మాయ లేడిని తాగోరి మగువ సీత పతికి కష్టాలు గొనిదెచ్చె వనము నందు తండ్రి మీదనలిగి తాను దహన మగుచు భవుని బాధకు గురిజేసె బాలచంద్ర యిద్ద రతివల మధ్యన యిమడలేక శేషశయనుడు మారెను శిలగ తాను వింత గాదిది లోకాన ప్రియులకెపుడు సంతతము దుఃఖమే కుల సతుల వలన!!!
అశ్వత్థ నారాయణ మూర్తి గారూ, మీ పూరణ బాగున్నది. అభినందనలు. ***** శైలజ గారూ, మీ పూరణ బాగున్నది. అభినందనలు. పార్వతికి ‘బాలచంద్ర’ అన్న పర్యాయపదం ఉన్నట్టు మీ పద్యం వలన తెలిసింది. పర్యాయపద నిఘంటువులో ఉంది కాని వ్యుత్పత్తి ఏమిటో? ***** గోలి హనుమచ్ఛాస్త్రి గారూ, మీ పూరణ బాగున్నది. అభినందనలు. ****** కందుల వరప్రసాద్ గారూ, ధన్యవాదాలు... ప్రస్తుతం నేను వృద్ధాశ్రమంలో ప్రశాంతంగా ‘టెన్షన్ ఫ్రీ’ జీవితాన్ని గడుపుతున్నాను. ఆర్థికపరమైన కష్టాలంటారా... అవి ఎప్పుడూ ఉండేవే!
పోచిరాజు సుబ్బారావు గారూ, మీ పూరణ బాగున్నది. అభినందనలు. ‘సదరు’ అని అన్యదేశ్యాన్ని ప్రయోగించారు. ***** కెంబాయి తిమ్మాజీ రావు గారూ, మూడు వైవిధ్యమైన పూరణలను చెప్పి అలరింపజేశారు. అభినందనలు. మూడవపూరణలో ‘మంత్రమ్ము+ఔ’ అన్నప్పుడు యడాగమం రాదు. ‘మూలమంత్రమౌ నా సంఘమునకు...’అనండి.
అన్నపరెడ్డి సత్యనారాయణ రెడ్డి గారూ, మీ పూరణ బాగున్నది. అభినందనలు. ***** దువ్వూరి రామమూర్తి గారూ, మీ పూరణ బాగున్నది. అభినందనలు. ***** కె. ఈశ్వరప్ప గారూ, మీ పూరణలు (ముఖ్యంగా వివరంగా చెప్పిన సీసపద్యం) బాగున్నవి. అభినందనలు. ***** డా. బల్లూరి ఉమాదేవి గారూ, మీ పూరణ బాగున్నది. అభినందనలు.
నక్కా శివకుమార్ గారూ, సినిమాలకు, సినిమాలకు ప్రాధాన్యత నిచ్చే బ్లాగులు ఎన్నో ఉన్నాయి. మీ సమాచారాన్ని ఆ బ్లాగులతో పంచుకోండి. ఈ బ్లాగు కెవలం సంప్రదాయ సాహిత్యానికి అంకితమైనది. అందువల్ల మీ ‘మహేశ్ బాబు సినిమా పాటలను డౌన్‍లోడ్ చేసుకోండి’ అనే వ్యాఖ్యను ఆ లింకును తొలగిస్తున్నాను. మరొకసారి ఇలాంటి వ్యాఖ్యలు పెట్టవద్దని సవినయంగా మనవి చేస్తున్నాను.
సంతసమ్ముగ సేవలు సలుప సతులు
రిప్లయితొలగించండిసంతతము, దుఃఖమేకులసతుల వలన
కలుగు? గయ్యాళి తనమున్న కాంతలైన
సంతతము దుఃఖమే కులసతుల వలన
చంద్రమౌళి సూర్యనారాయణ గారూ,
రిప్లయితొలగించండినా మనసులోని మాటగా చక్కని పూరణతో బోణీ చేశారు. చాలా సంతోషం. అభినందనలు.
వినయమే లేని సతితోన వేగ లేక
రిప్లయితొలగించండిసంతతము దు:ఖమే , కులసతుల వలన
గలుగు నిరతము గృహమందు గౌర వమ్ము
లక్ష్మి నెలకొని శోభిల్లు లక్షణ ముగ
మిత్రులందఱకు నమస్సులతో...
రిప్లయితొలగించండిసూటి పోటి మాటలతోడ సూదులవలె
గ్రుచ్చుచుండంగ గేస్తుండు కూర్మి నెట్లు
పంచఁగలఁడయ్య? కినియుచు వగపు నిడఁగ
సంతతము దుఃఖమే కులసతుల వలన!!
రామ! నను రావణుడు దెచ్చి లంక నుంచె
రిప్లయితొలగించండినెట్లు కనుగొందు వోస్వామి? యేమ నెదను?
బాధలే నీకు నావల్ల , పతులకెన్న
సంతతము దుఃఖమే కులసతుల వలన.
రాజేశ్వరి అక్కయ్యా,
రిప్లయితొలగించండిమీ పూరణ బాగున్నది. అభినందనలు.
*****
గుండు మధుసూదన్ గారూ,
మీ పూరణ బాగున్నది. అభినందనలు.
*****
మిస్సన్న గారూ,
మీ పూరణ బాగున్నది. అభినందనలు.
రమణి వింతను గోరంగ రాఘవుండు
రిప్లయితొలగించండిపగల బడినవ్వ బాంచాలి పాండు సుతులు
ఇడుములన్బొందిరి జూడ నేరి వలన
సంతతము దుఃఖమే కుల సతుల వలన
మాయ లేడిని తాగోరి మగువ సీత
రిప్లయితొలగించండిపతికి కష్టాలు గొనిదెచ్చె వనము నందు
తండ్రి మీదనలిగి తాను దహన మగుచు
భవుని బాధకు గురిజేసె బాలచంద్ర
యిద్ద రతివల మధ్యన యిమడలేక
శేషశయనుడు మారెను శిలగ తాను
వింత గాదిది లోకాన ప్రియులకెపుడు
సంతతము దుఃఖమే కుల సతుల వలన!!!
పసిడి లేడిని యొక భామ భర్త నడుగ
రిప్లయితొలగించండిఅడుగు తడబడ గని యొక్క యతివ నవ్వ
పతులు బడినారు పడరాని పాట్లు నాడు
సంతతము దుఃఖమే కులసతుల వలన.
శ్రీ శంకరయ్య గురుదేవులకు వినమ్రవందనములతో.....
రిప్లయితొలగించండిగురువుగారు మీ కష్టములను దీర్చమని ఆ దేవదేవుని ప్రార్థిస్తూ
---------------------
పద్యమున్నజాలు పసిడి యేల ననుచు
బ్లాగు మిత్ర తతికి బంధు వైన
కందివంశ తిలక కష్టములను జూచి
నిద్ర యేల నయ్య భద్ర శైల !
అశ్వత్థ నారాయణ మూర్తి గారూ,
రిప్లయితొలగించండిమీ పూరణ బాగున్నది. అభినందనలు.
*****
శైలజ గారూ,
మీ పూరణ బాగున్నది. అభినందనలు.
పార్వతికి ‘బాలచంద్ర’ అన్న పర్యాయపదం ఉన్నట్టు మీ పద్యం వలన తెలిసింది. పర్యాయపద నిఘంటువులో ఉంది కాని వ్యుత్పత్తి ఏమిటో?
*****
గోలి హనుమచ్ఛాస్త్రి గారూ,
మీ పూరణ బాగున్నది. అభినందనలు.
******
కందుల వరప్రసాద్ గారూ,
ధన్యవాదాలు...
ప్రస్తుతం నేను వృద్ధాశ్రమంలో ప్రశాంతంగా ‘టెన్షన్ ఫ్రీ’ జీవితాన్ని గడుపుతున్నాను. ఆర్థికపరమైన కష్టాలంటారా... అవి ఎప్పుడూ ఉండేవే!
గురువు గారూ
తొలగించండిబహుశా ఫాల చంద్ర నా
ఫాలము అర్ధ చంద్ర ఆకారంలో ఉంటుంది.
ఒక వేళ బాల చంద్ర నే అయితే నా అజ్ఞతను మన్నించండి
శ్రీ భాగవతుల కృష్ణారావు గారి పూరణ
రిప్లయితొలగించండిపరుగులిడు విద్య నేర్పగ వాణి భువికి
స్థిరముగా నింటనుండక సిరి తిరుగును
భగ్నమై గూర్చె పాట్లు కపర్దికి సతి
సంతతము దుఃఖమే కులసతుల వలన.
ధర్మజుని నంటి పడెపాట్లు ద్రౌపది కద!
ధర హరిశ్చంద్రు నర్ధాంగి దాసి కాగ
పతిని వెంటంటి వైదేహి పాట్లు పడగ
సంతతము దుఃఖ మేకులసతుల వలన?.
భాగవతుల కృష్ణారావు గారూ,
రిప్లయితొలగించండిమీ రెండు విధాల పూరణలు బాగున్నవి. అభినందనలు.
భార్య గయ్యాళి దియగుచో భర్త కుమఱి
రిప్లయితొలగించండిసంతతము దుఃఖ మే కుల సతుల వలన
నెడ్డె మనినచో ననునామె తెడ్డె మనియు
సర్వ నాశన మగునార్య ! సదరు గృహము
సంతతము దుఃఖమే [ము+ఏ]కులసతులవలన
రిప్లయితొలగించండికలుగునో కారణమ్మును తెలియ వలయు
వారి వ్యథలను పోగొట్టి ప్రశ్రయమున
చేరవలయు సతి హృదయ సీమనిండ
2.మూతి విరుపులో కులసతి ముద్దుమురిపె
ములను వంపులు సొంపులు తెలియలేరు
పడుపుకత్తెల గాంక్షించు పతులకెల్ల
సంతతము దుఃఖ మేకులసతుల వలన
3.సంఘమొకటి యనాదిగా చక్కబడెను
భార్య బాధిత తాడిత పతులకొరకు
మూలమంత్రమ్ము యాసంఘ మునకు నిదియ
"సంతతము దుఃఖ మేకులసతుల వలన"
పోచిరాజు సుబ్బారావు గారూ,
రిప్లయితొలగించండిమీ పూరణ బాగున్నది. అభినందనలు.
‘సదరు’ అని అన్యదేశ్యాన్ని ప్రయోగించారు.
*****
కెంబాయి తిమ్మాజీ రావు గారూ,
మూడు వైవిధ్యమైన పూరణలను చెప్పి అలరింపజేశారు. అభినందనలు.
మూడవపూరణలో ‘మంత్రమ్ము+ఔ’ అన్నప్పుడు యడాగమం రాదు. ‘మూలమంత్రమౌ నా సంఘమునకు...’అనండి.
భర్త కష్ట సుఖములను పంచు కొనక
రిప్లయితొలగించండిసూటి పోటి మాటలతోడ స్రుక్కజేయ
సంతతము దుఃఖమే కులసతుల వలన
నట్టిసాహచర్యము కంటె నడవిమేలు
మొండిఘటము, పెంకి,చండశాసనురాలు
రిప్లయితొలగించండినిత్యశంకితమతి,నీచబుద్ధి
దారయైన "సంతతము దుఃఖమే కుల
సతుల వలన "కలుగు శాంతి సుఖము.
చింతించు మగనితో చిత్రంబుగా జేరి
రిప్లయితొలగించండి-----కోర్కెల జాబితా గోర పడతి
పంతాన పతిజేరి పరిహాస మందున
------అన్యోన్నమేలేని నతివతోడ
చీరనగలు లేవు సిగ్గందు ముగ్గినా
------కనుపించదాయను కాంతతోడ
అమ్మ నాన్న లటన్న నలుసుగా జూచుచు
------చాడీలు జెప్పెడి సాధ్వి తోడ
సంతసంబును సాకని సవతివోలె
నిత్య కృత్యము నిందలబత్యమైన?
కంతు లందున కలతల చింత జేర్చ?
సంతతము దుఃఖమే కులసతుల వలన
కట్నమిచ్చియు కొన్నట్టి కాంతలంత
రిప్లయితొలగించండిపట్టుదలలకు వెళ్ళగ?పంతమందు
సుఖము గూర్చని సుదతుల సూక్ష్మబుద్ది
సంతతము దుఃఖమే కులసతుల వలన
.తే.గీ: మూర్ఖ వాదనచేతను మొండి దగుచు
రిప్లయితొలగించండిపట్టుదల తోడ భర్తను భాధ పెట్టి
సామరస్యము కోల్పోయి శాంతి లేక
సంతతము దుఃఖమే కులసతుల వలన.
అన్నపరెడ్డి సత్యనారాయణ రెడ్డి గారూ,
రిప్లయితొలగించండిమీ పూరణ బాగున్నది. అభినందనలు.
*****
దువ్వూరి రామమూర్తి గారూ,
మీ పూరణ బాగున్నది. అభినందనలు.
*****
కె. ఈశ్వరప్ప గారూ,
మీ పూరణలు (ముఖ్యంగా వివరంగా చెప్పిన సీసపద్యం) బాగున్నవి. అభినందనలు.
*****
డా. బల్లూరి ఉమాదేవి గారూ,
మీ పూరణ బాగున్నది. అభినందనలు.
నక్కా శివకుమార్ గారూ,
రిప్లయితొలగించండిసినిమాలకు, సినిమాలకు ప్రాధాన్యత నిచ్చే బ్లాగులు ఎన్నో ఉన్నాయి. మీ సమాచారాన్ని ఆ బ్లాగులతో పంచుకోండి. ఈ బ్లాగు కెవలం సంప్రదాయ సాహిత్యానికి అంకితమైనది. అందువల్ల మీ ‘మహేశ్ బాబు సినిమా పాటలను డౌన్‍లోడ్ చేసుకోండి’ అనే వ్యాఖ్యను ఆ లింకును తొలగిస్తున్నాను. మరొకసారి ఇలాంటి వ్యాఖ్యలు పెట్టవద్దని సవినయంగా మనవి చేస్తున్నాను.
అలవి గానట్టి కోర్కుల ననవరతము
రిప్లయితొలగించండికోరుచును తీర్చకున్నచో క్రోధమునను
వరుని సాధించు గయ్యాళి వనితలున్న
సంతతము దుఃఖమే కులసతుల వలన.
గురువర్యులసూచన మెరకు సవరించినపద్యము
రిప్లయితొలగించండి3.సంఘమొకటి యనాదిగా చక్కబడెను
భార్య బాధిత తాడిత పతులకొరకు
మూలమంత్రమౌ నాసంఘ మునకు నిదియ
"సంతతము దుఃఖ మేకులసతుల వలన"
పాండు పుత్రులఁ బెంచిన బడతి కుంతి
రిప్లయితొలగించండిధర్మవర్తన నేర్పగ ధరణి మెచ్చె!
'శివ' కుమారుని దీర్చిన జిజియ బాయి
యందె జేజేలు పౌరుల వందనాలు!
పూజ్య బాపును గన్నట్టి పుతలిబాయి
జన్మ ధన్యమాయె స్వతంత్ర సాధనమున!
సతులు నేర్పగ నేర్చిరి సంతులిచట!
సంతతము దుఃఖ మే కులసతుల వలన?
సహదేవుడు గారూ
తొలగించండిమీ పద్యము చూడక ముందు నా పద్యం వ్రాశాను
మీరు కూడా సతుల పక్షంగానే వ్రాశారు.
మీ పద్యం యథా విధి గా చాలా బాగుంది
గండూరి లక్ష్మినారాయణ గారూ,
రిప్లయితొలగించండిమీ పూరణ బాగున్నది. అభినందనలు.
*****
గుండా వెంకట సుబ్బ సహదేవుడు గారూ,
మీ పూరణ బాగున్నది. అభినందనలు.
ఇచ్ఛ వచ్చినటుల నుండ నిష్ట పడరు
రిప్లయితొలగించండికొంప లోన పేకలనాడ కోప బడుదు
రంద రమరచి దనవారె యధికు లనరు
సంతతము దుఃఖమే కుల సతుల వలన
అందరూ సతులనే తప్పు పడుతుంటే నేనొక్కణ్ణే
వారి వైపు మట్లాడానని నన్ను నేనే మెచ్చు కుంటున్నా
అత్తమామల కొరకునై క్రొత్తలోన
రిప్లయితొలగించండిబిడ్డపాపల సేమంబు పేర పిదప
కులము యశముకు పూజల కొంతవరకు
సంతతము దు:ఖమే కులసతుల వలన
ఆర్జనంబది సరిగాను నందవనుచు
తోటివారల పోల్చుక దు:ఖపెట్టు
సతియె,బాధ్యత పేరిట సణుగుచుండు
సంతతము దు:ఖమే కులసతుల వలన
వంశగౌరవమంచును భార్యయెపుడు
మంచిగానుండ భర్తను మలచుచుండి,
సుఖము వెతుకుచు దు:ఖాన,సుమతి యుండ
సంతతము దు:ఖమే కులసతులవలన
ఆటవెలదులసౌఖ్యంబునందియిచ్చి
చేయిదాటియు పోకను చెలగుచుంద్రు
భర్త సేమంబె కోరును పత్ని యెపుడు
సంతతము దు:ఖమే కులసతులవలన
అశ్వత్థ నారాయణ మూర్తి గారూ,
రిప్లయితొలగించండిమీ తాజా పూరణ బాగున్నది. అభినందనలు.
*****
మెల్లెల సోమనాథ శాస్త్రి గారూ,
మీ పూరణలు బాగున్నవి. అభినందనలు.
గురుదేవులకు మరియు శ్రీ అశ్వర్థనారాయణమూర్తి గారికి ధన్యవాదములు. ప్రపంచ మనుగడ కులసతులు తీర్చిదిద్దే నవతరం వల్లే సాధ్యం! కాదంటారా? మూర్తి గారూ!
రిప్లయితొలగించండివారి గాథలఁ జదువుచు దారి తెలిసి
రిప్లయితొలగించండికొనుచు నడువుదమనియెడు కోర్కె గలిగి
చదువ మొదలిడ, నక్కట! చదువు కొలది
సంతతము దుఃఖమే కులసతుల వలన.