నవగ్రహ పూజామహిమ సినిమాలో కాంతారావు (సత్యసేనుడనుకుంటా) నవగ్రహాల్ని దూషించి రాజ్యాన్ని ,భార్యా బిడ్డలనూ, చివరికి కాళ్ళూ చేతులూ కూడా నరకబడి చావుకు అతి దగ్గరై, ఒక గృహిణిచే ఆదరించబడి యామె బిడ్డ చావుకు కూడా కారకుడై, అప్పటికి ఙ్ఞానోదయమై ,నవగ్రహ స్తోత్రం చేసి అన్ని బాధల నుండీ విముక్తుడౌతాడు ! అదీ కథ !
మందాకిని గారూ, ఈ రోజు ఎక్కువకవులు మార్కండేయుణ్ణే ఆశ్రయించారు. అందుకు మీరు అంకురార్పణ చేసారు. సంతోషం. బాగుంది మీ పూరణ. అభినందనలు. * సంపత్ కుమార్ శాస్త్రి గారూ, మంచి పూరణ. అభినందనలు. మీ రెండవ పూరణ క్రమాలంకార శోభితమై అలరిస్తున్నది. సంతోషం. * గన్నవరపు నరసింహ మూర్తి గారూ, మీరు మార్కండేయుణ్ణి కాకుండా సావిత్రిని ఆశ్రయించారు. బాగుంది. మంచి పూరణ. అభినందనలు. రెండవ పాదం చివర ‘పాశ మిడుగ’? అది పాశమిడగ అనే దానికి టైపాటా? ‘పాశము పడ’ అంటే ఎలా ఉంటుంది? * గోలి హనుమచ్ఛాస్త్రి గారూ, చక్కని పూరణ. అభినందనలు. ‘ఆత్మస్థైర్య’ మన్నప్పుడు ‘త్మ’ గురువై గణదోషం వస్తుంది కదా! స్థైర్యానికి సంథ అనే పర్యాయపదం ఉంది. ‘ఆత్మసంథ’ అందాం. * శ్రీపతి శాస్త్రి గారూ, మీ రెండు పూరణలు వైవిధ్యంగా, ఉత్తమంగా ఉన్నాయి. అభినందనలు.
* మంద పీతాంబర్ గారూ, అద్భుతంగా ఉంది మీ పూరణ. అభినందనలు. * రాజారావు గారూ, చక్కని పూరణ. అభినందనలు. * పండిత నేమాని గారూ, అద్భుతమైన పూరణ. అభినందనలు. ధన్యవాదాలు. మీ పూరణ ముందే చూసి ఉంటే నా పూరణను పోస్ట్ చేసేవాణ్ణి కాదు. * వరప్రసాద్ గారూ, నా సెల్లుకు మెసేజ్ రూపంలో పంపిన మీ పూరణ బాగుంది. పూరణలను ఇలా కూడా పంపవచ్చని క్రొత్త దారి చూపించారు. సంతోషం. అభినందనలు.
వసంత కిశోర్ గారూ, మంచి సినిమాను గుర్తు చేసారు.ధన్యవాదాలు. ఆ చిత్రం సి.డి. నావద్ద ఉంది. కాలుడు శబ్దాన్ని శనైశ్చరునికి అన్వయించిన మీ పూరణ చాలా బాగుంది. అభినందనలు.
భక్తుడనగ నతడె బాల మార్కండేయు
రిప్లయితొలగించండిడనెడు వాడు, నమ్మె ఢక్క నొకటి
చేత బూనువాని, చిత్తశుద్ధి గలిగి
కాలు నమ్మి కొలిచి కాలు గెలిచె.
మార్కండేయమహర్షి గురించి......
రిప్లయితొలగించండివిమల భక్తి, మదిని విష్పష్టతాభిలా
షను గలింగి తీవ్ర జపము సలిపె
దేవదేవు మెచ్చి దీర్గాయువునుజేసె
కాలు నమ్మి కొలిచి కాలు గెలిచె.
కాలు = ఈశ్వరుడు, యముడు.,
సత్యవంతు దోడ సావిత్రి చని గనె
రిప్లయితొలగించండిప్రాణ నాథు మెడను పాశ మిడుగ
భక్తి భావ మొప్ప వైవస్వతుడు మెచ్చ
కాలు నమ్మి కొలచి కాలు గెలచె !
మగని ప్రాణ మొకటి మగువ సావిత్రియె
రిప్లయితొలగించండియముని వెంట పడుచు నడిగె వరము
ఆత్మ స్థైర్య మంది అలుపునే పొందక
కాలునమ్మి కొలిచి కాలు గెలిచె.
(కాలుని+అమ్మి)
కాలుని = యముని
అమ్మి = సావిత్రి
శ్రీగురుభ్యోనమ:
రిప్లయితొలగించండిహోమ జపతపములు హోరగతిని మార్చు
ననుచు సన్నిహితుడు నమ్మకముగ
చొరవ గలిగి నుడివె జ్యోతిషమును, జాత
కాలు నమ్మి కొలిచి కాలు గెలిచె.
సతిగ సహనవతిగ సావిత్రి యానాడు
రిప్లయితొలగించండివాదు లాడి, వేడి వరము బొందె
మారెజీవితమ్ము,మరలె జీవనగమ
కాలు! నమ్మి కొలిచి కాలు గెలిచె!!!
శ్రీగురుభ్యోనమ:
రిప్లయితొలగించండినన్ను నెవరి కనుచు నచికేతుడడుగగా
యముని కనుచు తండ్రి యాజ్ఞ నిడగ
శాస్త్ర ధర్మములను చక్కంగ నేర్చగా
కాలు నమ్మి కొలిచి కాలు గెలిచె
రావణుండు భక్తి రంజిల్లగాగొల్చె, (కాలుని )
రిప్లయితొలగించండిసంతసమ్మునొందె కుంతి కృష్ణు, ( నమ్మి కొలిచి )
మర్త్యుడైన పతిని బ్రతికించి సావిత్రి ( కాలు గెలిచె )
కాలు,నమ్మి కొలిచి,కాలు గెలిచె.
మగువ ' దివ్వె ' యగును - మగవాడు నుడు విచ్చ
రిప్లయితొలగించండికాలు నమ్మి, కొలిచి , కాలు - గెలిచె
నా పురుషుడు ? వంచనలు గెలువవు - ప్రేమ
యొకటె గెలుపు నూనె - యువిద గెలువ
పండిత నేమాని గారి పూరణ .....
రిప్లయితొలగించండిఆదరమ్ము మెరయ నా మృకండు సుతుండు
జ్ఞానధనుడు దీక్ష బూని తపము
నాచరించి యభవు నంబికాధవు కాల
కాలు నమ్మి కొలిచి కాలు గెలిచె
నేనూ మార్కండేయుణ్ణే ఆశ్రయించాను.
రిప్లయితొలగించండిఅంతకునకు బెదర కల్పాయు వని కల
గుండు వడక నా మృకండుసూనుఁ
డధికభక్తితోడ నంబికాపతిఁ గాల
కాలు నమ్మి కొలిచి కాలు గెలిచె.
వరప్రసాద్ గారి పూరణ .....
రిప్లయితొలగించండిబోదకాలువాని బోధనలకు జాత
కాలు నమ్మి, కొలిచి, కాలు గెలిచె
నాతఁ డెన్నికలల నందలమెక్కఁ దా
మరచె ముందువెనుక మొరకు గనుక.
ఈ కామెంట్‌ను రచయిత తీసివేశారు.
రిప్లయితొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
నవగ్రహ పూజామహిమ సినిమాలో కాంతారావు (సత్యసేనుడనుకుంటా)
నవగ్రహాల్ని దూషించి రాజ్యాన్ని ,భార్యా బిడ్డలనూ, చివరికి
కాళ్ళూ చేతులూ కూడా నరకబడి చావుకు అతి దగ్గరై,
ఒక గృహిణిచే ఆదరించబడి యామె బిడ్డ చావుకు కూడా కారకుడై,
అప్పటికి ఙ్ఞానోదయమై ,నవగ్రహ స్తోత్రం చేసి అన్ని బాధల నుండీ
విముక్తుడౌతాడు ! అదీ కథ !
01)
_________________________________
కాల కర్మ వశము - కష్టాల పాలయి
కాలు సేతులు తెగ - కలత నొంది
కలుగ ఙ్ఞాన , మన్య - గ్రహముల తోడను
కాలు నమ్మి కొలిచి - కాలు గెలిచె !
_________________________________
కాలుడు = శని , యముడు
మందాకిని గారూ,
రిప్లయితొలగించండిఈ రోజు ఎక్కువకవులు మార్కండేయుణ్ణే ఆశ్రయించారు. అందుకు మీరు అంకురార్పణ చేసారు. సంతోషం. బాగుంది మీ పూరణ. అభినందనలు.
*
సంపత్ కుమార్ శాస్త్రి గారూ,
మంచి పూరణ. అభినందనలు.
మీ రెండవ పూరణ క్రమాలంకార శోభితమై అలరిస్తున్నది. సంతోషం.
*
గన్నవరపు నరసింహ మూర్తి గారూ,
మీరు మార్కండేయుణ్ణి కాకుండా సావిత్రిని ఆశ్రయించారు. బాగుంది. మంచి పూరణ. అభినందనలు.
రెండవ పాదం చివర ‘పాశ మిడుగ’? అది పాశమిడగ అనే దానికి టైపాటా? ‘పాశము పడ’ అంటే ఎలా ఉంటుంది?
*
గోలి హనుమచ్ఛాస్త్రి గారూ,
చక్కని పూరణ. అభినందనలు.
‘ఆత్మస్థైర్య’ మన్నప్పుడు ‘త్మ’ గురువై గణదోషం వస్తుంది కదా! స్థైర్యానికి సంథ అనే పర్యాయపదం ఉంది. ‘ఆత్మసంథ’ అందాం.
*
శ్రీపతి శాస్త్రి గారూ,
మీ రెండు పూరణలు వైవిధ్యంగా, ఉత్తమంగా ఉన్నాయి. అభినందనలు.
*
మంద పీతాంబర్ గారూ,
అద్భుతంగా ఉంది మీ పూరణ. అభినందనలు.
*
రాజారావు గారూ,
చక్కని పూరణ. అభినందనలు.
*
పండిత నేమాని గారూ,
అద్భుతమైన పూరణ. అభినందనలు. ధన్యవాదాలు.
మీ పూరణ ముందే చూసి ఉంటే నా పూరణను పోస్ట్ చేసేవాణ్ణి కాదు.
*
వరప్రసాద్ గారూ,
నా సెల్లుకు మెసేజ్ రూపంలో పంపిన మీ పూరణ బాగుంది. పూరణలను ఇలా కూడా పంపవచ్చని క్రొత్త దారి చూపించారు. సంతోషం. అభినందనలు.
వసంత కిశోర్ గారూ,
రిప్లయితొలగించండిమంచి సినిమాను గుర్తు చేసారు.ధన్యవాదాలు. ఆ చిత్రం సి.డి. నావద్ద ఉంది.
కాలుడు శబ్దాన్ని శనైశ్చరునికి అన్వయించిన మీ పూరణ చాలా బాగుంది. అభినందనలు.
శంకరార్యా ! ధన్యవాదములు !
రిప్లయితొలగించండి