొలగించండిసారా ధర్మజుడు కోరి సంధికి పంపెన్
రారాజా! వినుమిల పో
తే రానిది ప్రాణ మనుచు తెలిపెనతండే
తంగిరాల తిరుపతి శర్మ నెల్లూరు
రిప్లయితొలగించండిధర్మరాజు నకులునితో పలికిన పలుకులు
రారాజెపుడైనను మన
సారా మనపైన ప్రేమ సారించినవిం
తేరా నకులా ఇకపై
పోరాటం బనుచు ధర్ము పుత్రుం డనియెన్
(ధర్ముని పుత్రుడు = ధర్మరాజు)
కురువరా! రాయబారమ్ము కోరి త్రోసి
రిప్లయితొలగించండివైచి, బేరసారాలకు స్వస్తి యనుచు
నిటుల వదరితే రాజుల కే తెఱంగు
సంధి బొసగు? పోరాటమ్మె జరుగ గలదు!
కురువరా! రాయబారమ్ము కోరి త్రోసి
రిప్లయితొలగించండివైచి, బేరసారాలకు స్వస్తి యనుచు
నిటుల వదరితే రాజుల కే తెఱంగు
సంధి బొసగు? పోరాటమ్మె జరుగ గలదు!
ఈ కామెంట్‌ను రచయిత తీసివేశారు.
రిప్లయితొలగించండిశల్యుడు సుయోధనునితో
రిప్లయితొలగించండిరారాజు తోడ ననె మన
సారా గ్రోలితి నిపుడిక సంతోషముతో
పోరాటమునకు సిద్ధము
తేరా రథంబు నిచటకు తీర్చెద కోర్కెన్.
2.సుభద్ర అర్జునునితో
రారా యనుచును నిను మన
సారగ కోరుచు వలచితి సంబర మొదవన్
తేరా వలపుల సరమో
వీరా తేకున్న నిన్ను విడువను పోరా
కర్ణుడు తల్లి కుంతిని కలిసిన సందర్భాన కుంతీ కర్ణునితో మాట్లాడుతున్నట్టు...
రిప్లయితొలగించండిరా! రాధేయుడ! నిన్నుజూడ మనసే రంజిల్ల నేతెంచితిన్,
పోరాటమ్మును స్వాగతించు తరుణం, బొందంగ నీ దానమున్!
క్రూరత్వమ్మున నాడు వీడె నిను, నాఘోరంబుకున్ నిష్కృతే
రా! రా, పాండవ పెద్దగాను, మనసారా "అమ్మ" పిల్వంగ రా||
రిప్లయితొలగించండిరారాజు వచ్చుచుండెను
తేరావైపునకు నిపుడు త్రిప్పుము కృష్ణా!
పోరాట పటిమ నామన
సారా చూపింతు సవ్యసాచిని నేనే!
కవిమిత్రులు మన్నించాలి...
రిప్లయితొలగించండిఈరోజు ఉదయం మా బావమరది చనిపోయాడు. మా ఆవిడను అక్కడ దింపి ‘ఇప్పుడే వస్తా’నని అబద్ధం చెప్పి (నిజం చెప్తే “మా తమ్ముడి కంటే మీకు అవధానం ఎక్కువా?” అంటుంది కనుక) అవధాన కార్యక్రమానికి వెళ్ళాను. అవధానం అద్భుతంగా జరిగింది. అది ఐపోగానే బావమరది శవ్యాత్రకు అందుకున్నాను. ఇప్పుడే ఇల్లు చేరాను. అలసిపోయి ఉన్నాను. మన్నించండి.
వారి ఆత్మకు శాంతి కలుగుగాక.
తొలగించండిమాస్టరుగారూ! మీ సాహితీ యజ్ఞాభిలాష, తపనలను వర్ణించ మాటలు రావటం లేదు.
రారా భీమా! నిను మన
రిప్లయితొలగించండిసారా హత్తుకొన కోర్కె జనియించె మదిన్
పోరాటములోఘునుడవు
తేరా నీకౌగిలింత తీర్చతపమ్మున్
Dr.Pitta Satyanarayana
రిప్లయితొలగించండిగుణముల నెంచబోకనిక గోప్యముగాభవబాధ బాపగా
తృణమొదళమ్మొగొంచు నొక దివ్య పరేశు నహంబు నచ్చటం
పణముగ బెట్టి భక్తిమెయిప్రార్ధనలం సరిజేయ జీవికం
రణమననేలశాంతిగని రాజిలవచ్చును శంకరా హరా
సత్యనారాయణ గారూ,
తొలగించండిఇది దత్తపది పూరణ కోసం వ్రాసిన పద్యం కానట్టుంది.
పద్యం బాగుంది. ప్రార్థనలన్+సరిజేయ, జీవికన్+రణమన.. అన్నప్పుడు ద్రుతం అనుస్వారంగా మారదు.