శాస్త్రి గారూ ,సమీరుని సాయము మీకే ! అందఱి కంటె ముందుగా పూరణ చేసారు. మందాకిని గారు యింకా వసంత ఋతువు లోనే ఉన్నా మంచి కబుర్లు తెచ్చారు.శ్రీ చింతా రామకృష్ణారావు గారి పూరణలో సందిగ్ధము లేదు,బాగుంది. మిస్సన్న గారు మీ రాజు కధ బ్రహ్మాండము. శ్రీ పీతాంబర్ వారి పూరణ అదిరింది !
గురువు గారి పాదపద్మములకు నమస్కారిస్తూ గాలి సోదరులపై గాలివారు దినెను గనులన్ని, వేగంగ గాలిలోన దిరిగె ఘనముగాను, ఎదురుగాలి వీచి వెతలుజెందగ నేడు గాలి కబురు లిపుడు గణన కెక్కె|
గోలి హనుమచ్ఛాస్త్రి గారూ, బాగుంది మీ పూరణ. అభినందనలు. ఘనులు అన్నారు కనుక ‘సోలి పడిరి’ అందాం. ‘గాలికి + వచ్చిన’ అనడానికి ‘గాలి కబ్బిన సిరి’ అంటే ఎలా ఉంటుంది? * మందాకిని గారూ మీ రెండు పూరణలూ మనోహరంగా ఉన్నాయి. అభినందనలు. * చింతా రామకృష్ణారావు గారూ, ఉత్తమంగా ఉంది మీ పూరణ. అభినందనలు. * గన్నవరపు నరసింహ మూర్తి గారూ, మీ రెండు పూరణలు, కొసరు పద్యము చక్కగా ఉన్నాయి. అభినందనలు. * మిస్సన్న గారూ, మీ పూరణ చాలా బాగుంది. అభినందనలు. * మంద పీతాంబర్ గారూ, మీ ఎదురుగాలి పూరణ ప్రశస్తంగా ఉంది. అభినందనలు. * వరప్రసాద్ గారూ, మీ పూరణ బాగుంది. అభినందనలు. మూడవపాదంలో యతి తప్పింది. ‘ఎదురుగాలి వీచి యిడుము లందగ నేడు’ అంటే సరి! * రాజారావు గారూ, మంచి పూరణ. అభినందనలు. * హరి గారూ, మీ పూరణ ప్రశస్తంగా ఉంది. అభినందనలు.
పట్ట పగలె యైన - మిట్ట మద్యాహ్నంబు చింత చెట్టు వద్ద - చేర వలదు గాలిసోకు మీకు - కాదని జేరిన ! గాలికబురు లిపుడు - గణన కెక్కె ! _________________________________
గన్నవరపు నరసింహ మూర్తి గారూ, మీ రెండు పూరణలూ బాగున్నాయి. అభినందనలు. కాని ‘వనచరములు కోతిగంతులేయడం’ ... డేంజ రపాయం కదా! :-) అక్కడ ‘చెలగి గంతు లేయ’ అంటే ఎలా ఉంటుంది? * వసంత కిశోర్ గారూ, ముచ్చటైన మీ మూడు పూరణలూ చక్కగా ఉన్నాయి. అభినందనలు. * రాజేశ్వరక్కయ్యా, మీ రెండు పూరణలూ బాగున్నాయి. అభినందనలు. మొదటి పూరణలో 1,3 పాదాలలో గణదోషం. ‘వెంటపడి’ని ‘వెంటాడి’ అనీ, ‘కల్లలాడుతు’ను ‘కల్లలాడి’ అని మార్చితే సరి! రెండవపూరణలో ‘పడకు యెపుడు’ అన్నచోట ‘పడకు మెపుడు’ అందాం. * సంపత్ కుమార్ శాస్త్రి గారూ, ‘సాగాలి’ అంటున్న మీ పూరణ మంచి ఆలోచన. బాగుంది. అభినందనలు. మరి ‘సాగాలి’ వ్యావహారిక శబ్దం కదా!
రాజశేఖరుండు - రాసిచ్చె వానికి ! దోచుకొనుము బిడ్డ - దొరికి నంత జనుల ధనము దోచి - జగను కిచ్చితి నంత ప్రజల సొమ్ము దొబ్బి - భాగ మిమ్ము ! అనిన విన్న యతడు - అటులె చేసెను నాడు అంత కంత కంత- అధిక మవగ !
గొడ్ల నెన్ని తిన్న - కూలును రాబందు వాన , గాలి కలసి - వచ్చెనేని ! అడ్డదారి లోన - ఆస్తి సంపాదించ ఆదు కొనగ లేదు - ఆపదందు !
గనుల నన్ని దోచి - ఘనత వహించిన గాలి గాడు నేడు - ఖైదు చేరె ! పేజి పేజి లోన - పేపరంతయు నేడు గాలి కబురు లిపుడు - గణన కెక్కె ! _________________________________
గురువు గారూ ధన్యవాదములు. మీ సూచన చాలా బాగుంది. వనచరములు అంటే బుద్ధిగా అడవిలో నడుస్తారని భావించాను. చంద్రశేఖరులు నారసిమ్హుడు హనుమంతుడు ఒకరే నని సెలవిస్తే ఆ కోతి బుద్ధితో ....
వసంత కిశోర్ గారూ, మూడు పద్యాల్లో చక్కని పూరణ చెప్పారు. బాగుంది. అభినందనలు. మొదటి పద్యంలో ఆరు పాదాలు వ్రాసారు. ఆటవెలదిని ఆ విధంగా వ్రాసే సంప్రదాయం లేదు. మీ మూడు పద్యాలను కలిపి ఒకే సీసపద్యంగా మార్చవచ్చు. (సీసపాదాలు ఎన్నైనా వ్రాయవచ్చు) . ఇలా .... సీ. రాజశేఖరుఁ (డదె) - రాసిచ్చె వానికి ! దోచుకొనుము బిడ్డ - దొరికి నంత జనుల ధనము దోచి - జగను కిచ్చితి నంత ప్రజల సొమ్ము(ను) దొబ్బి - భాగ మిమ్ము ! అనిన విన్న యతడు - అటులె చేసెను నాడు అంత కంత(కు నం)త- అధిక మవగ ! గొడ్ల నెన్ని(యొ) తిన్న - కూలును రాబందు వాన , గాలి కలసి - వచ్చెనేని ! అడ్డదా(రుల) లోన - ఆస్తి సంపాదించ ఆదు కొనగ లేదు - ఆపదందు ! ఆ. వె. గనుల నన్ని దోచి - ఘనత వహించిన గాలి గాడు నేడు - ఖైదు చేరె ! పేజి పేజి లోన - పేపరంతయు నేడు గాలి కబురు లిపుడు - గణన కెక్కె !
గనుల కొల్ల గొట్టు ఘనులరే 'ఈనాడు'
రిప్లయితొలగించండిగాలి దెబ్బ కేమొ సోలి పోయె
'గాలి' కొచ్చిన సిరి గాలికే ; యివి కావు
గాలికబురు, లిపుడు గణన కెక్కె.
అందమైన ఋతువు ఆమని వచ్చెను
రిప్లయితొలగించండిమదిని హాయి నిండె, మమత విరిసె
సుందరాంగునకును సొగసైన వనితకు
గాలికబురులిపుడు గణనకెక్కె
గాలి కబురులు- స్వీట్ నథింగ్స్.
చాలినంత ధనము గాలి జనార్దను
రిప్లయితొలగించండిడార్జనంబు చేసె నసదృశముగ.
నేర శోధకు లతనిని దోషిగా నిల్ప
గాలికబురు లిపుడు గణన కెక్కె.
జాలి కరుణ లేని జాగిలమ్ములు కొన్ని
రిప్లయితొలగించండికట్టు తప్పి మెదల పట్టు బడెను
గ్రామసింహము లవి ,గాదు సింహములను
గాలి కబురు లిపుడు గణన కెక్కె
మేత మేయు టందు గీత దాటిన వట
రిప్లయితొలగించండికాసరమ్ములెన్నొ, కాసి, కట్టి
బందు లందు జేర్చి బంధించి నారను
గాలి కబురు లిపుడు గణన కెక్కె !!!
పొర్లి పొర్లి పొర్లి పొర్లాడి పొర్లాడి
నొల్లుకొనదె పేడ పుల్లు పురుగు
మానవునిగ బుట్టి హీన జీవిత మేల
నీతి పథము నడువ నెమ్మి గాదె !!!
' రాజు ' కథలు నాడు రాజ్య మేలెను, ' యువ-
రిప్లయితొలగించండిరాణి ' గతము పిదప రచ్చ జేసె,
' జగము ' బిక్క చచ్చి మొగము వ్రేలాడగ
' గాలి ' కబురు లిపుడు గణన కెక్కె.
సవరణ అవసరమో కాదో గురువు గారు చెప్పాలని కోరుతూ ,
రిప్లయితొలగించండిమేత మేయు టందు గీత దాటె వెసను
కాసరమ్ము లెన్నొ ,కాసి కట్టి
బందు లందు జేర్చి బంధించి నారను
గాలి కబురు లిపుడు గణన కెక్కె
ఈ కామెంట్‌ను రచయిత తీసివేశారు.
రిప్లయితొలగించండిగాలి గాలి జేసి గనులన్ని కాజేసి
రిప్లయితొలగించండికోట్లు కొల్ల గొట్టి కోట గట్ట
బీట వారె రాచకోట,వీచెనెదురు
గాలి,కబురు లిపుడు గణన కెక్కె!!!
శాస్త్రి గారూ ,సమీరుని సాయము మీకే ! అందఱి కంటె ముందుగా పూరణ చేసారు. మందాకిని గారు యింకా వసంత ఋతువు లోనే ఉన్నా మంచి కబుర్లు తెచ్చారు.శ్రీ చింతా రామకృష్ణారావు గారి పూరణలో సందిగ్ధము లేదు,బాగుంది. మిస్సన్న గారు మీ రాజు కధ బ్రహ్మాండము. శ్రీ పీతాంబర్ వారి పూరణ అదిరింది !
రిప్లయితొలగించండికూర్చి చెప్ప వోయి కొన్నైనఁ జల్లని
రిప్లయితొలగించండిగాలి కబురులిపుడు; గణనకెక్కె
నీదు తలపు మదిని నీరజాక్షుడ ! నన్ను
కట్టి వేయుమింక కదలనీక!
మూర్తి గారూ, ఏం చేయమంటారో చెప్పండి. ఈ గాలికి కొట్టుకొని పోయే వాళ్ళగురించి ఏం పాడతాం లెమ్మని, వసంతుని వదలవద్దని మనసు చెపుతుంది. :-)
మీలాగా వ్యాఖ్యానించగలనా? అందరూ తమతమ శైలిలో చక్కగా పూరణలు చేశారు. అందరికీ అభినందనలని చెప్పగలను. :-)
రిప్లయితొలగించండిమందాకిని గారూ నా మనస్సులో నిజమైన మాట, మీ మార్గమే ఉత్తమము.
రిప్లయితొలగించండిగురువు గారి పాదపద్మములకు నమస్కారిస్తూ
రిప్లయితొలగించండిగాలి సోదరులపై
గాలివారు దినెను గనులన్ని, వేగంగ
గాలిలోన దిరిగె ఘనముగాను,
ఎదురుగాలి వీచి వెతలుజెందగ నేడు
గాలి కబురు లిపుడు గణన కెక్కె|
స్నేహ భాషణముల చెలిమి విరియ - పెర
రిప్లయితొలగించండిగాలి కబురు లిపుడు - గణన కెక్కె
నరువ దేండ్ల పైన నావయస్సికనెంత
కాలమిలను బతుకు గ్రాల వలెనొ !
ఫేసుబుక్కునందు పిసరంత రాసిన
రిప్లయితొలగించండితిరిగి తిరిగి పలికె దేశమంత
ముఖము లెరుగనేల ముచ్చట్ల కోసమై
గాలికబురు లిపుడు గణన కెక్కె!
గోలి హనుమచ్ఛాస్త్రి గారూ,
రిప్లయితొలగించండిబాగుంది మీ పూరణ. అభినందనలు.
ఘనులు అన్నారు కనుక ‘సోలి పడిరి’ అందాం. ‘గాలికి + వచ్చిన’ అనడానికి ‘గాలి కబ్బిన సిరి’ అంటే ఎలా ఉంటుంది?
*
మందాకిని గారూ
మీ రెండు పూరణలూ మనోహరంగా ఉన్నాయి. అభినందనలు.
*
చింతా రామకృష్ణారావు గారూ,
ఉత్తమంగా ఉంది మీ పూరణ. అభినందనలు.
*
గన్నవరపు నరసింహ మూర్తి గారూ,
మీ రెండు పూరణలు, కొసరు పద్యము చక్కగా ఉన్నాయి. అభినందనలు.
*
మిస్సన్న గారూ,
మీ పూరణ చాలా బాగుంది. అభినందనలు.
*
మంద పీతాంబర్ గారూ,
మీ ఎదురుగాలి పూరణ ప్రశస్తంగా ఉంది. అభినందనలు.
*
వరప్రసాద్ గారూ,
మీ పూరణ బాగుంది. అభినందనలు.
మూడవపాదంలో యతి తప్పింది. ‘ఎదురుగాలి వీచి యిడుము లందగ నేడు’ అంటే సరి!
*
రాజారావు గారూ,
మంచి పూరణ. అభినందనలు.
*
హరి గారూ,
మీ పూరణ ప్రశస్తంగా ఉంది. అభినందనలు.
సుగ్రీవుడు శ్రీరామునితో :
రిప్లయితొలగించండిమధువనమ్మునందు మధుర రసాన్విత
ఫలములన్నొ గ్రోలి వనచరములు
కోతి గెంతు లేయ 'సీతను గాంచిరో '
గాలి కబురు లిపుడు గణన కెక్కె !!!
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
01)
_________________________________
పచ్చగడ్డి మేయ - పసరముల కిపుడు
గాలికుంటు జబ్బు - గలుగు గాన
పచ్చగడ్డి మేత - వలదంచు పసలేని
గాలికబురు లిపుడు - గణన కెక్కె !
_________________________________
02)
రిప్లయితొలగించండి_________________________________
పట్ట పగలె యైన - మిట్ట మద్యాహ్నంబు
చింత చెట్టు వద్ద - చేర వలదు
గాలిసోకు మీకు - కాదని జేరిన !
గాలికబురు లిపుడు - గణన కెక్కె !
_________________________________
03)
రిప్లయితొలగించండి_________________________________
గట్టు మీద నున్న - గ్రామ దేవత కేమొ
బలుల నివ్వ కున్న - పసరములను
గాలిపోయు నిజము - గ్రామస్థులకు నని
గాలికబురు లిపుడు - గణన కెక్కె !
_________________________________
గాలి కుంటు = పశువులకు వచ్చు వ్యాధి
గాలిసోకు = దెయ్య మావహించు
గాలిపోయు = అమ్మవారు పోయు
చల్ల గాలి కెపుడు మెల్లగా వెంటబడి
రిప్లయితొలగించండిఉల్ల మందు హాయి ఝల్లు మనగ
కొల్ల గొనకు మదిని కల్లలాడుతు చెలికి
గాలి కబురు లిపుడు గణన కెక్కె !
జాలి పడకు యెపుడు నీలివార్తలు వినుచు
రిప్లయితొలగించండిగేలి చేతు రంత బేల వనుచు
రాలు గాయి జనులు రాజిల్ల నీయరు
గాలి కబురు లిపుడు గణన కెక్కె !
పిల్లదాని ప్రేమ గొల్లవాఁడు నెఱిగె
రిప్లయితొలగించండిబ్రాహ్మణుండు దెలుప, 'పయన మయ్యి
'రుక్మిణమ్మ గొనుట రూఢియౌ'జనులాడు
గాలి కబురు లిపుడు గణన కెక్కె !
చిన్న సవరణ,
రిప్లయితొలగించండిసుగ్రీవుడు శ్రీరామునితో :
మధువనమ్మునందు మధుర రసాన్విత
ఫలములారగించి వనచరములు
కోతి గెంతు లేయ 'సీతను గాంచిరో '
గాలి కబురు లిపుడు గణన కెక్కె !!!
ప్రపంచ కప్పు ( క్రికెట్ ) గెలిచిన భారత జట్టు గురించి ప్రజల అభిలాష...........
రిప్లయితొలగించండిఓడినట్టి చోట నోడించిరే భార
తీయ జట్టు నాట కీయముగను,
"ఇందుమొదలు నెపుడునీ జైత్రయాత్ర సా
గాలి"- కబురు లిపుడు గణన కెక్కె.
గన్నవరపు నరసింహ మూర్తి గారూ,
రిప్లయితొలగించండిమీ రెండు పూరణలూ బాగున్నాయి. అభినందనలు.
కాని ‘వనచరములు కోతిగంతులేయడం’ ... డేంజ రపాయం కదా! :-) అక్కడ ‘చెలగి గంతు లేయ’ అంటే ఎలా ఉంటుంది?
*
వసంత కిశోర్ గారూ,
ముచ్చటైన మీ మూడు పూరణలూ చక్కగా ఉన్నాయి. అభినందనలు.
*
రాజేశ్వరక్కయ్యా,
మీ రెండు పూరణలూ బాగున్నాయి. అభినందనలు.
మొదటి పూరణలో 1,3 పాదాలలో గణదోషం. ‘వెంటపడి’ని ‘వెంటాడి’ అనీ, ‘కల్లలాడుతు’ను ‘కల్లలాడి’ అని మార్చితే సరి!
రెండవపూరణలో ‘పడకు యెపుడు’ అన్నచోట ‘పడకు మెపుడు’ అందాం.
*
సంపత్ కుమార్ శాస్త్రి గారూ,
‘సాగాలి’ అంటున్న మీ పూరణ మంచి ఆలోచన. బాగుంది. అభినందనలు.
మరి ‘సాగాలి’ వ్యావహారిక శబ్దం కదా!
శంకరార్యా !ధన్యవాదములు. చక్కని సవరణలు చేశారు.
రిప్లయితొలగించండిమూర్తి గారూ! మందాకిని గారూ!ధన్యవాదములు.
'గాలి కబురులు' గణనీయముగా చెప్పిన కవి మిత్రులకు అభినందనలు.
ధన్యవాదములు గురువు గారూ,
రిప్లయితొలగించండిఇక మీదట వ్యావహారిక శబ్దప్రయోగము లేకుండ జాగ్రత్త పడుతాను. కాని ఒక్కో సారి తెలియకుండా పడుతుంటాయి. మన్నిస్తూ సవరించవలసినదిగా కోరిక.
ఈ రోజు వార్తలు :
రిప్లయితొలగించండి04)
_________________________________
రాజశేఖరుండు - రాసిచ్చె వానికి !
దోచుకొనుము బిడ్డ - దొరికి నంత
జనుల ధనము దోచి - జగను కిచ్చితి నంత
ప్రజల సొమ్ము దొబ్బి - భాగ మిమ్ము !
అనిన విన్న యతడు - అటులె చేసెను నాడు
అంత కంత కంత- అధిక మవగ !
గొడ్ల నెన్ని తిన్న - కూలును రాబందు
వాన , గాలి కలసి - వచ్చెనేని !
అడ్డదారి లోన - ఆస్తి సంపాదించ
ఆదు కొనగ లేదు - ఆపదందు !
గనుల నన్ని దోచి - ఘనత వహించిన
గాలి గాడు నేడు - ఖైదు చేరె !
పేజి పేజి లోన - పేపరంతయు నేడు
గాలి కబురు లిపుడు - గణన కెక్కె !
_________________________________
వసంత మహోదయా! చివరి పద్యంలో "గాలిగాడు" పదప్రయోగం బాగుంది.
రిప్లయితొలగించండిగురువు గారూ ధన్యవాదములు. మీ సూచన చాలా బాగుంది. వనచరములు అంటే బుద్ధిగా అడవిలో నడుస్తారని భావించాను. చంద్రశేఖరులు నారసిమ్హుడు హనుమంతుడు ఒకరే నని సెలవిస్తే ఆ కోతి బుద్ధితో ....
రిప్లయితొలగించండికిశోర్ జీ గాలిగాడు అని బొత్తిగా గాలి తీసేసారు ?
వసంత కిశోర్ గారూ,
రిప్లయితొలగించండిమూడు పద్యాల్లో చక్కని పూరణ చెప్పారు. బాగుంది. అభినందనలు.
మొదటి పద్యంలో ఆరు పాదాలు వ్రాసారు. ఆటవెలదిని ఆ విధంగా వ్రాసే సంప్రదాయం లేదు. మీ మూడు పద్యాలను కలిపి ఒకే సీసపద్యంగా మార్చవచ్చు. (సీసపాదాలు ఎన్నైనా వ్రాయవచ్చు) . ఇలా ....
సీ.
రాజశేఖరుఁ (డదె) - రాసిచ్చె వానికి !
దోచుకొనుము బిడ్డ - దొరికి నంత
జనుల ధనము దోచి - జగను కిచ్చితి నంత
ప్రజల సొమ్ము(ను) దొబ్బి - భాగ మిమ్ము !
అనిన విన్న యతడు - అటులె చేసెను నాడు
అంత కంత(కు నం)త- అధిక మవగ !
గొడ్ల నెన్ని(యొ) తిన్న - కూలును రాబందు
వాన , గాలి కలసి - వచ్చెనేని !
అడ్డదా(రుల) లోన - ఆస్తి సంపాదించ
ఆదు కొనగ లేదు - ఆపదందు !
ఆ. వె.
గనుల నన్ని దోచి - ఘనత వహించిన
గాలి గాడు నేడు - ఖైదు చేరె !
పేజి పేజి లోన - పేపరంతయు నేడు
గాలి కబురు లిపుడు - గణన కెక్కె !
చంద్రశేఖరా ! ధన్యవాదములు !
రిప్లయితొలగించండిమూర్తీజీ ! ధన్యవాదములు !
శంకరార్యా ! చక్కని సవరణలకు ధన్యవాదములు !