3, ఆగస్టు 2010, మంగళవారం

సమస్యా పూరణం - 56

కవి మిత్రులారా,
ఈ రోజు పూరించ వలసిన సమస్య ఇది ....
రాముఁ డోడె గెలిచె రావణుండు.

12 వ్యాఖ్యలు:

  1. చలన చిత్ర రంగ చతురుడ ననివీగు
    వర్మ దీయు సిన్మ కర్మ గాల,
    మణియు దీసి జూపె మంచి ఫిల్ము
    "రాము" డోడె గెలిచె "రావణుండు".

    ప్రత్యుత్తరంతొలగించు
  2. రామ్యుఁడతఁడు; ముక్తి రమ నిచ్చునని యెంచి
    రాము నెదురు కొనియె రావణుండు.
    ముక్తి యిచ్చి; భక్తి శక్తియే ఘనమన
    రాముఁ డోడె గెలిచె రావణుండు.

    ప్రత్యుత్తరంతొలగించు
  3. సీత నడవి కంపె, శీలంబె శంకించె,
    రాముఁ డోడె; గెలిచె రావణుండు
    ప్రజల హృదయములను; బదులు కోరెనెపుడు?
    చెళ్ళి ముక్కు చెవులు కోసినటుల!!

    ప్రత్యుత్తరంతొలగించు
  4. ఆత్మజుల నెఱుగఁక ఆవహము సలిపి
    రాముఁ డోడె. గెలిచె రావణుండు
    ఆత్మలింగ మెలమి ఆత్మార్పణము జేసి
    భవహరునకు, మహిత భక్త మూర్తి.

    ప్రత్యుత్తరంతొలగించు
  5. టేకుమళ్ళ వెంకటప్పయ్య గారూ,
    మంచి పూరణ. అభినందనలు. మూడవ పాదాన్ని పొరపాటున 2,4 పాదాల్లాగే రాసారు. దాన్ని ఇలా సవరించాను.
    మణియు దీసి జూపె మంచి ఫిల్మని మాకు

    ప్రత్యుత్తరంతొలగించు
  6. చింతా రామకృష్ణారావు గారూ,
    మంచి పద్యాన్ని ఇచ్చారు. ధన్యవాదాలు.

    ప్రత్యుత్తరంతొలగించు
  7. నచికేత్ గారూ,
    రవి గారూ,
    మీ యిద్దరి పూరణలు బాగున్నాయి. అభినందనలు.

    ప్రత్యుత్తరంతొలగించు
  8. మాధురి గారూ,
    మీరు ఏ విషయంలో నా ప్రతిస్పందన కోరుతున్నారు? క్షమించాలి. నాకు మతిమరుపు.

    ప్రత్యుత్తరంతొలగించు
  9. నా పూరణ -
    గ్రామ నాటకమున రామ రావణ పాత్ర
    ధారు లొక్కనాడు తగవు పడిరి
    ఎవ్వ రడ్డుకున్న నేమి? యా తగవులో
    రాముఁ డోడె గెలిచె రావణుండు.

    ప్రత్యుత్తరంతొలగించు
  10. కంది శంకరయ్య గారూ!!..
    కరక్టే! తొందరగా పూర్తి చేసి పంపి ఆఫీసు పని చేసుకుందామనే
    ధ్యాస తో అలా పరుగులు తీస్తూ ఉంటుంది.

    వెంకటప్పయ్య.

    ప్రత్యుత్తరంతొలగించు
  11. నా పద్యంలో నాల్గవ పాదంలో యతి తప్పింది. "చెళ్ళి ముక్కు చెవులు చెక్కినటుల" అంటే సరిపోతుంది.

    ప్రత్యుత్తరంతొలగించు