17, డిసెంబర్ 2017, ఆదివారం

దత్తపది - 127 (ఆట-పాట-బాట-మాట)

ఆట - పాట - బాట - మాట
పై పదాలను ఉపయోగిస్తూ
ప్రపంచ తెలుగు మహాసభలను గురించి
నచ్చిన ఛందస్సులో పద్యాన్ని వ్రాయండి.

44 కామెంట్‌లు:

  1. ఆటా పాటల లోనన్
    మాటా మాటలు కలుపుచు మలుపులు తిరిగెన్
    దీటుగ ప్రపంచ మంతటి
    బాటలు మన తెలుగు వార్వి భాగ్యనగరికిన్!

    రిప్లయితొలగించండి
  2. పాటలంబైన కాంతులు పరిడవిల్లె;
    బాటమీరని మరియాద బయలువెడలె;
    మాటకందని మమతలు మదుల పొంగె;
    ఆంధ్రభారతి తెలగాణ నాటలాద.

    రిప్లయితొలగించండి
  3. ఆటగ మొదలిడి రిసభలు
    పాటలు పద్యముల విందు బహుఘన మంటన్
    మాటలు పిలుపుల సొగసుల
    బాటయె రహదారి కాదు వంకర టింకర్

    రిప్లయితొలగించండి


  4. ప్రతి మాటలో తెలంగా
    ణ తీరుగన్నాటలాడె నౌరా యనగన్
    స్తుతమాయెన్ పాటలతో
    డ తెలుగు పూబాట కోడెరౌతు జిలేబీ !


    జిలేబి

    రిప్లయితొలగించండి
    రిప్లయిలు
    1. కోడెరౌతు మాట కొండంత ధైర్యమ్ము
      కోడెరౌతు పాట కోమలమ్ము
      కోడెరౌతు ఆట కోదండరామమ్ము
      కోడెరౌతు బాట గోలుకొండ

      తొలగించండి


    2. సారస్వత సభ లోనన్
      పారించెన్ పద్యములను ఫాలాక్షుండ
      య్యా! రామశర్మకున్ స
      త్కారము ఘనముగ జిలేబి గావించెనయా !



      జిలేబి

      తొలగించండి
  5. ఆటల పాటల తోడన్
    బాటవముగ సభలు విరిసె వైభవమొప్పన్
    మాటల కందని రీతిన
    మేటిగ సాగెను విబుధులు మేల్మేలనగన్

    రిప్లయితొలగించండి
  6. మైలవరపు వారి పూరణ

    "ఆటలనాడుకొంటిమట నక్షరపంక్తుల తేటతెల్గులో
    పాటలు పాడినట్లని" ప్రపంచ తెనుంగు మహాసభల్ గనన్
    బాటను పట్టినారదిగొ ! స్వర్గము వీడుచు పాతకాలపున్
    మాటలు ముచ్చటించుకొన మాన్యులు పూర్వకవీంద్రదిక్కరుల్ !!

    మైలవరపు మురళీకృష్ణ వెంకటగిరి

    రిప్లయితొలగించండి
  7. ఆటంకము లేకుండను
    పాటవమున సాగె సభలు వైభవ మొప్పన్
    మేటిగ వేసిరి బాటలు
    మాటలతో తెలుగు కచట మహిమాన్వితులే.

    రిప్లయితొలగించండి
  8. ఆట పాట లతో సభ లల రు చుండ
    మాట లన్నియు తెలుగు లో మహి త మైన
    బాట వేయగబూన నా భాగ్యమను చు
    సంత సించె ను తెలుగమ్మ సంబర ము న

    రిప్లయితొలగించండి
  9. ఆటలు కావవి జూడగ
    పాటవమున తెలుగు సభలు పండుగ రీతిన్
    బాటలు మేటిగ పరువగ
    మాటల కందని విధముగ మహిలో జరుపన్

    రిప్లయితొలగించండి
  10. ఆట పాటలందు అచ్చమైన తెలుగు
    బాట వెడలె నిటుల భాగ్యనగరి
    మాట దెలుప మనకు చాటగా తన ప్రభ
    ఆటవెలది నందు అమరెనిటుల

    రిప్లయితొలగించండి
  11. మాటలు నేర్చిననేతలు
    పాటలబొగడెడి తెలుగును బాటించినచో
    నాటగమారక సభలవి
    బాటనుమార్చును చదువుల భవితవ్యమునన్

    సభలు సంబురాలకే పరిమితం కాకుంటేనే ధన్యత!

    రిప్లయితొలగించండి
  12. గురువర్యులు శ్రీ కంది శంకరయ్య గారి శంకరాభరణం :: దత్తపది (127)
    ఇచ్చిన పదాలు :: ఆట , పాట , బాట , మాట
    కోట రాజశేఖర్ గారి పూరణ

    సందర్భం :: ప్రపంచ తెలుగు మహా సభలను నిర్వహించే ముఖ్యమంత్రి శ్రీ చంద్రశేఖరరావు గారి బాట బంగారు బాట అని చెప్పే సందర్భం.

    ఛందస్సు :: మత్తకోకిల పద్యం.

    *ఆట* లాడిన రీతి, తెల్గు మహా సభల్ నడిపించుగా,
    *పాట* బాడిన రీతి, కైతల బండి వెల్గుచు నుండగా,
    *మాట* నిల్పుచు, ముఖ్యమంత్రిగ మాన్యు డయ్యె, జగాన నీ
    *బాట* జూడగ *చంద్రశేఖరు బాట బంగరు బాట యౌ.*

    కోట రాజశేఖర్ నెల్లూరు.

    రిప్లయితొలగించండి
  13. తెలుగుపదాలనల్లికల తేనెలుజారెడు తీయధారలన్
    జిలుగుల నింపమహాసభ జేతలమైతిమి నాటలాడుచున్
    చెలువము మీరగపాటలు చిందులు వేసెడు బాటపట్టగా
    వెలుగులుపంచెడు రీతిన వీనులవిందగు మాటలందునన్

    రిప్లయితొలగించండి
  14. తెలుగుపదాలనల్లికల తేనెలుజారెడు తీయధారలన్
    జిలుగుల నింపమహాసభ జేతలమైతిమి నాటలాడుచున్
    చెలువము మీరగపాటలు చిందులు వేసెడు బాటపట్టగా
    వెలుగులుపంచెడు రీతిన వీనులవిందగు మాటలందునన్

    రిప్లయితొలగించండి
  15. నాదు భాష కర్ణాట భాషాదు లందు
    ఘనము తేట తెనుఁగు పాటవ నినదమ్ము
    పడను మోమాటము వొగడఁ గడిఁదిగ నిఁక
    నేలఁ దడఁబా టవని నింప నింక నీకు

    [కర్ణాట భాష = చెవులలో నింపుగ తిరుగు భాష]

    రిప్లయితొలగించండి
  16. పరాయి భాషల మోజులో తెలుగు భాష కనుమరుగవుతుందేమోనన్న భయం అక్కరలేదు. ప్రపంచ తెలుగు మహా సభల సందర్భంగా వందల తెలుగు పుస్తకాలు వెలువడుతున్నాయన్న విషయం వింటూనే వున్నాం. అంతా మన చేతిలోనే వుంది. కొత్త తరానికి భాషావిలువలు నేర్పే బాధ్యత మనదే...🙏🏻

    తే.గీ.
    ఆటలకును లేదంతము, పాట తేరు
    సాగుచుండు నెప్పుడు భువి జాగు లేక
    బాట వీడునన్న భయపు మాటలేల
    తెలుగు సభల వెలిగెజూడు తేనెలమ్మ!

    రిప్లయితొలగించండి
  17. ఆట యగున్ తెలుంగుసభలాడగ నేతలు రాజనీతితో,
    పాటలు పద్యముల్ కథలు భవ్యముగా వినిపించి వేదిపై
    బాటయె వాసినొంద కవివర్యులకెల్లరకున్, వివాదపున్
    మాటల వార్తలే ప్రజకు మంచివినోదములైదురోజులున్

    రిప్లయితొలగించండి
  18. చిందులు వేయుచున్ జనుల చిత్తము దోచెను గొప్పగా కళా
    బృందపు యాట పాటలును, పెద్దలు మెచ్చుచు నాడు మాటలు
    న్నందరి డెందము గెలిచె హాస్యపు బాటన బల్కుచుండ నా
    నందము వెల్లువెత్తనది నందన మయ్యెసభాంతరమ్మటన్.

    రిప్లయితొలగించండి
  19. రిప్లయిలు
    1. నా “శ్రీమదాంధ్ర సుందర కాండ” సప్తచత్వారింశ సర్గమున నేటి పద్యములలో నొకటి.

      ధ్వనియించెం భువి దద్దఱిల్లి నిలిచెన్ భానుండు హీనద్యుతిన్
      ఘనుఁ డా వాయువు వీవ నొల్లఁడు మహా గ్రావాళి కంపించె నెం
      డెను వారాశి నభమ్ము మ్రోఁగెఁ గడుఁ గాఠిణ్యేద్ధ చిత్తుల్ దశా
      నన పుత్రానిల నందన ద్వయపు టానర్తమ్ము వీక్షించఁగన్

      మూలము:
      రరాస భూమిర్న తతాప భానుమా
      న్వవౌ న వాయుః ప్రచాచల చాచలః.
      కపేః కుమారస్య చ వీక్ష్య సంయుగం
      ననాద చ ద్యౌరుదధిశ్చ చుక్షుభే৷৷5.47.13৷৷

      తొలగించండి
  20. ఆటపాటల తోడుత నందరచట
    మాతృ భాషను పొగడుచు మాటలాడి
    తెలుగు భాష యీ జగతిలో వెలుగులీన
    బాట చూపిరి మనతెల్గు ప్రజలకచట

    రిప్లయితొలగించండి
  21. ఆటలునాడు పిల్లలయి నద్భుత రీతిగ నాంద్రవర్యులే
    మాటల మాధురీ ప్రతిభ మంగళ దాయకమందు బంచుచున్
    పాటలు పద్యముల్ నుడువు పండితవర్యుల సూక్తిరత్నముల్
    బాటగ తెల్గుతేజము ప్రపంచ మహాసభలందుబంచుటౌ|

    రిప్లయితొలగించండి
  22. ఆటలునాడు పిల్లలయి నద్భుత రీతిగ నాంద్రవర్యులే
    మాటల మాధురీ ప్రతిభ మంగళ దాయకమందు బంచుచున్
    పాటలు పద్యముల్ నుడువు పండితవర్యుల సూక్తిరత్నముల్
    బాటగ తెల్గుతేజము ప్రపంచ మహాసభలందుబంచుటౌ|

    రిప్లయితొలగించండి
  23. ఉత్పలమాల
    పట్టిన బాట వీడడని బల్కుచు నుత్తము గూర్చి శేఖరుల్
    జెట్టిగ నంకురార్పణముఁ జేయఁ బ్రపంచ మహాసభాలికిన్
    దట్టదె చంద్రబాబుకును దల్లి తెలుంగను మాట? వేడుకల్
    జుట్టిన నాట పాటలవి శోభలె? రాజుకు మచ్చ కాదొకో ?

    రిప్లయితొలగించండి
  24. గురువు గారికి నమస్సులు.
    ఆట వెలదులను చెప్పగ
    పాటను మరిపించగలను పామరులను నీ
    బాటన పయనించుట కే
    మాటలు పద్దియ ములౌ సమాధిక కళగన్
    పెద్దలు పోచి రాజు కామేశ్వరరావు గారు పూరణ పరిశీలించి సరిచేయ ప్రార్థన.

    రిప్లయితొలగించండి
  25. ఆటలందున మువ్వలందెల రవళులు
    వీనులవిందు గావించురీతి
    తెలుగు మాటల సొబగు తీరుగా విలసిల్లు
    వక్తల మాధుర్య వచన సరళి
    బాటకిర్వంకల పరిమళ సుమరాజి
    పళ్ళెరమ్ముల దాల్చు పలుకరింపు
    పల్లెపాటల జానపద భంగిమలయందు
    పరవశించిన నాట్యపాటవమ్ము


    నేల నాలుగు చెరగుల నేలినట్టి
    తెలుగు మాధుర్య సరస సందీప్తులకును
    తెల్లబోయిన పరభాష తల్లడిల్ల
    పంచె తృప్తిని తెలుగు ప్రపంచ సభలు



    రిప్లయితొలగించండి
  26. గురువు గారు మేము దూరంగా ఉన్నాము కానీ తమరు దగ్గర నుండి చూస్తూ ఉంటారు. అంతా మంచిగా జరగాలని కోరుకుంటూ పద్య రచన తోట వరకు మాకు బాట వేసిన మీకు పాదాభివందనములు.
    తే గీ
    బాట వేయగ గురువులు తోటవరకు
    మాట శాసనమని నమ్మి మరులు గొనుచు
    ఆటలాడుచు వ్రాసిన నాటవెలది
    పాట వలె సాగిపోయెను తేట గీతి.

    రిప్లయితొలగించండి
  27. ఆటలవోలె పద్యముల నాడుచు పాడుచు సృష్టిచేసి యా
    పాటల పల్లవిన్ జొరిపి భావ గభీరత బెంపుజేయ పూ
    బాటగ తెల్గుపద్యములు పండిత పామర రంజకంబులై
    మాటల మూటలై మిగిలె మాన్యత నొంది మహాసభన్ భళీ !!

    రిప్లయితొలగించండి
  28. ఆట దినమ్ములైదు,తెగులౌను తెలుంగు తొలంగునాపయిన్
    పాటలు పాతవే మరల బాడుదురాడుదురౌర!నాటకాల్
    బాటలుగానమాసనిసి రాకకు వేడుకలట్లు,వట్టివౌ
    మాటలనాడ దిట్టలగు మాయల మాంత్రికశోభలీ సభల్.
    ...చంద్రమౌళి రామారావు,
    బాపట్ల.

    రిప్లయితొలగించండి
  29. ఆట లాడి నట్టు లాహ్లాద కరముగ
    పాట మధుర మొప్ప పాడి నటుల
    పూల బాట లోన పోవు చందముననె
    మంచి సభలు జరుపు మాట వింటి.

    రిప్లయితొలగించండి
  30. దత్తపది స్వార్థ రహితముగా :
    ******)()(*****
    ఆటవికమగు దశ నధిగ మించియు,పొర
    పాటనునది సుంత బరగ నీక
    మాట పడకయె మొగ మాటపడక,నగు
    బాటనునది లేక పండె సభలు!

    రిప్లయితొలగించండి
  31. ఆటంకములెదురైనను
    పాటగ మురిపించు తెలుగు బలుకుచు సభలన్
    బాటలు వేయుము సుకవీ!
    మాటల నినదించు తెలుగు మాధుర్యమ్మున్!!!

    రిప్లయితొలగించండి

  32. ఆటలు, పాటలు, పస గల
    మాటలతో తెలుగు సభలు మైమరిపించెన్
    బాటలు వేసెను తెలుగుకు
    మేటిగ వెలుగొందు విధము మేదిననెపుడున్

    రిప్లయితొలగించండి

  33. ఆటలతో కడు మధురపు
    పాటలతో సభలు వైభవంబుగ జరిగెన్
    మాట మధువగు తెలుగు గ్రహ
    పాటును వీడి యభివృద్ధి బాటల నడిచెన్

    రిప్లయితొలగించండి


  34. ఆటగదరా శివాయని
    పాటల పూబాట వేసె ఫాలాక్షునికిన్
    మాటల భరణి జిలేబీ
    కోటల గట్టెన్ భళిభళి కోకనదునికిన్ !

    జిలేబి

    రిప్లయితొలగించండి