17, జూన్ 2015, బుధవారం

పద్య రచన - 934

కవిమిత్రులారా,
పై చిత్రాన్ని పరిశీలించి తగిన పద్యము(ల)ను వ్రాయండి.
(ఈ చిత్రాన్ని అందించిన జ్యోతి వలబోజు గారికి ధన్యవాదాలు)

14 వ్యాఖ్యలు:

  1. మిక్కిలి రుచికర మైనవి
    చక్కిల ములుచేత చుట్టె చాతుర్యమునన్
    మక్కువగా తినగోరిన
    లెక్కకు మించినవి లేవు లేశమె కనగన్

    ప్రత్యుత్తరంతొలగించు
  2. అతిలాలస సమేత శంకరా !
    చక్కిలము నీ భూలోకము !
    యంత్ర మధ్యస్థ కౌమారీ !
    నీ సరిజోదు గుండు జిలేబియే !

    శుభోదయం
    జిలేబి

    ప్రత్యుత్తరంతొలగించు
  3. రాజేశ్వరి అక్కయ్యా,
    మీ పద్యం బాగున్నది. అభినందనలు.
    *****
    జిలేబీ గారూ,
    శుభోదయం! నేను కారంకారంగా బొమ్మ పెడితే మీరు తీయతీయగా వ్యాఖ్య పెట్టారు.

    ప్రత్యుత్తరంతొలగించు
  4. వ్యసన మొక్కటి మానుట వశము కాదు
    'చక్ర' చాంపల్య మేరీతి చంప నేర్తు?
    అమ్మ నను వీడు గాక - ఆ అమృత హస్త
    మంత్ర సైపుణ్య మొక్కింత మరచుటెట్లు?

    ప్రత్యుత్తరంతొలగించు
  5. విజయకుమార్ గారూ,
    చక్కని పద్యాన్ని అందించారు. అభినందనలు.
    ‘చాంపల్య’మన్న మాట లేదు. అక్కడ చాపల్యము లేదా చాంచల్యము అనండి.
    (మీ వారగణనం విషయమే మరిచిపోయాను. మన్నించాలి. నేను హైదరాబాదులోని ఒక వృద్ధాశ్రమంలో చేరాను. ఇంకా పూర్తిగా సర్దుకోలేదు. కాస్త స్తిమితపడ్డాక దానిని బ్లాగులో ప్రకటిస్తాను.)

    ప్రత్యుత్తరంతొలగించు
  6. గురువు గారూ,
    సవరణకు ధన్యవాదాలు. చాపల్యమే సరి.

    ప్రత్యుత్తరంతొలగించు
  7. చిత్ర మయ్యది జూడుము చిత్ర ! నీవు
    చక్కిలములను జూడగ చక్క నుండె
    కార మెక్కువ గలవేమొ ? యేరి యొకటి
    తీసి కొనిరమ్ము దయతోడ తిందు నిపుడు

    ప్రత్యుత్తరంతొలగించు
  8. జంతికలరుచి కరము పసందు సుమ్మ
    పిల్లలును పెద్దలును కొంద్రు ప్రీతితోడ
    చిఱుతలకు చిరుతిండిగా చేయుచుంద్రు
    పల్లెసీమలయందున నెల్లరిండ్ల

    ప్రత్యుత్తరంతొలగించు
  9. మక్కువ మీరగ నందరు
    చక్కగ తినుచుంద్రుజేయ చక్కిలములనే
    మిక్కిలిగ జేసి యుంచిన
    నిక్కముగా నిల్వయుండు నెక్కువ దినముల్!!!


    ప్రత్యుత్తరంతొలగించు
  10. సంతు సెలవంచుఁ గూడగ
    సంతస మందుచుఁ దినగను సాయంత్రములన్
    జంతిక లింటను జేసెడు
    నింతులలో తల్లి మనసు నీశ్వరుడెరుగున్!


    ప్రత్యుత్తరంతొలగించు
  11. ఈ వ్యాఖ్యను రచయిత తీసివేశారు.

    ప్రత్యుత్తరంతొలగించు
  12. పోచిరాజు సుబ్బారావు గారూ,
    మీ పద్యం బాగుంది. అభినందనలు.
    *****
    అన్నపరెడ్డి సత్యనారాయణ రెడ్డి గారూ,
    మీ పద్యం బాగుంది. అభినందనలు.
    *****
    శైలజ గారూ,
    మీ పద్యం బాగుంది. అభినందనలు.
    *****
    గుండా వేంకట సుబ్బ సహదేవుడు గారూ,
    మీ పద్యం బాగున్నది. అభినందనలు.
    *****
    కె. ఈశ్వరప్ప గారూ,
    మీ పద్యాలు బాగున్నవి. అభినందనలు.
    ఉత్పలమాల రెండవపాదంలో గణదోషం. ‘...యివేమిటి యన్న...’ అనండి.

    ప్రత్యుత్తరంతొలగించు
  13. చుక్కల చీర గట్టుకొని చుక్కలు జూడని శోభనంబునన్
    ప్రక్కనజేరి ,చక్కిలలు బట్టి-యివేమిటియన్న?భర్త “నీ
    చెక్కిలి ముద్దులన్నియును చేరియు గుండ్రని రూపు దాల్చియే
    చక్కిలమన్న నామమున సాగె నటంచును బల్కె భార్యతో.”

    ప్రత్యుత్తరంతొలగించు
  14. 2.కరకర నమలగ చెవులట
    గురగుర కంఠాన వచ్చు గురకయు విని?వే
    గిరమున చక్కిలములుఓ
    అరుగున గనుపించ గానె?ఆగెనుగురకే

    ప్రత్యుత్తరంతొలగించు