శాస్త్రి గారు, భలే గా యమున ను చేశారే, బాగుంది. నేనింకా యముడినేం చెయ్యాలా అని ఆలోచించాను. మీరేమీ అనుకోకపోతే ఒక మాట.చెల్లెలి మీద ప్రియం ఎక్కువై ప్రాస మరిచినట్టున్నారు
మందాకిని గారూ! 'యమున' గురించి ఆలోచిస్తూ తొందరలో చేసిన పొరపాటు.సున్నితమైన హెచ్చరిక తో సవరణకు అవకాసము కల్పించిన మీకు ధన్యవాదములు. అద్భుతమైన పురాణ జేశారు.నేనూ మీ 'సముదాయము' లో చేరు చున్నాను. 'అష్టావధాని' శర్మ గారూ ! 'కయ్యమైనా' పూరణ తియ్యగా వుందండీ !
హనుమచ్చాస్త్రిగారూ, మంచి పద్యం చక్కని సమన్వయము. పోలిక పాటించటానికి, ఇలా వుంటే? యమునకు స్తోత్రము మరి క య్యమునకు సరిజోడు, జూడ "నభిమానమె" నె య్యమునకు, కవికుల సముదా యమునకు, పద్యానురక్తి హాయింగూర్చున్!!
శంకరార్యా ! నా మొదటి పూరణమును హృదయమునకు హాయింగూర్చునట్లుగా మలచిన మీకు కృతజ్ఞతలు. నా పూరణమున 'అభిమానము ' తో చక్కగా సమన్వయము చేసి చూపిన "మనతెలుగు" వారికి ధన్యవాదములు.
మంద పీతాంబర్ గారూ, మీ పూరణ బాగుంది. అభినందనలు. * జిగురు సత్యనారాయణ గారూ, మీ ‘భువనవిజయపు’ పూరణ చక్కగా ఉంది. అభినందనలు. * గన్నవరపు నరసింహ మూర్తి గారూ, ‘భృంగచయము’పై మీ పూరణ అదిరింది. అభినందనలు. మొదటి పద్యంలో ‘సరసిన నమరిన’, రెండవపద్యంలో ‘అమరిన యంబుజములు’ సరైనవి. * పండిత నేమాని గారూ, ‘సుజననికాయము’ మెచ్చెడి ప్రశస్తమైన పూరణ మీది. అభినందనలు. * శ్రీపతి శాస్త్రి గారూ, పద్యం పఠనంతో మీకు తెల్లవారుతున్నదన్న మాట. బాగుంది. మంచి పూరణ. అభినందనలు.
రాజేశ్వరక్కయ్యా, చక్కని పూరణ నిచ్చారు. అభినందనలు. ‘ఖుషియై’ అన్యదేశ్యపదం ... ? * ‘మనతెలుగు’ చంద్రశేఖర్ గారికి, పద్యనాటకాల ప్రసక్తితో ఉత్తమమైన పూరణ నిచ్చారు. అభినందనలు. అది ‘ఆంగికాభినయం’! ‘ఆంగీకాభినయం’ కాదు. ఆ పాదాన్ని ‘షములందు నాంగి కాభిన’ అంటే సరి! హనుమచ్ఛాస్త్రి గారి పూరణకు మీ సవరణ బాగుంది. ధన్యవాదాలు. * సుజ్ఞేయ కవితా మాధుర్యం గల మీ ఫూరణ మధురంగా ఉంది. అభినందనలు. ‘భాగవతము దధియై’, ‘భాగవత ముదధియై’ శ్లేష అదిరిందండోయ్! * గోలి హనుమచ్ఛాస్త్రి గారూ, మీ మూడవ పూరణ ప్రశస్తంగా ఉంది. అభినందనలు.
జిగురు వారూ, ఆ గణదోషాన్ని గమనించాను. సరిదిద్దాలనుకున్నాను. మా అక్కయ్య తమ్ముడికి పని కల్పించకుండా ఉండదు కదా! అయితే వ్యాఖ్యను టైప్ చేసే సమయంలో మరిచిపోయాను. ‘యమునా తటమునకును జని’ అంటే సరి!
రాజేశ్వరక్కయ్యా, మీరు ‘సమస్యాపూరణం - 7’ను బుక్ మార్క్ చేసినట్టున్నారు. ఈసారి బ్లాగు తెరిచినప్పుడు పైన ఉన్న‘హోమ్’ను క్లిక్ చేసి బుక్ మార్క్ చేయండి. ఇకనుండి ఫ్రెష్ పేజీని నేరుగా చూడవచ్చు.
." ఖుషి " ఆన్న పదానికి తెలుగు నిఘంటువులో " సంతోషము " అని ఉంది. అందుకని సరి పొతుం దనుకున్నాను గురువు గారూ ! నేను అదే అనుకున్నాను " ఇంత కరెట్టుగా ఎలా రాసానా అని ? సరి జేసిన ఇద్దరికీ ధన్య వాదములు
మిస్సన్న గారూ, గురువు గారూ కృతజ్ఞతలు. శ్రీ పండిత నేమాని వారు,అవధాని శ్రీ రాంభట్ల పార్వతీశ శర్మ గారు శ్రీ చింతా రామకృష్ణా రావు గారు చక్కని పూరణలు చేస్తూ బ్లాగు శోభనినుమడింప చేస్తున్నారు. వారలకు మరో సారి ధన్యవాదములు.
స్వయముగ పద్యము జెప్పును
రిప్లయితొలగించండిరయముగ తానాశువుగను రమ్యము గానే!
ప్రియమైన చిట్టి చెల్లెలు
యమునకు, పద్యానురక్తి హాయింగూర్చున్!!
శాస్త్రి గారు,
రిప్లయితొలగించండిభలే గా యమున ను చేశారే, బాగుంది. నేనింకా యముడినేం చెయ్యాలా అని ఆలోచించాను.
మీరేమీ అనుకోకపోతే ఒక మాట.చెల్లెలి మీద ప్రియం ఎక్కువై ప్రాస మరిచినట్టున్నారు
అమరెను వేదిక యిచ్చట
రిప్లయితొలగించండికమనీయమ్మగు తెనుగున ఘనముగ పద్యా
లమరును రసికుల సముదా
యమునకు, పద్యానురక్తి హాయింగూర్చున్.
సుమనసరాడిభ కవికుల
రిప్లయితొలగించండిసుమనోహర కృష్ణభూప శోభిత సభలో
కమనీయపు కైతల క
య్యమునకు పద్యానురక్తి హాయింగూర్చున్
సుమధుర సుందర కవితలు
రిప్లయితొలగించండిప్రముదంబును గూర్చు.తెలుగు పద్య ప్రియులకున్,
సుమ పేశలమగు కవి హృద
యమునకు, పద్యానురక్తి హాయింగూర్చున్.
మందాకిని గారూ! 'యమున' గురించి ఆలోచిస్తూ తొందరలో చేసిన పొరపాటు.సున్నితమైన హెచ్చరిక తో సవరణకు అవకాసము కల్పించిన మీకు ధన్యవాదములు.
రిప్లయితొలగించండిఅద్భుతమైన పురాణ జేశారు.నేనూ మీ 'సముదాయము' లో చేరు చున్నాను.
'అష్టావధాని' శర్మ గారూ ! 'కయ్యమైనా' పూరణ తియ్యగా వుందండీ !
యమునకు స్తోత్రము మరి క
య్యమునకు సరిజోడు, జూడ నభిమానులె నె
య్యమునకు,కవికుల సముదా
యమునకు, పద్యానురక్తి హాయింగూర్చున్!!
చాలా బాగుందండి . నలుగురు యమునలతో పూరణ. వరుసగా ఎవరికి ఏది నచ్చుతుందో అందంగా చెప్పారు.
రిప్లయితొలగించండిపండితుల వారి రెండు పూరణలూ అందంగా అమరినాయి.
గురువు గారికి సవరణలకు ధన్యవాదములు, నమస్కారములతో
రిప్లయితొలగించండిప్రముద , జమున అక్కచెల్లెళ్ళ కోసము దిరిగెడి యమునకు వారుజిక్కక
పద్యములు పాడుచునుండును అది
.................................
క: ప్రముదకు సుమనిష్టము, మరి
జమునకు సుమనోహరుడగు జగనిష్టము, ని
త్యము భూప్రదక్షిణలు జే
యమునకు పద్యానురక్తి హాయింగూర్చున్|
సుమధురకవితాప్రౌఢిన్,
రిప్లయితొలగించండివిమలపదంబున్, వివేకవిద్యలయందున్,
సములై, సల్పినతమవి
య్యమునకు పద్యానురక్తి హాయింగూర్చున్.
కయ్యానికైన, వియ్యానికైన సమ ఉజ్జీలుండాలంటారు కదా.
రమణీయము హరి రూపము
రిప్లయితొలగించండికమనీయమ్మతనిలీల,కమలాపతి నా
మముపై పండిత సముదా
యమునకు,పద్యానురక్తి హాయింగూర్చున్!!
కమనీయంబౌ కవితలు
రిప్లయితొలగించండిరమణీయంబుగ పఠింప రసముప్పొంగన్
విమల మతులకు, భువన విజ
యమునకు పద్యానురక్తి హాయింగూర్చున్!!
మిత్రుల పూరణలు అలరిస్తున్నాయి ,
రిప్లయితొలగించండిసుమధురతరాంధ్ర సరసిన
నమరిన నంబుజము లనగ నా సుమ మధువుల్
తమకమున గ్రోలు భృంగ చ
యమునకు పద్యానురక్తి హాయింగూర్చున్ !
సుమతిన్ బూనిన యెడ దుః
రిప్లయితొలగించండిఖమును శ్రమను బాపి మది వికాసము నింపున్
సముచిత గతి సుజన నికా
యమునకు పద్యానురక్తి హాయిన్ గూర్చున్
పండిత నేమాని
మిత్రుల పూరణలు అలరిస్తున్నాయి ,
రిప్లయితొలగించండిసుమధురతరాంధ్ర సరసిన
యమరిన యంబుజము లనగ నా సుమ మధువుల్
తమకమున గ్రోలు భృంగ చ
యమునకు పద్యానురక్తి హాయింగూర్చున్ !
నుగామము యడాగమములలో యెప్పుడు సందేహమే ! నా రెండు పద్యాలలో యేది సరి యైనదో దయచేసి వివరించ గలరా !ధన్యవాదములు.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండిశ్రీగురుభ్యోనమ:
రిప్లయితొలగించండిక్రమమున్ దప్పక చదివెద
ప్రముఖుల విరచితములైన పద్యములెన్నో
సుమధుర సూర్యోదయ సమ
యమునకు, పద్యానురక్తి హాయింగూర్చున్
యమునా తటమున జని
రిప్లయితొలగించండికుముదములను గాంచి నంత కులుకచు ఖుషియై !
తమికొని హృదయము రంజిల
యమునకు పద్యాను రక్తి హాయిం గుర్చున్ !
క్రమరీతిఁ సర్వజన స
రిప్లయితొలగించండిభ్యముగ ప్రదర్శించెడి మన పౌరాణిక వే
షములం దాంగీ కాభిన
యమునకు పద్యానురక్తి హాయింగూర్చున్
హనుమచ్చాస్త్రిగారూ, మంచి పద్యం చక్కని సమన్వయము. పోలిక పాటించటానికి, ఇలా వుంటే?
రిప్లయితొలగించండియమునకు స్తోత్రము మరి క
య్యమునకు సరిజోడు, జూడ "నభిమానమె" నె
య్యమునకు, కవికుల సముదా
యమునకు, పద్యానురక్తి హాయింగూర్చున్!!
సముచిత నుడికారపు ప-
రిప్లయితొలగించండిద్యములకు శ్రీభాగవతము దధియై తనరున్,
సుమన స్సువర్ణ సుజ్ఞే-
యమునకు పద్యానురక్తి హాయిన్ గూర్చున్.
సమ 'యమునకు ' తగు పూరణలు చేసి తమ పద్యానురక్తిని చాటిన కవిమిత్రు లందరకు అభినందనలు.
రిప్లయితొలగించండిక్రమముగ మాధవ పెద్దియు
కమనీయుడు ఘంటసాల గాయక పద్యం
బమరము, వినగా మనః హృద
యమునకు పద్యానురక్తి హాయింగూర్చున్ !
గోలి హనుమచ్ఛాస్త్రి గారు,
రిప్లయితొలగించండి"మనః హృదయము" లో విసర్గము ఎక్కువైనదా?
"వినగా" లో గకారము దీర్గమయిందా?
సత్యనారాయణ గారూ! అది 'మన హృదయమే ' టైపాటు ను చూసుకోలేదు.
రిప్లయితొలగించండిగుర్తించి తెలిపినందులకు ధన్యవాదములు.
సవరణతో ...
క్రమముగ మాధవ పెద్దియు
కమనీయుడు ఘంటసాల గాయక పద్యం
బమరము, వినగా మన హృద
యమునకు పద్యానురక్తి హాయింగూర్చున్ !
గోలి హనుమచ్ఛాస్త్రి గారూ,
రిప్లయితొలగించండిమొదటి పూరణ ‘చెల్లెలు యమున’ను వదిలేశారే! నా సవరణ ...
అమరగ పద్యమ్ముల స
క్రమముగ నాశువుగఁ జెప్పు రమ్యముగానే
ప్రమదమున చిట్టి చెల్లెలు
యమునకు, పద్యానురక్తి హాయిం గూర్చున్,
మీ రెండవ పూరణ బాగుంది. అభినందనలు.
మూర్తి మిత్రమా ' సరసున నమరిన ' సరియైనది.
రిప్లయితొలగించండిమందాకిని గారూ,
రిప్లయితొలగించండిచక్కని పూరణ. అభినందనలు.
‘ఇచ్చట అమరిన వేదిక’ శంకరాభరణమేనా?
*
‘అష్టావధాని’ రాంభట్ల పార్వతీశ్వర శర్మ గారూ,
మీ కైతల కయ్యపు పూరణ అద్భుతంగా ఉంది. అభినందనలు.
*
చింతా రామకృష్ణారావు గారూ,
సుమధుర పూరణతో ప్రముదాన్ని గూర్చారు. అభినందనలు.
‘పద్యప్రియులకున్’ అన్నప్పుడు ‘ద్య’గురువై గణదోషం ..?
*
వరప్రసాద్ గారూ,
వైవిధ్యంగా ఆలోచించారు. బాగుంది. అభినందనలు.
కాని ‘భూప్రదక్షిణలు జేయమునకు’ ... ?
*
సంపత్ కుమార్ శాస్త్రి గారూ,
వియ్యము కుదిర్చిన మీ పూరణ మనోహరంగా ఉంది. అభినందనలు.
శంకరార్యా ! నా మొదటి పూరణమును హృదయమునకు హాయింగూర్చునట్లుగా మలచిన మీకు కృతజ్ఞతలు.
రిప్లయితొలగించండినా పూరణమున 'అభిమానము ' తో చక్కగా సమన్వయము చేసి చూపిన
"మనతెలుగు" వారికి ధన్యవాదములు.
మంద పీతాంబర్ గారూ,
రిప్లయితొలగించండిమీ పూరణ బాగుంది. అభినందనలు.
*
జిగురు సత్యనారాయణ గారూ,
మీ ‘భువనవిజయపు’ పూరణ చక్కగా ఉంది. అభినందనలు.
*
గన్నవరపు నరసింహ మూర్తి గారూ,
‘భృంగచయము’పై మీ పూరణ అదిరింది. అభినందనలు.
మొదటి పద్యంలో ‘సరసిన నమరిన’, రెండవపద్యంలో ‘అమరిన యంబుజములు’ సరైనవి.
*
పండిత నేమాని గారూ,
‘సుజననికాయము’ మెచ్చెడి ప్రశస్తమైన పూరణ మీది. అభినందనలు.
*
శ్రీపతి శాస్త్రి గారూ,
పద్యం పఠనంతో మీకు తెల్లవారుతున్నదన్న మాట. బాగుంది. మంచి పూరణ. అభినందనలు.
రాజేశ్వరక్కయ్యా,
రిప్లయితొలగించండిచక్కని పూరణ నిచ్చారు. అభినందనలు.
‘ఖుషియై’ అన్యదేశ్యపదం ... ?
*
‘మనతెలుగు’ చంద్రశేఖర్ గారికి,
పద్యనాటకాల ప్రసక్తితో ఉత్తమమైన పూరణ నిచ్చారు. అభినందనలు.
అది ‘ఆంగికాభినయం’! ‘ఆంగీకాభినయం’ కాదు. ఆ పాదాన్ని ‘షములందు నాంగి కాభిన’ అంటే సరి!
హనుమచ్ఛాస్త్రి గారి పూరణకు మీ సవరణ బాగుంది. ధన్యవాదాలు.
*
సుజ్ఞేయ కవితా మాధుర్యం గల మీ ఫూరణ మధురంగా ఉంది. అభినందనలు.
‘భాగవతము దధియై’, ‘భాగవత ముదధియై’ శ్లేష అదిరిందండోయ్!
*
గోలి హనుమచ్ఛాస్త్రి గారూ,
మీ మూడవ పూరణ ప్రశస్తంగా ఉంది. అభినందనలు.
రాజేశ్వరి గారు,
రిప్లయితొలగించండిమొదటి పాదము చివరలో 2 లఘువులు గాని లేదా ఒక గురువు కాని తగ్గినది.
"యమునా తటమున జని_ _"
జిగురు వారూ,
రిప్లయితొలగించండిఆ గణదోషాన్ని గమనించాను. సరిదిద్దాలనుకున్నాను. మా అక్కయ్య తమ్ముడికి పని కల్పించకుండా ఉండదు కదా! అయితే వ్యాఖ్యను టైప్ చేసే సమయంలో మరిచిపోయాను.
‘యమునా తటమునకును జని’ అంటే సరి!
రాజేశ్వరక్కయ్యా,
రిప్లయితొలగించండిమీరు ‘సమస్యాపూరణం - 7’ను బుక్ మార్క్ చేసినట్టున్నారు. ఈసారి బ్లాగు తెరిచినప్పుడు పైన ఉన్న‘హోమ్’ను క్లిక్ చేసి బుక్ మార్క్ చేయండి. ఇకనుండి ఫ్రెష్ పేజీని నేరుగా చూడవచ్చు.
." ఖుషి " ఆన్న పదానికి తెలుగు నిఘంటువులో " సంతోషము " అని ఉంది. అందుకని సరి పొతుం దనుకున్నాను గురువు గారూ !
రిప్లయితొలగించండినేను అదే అనుకున్నాను " ఇంత కరెట్టుగా ఎలా రాసానా అని ? సరి జేసిన ఇద్దరికీ ధన్య వాదములు
మిస్సన్న గారూ, గురువు గారూ కృతజ్ఞతలు.
రిప్లయితొలగించండిశ్రీ పండిత నేమాని వారు,అవధాని శ్రీ రాంభట్ల పార్వతీశ శర్మ గారు శ్రీ చింతా రామకృష్ణా రావు గారు చక్కని పూరణలు చేస్తూ బ్లాగు శోభనినుమడింప చేస్తున్నారు. వారలకు మరో సారి ధన్యవాదములు.
గురువుగారూ ధన్యవాదములు.
రిప్లయితొలగించండిముందు ఉదధి అనే వ్రాసాను.
టైపు చేసేటప్పుడు పొరపాటు వల్ల దధి వేరు పడింది.
మీరన్నట్లుగా అనుకొని అలానే ఉంచేశాను.
కుమతికిమద్యము, ఫలసా
రిప్లయితొలగించండియమునకు సేద్యము, సుమతుల కనవరతము వి
ద్య మరియును సుకవిసముదా
యమునకు పద్యానురక్తి, హాయిం గూర్చున్!!!
మంద పీతాంబర్ గారూ,
రిప్లయితొలగించండిఅత్యుత్తమమైన పూరణ. అభినందనలు.
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
పద్య సేవనం మధ్యలో అల్పాహారం ! ఆ అనుభూతే అత్యంత మధురం !
01)
_____________________________________
నమలిన నోటికి రుచిగా
నమరిన జంతికల తోడ - నన్నియు సరిగా
సమకొన , సుమనస్సముదా
యమునకు పద్యానురక్తి - హాయిం గూర్చున్!!!
_____________________________________
సుమనస్సు = విద్వాంసుఁడు
‘పద్యప్రియులకున్’ అన్నప్పుడు ‘ద్య’గురువై గణదోషం రాదండి. లఘువై సుగణ యుక్తమై ఒప్పుతుందని నా అభిప్రాయం. అప్పకవి ఎప్పిన ప్రమాణాలున్నాయండి.
రిప్లయితొలగించండిమీ సునిశిత పరిశీలనా పటిమకు నాకు అాలా ఆశ్చరుఅం వేస్తోందండి. ఎంత ఓపిక మీకు?
ధన్యవాదాలండి.
కమలాక్షుల నిరసనతో
రిప్లయితొలగించండిసుమనోహర యౌవనమున సుకుమారున దా
కమలిన హృదయమ్మున గా
యమునకు పద్యానురక్తి హాయింగూర్చున్
ప్రభాకర శాస్త్రి గారూ,
రిప్లయితొలగించండిమీ పూరణ బాగున్నది. అభినందనలు.
🙏🙏🙏
తొలగించండిఈ కామెంట్‌ను రచయిత తీసివేశారు.
రిప్లయితొలగించండితమతమ గొప్పలు తెలుపుచు
రిప్లయితొలగించండిక్షమ గోరుచు జంట కవులు కందలు పాడన్
కమనీయపు కంఠమ్మున
యమునకు పద్యానురక్తి హాయింగూర్చున్