గురువర్యులు శ్రీ కంది శంకరయ్య గారి శంకరాభరణం . సమస్యాపూరణ :: నేటి సమస్య సంఖ్య 2555 *పోరాటమ్మును జేయ నాయుధములన్ బూనంగ నేలా యనిన్ ?*
సందర్భం :: కుంభసంభవుడైన అగస్త్యుడు రాక్షసులైన కాలకేయులను బయట పెట్టేందుకు అవలీలగా సముద్రాన్ని త్రాగివేశాడు. సూర్యుడు ఒకే ఒక్క చక్రం ఉన్న రథమెక్కి ఏ ఆధారం లేకుండానే ఆకాశంలో సంచరిస్తూ నిరంతరం అంధకారాన్ని అంతం చేస్తున్నాడు. శ్రీరాముడు కోతులను తోడుగా భావించి వీరుడైన రావణాసురుని సంహరించినాడు. మన్మథుడు పువ్వులను (బాణాలుగా )చల్లుతూ లోకాలను జయిస్తూ ఉన్నాడు. మహాత్మా గాంధీ సత్యము అహింస అనేవాటితోనే ఆంగ్లేయులను పారద్రోలినాడు. కాబట్టి పోరాటంలో గెలవాలంటే మహాత్ములకు ఆయుధాలు అవసరం లేదు. ధర్మబలం ఉంటే చాలు. *క్రియా సిద్ధి స్సత్వే భవతి మహతాం నోపకరణే.* అని చెప్పే సందర్భం.
పారావారముఁ గుంభసంభవుడు శోభన్ త్రాగె , సూర్యుండు లీ లారంభుండుగ నింగి నేగును నిరాలంబుండుగా , రాము డా వీరున్ రావణుఁ జంప కోతులను భావించెన్ చమూ రాశిగా, పోరాడున్ సుమ రాశి నంది మరుడున్ , మోదమ్మునన్ సత్యమన్ ధారన్ గెల్చెను తెల్లవారల మహాత్మా గాంధి , యోచింపగా *పోరాటమ్మును జేయ నాయుధములన్ బూనంగ నేలా యనిన్ ?* కోట రాజశేఖర్ నెల్లూరు. (24.12.2017)
రోజుకో యాపిల్ డాక్టరుకి దూరంగా వుంచుతుందని ఇంగ్లీషు నానుడి. అంటే ప్రకృతి మన ఆరోగ్యానికి ఏంకావాలో అన్నీ అప్పటికప్పుడు అందుబాటులోనే వుంచుతుంది. మనమే ప్రకృతికి దూరంగా పారిపోయి యాంత్రికతకు దగ్గరవ్వడమే నాగరికత అనే భ్రమలో వున్నాం. రసాయనాలతో మమేకమైన జీవితం గడుపుతూ రసాయన వైద్యానికి బానిసలమైపోతున్నాం. ప్రకృతి ప్రసాదాన్ని ఎప్పటికప్పుడు తీసుకుంటే రోగాలతో శస్త్ర చికిత్సల బారిన పడాల్సిన అవసరం వుండకపోవచ్చేమో అని నా భావన.
ఏ ఋతువున కాఫలమును కారణముగ బ్రకృతిచ్చె గని గైకొనుమా! ఈరీతిని మనజీవన పోరాటముఁ జేయ శస్త్రముల పని యేలా!!
80 కామెంట్లు:
చారిత్రక దృష్టాంతము
భారత స్వాతంత్ర్య సమర ఫలితము గాదా?
వీరోచిత యోధులకును
పోరాటము జేయ శస్త్రముల పనియేలా?
Indian freedom struggle is a glaring example and a convincing evidence of war without weapons.
దారుణ సమరము జరుగగ
దారకు ధవునకు నడుమన ధంధమ్మనుచున్
బారుగ నుండగ గరిటెలు
పోరాటముఁ జేయ శస్త్రముల పని యేలా?
ఆరాధ్యుడు గాంధి వెనుక
హేరాలంబగు ప్రజ జయహిందని యనుచున్
ధారాలంబగు దీక్షను
పోరాటము జేయ శస్త్రముల పని యేలా?
నోరూరగ దిట్టు కొనగ
పోరాటముఁ జేయ శస్త్రముల పని యేలా ?
మీరిన కోపము నందున
నేరుగ బుట్టింటి కేగ నిలయమ్ముండన్
👏👏👏
గురువు గారికి నమస్సులు.
భారత రణరంగమ్మున
ధీరో దాత్తులు ప్రవిమల దీప్తి చరితులై
పోరిరి,శకునికి పాచిక
పోరాటము జేయ,శస్త్రముల పనియేలా?
ధారాంగంబును మేటి కార్ముకము చేతంబూని జన్యంబునన్
సారథ్యంబును బూని కృష్ణుడు ద్విషత్సంఘంబునన్నిల్చినన్
సారంగంబును వీడె యర్జునుఁడు దాఁ సంబంధ వర్గంబుతో
పోరాటమ్మును జేయ నాయుధములన్ బూనంగ నేలా యనిన్
సారథ్యంబున కృష్ణుడుండగ ద్విషత్సంఘంబునన్నిల్చియున్
కోరుచు స్వాతంత్ర్యమ్మును
సారధియై గాంధి నడిపె శాంతిపథమ్మున్
క్రూరత్వము లేకుండగ
పోరాటము జేయ శస్త్రముల పని యేలా.
కోరి విజయమొందిరి కద
వీరులు ఘన రక్త రహిత విప్లవమందున్ !
చారిత్రక విదితంబిది
పోరాటము జేయ శస్త్రముల పని యేలా.
భారమ్మైనవిదేశి పాలనల ప్రాభవ్యమ్ము తగ్గించుచున్
పోరాడెన్ తనదైనశైలినట బాపూజీ స్వతంత్రమ్ముకై
తీరైనట్టి నహింస, సత్యములనే దివ్యమ్ము శస్త్రాలుగా
పోరాటమ్మును జేయ, నాయుధములన్ బూనంగ నేలాయనిన్
ఆరాటముతో గౌగిట
దారన్ గొని దనివి తీర దాగిన చాలోయ్
కోరక దుప్పటి చలితో
పోరాటముఁ జేయ శస్త్రముల పని యేలా?
గౌరీపతి తపభంగము
నారూఢిగ జేసి గెలుచు నార్భాటమునన్
మారునికి పూవులుండగ
పోరాటముఁ జేయ శస్త్రముల పని యేలా?
మైలవరపు వారి పూరణ
ధీరులును బాహుబలులగు
మారుతి భీమాదులరుల మర్దించునెడన్
వారికి పిడికిలి చాలును !
పోరాటముఁ జేయ శస్త్రముల పని యేలా!
మైలవరపు మురళీకృష్ణ వెంకటగిరి
'నారాయణ 'సంకీర్తన,
పారాయణ,నిష్ఠఁజేయ భవ్యతఁగల్గున్.
నైరాశ్యమేల?మనమున.
పోరాటముఁజేయ శస్త్రముల పనియేలా?
వారిజ నేత్రి! జిలేబీ !
పోరాటముఁ జేయ శస్త్రముల పని యేలా!
జోరుగ సమ్మార్జనియే
వీరవనితల దళపమ్ము వినవే బాలా!
జిలేబి
భారతమున స్వాతంత్ర్యము
కోరగ సత్యాగ్రహంబు కూరిమి జేయన్
చీరుచు బలికెను గాంధీ
పోరాటముఁ జేయ శస్త్రముల పని యేలా"
మేరునగమౌచు గాంధీ
కూరిచె సత్యాగ్రహము! గగుర్పాటునకున్
పారిరి తెల్లలు!! స్వేచ్ఛా
పోరాటముఁ జేయ శస్త్రముల పని యేలా?
హోరాహోరి యదేలనో! పెనిమిటిన్ హోంబట్టుతో గట్టిగా
యేరాలమ్ముగ కట్టివేసుకొనుమా! యే మానవుండైన బా
లా,రాధాయని వెంబడించును ధనీ! లావణ్యమే జఘ్నియౌ,
పోరాటమ్మును జేయ నాయుధములన్ బూనంగ నేలా యనిన్!
జిలేబి
జిలేబి గారూ ! బొత్తిగా సమ్మార్జని ???????
హేరాలమ్ముగ తిట్టుచు
ధారాళమ్ముగ తెగడుచు ధణధణల జిలే
బీ, రాద్ధాంతము చేయుము
పో! రాటముఁ జేయ శస్త్రముల పని యేలా!
రాటము - రంపు, రచ్చ
జిలేబి
:)
జిలేబి
మీరానేనా యనుచును
సారాంశములేని సభల సరభసముగ దా
మేరిచి గూర్చిన మాటల
పోరాటము జేయ శస్త్రముల పనియేలా?
దారగ జేసుకొనెదనని
మీరిన మాటల బ్రియుండు మెల్లగజార
న్నారాటమునను మౌనపు
పోరాటముజేయ శస్త్రముల పనియేలా?
* మారునకు
చేతిలో యేదుంటే అదే!!!!ఓం శాంతి!
చోరుల్ దొంగతనమ్ము సేయుటకు రాన్ జూడంగ వంటింటిలో
కారమ్మున్ మరి కత్తిపీట దొరకంగా బోదె ! ధైర్యమ్మె యా..
ధారమ్మౌ విజయమ్ము పొందుటకినిద్ధాత్రిన్ గనన్ సత్కవీ !
పోరాటమ్మును జేయ నాయుధములన్ బూనంగ నేలా ? యనిన్ !!
మైలవరపు మురళీకృష్ణ వెంకటగిరి
రాంబంటు నాకు తెలుసును
కాంబంటుల్ మగుడు లెంతొ కన్నియలారా!
సోంబంట్లు నీవు నేనును
హోంబట్టు తెలియ జిలేబి హోరాహోరీ!
నమో నమః సమూహనియాయ నమః :)
జిలేబి
మొదటి పద్యంలో మీరామేమా యనుచును గా చదువ ప్రార్ధన
నీ రమ ణుని వలపు కొరకు
"పోరాటముఁ జేయ శస్త్రముల పని యేలా?
నారీ! యలిగిన చో కం
సారి యనవరతమునీదు సరసన యుండున్
సత్యభామకు సఖి సలహా యిచ్చు సందర్భము
ఆరాట మె ప్రతి నిత్యము
కోరిన వన్ని యు లభింప కొండెక్కేధర ల్
ధీర త సాg
ఆరాట మె ప్రతి నిత్యము
కోరిన వన్ని యు లభింప కొండెక్కేధర ల్
ధీర త సాగే డు జీ వ న
పోరాట ము జేయ శస్త్ర ము ల పని యే లా ?
ఆరాటముమదిరగిలిన
నోరేఛురకత్తియౌనునొప్పిజనించున్
దూరాటనగలరిపులకు
పోరాటముజేయశస్త్రములపనియేలా!
ఆరాటమె బలమైనను
తీరుగను సుసంఘటిత సుదృఢ దీక్షలతో
ఘోరమ్ముల నెదురు కొనుచు
పోరాటము జేయ శస్త్రముల పనియేలా?
నీరేజాక్ష ! మదీయపక్షముననే నీవుండగా జాలు ! నీ
కారుణ్యమ్మన మాకు రక్షణ , కటాక్షంబే మహాభాగ్యమౌ !
సారథ్యమ్మొనరింపు తేరుపయి కృష్ణా ! కేశవా ! నీవుగా
పోరాటమ్మును జేయ నాయుధములన్ బూనంగ నేలా! యనిన్ !
మైలవరపు మురళీకృష్ణ వెంకటగిరి
👏👏🙏
...మైలవరపు మురళీకృష్ణ
మంచి పద్యమండీ!👌👌
ఐతే చిన్న మార్పు.. తపభంగం అనరాదండీ!
గౌరీశు తపోభంగము.. అనండి చక్కగా సరిపోతుంది.🙏🙏
...డాక్టర్ వెలుదండ సత్యనారాయణ
సారా పెను భూతముపై
ఆ రోశమ్మ సలిపె గద!యద్భుత రీతి
న్నారాటమ్ముగ దీక్షల!
పోరాటము జేయ శస్త్రముల పనియేలా?
గురువర్యులు శ్రీ కంది శంకరయ్య గారి శంకరాభరణం
. సమస్యాపూరణ :: నేటి సమస్య సంఖ్య 2555
*పోరాటమ్మును జేయ నాయుధములన్ బూనంగ నేలా యనిన్ ?*
సందర్భం :: కుంభసంభవుడైన అగస్త్యుడు రాక్షసులైన కాలకేయులను బయట పెట్టేందుకు అవలీలగా సముద్రాన్ని త్రాగివేశాడు. సూర్యుడు ఒకే ఒక్క చక్రం ఉన్న రథమెక్కి ఏ ఆధారం లేకుండానే ఆకాశంలో సంచరిస్తూ నిరంతరం అంధకారాన్ని అంతం చేస్తున్నాడు. శ్రీరాముడు కోతులను తోడుగా భావించి వీరుడైన రావణాసురుని సంహరించినాడు. మన్మథుడు పువ్వులను (బాణాలుగా )చల్లుతూ లోకాలను జయిస్తూ ఉన్నాడు. మహాత్మా గాంధీ సత్యము అహింస అనేవాటితోనే ఆంగ్లేయులను పారద్రోలినాడు. కాబట్టి పోరాటంలో గెలవాలంటే మహాత్ములకు ఆయుధాలు అవసరం లేదు. ధర్మబలం ఉంటే చాలు. *క్రియా సిద్ధి స్సత్వే భవతి మహతాం నోపకరణే.* అని చెప్పే సందర్భం.
పారావారముఁ గుంభసంభవుడు శోభన్ త్రాగె , సూర్యుండు లీ
లారంభుండుగ నింగి నేగును నిరాలంబుండుగా , రాము డా
వీరున్ రావణుఁ జంప కోతులను భావించెన్ చమూ రాశిగా,
పోరాడున్ సుమ రాశి నంది మరుడున్ ,
మోదమ్మునన్ సత్యమన్
ధారన్ గెల్చెను తెల్లవారల మహాత్మా గాంధి , యోచింపగా
*పోరాటమ్మును జేయ నాయుధములన్ బూనంగ నేలా యనిన్ ?*
కోట రాజశేఖర్ నెల్లూరు. (24.12.2017)
చిటితోటి వారి పూరణ
చేరెడు కన్నులు చాలును
బారెడు వాల్జడయె చాలు భామకు నిలలో
ధీరుని పురుషుని గెలువగ
పోరాటము జేయ శస్త్రముల పని యేలా
**************************
మైలవరపు వారి స్పందన
శ్రీ చిటితోటి విజయకుమార్ గారికి నమస్సులు.. మీ పద్యం మధురం... దానికి ఫాలో అప్..
మూరెడు పూవులె చాలును
నోరారగ ప్రేమపలుకు నుడివిన చాలున్
సారసనేత్రలఁ గెలువగ
పోరాటముఁ జేయ శస్త్రముల పని యేలా !
మైలవరపు మురళీకృష్ణ వెంకటగిరి
పోరున గెలువగలేమని
జీరగ దాయాదులనట జెరచుచునీతిన్
కూరిమి మాయాజూదపు
పోరాటముజేయ శస్త్రముల పనియేలా?
దారుణముగ పాశ్చాత్త్యులు
భారత భువి హింస పెంచి పాలన జేయన్
వీరుడు గాంధీ తరిమెను
పోరాటముఁ జేయ శస్త్రముల పని యేలా
నిన్నటి సమస్యకు నా పూరణ
తిండి లేక భృతికి తిరుగాడు బాపని
పరుల పొట్ట గొట్టి బ్రతుకు ఖలుడు
భజన సలుప నాదు ఫణమైన దొరకు ద
ర్బారనంగ మురిసె బాపనయ్య
చక్కని పూరణ! అభినందనలు!
ధన్యవాదాలు
ఆరాటమేలకవివర!
పోరాటముజేయశస్త్రములపనియేలా
యారయగాంధీదెచ్చెను
పోరాటములేకయుండభువికిన్ స్వేఛ్ఛన్
ఆరాటపడుచు స్వేచ్ఛకు
చే రాటంబును వడకుచు చెలిమిని నొకటై
భారతమాత సుపుత్రులు
పోరాటము జేయ శస్త్రముల పని యేలా?
పూజ్యులు కవివర్యుల పద్యాలకు కొసమెరుపు!
వారే వీరగు వీరే
వారగు మనసులు కలిసిన వాదములేకన్
వేరింటి కాపురమనుచు
పోరాటముజేయ శస్త్రముల పనియేలా?
నమస్సులు!
పాఠాంతరము
ధీరత గూడుచు జీవన
పోరాటము జేయ
జీపీయెస్ కట్టిరిటగ
దా పీతాంబరపు పట్టు దమ్ముల బట్టీ :)
తాపీగా వేసుకొన
మ్మా పిరియముగన్ జిలేబి మరియొక పట్టీ :)
జిలేబి
తోరపు టస్త్రము నిచ్చెను
ధీరుఁడు జాతిపిత గాంధి తివిరి నిజాహం
కారముఁ జూపఁగ మౌనపుఁ
బోరాటముఁ జేయ శస్త్రముల పని యేలా
ఘోరమ్మే సుమి భారతమ్మున మహద్ఘోషమ్ము నిత్యంబగున్
నీరమ్ముం గొన నుత్సహించుచుఁ దమిన్ నిర్భీతలై ధీర లా
వీరశ్యామల వీధి దూషణములన్ వేమారు వీక్షించమే
పోరాటమ్మును జేయ నాయుధములం బూనంగ నేలా యనిన్
నీటికోసం వీధిపోరాటాలను బహుచక్కగా వర్ణించారండీ!నమస్సులు!!
రోజుకో యాపిల్ డాక్టరుకి దూరంగా వుంచుతుందని ఇంగ్లీషు నానుడి. అంటే ప్రకృతి మన ఆరోగ్యానికి ఏంకావాలో అన్నీ అప్పటికప్పుడు అందుబాటులోనే వుంచుతుంది. మనమే ప్రకృతికి దూరంగా పారిపోయి యాంత్రికతకు దగ్గరవ్వడమే నాగరికత అనే భ్రమలో వున్నాం. రసాయనాలతో మమేకమైన జీవితం గడుపుతూ రసాయన వైద్యానికి బానిసలమైపోతున్నాం. ప్రకృతి ప్రసాదాన్ని ఎప్పటికప్పుడు తీసుకుంటే రోగాలతో శస్త్ర చికిత్సల బారిన పడాల్సిన అవసరం వుండకపోవచ్చేమో అని నా భావన.
ఏ ఋతువున కాఫలమును
కారణముగ బ్రకృతిచ్చె గని గైకొనుమా!
ఈరీతిని మనజీవన
పోరాటముఁ జేయ శస్త్రముల పని యేలా!!
శ్రీ రాజేశ్వర రావు గారికి నమస్సులు:
మంచి పద్యం! రెండవ పాదాంతమున గణములను సవరించవలెనేమో.
* కొండెక్కు ధరల్?
లేరాతిరి యరుదెంచియు,
వీరావేశమున గుట్టు వీటితొ యేలా?
తేరా తెరనిటు; దోమతొ
పోరాటము జేయ శస్త్రముల పని యేలా?
లేరాతిరి యరుదెంచియు,
వీరావేశమున గుట్టు వీటితొ యేలా?
తేరా తెరనిటు; దోమతొ
పోరాటము జేయ శస్త్రముల పని యేలా?
భారతదేశ విముక్తికి
పోరాటముజేయ శస్త్రముల పనియేలా?
ఆరాటమ్మున గాంధీ
సారమ్మగు శాంతిచేత సాధించె సుమా|
2. సారాంశమ్మగు శాంత చిత్తమున విశ్వాసాన గాంధీహితం
పోరాటమ్మును జేయ?”సాయుధములన్ బూనంగనేలా యనిన్
ధీరుల్ కంటెను దీక్షశక్తి యిలలో దివ్యత్వమేర్పర్చగా?
భారం బేమియు లేక జేసెగదసర్వాభీష్ట సంధానియై|
.
ఆరాటపు పురుషునితో
పోరాటముఁ జేయ శస్త్రముల పని యేలా?
తీరుగ కన్నును గీటిన
చేరడె నాకాళ్ళకడకు చిరునగవులతో
కవిమిత్రులారా,
అస్వస్థత (జలుబు, దగ్గు, జ్వరం, ఒంటినొప్పులు) కారణంగా మీ పద్యాలను సమీక్షించలేకున్నాను. మన్నించండి.
ధీరోదాత్తుడు గాంధీ
క్రూరులునాంగ్లేయ ప్రభుత గూల్చెను కద;య
య్యారే!శాంతి పథమ్మున
పోరాటము జేయ శస్త్రముల పనియేలా?
రారాజుల్ప్రజనేలునప్పుడొకచోరాణింపలేకుండినన్
సారింపున్ గద దృష్టినేలుబడిపై సామాన్యులావేళలన్
తీరౌరీతులనుద్యమంబు సలుపన్ తేజాలరేమార్పులన్
పోరాటమ్మును జేయ నాయుధములం బూనంగ నేలా యనిన్
ఓరమణి పారిజాతము
తా.రుక్మిణికిచ్చు ననుచు తాపమ్మేలా
చేరుమిక నలుకగృహమున
పోరాటము జేయ శస్త్రముల పనియేలా?
క్షమించండిశాస్త్రిగారూ అది టైపాట oడి
చీరలు నగలను పొందగ
పోరాటముఁ జేయ శస్త్రముల పని యేలా
ధారుణియందున జూడగ
నారీమణులకును వేరు నాయుధ ముండున్.
నారిగ మారెను హరియట
పోరాటముఁ జేయ శస్త్రముల పని యేలా
నోరగ చూసిన యంతనే
నోరును దెరచుచుగననిరట నుర్విని యసురుల్
పూజ్యులు శంకరయ్య గారికి వందనములు. విశ్రాంతి తీసుకోండి.
డా. సీతా దేవి గారు ధన్యవాదములు . నమస్సులు.
guruvu gaaru arogyam jagratta
శౌరియె నరహరిగా నవ
తారము నెత్తెను.నఖముల దనుజుని జీల్చెన్
భూరిగ సత్త్వము గల్గిన
పోరాటము జేయ శస్త్రముల పాని యేలా.
ధారుణికి మేలు జేయగ
జారని సంకల్పబలము సాహసమున్నన్
సారము నొసంగు నక్షర
పోరాటముఁజేయ శస్త్రముల పనియేలా!!!
శ్రీరంజిల్లెడు సాహితీ కలిన బృచ్ఛించంగ నవ్వారలు
న్నౌరౌరా! యవధాని మేటి యనెడున్ హర్షాతిరేకమ్మునన్
ధారాళంబగు పాటవంబున సమాధానమ్ము లందించెడున్
బోరాటమ్మును జేయ నాయుధములన్ బూనంగ నేలా యనిన్?
భట్టారం రాధాకృష్ణయ్య గారి స్పందన:
మహత్తర గరిటెల యుద్ధం:
ఆలికి గరిటెలు గలవిక
శూలికి యాయుధము కంటిచూపే తానే
లీలం బోరాడంగా
వీలౌనని వెక్కి వెక్కి విభుడేడ్చె
నయో!
ఆయమ స్పూనులం గరిటెలమ్మెయి రువ్వుచునుండ నింక నే
యాయుధముంగనుంగొనమి నచ్చట దుప్పటి గాంచిమేనిపై
హాయిగ దాని గప్పుకొనియావిడ రువ్విన వానిజేర్చి తా
నాయువతీ లలామపయి నాతడు రువ్వి ప్రమోదమొందెగా
తానుగన్న తృప్తి తాత్కాలికంబయ్యె
అబల కన్ను వాచె నతడు రువ్వ
కాంతనంతజీరి కమ్మగ లాలించి
కాపటమ్ముబెట్టి కౌగిలించె :)
కోరిన వాక్శరములతో
శారద నాలుకనునిల్వ శంకరుడు గెల్చెన్
పేరిమిఁ మండలమిశ్రున్
"పోరాటముఁ జేయ శస్త్రముల పని యేలా"
క్రూరాంగ్లేయుల పాలనంబున మహా ఘోరాలనెన్నింటినో
ప్రారబ్ధంబని యెంచినారు ప్రజయున్,బాపూజి ఖింన్నుండునై
ధారాళంబుగ శాంతి యుద్ధమున స్వాతంత్ర్యంబు సాధించెగా
పోరాటమ్మును జేయ నాయుధములన్ బూనంగ నేలాయనిన్ !
సవరణ...
ఖిన్నుండునై
telugu articles good message for the all indians
Telangana News
వైరులు మానవులైనన్
పోరగ శస్త్రములు వలయు బుద్ధిన గల నీ
ఆరుగురు శత్రువులతో
"పోరాటముఁ జేయ శస్త్రముల పని యేలా"
ఆరాట మ్మెసగంగ నింతి పతికి న్నారాత్రి వంటింటిలో
పారావారపు తిట్ల తోడ తగవుల్ పారంగ నోరూరుచున్
ధారాళమ్ముగ నుండ గిన్నె గరిటెల్ తండోప తండాలుగా
పోరాటమ్మును జేయ నాయుధములన్ బూనంగ నేలా యనిన్?
లోక్ సభలో:
నోరూరంగను మోడి చోరుడనగా నొక్కండు రాఫేలునన్...
ఆరంభించెను తండ్రి చౌర్యమనియెన్నా జైత్లి బోఫర్సునన్...
హోరాహోరిని జుట్లు పట్టుకొనగా హుందాను కోల్పోవుచున్...
పోరాటమ్మును జేయ నాయుధములన్ బూనంగ నేలా యనిన్
కామెంట్ను పోస్ట్ చేయండి