గురువర్యులకు నమస్సులు. రవ్వా శ్రీహరి గారి నిఘంటువులో మహదేవుడు అంటే శివుడు అనిఉన్నది. అందుకే వాడాను. నాకాపీలో శివ దేవా అనిమార్చుకున్నాను. సవరణకు ధన్యవాదములు.
హనుమచ్ఛాస్త్రి గారూ, పదిహేనేళ్ళ క్రితం మీరు చేసిన ఈ పూరణ చాలా బాగున్నది. అభినందనలు. అప్పటి పద్యాన్ని ఇంకా గుర్తుంచుకొనడం (లేదా) వ్రాసి జాగ్రత్త చేయడం ప్రశంసనీయం.
దానవ శూరు రావణుడు దాచెనశోకవనమ్ము నందు నా జానకి జేర కట్టెనట సాగరమందున రామసేతువే వానరులెల్ల నొక్కటయి, వర్ధిలు కాలము వచ్చుటెన్నడో మానవ శాంతికై? వెలసె మానుష రూపున రామభద్రుడై॥
సవరించాను గురువుగారు, కాని ఇంకా నాకు తృప్తిగా లేదు.
దానవరాజు రావణుడు దాచెనశోకవనమ్ము నందు నా జానకి జేర కట్టెనట సాగరమందున రామసేతువే వానరులెల్ల నొక్కటయి, వర్ధిలు కాలము వచ్చుటెన్నడో? మానవుడై రమాపతియె మంచిగ మమ్ముల నేలునప్పుడే||
పూజ్యులు శంకరయ్య గారికి వందనములు. కుండలుచేయు పనిమీదవేయు పన్నులు(వాను+అరులు), శరీర శ్రమ తో గూడిన యితర వృత్తి పన్నులు వేగముగ తీయమని యధికారులను ప్రజలంతా కోరి ఐకమత్యముగా నెప్పుడు వర్థిల్లుతారా! యని నా భావన సరిగా ప్రదర్శించలేక పోయానేమో?
మానవ జన్మమెత్తి నవమానకరంబుగ స్వార్ధ బుద్ధులన్ ఈ నగరస్థులౌ మనుజులెల్లరి భాషయు, ప్రాంతమున్, కులం బైనను కోరుచుంద్రు!! పర భావనలెన్నడు బోవునయ్య దే వా? నరులెల్ల నొక్కటయి వర్ధిలు కాలము వచ్చుటెన్నడో? (పర భావనలు = భాష చేత అతడు నాకు పరుడు, కులము చేత ఇతడు నాకు పరుడు, ప్రాంతము చేత ఆమె నాకు పార్యిది ఇలాంటి భావనలు )
కానల లోన నున్న పలు గాకులు కూటికి యెట్లు పోయినన్ ప్రాణము పావుచున్న తమ వారికి తోడుగ నుండు నొక్కచో మానవు లైక్యతన్ బరఁగు మార్గము నో విధి ! నీవు జూడ లే వా ? నరు లెల్ల నొక్కటయి వర్ధిలు కాలము వచ్చు టెన్నడో?
లక్ష్మీనారాయణ గారు బాగుందండి మీ పద్యము. సమస్యా పాదములో "వానరు" నకు బదులు "వావరు" పడింది. "మానగ సిద్ధముగ లేరు" అనాలికదా. "మానగ సిద్ధము లేర"నిన సమంజసము గా లేదనుకుంటాను. పరిశీలించండి. "మానతలంపును లేని వారు" అన్న గణ భంగమవదు.
మానవ జన్మ యొక్క పరమార్థము చూపగ రాముడొచ్చెయా వానర జాతికే యిలను వన్నెయు గల్గెను రామసంగమున్ మానవ జాతిఁ దానిలను మగ్గుచు నుండగనీర్ష్యలోననీ వానరు లెల్ల నొక్కటయి వర్ధిలు కాలము వచ్చు టెన్నడో
వాని మతమ్ము వేఱు, మరి వాని కులమ్మును వేఱు, ప్రాంతమున్
రిప్లయితొలగించండివానిది వేఱు, వర్ణమును వానికి వేఱది, వేఱు భాషయున్,
జ్ఞానము తోడఁ జూడ నరజాతికి నొక్కటె తల్లివేరు, దే
వా! నరులెల్ల నొక్కటయి వర్ధిలు కాలము వచ్చు టెన్నడో?
సత్యనారాయణ గారూ అద్భుతం
తొలగించండిసత్యం గారూ, చక్కటి పూరణ!
తొలగించండిజిగురు సత్యనారాయణ గారూ,
తొలగించండిమీ పూరణ బాగున్నది. అభినందనలు.
శుభోదయం
రిప్లయితొలగించండిఅర్జునిని ఆవేదన పార్థసారథి తో
హా! నారాయణ ! నొక్కరి
మానముల మరియొకరు అవమానము గనుచున్
దానవులగు చుంటిమి! బా
వా, నరు లొక్కటిగఁ జేరి వర్ధిలు టెపుడో !
సావేజిత
జిలేబి
జిలేబీ గారూ,
తొలగించండిమీ పూరణ బాగున్నది. అభినందనలు.
'నారాయణ + ఒక్కరి' అన్నప్పుడు యడాగమం వస్తుంది. 'ఒకరు + అవమానము' అన్నప్పుడు సంధి నిత్యం.
'హా నారాయణ యొక్కరి
మానమ్ముల మరి యొక రవమానము గనుచున్' అనండి.
ఈనర జాతికిన్ భవుడు నేవర మిచ్చెనొ వింతయే గదా
రిప్లయితొలగించండిదానవ వంశమే యనగ దారుణ కృత్యము లందునన్ గనన్
కానల కేగినన్ జనులు కాంక్షను వీడక కౌతుకం బునీ
వా!నరు లెల్ల నొక్కటయి వర్ధిలు కాలము వచ్చు టెన్నడో
అక్కయ్య గారూ చక్కని భావంతో పూరణ చేశారండీ
తొలగించండిప్రాణము లేని పోచ లిభ రాజము నైనను పట్టి కట్టవే
తొలగించండిపేనగ, పాము నైనను పిపీలికముల్ కడదేర్చ జాలవే
వానరు కోటు లేకమయి వార్నిధి దాటరె రామ! బుద్ధి నీ
వా? నరులెల్ల నొక్కటయి వర్థిలు కాలము వచ్చు టెన్నడో.
అక్కయ్యా,
తొలగించండిభావం కొంత గందరగోళంగా ఉన్నా పూరణ బాగున్నది. అభినందనలు.
మిస్సన్న గారూ,
తొలగించండిమీ పూరణ బాగున్నది. అభినందనలు.
ధన్య వాదములు మిస్సన్నగారికి,గురువు గారికి
తొలగించండినేనను స్వార్థమును విడిచి
రిప్లయితొలగించండిధీనుల బాధలను గాంచి తిరిపెము నిడుచున్
ధ్యానముఁజేయుచు మహదే
వా! నరులొక్కటిగజేరి వర్థిలు టెపుడో !
అన్నపరెడ్డి వారూ,
తొలగించండిమీ పూరణ బాగున్నది. అభినందనలు.
మహాదేవుని మహదేవు డనరాదు. 'శివ దేవా' అనండి.
గురువర్యులకు నమస్సులు. రవ్వా శ్రీహరి గారి నిఘంటువులో మహదేవుడు అంటే శివుడు అనిఉన్నది. అందుకే వాడాను. నాకాపీలో శివ దేవా అనిమార్చుకున్నాను. సవరణకు ధన్యవాదములు.
తొలగించండిజ్ఞానము గలిగిన మనుజులు
రిప్లయితొలగించండిదానము ధర్మములు లేక దైత్యుల వోలెన్
నీనా బేధము మరచి దే
వా,నరు లొక్కటిగఁ జేరి వర్ధిలు టెపుడో ?
అక్కయ్యా,
తొలగించండిమీ రెండవ పూరణ బాగున్నది. అభినందనలు.
మూడవ పాదంలో గణదోషం. 'నీ నా యనసాగిరి దే' అందామా?
దీనుల గావరెవ్వరు ప్ర
రిప్లయితొలగించండిదీప్తమవన్ దరి జేరనివ్వ రీ
వైన మెరుంగలేర? శుభ
వాక్కుల బిల్వగ లేరు రమ్మనిన్
గానగ లేరు వారలు సు
ఖంబుల నొందగ జూడుమీశ! రా
వా! నరులెల్ల నొక్కటయి
వర్థిలు కాలము వచ్చు టెన్నడో!
శర్మ గారూ,
తొలగించండిమీ పూరణ బాగున్నది. అభినందనలు.
‘రమ్మనిన్’...?
ప్రేమతో...అంటాను
తొలగించండిబాగుంది.
తొలగించండిఈ సమస్య 29-8-91 నాటి ఆకాశవాణిలో ఇచ్చినది....అప్పటి నా పూరణ.
రిప్లయితొలగించండిఈనరులందెయెందులకొ యిన్నికులమ్ములు భేదభావముల్
కానగలేము సృష్టిని మృగమ్ములలో పశుపక్షులందునన్
మానవ కల్పితమ్ములివి మానగలేరొకొ?ఓ మహేశ! దే
వా! నరులెల్ల నొక్కటయి వర్ధిలు కాలము వచ్చుటెన్నడో?
హనుమచ్ఛాస్త్రి గారూ,
తొలగించండిపదిహేనేళ్ళ క్రితం మీరు చేసిన ఈ పూరణ చాలా బాగున్నది. అభినందనలు.
అప్పటి పద్యాన్ని ఇంకా గుర్తుంచుకొనడం (లేదా) వ్రాసి జాగ్రత్త చేయడం ప్రశంసనీయం.
కోనల కొండల దరిమెను
రిప్లయితొలగించండిమానిని జేకొని బదుకున మరణమె జూపెన్;
కానగ వాలియు గూలెను
వానరు లొక్కటి గఁజేరి వర్ధిలు టెపుడో?
(వాలి సుగ్రీవుని బాధించి మరణము నందిన విధము)
వెంకటప్పయ్య గారూ,
తొలగించండివైవిధ్యమైన మీ పూరణ బాగున్నది. అభినందనలు.
మాననివా రకృత్యముల, మాన్యతకై పరుగెత్త్తువార లె
రిప్లయితొలగించండివ్వానికి జంకకుండగను స్వార్థమె చూచుచు నన్యమేమియున్
గాననివారు మానవులు, కర్మము లెంచనివార లాదిలో
వానరు, లెల్ల నొక్కటయి వర్ధిలు కాలము వచ్చు టెన్నడో?
(హ.వేం.స.నా.మూర్తి)
సత్యనారాయణ మూర్తి గారూ,
తొలగించండిమీ పూరణ బాగున్నది. అభినందనలు.
మానాభిమానమునువిడి
రిప్లయితొలగించండిపానాసక్తులగుచుండి బాధలనిడుచున్
దానవులవగన్ ప్రజదే
వా,నరులొక్కటిగ జేరి వర్దిలు టెపుడో.
దీనులబాధల విను దే
వా,నాశంబగుచునుండె వావివరుసలున్
దానవతను మాన్పగ లే
వా!నరులొక్కటిగ జేరి వర్ధిలుటెపుడో.
ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
కాననమట్లు వృక్షముల గ్రామములందున పెంచగన్; సురా
రిప్లయితొలగించండిపానము మాన్పి పేదలను బాధల నుంచి విముక్తి చేయగన్;
పూని నిరక్షరాస్యతను పూర్తిగ నీ భువి పార ద్రోల; దే
వా! నరులెల్ల రొక్కటయి వర్ధిలు కాలము వచ్చుటెన్నడో?
( ఈ పూరణము ఆకాశవాణి విజయవాడ కేంద్రం నుంచి
17-7-2016 న సమస్యా పూరణము కార్యక్రమంలో ప్రసారమైనది.)
నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
వానర సేనతో పరుని పంచన జిక్కిన నాలినేలుట,
రిప్లయితొలగించండిన్నానక కానలన్ బనుప నగ్నిపునీతను, నిందజేయుటన్
మానక దైవదూషణల మ్రాన్పడఁ జేయుట నాటినుండె! దే
వా! నరులెల్ల నొక్కటయి వర్ధిలు లు కాలము వచ్చుటెన్నడో?
సహదేవుడు గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండిగు రు మూ ర్తి ఆ చా రి
,,,,,,,,,,,,,,,,,,,,,,,,,,,,,,,
{ వాలి , సుగ్రీవు లిరువురు నా కై తలపడుచు
కపివర్గమ౦దు ఇక్యత లేకు౦డ చేస్తున్నారు .వానరు లొకటగు కాలము వచ్చు టెన్నడో యని తార బాధ పడినది }
మానిని యైన తార తన మానస మ౦దున
. నిట్లు చి౦తిలెన్ :--
" సూనరు లో యన౦గ పొడ చూపుచు
. సోదరు లివ్విధాన నా
కై నెనరూని పోరెద ; రికన్ కపి వర్గము
. భిన్నమయ్యె ! నీ
వానరు లెల్ల నొక్కటిగ వర్ధిలు కాలము
. వచ్చు టెన్నడో ! "
{ పొడచూపు = కనపడు , తోచు }
ై
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
దానవ శూరు రావణుడు దాచెనశోకవనమ్ము నందు నా
రిప్లయితొలగించండిజానకి జేర కట్టెనట సాగరమందున రామసేతువే
వానరులెల్ల నొక్కటయి, వర్ధిలు కాలము వచ్చుటెన్నడో
మానవ శాంతికై? వెలసె మానుష రూపున రామభద్రుడై॥
రఘురామ్ గారూ,
తొలగించండిమీ పూరణ బాగున్నది.
‘శూరు’అంటే ద్వితీయా (శూరుని), షష్ఠీ (శూరుని యొక్క) విభక్తులు వర్తిస్తాయి. ప్రథమార్థం రాదు. ‘దానవరాజు రావణుడు’ అనండి. చివరి పాదంలో కర్తృపదం లేదు. ఎవరు రాముడై వెలిసారు?
సవరించాను గురువుగారు, కాని ఇంకా నాకు తృప్తిగా లేదు.
తొలగించండిదానవరాజు రావణుడు దాచెనశోకవనమ్ము నందు నా
జానకి జేర కట్టెనట సాగరమందున రామసేతువే
వానరులెల్ల నొక్కటయి, వర్ధిలు కాలము వచ్చుటెన్నడో?
మానవుడై రమాపతియె మంచిగ మమ్ముల నేలునప్పుడే||
మానవ మేధకు స్వార్ధము
రిప్లయితొలగించండిపూనగనే కుల మతములు పోరొనరింపన్
' నీ' 'నా ' భేదము విడి, దే
వా! నరులొక్కటిగ జేరి వర్ధిలు టెపుడో!
చిన్న సవరణలతొ మరొక పద్యం
తొలగించండిమానవ మేధకు స్వార్ధము
పూనగ, యంతరము లెన్నొ పొడ చూపెనిటన్
నీ' 'నా ' భేదము విడి, దే
వా! నరులొక్కటిగ జేరి వర్ధిలు టెపుడో!
శ్రీధర రావు గారూ,
తొలగించండిమీ పూరణ బాగున్నది. అభినందనలు.
‘పూనగ నంతరము...’ అనండి.
కాననమట్లు వృక్షముల గ్రామములందున పెంచగన్; సురా
రిప్లయితొలగించండిపానము మాన్పి పేదలను బాధల నుంచి విముక్తి చేయగన్;
పూని నిరక్షరాస్యతను పూర్తిగ నీ భువి పార ద్రోల; దే
వా! నరులెల్ల రొక్కటయి వర్ధిలు కాలము వచ్చుటెన్నడో?
( ఈ పూరణము ఆకాశవాణి విజయవాడ కేంద్రం నుంచి
17-7-2016 న సమస్యా పూరణము కార్యక్రమంలో ప్రసారమైనది.)
నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
జ్ఞానముశూన్యము కాగా
రిప్లయితొలగించండిమానవులకు వానరులకు మతులొక్కటెయౌ
దీనత ప్రార్థింతున్ దే
వా!నరులొక్కటిగజేరి వర్థిలుబటెపుడో?!
సూర్యనారాయణ గారూ,
తొలగించండిమీ పూరణ బాగున్నది. అభినందనలు.
కానరు దుష్ట చిత్తులయి గౌరవ దృష్టి మతేతరస్థితున్
రిప్లయితొలగించండిమానము ప్రాణమన్న చిఱుమన్నన లేక వధింప నేర్తురే
దానవ భావమున్ విడిచి దౌష్ట్యపు టిక్కలి కాలమందు దే
వా! నరు లెల్ల నొక్కటయి వర్ధిలు కాలము వచ్చు టెన్నడో
పూనిన యైక్యత సాగుచు
వే నశియింపగ, విభులను వేడి నరులికన్,
మేనలయు వృత్తి యరులును
వానరు లొక్కటిగఁ జేరి వర్ధిలు టెపుడో
[వాను+అరులు=వానరులు; వాను =(కుండలు) చేయు; అరులు = పన్నులు]
కామేశ్వర రావు గారూ,
తొలగించండిమీ మొదటి పూరణ చాలా బాగున్నది. అభినందనలు.
క్షమించాలి!.. మీ రెండవ పూరణ అర్థం కాలేదు.
పూజ్యులు శంకరయ్య గారికి వందనములు.
తొలగించండికుండలుచేయు పనిమీదవేయు పన్నులు(వాను+అరులు), శరీర శ్రమ తో గూడిన యితర వృత్తి పన్నులు వేగముగ తీయమని యధికారులను ప్రజలంతా కోరి ఐకమత్యముగా నెప్పుడు వర్థిల్లుతారా! యని నా భావన సరిగా ప్రదర్శించలేక పోయానేమో?
దానముజేయలేడు,పర దారనుదల్లిగ జూడలేడు,సం
రిప్లయితొలగించండిధానముజేసి సజ్జనుల ధార్మిక కార్యము సల్పలేడు,స
మ్మానము జేయలేడు ఘన మానవశ్రేష్టుడు స్వార్థమబ్బి.దే
వా!నరులెల్లరొక్కటయి వర్థిలు కాలము వచ్చుటెన్నడో
సూర్యనారాయణ గారూ,
తొలగించండిమీ పూరణ చాలా బాగున్నది. అభినందనలు.
(నా రెండవ పూరణము.)
రిప్లయితొలగించండికానగ సఖ్యతయె కఱవు
పూనికతో మంచిపనులు పూర్తిగ చేయన్
మానవుల మధ్యనో దే
వా! నరులొక్కటిగ జేరి వర్ధిలు టెపుడో?
నాగేశ్వర రావు గారూ,
తొలగించండిమీ పూరణ బాగున్నది. అభినందనలు.
తానును భార్య బిడ్డలని తల్చక సంఘముఁ గూర్చి యెప్పుడున్
రిప్లయితొలగించండిగానుగ యెద్దుజీవితముఁగాంచుచునుందురు స్వార్థబుద్ధితో
మానవులందరిన్ సతము మన్ననఁజేయుచు, నిన్నుగొల్చి దే
వా! నరులెల్లనొక్కటయి వర్థిలు కాలము వచ్చుటెన్నదో!
సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
ఘోరము జర్గుచుండె కుల గోడల కూలగ ద్రోయు మానవు
రిప్లయితొలగించండిల్లేరిల ద్వేష భావ ఝరులే కని పించుచు నుండె నంతటన్
దూరము కాదు ప్రస్తుతము దుర్జన సంస్కృతి యాగదింక దే
వా! నరు లెల్ల నొక్కటయి వర్ధిలు కాలము వచ్చు టెన్నడో!
ప్రాస లో పొరబడి నట్లున్నారు గమనించండి
తొలగించండిప్రాసానుకూలముగ మీ పద్యమునకు నా సవరణ:
తొలగించండికోనము లందు నింక కుల గోడల కూలగ ద్రోయు మానవుల్
లేని పురమ్ము ద్వేష ఝరులే కని పించుచు నుండె నంతటన్
తూనిక పోయె ప్రస్తుతము దుర్జన సంస్కృతి యాగదింక దే
వా! నరు లెల్ల నొక్కటయి వర్ధిలు కాలము వచ్చు టెన్నడో!
లక్ష్మినారాయణ గారూ,
తొలగించండిపోచిరాజు వారు సవరించిన మీ పూరణ బాగున్నది.
‘కుల గోడలు’ దుష్టసమాసం కదా! ‘కుల కుడ్యము కూలగ ద్రోయు...’ అనండి.
ఈ కామెంట్‌ను రచయిత తీసివేశారు.
తొలగించండిపూజ్యులు శంకరయ్య గారికి వందనములు. ప్రాస భేదము నొక్కదానినే చూచాను. అవునండి "కులగోడలు" గమనించ లేదు. "కోనము లందునీ కులపు గోడలు" అనిన సరిపోవుననుకుంటాను.
తొలగించండిఈనరు లెల్లకాలమునునేదొనెపంబునపోరుచేయుచున్
రిప్లయితొలగించండిజ్హానములేకదుష్టులుగచంపుచు చచ్చుచుయుగ్రవాదులై
దానవ రీతియై మసలధారుణి యెంతనుతల్లడిల్లె దే
వా, నరులెల్లనొక్కటయివర్థిలుకాలము వచ్చుటెన్నడో
ౌ
శ్రీనివాసాచార్యులు గారూ,
తొలగించండిమీ పూరణ బాగున్నది. అభినందనలు.
‘చచ్చుచు నుగ్రవాదులై’ అనండి.
నీ నా భేదము లన్నియు
రిప్లయితొలగించండిపూనికతో పారద్రోలి పొందిక తోడన్
మానవతను మరువక దే
వా! నరులొక్కటిగ జేరి వర్థిలు టెపుడో!!!
శైలజ గారూ,
తొలగించండిమీ పూరణ బాగున్నది. అభినందనలు.
మానవ జన్మమెత్తి నవమానకరంబుగ స్వార్ధ బుద్ధులన్
రిప్లయితొలగించండిఈ నగరస్థులౌ మనుజులెల్లరి భాషయు, ప్రాంతమున్, కులం
బైనను కోరుచుంద్రు!! పర భావనలెన్నడు బోవునయ్య దే
వా? నరులెల్ల నొక్కటయి వర్ధిలు కాలము వచ్చుటెన్నడో?
(పర భావనలు = భాష చేత అతడు నాకు పరుడు, కులము చేత ఇతడు నాకు పరుడు, ప్రాంతము చేత ఆమె నాకు పార్యిది ఇలాంటి భావనలు )
శ్రీధర రావు గారూ,
తొలగించండిమీ పూరణ బాగున్నది. అభినందనలు.
‘జన్మమెత్తి యవమానకరంబుగ...’ అనండి.
దానవ చేష్టలందు గలదర్పము చేతనుమానవత్వమే
రిప్లయితొలగించండిమానియు|నాశ దోషముల మాయనుగూడియు లాభసాటిగా
జ్ఞాన విహీనతన్ బ్రతుక జన్మకు సార్థక మౌన?దే
వా నరులెల్లనొక్కటయి వర్ధిలు కాలము వచ్చు టెన్నడో?
2.జ్ఞానము బంచెడి గురువి
జ్ఞానిగ నమ్ముటయుజూడ?జన జాగృతిన
జ్ఞానము మాన్పగరా దే
వా|నరులొక్కటిగ జేరి వర్ధిలుటెపుడో?
ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
కానల నివసించెడి,యా
రిప్లయితొలగించండివానరులొక్కటిగ జేరి వర్ధిలు టెపుడో?
నీనాథుడు వారి నెరవు
జానకి!నిను గాచు?నని దశానను డనియెన్
తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
కానల లోన నున్న పలు గాకులు కూటికి యెట్లు పోయినన్
రిప్లయితొలగించండిప్రాణము పావుచున్న తమ వారికి తోడుగ నుండు నొక్కచో
మానవు లైక్యతన్ బరఁగు మార్గము నో విధి ! నీవు జూడ లే
వా ? నరు లెల్ల నొక్కటయి వర్ధిలు కాలము వచ్చు టెన్నడో?
వానర సంతతియే గద
యీ నర వంశంబయె క్షితి నింగిత మబ్బన్
కానుచు జ్ఞానము భువి వ
హ్వా ! నరు లొక్కటిగఁ జేరి వర్ధిలు టెపుడో?
కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
‘కూటికి నెట్లు..’ అనండి.
దానవ మానసోన్నతులు ధర్మము వీడియు హింసకృత్యముల్
రిప్లయితొలగించండిమానక చేయు చుండిరిల మార్గము దప్పిచరించు
చుండ్రి దు
ర్మానవ హీన చేష్టలును మానగ సిద్ధము లేరువారు దే
వా!వరు లెల్ల నొక్కటయి వర్ధిలు కాలము వచ్చు టెన్నడో.
లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
కాలేశ్వర రావు గారు మీ సూచనకు ధన్యవాదాలు
రిప్లయితొలగించండివేరే పద్యము వ్రాశాను
లక్ష్మీనారాయణ గారు బాగుందండి మీ పద్యము. సమస్యా పాదములో "వానరు" నకు బదులు "వావరు" పడింది.
తొలగించండి"మానగ సిద్ధముగ లేరు" అనాలికదా. "మానగ సిద్ధము లేర"నిన సమంజసము గా లేదనుకుంటాను. పరిశీలించండి. "మానతలంపును లేని వారు" అన్న గణ భంగమవదు.
మానవ జన్మ యొక్క పరమార్థము చూపగ రాముడొచ్చెయా
రిప్లయితొలగించండివానర జాతికే యిలను వన్నెయు గల్గెను రామసంగమున్
మానవ జాతిఁ దానిలను మగ్గుచు నుండగనీర్ష్యలోననీ
వానరు లెల్ల నొక్కటయి వర్ధిలు కాలము వచ్చు టెన్నడో
ఫణి కుమార్ గారు,
తొలగించండి"వచ్చె" అనవలె, "ఒచ్చె" అనటము వ్యవహారీకము
ఫణికుమార్ గారూ,
తొలగించండిమీ పూరణ బాగున్నది.
జిగురు వారు చెప్పినట్లు ‘పరమార్థము రాముడు చూప వచ్చె నా| వానర...’ అనండి.
సత్యనారాయణ గారూ మీ సూచనకి ధన్యవాదములు.
తొలగించండిగురువుగారూ మీ సవరణకి ధన్యవాదములు.
పోచిరాజు కామేశ్వర రావు గారికి ధన్యవాదాలు.
రిప్లయితొలగించండిహీనము మీదు జాతి యని హీనము మీదు మతమ్మటంచు నీ
రిప్లయితొలగించండిమానవులెల్ల పోరుచును మారణహోమము చేయుచుండి రీ
దానవ వృత్తి మానుకొని స్థైర్యముగామను చుండ నోరి దే
వా! నరులెల్ల నొక్కటయి వర్ధిలు కాలము వచ్చుటెన్నడో?
హీనము మీదు జాతి యని హీనము మీదు మతమ్మటంచు నీ
రిప్లయితొలగించండిమానవులెల్ల పోరుచును మారణహోమము చేయుచుండి రీ
దానవ వృత్తి మానుకొని స్థైర్యముగామను చుండ నోయి దే
వా! నరులెల్ల నొక్కటయి వర్ధిలు కాలము వచ్చుటెన్నడో?
మానరు భేదభావముల మాటకు పోరగ ఁజూతు రందరున్
రిప్లయితొలగించండికాని మతమ్ము వాడనుచు కత్తిన గొంతును కోయు చుండిరే!
హీన గుణమ్ము లీగతిన హెచ్చక లోకము వీడి పో
వా? నరులెల్ల నొక్కటయి వర్ధిలు కాలము వచ్చు టెన్నడో!
మడిపల్లి రాజ్ కుమార్ గారూ,
తొలగించండిమీ పూరణ బాగున్నది. అభినందనలు.
సోనియ రాహులున్ మమత జోడుగ చందురులిద్దరున్ సదా
రిప్లయితొలగించండికోనల వేచియుండుచును కొండలు మ్రింగెడి యాదవాదులున్
దీనుల బ్రోచెదమ్మనుచు తిండియు పెట్టని రాజకీయులౌ
వానరు లెల్ల నొక్కటయి వర్ధిలు కాలము వచ్చు టెన్నడో?