11, ఆగస్టు 2010, బుధవారం

సమస్యా పూరణం - 63

కవి మిత్రులారా,
ఈ రోజు పూరించ వలసిన సమస్య ఇది ............
వాణీ పుత్రునకు నెలుక వాహన మయ్యెన్.
వారాంతపు సమస్యా పూరణం - 4
మాంసాహారమె శ్రేష్ఠమైన దనుచున్ మాన్యుండయెన్ విప్రుఁడే.

11 వ్యాఖ్యలు:

  1. ఏ నాటిదొ యీ కర్మము.
    ప్రాణప్రద భవ్య సుతుని భాగ్యమదేమో!
    నే నేమని చెప్పుదు నో
    వాణీ! పుత్రునకు నెలుక వాహన మయ్యెన్.

    ప్రత్యుత్తరంతొలగించు
  2. చింతా రామకృష్ణారావు గారూ,
    చక్కని పద్యం అందించారు. ధన్యవాదాలు.

    ప్రత్యుత్తరంతొలగించు
  3. చింతా వారి పూరణ ఎంత బాగుందో అభినందనలు

    ప్రత్యుత్తరంతొలగించు
  4. మాణవకుఁడగు బెణకయ
    ప్రాణముఁ దీయ హరుఁడు, ఘన వారణ ముఖుడై
    రాణించె. స్మరణుఁడా శ
    ర్వాణీ పుత్రునకు నెలుక వాహన మయ్యెన్.

    - న, ణ లకు ప్రాస కుదురుతుందాండి?

    ప్రత్యుత్తరంతొలగించు
  5. రవి గారూ,
    పద్యం బాగుంది. అభినందనలు. నేనూ "శర్వాణీ పుత్రునకు" అనే పద్యాన్ని సిద్ధం చేసుకున్నాను. ఇప్పుడు మరో రకంగా ఆలోచించాలి. మీ పద్యంలో బెణకయ, స్మరణుడు పదాలు అర్థం కాలేదు.

    ప్రత్యుత్తరంతొలగించు
  6. నా పూరణ -
    వీణయె భూషణ మెవనికి?
    ప్రాణ భయముఁ బిల్లిఁ జూచి పాఱెడి దేదో?
    యేణ మనిలునకు నేమయె?
    వాణీ పుత్రునకు; నెలుక; వాహనమయ్యెన్.
    ( ఏణము = జింక. వాయుదేవునకు వాహనము జింక )

    ప్రత్యుత్తరంతొలగించు
  7. మాణవకుడు = బాలుడు
    బెణకయ = బెణకప్ప అంటే వినాయకుడు కాబట్టి బెణకయ అని వాడాను.గణపతి అని మారుస్తున్నాను.
    స్మరణుడు = ఇది తప్పు ప్రయోగమనిపిస్తున్నది. స్మరణీయుడు అన్న పదం కరెక్టు. పద్యం ఇలా మారుస్తున్నాను.

    మాణవకుఁడగు గణపతి
    ప్రాణముఁ దీయ హరుఁడు, ఘన వారణ ముఖుడై
    రాణించె. దనరు నా శ
    ర్వాణీ పుత్రునకు నెలుక వాహన మయ్యెన్.

    బాలుడైన గణపతి ప్రాణాన్ని హరుడు తీస్తే, ఏనుగుముఖం తో బతికి, రాణించాడు. అట్టి శర్వాణీ పుత్రునకు ఎలుకవాహనమయ్యింది.

    ప్రత్యుత్తరంతొలగించు
  8. వీణను మీటుట నాపుము
    వాణీ ! విను, భవుని లీల వాక్కొన వశమే?
    రాణీ!గజముఖ మును శ
    ర్వాణీ పుత్రునకు; నెలుక వాహనమయ్యెన్ !!

    ప్రత్యుత్తరంతొలగించు
  9. గోలి హనుమచ్ఛాస్త్రి గారూ,
    మీ పూరణ ఉత్తమంగా ఉంది. అభినందనలు

    ప్రత్యుత్తరంతొలగించు
  10. ప్రాణము పోసెడి వాడను
    బోణీగా తప్పిదమును బొంకక చెపుదున్
    వాణీ! అలసటతో ! శ
    ర్వాణీ పుత్రునకు నెలుక వాహన మయ్యెన్!

    ప్రత్యుత్తరంతొలగించు