9, మే 2011, సోమవారం

దత్త పది - 12 (సిరి)

కవి మిత్రులారా,
"సిరి" అనే పదాన్ని
"లక్ష్మి" అనే అర్థంలో ప్రయోగించకుండా
నాలుగు పాదాలలో వేసి
శ్రీదేవిని ప్రార్థిస్తూ మీకు నచ్చిన ఛందస్సులో
పద్యం వ్రాయండి.

14 కామెంట్‌లు:

  1. ముసిరిన దారిద్ర్యంబులు
    కసిరిన పోనట్టి నష్ట కష్టము మా,చే
    నుసిరిక చందము; జేతుము
    మసి,రిత్తగ; నిను భజించి మాతా!లక్ష్మీ!

    (చేనుసిరిక=కరతలామలకము)
    అనవచ్చా మాస్టరుగారూ!

    రిప్లయితొలగించండి
  2. శంకరార్యా!మా చేనుసిరిక, బదులు...చేతన్నుసిరిక చందము ...ఇలా వ్రాయవచ్చునా సందేహము తీర్చగలరు.

    రిప్లయితొలగించండి
  3. చూసిరి శ్రీదేవిని, యర
    మూసిరి గన్నులు ,మనములు ముదమున బొంగన్!
    పూసిరి పలు గంధమ్ముల
    వేసిరి మందార మాల ,వేడిరి భక్తుల్ !

    రిప్లయితొలగించండి
  4. శంకరయ్య గారూ.. మీ సిరి దత్త పది చూసాక నాకో ఆలోచన వచ్చింది.
    "లాడెన్, ఊడెన్, వీడెన్, వాడెన్" పదలతో దత్తపది బాగుంటుందా.. ఆలోచించండి.

    రిప్లయితొలగించండి
  5. వ్రాసిరి కవులు కావ్యము ల్వరమడుగను
    చేసిరి భక్తులు పూజలు చేరగ నిను
    నేనొక పసిరిక కనుల పాపిని నను
    కసిరి గొట్టక కావుము కమల వసిని (కనక లక్ష్మి)!

    మనవి: కమల వసిని అనటం విరుద్దమయితే కనక లక్ష్మి అని చదువుకోవచ్చు. పెద్దలు తెలియజేయగలరు.

    రిప్లయితొలగించండి
  6. క్షమించాలి; మూడవ పాదము సవరించిన తరువాత:

    వ్రాసిరి కవులు కావ్యము ల్వరమడుగను
    చేసిరి భక్తులు పూజలు చేరగ నిను
    పసిరిక కనులంగప్పిన పాపి నేను
    కసిరి గొట్టక కావుము కమల వసిని (కనక లక్ష్మి)!

    రిప్లయితొలగించండి
  7. కలిసిరి సురలు దైత్యులు కడలి చిలుక
    తెలిసిరి నిను శ్రీలక్ష్మిగా తేజమలర
    వలపెగసి రివ్వున హరిపై వాలినావు
    విసిరి గొట్టక వినుము నా విన్నపమ్ము!!

    రిప్లయితొలగించండి
  8. కవి మిత్రులకు నమస్కృతులు.
    ఇప్పుడే ఊరినుండి తిరిగి వచ్చాను. వచ్చీ రాగానే బ్లాగు తెరిచాను. మా ఆవిడ స్నానం చేసి కూర్చోమంటే "అన్నీ బ్లాగులో క్రొత్త పోస్ట్ పెట్టిన తర్వాతే" అని ముందుగా ఈనాటి సమస్యను ఇచ్చాను. ఇప్పుడు నిన్నటి దత్తపది పూరణలు చూస్తున్నాను.

    రిప్లయితొలగించండి
  9. గోలి హనుమచ్ఛాస్త్రి గారూ,
    మీ పూరణ బాగుంది. అభినందనలు.
    "మా చే నుసిరిక, చేత న్నుసిరిక" రెండూ సరైనవే.

    మంద పీతాంబర్ గారూ,
    మీ పూరణ ఉత్తమంగా ఉంది. అభినందనలు.

    టేకుమళ్ళ వెంకటప్పయ్య గారూ,
    మీ సూచన బాగుంది. ధన్యవాదాలు.
    రెండు మూడు రోజుల్లో దత్తపది ఇస్తాను.

    రిప్లయితొలగించండి
  10. చంద్రశేఖర్ గారూ,
    మీ పూరణ బాగుంది. అభినందనలు.
    "కనకలక్ష్మి" అనడమే సబబు.

    జిగురు సత్యనారాయణ గారూ,
    అద్భుతంగా ఉంది మీ పూరణ. "వలపెగసి రివ్వున" చాలా బాగుంది. అభినందనలు.

    రిప్లయితొలగించండి
  11. శంకరార్యా! ధన్యవాదములు.సందేహ నివృత్తి అయినది.

    రిప్లయితొలగించండి
  12. మిస్సన్న గారి పూరణ ....

    మా బండి చాలా లేటు.

    చేసిరి దేవ దానవులు క్షీర సముద్రపు మంథనమ్ము మేల్
    చేసిరి ధాత్రి కిచ్చి నిను శ్రీ కరమౌ కరుణార్ద్ర దృక్కులన్
    చూసిరి శోభనమ్ములను శ్రీలను సేయగ మాకు స్తోత్రముల్
    చేసిరి సర్వులున్ జనని శ్రీహరి పట్టపు రాణి శ్రీ సతీ!

    రిప్లయితొలగించండి
  13. మిస్సన్న గారూ,
    లేటయినా స్వీటు పద్యం చెప్పారు. అభినందనలు.
    "మాకు స్తోత్రముల్చేసిరి సర్వులున్" ?

    రిప్లయితొలగించండి
  14. గురువుగారూ మాకు తర్వాత కామా ఉంటుంది.
    ధన్యవాదాలు నా పూరణ నచ్చినందుకు.

    రిప్లయితొలగించండి