స్మరియింతు నిరతంబు జలజాతభవు రాణి
పదపద్మ యుగళంబు భక్తి మెరయ
నొనరింతు వరివస్య మనసార రసరమ్య మయ పావన వచస్సుమముల గూర్చి
కొనియాడుదును వాణి గుణవైభవములొప్ప బహు లీలలను దివ్య పర్వ సరణి
విరచించెదను తల్లి కరుణా విభవమొంది పరమార్థ మయ కావ్యవర తతులను
నాదు హృదయాంబురుహమందు మోదమలరవాసమొనరించుచును వాగ్విభవము కరము
నలరెడు విధానమును గూర్చు నట్టి దేవి
భారతికి నంజలిని గూర్తు భవ్య కరణి
రచన
శ్రీ పండిత నేమాని రామజోగి సన్యాసి రావు గారు
శ్రీ పండిత నేమాని రామజోగి సన్యాసి రావు గారు
స్మరియించిరి మీరమ్మను
రిప్లయితొలగించండినిరతము మీహృదయ పీఠి నెలవై యుండన్
పరమార్థ కావ్యతతులను
విరచింతురు భారతాంబ వేడుక నలరన్.
శంకరయ్య గారికి నమస్సులు..
రిప్లయితొలగించండిరాముని డాగురించి నిను రావణుడెత్తుకవచ్చువేళనీ
హేమవిభూషణావదులనేర్పడఋష్యమహద్రివైచితివి
అంటూ కొనసాగే పద్యం,ఎందులోనిదో తెలియచేయగలరు.
-యడవల్లి.
నమస్కారములు .శర్మ గారూ !
రిప్లయితొలగించండిమీరడిగిన పద్యము " మొల్ల రామాయణం , సుందరకాండ " లోనిది ౯౮ వ పద్యము
" ఆంధ్రభారతి " శ్రీ రామ ముద్రికా ప్రదానము " లో దొరుకుతుంది .
పూజ్య గురువులు శ్రీ పండితుల వారి సీసము శ్లాఘ నీయము . సరస్వతీ పుత్రులకు నమస్కారములు
రిప్లయితొలగించండియడవల్లి శర్మ గారూ,
రిప్లయితొలగించండిశంకరాభరణం బ్లాగు మీకు స్వాగతం పలుకుతున్నది. సంతోషం!
నేదునూరి రాజేశ్వరి గారు మీ సందేహాన్ని తీర్చారు కదా!
ఇదీ ఆ పద్యం నాకు గుర్తున్నంతవరకు....
రాముని డాగురించి నిను రావణుఁ డెత్తుకవచ్చు వేళ నీ
హేమవిభూషణావళుల నేర్పడ ఋష్యమహాద్రి వైచినన్
మేమవి తీసి దాచితిమి మీ పతి యచ్చటి కేగుదేరఁగా
తామరసాప్త నందనుఁడు తానవి చూపినఁ జూచి మెచ్చుచున్.
మిత్రులారా!
రిప్లయితొలగించండిఈనాటి నా భారతీ స్తుతి సీసములోని ఒక ప్రత్యేకతను గమనించారా? అందులో ఇంద్రగణములన్నీ "సల"లే కదా. అలా వ్రాస్తే నడకలో ఒక విశిష్ఠిత కనిపిస్తుంది. మీరూ ప్రయత్నించండి. స్వస్తి.
శ్రీ నేమాని వారికి నమస్కారములు.
రిప్లయితొలగించండి'సల' లితముగ నిట జెప్పిన
నలువకు రసనంబు నందు నాట్యము జేసే
కల హంస నెక్కి తిరిగెడు
అల వాణీ స్తుతి జదువగ హాయిని గొలిపెన్.
పండితుల వారు సూచించినట్లు
రిప్లయితొలగించండిఅన్నీ నగణాలతో ప్రయత్నించాను. రెండు చోట్ల మాత్రం హగణం వేయాల్సి వచ్చింది.
పరిశీలించగలరు.
మధువొలుకగ పదముపలుక మధురవాణి నొసగుమా!
యధరములను చిరునగవుల ననవరతము నిలుపుమా!
విధినిదలచి నడచుకొనుచు వెతలగెలువ జేయుమా!
బుధవరులగు ఘనులుపెరుగ పురమునెపుడు నిలుపుమా!
అమ్మా మందాకినీ గారూ!
రిప్లయితొలగించండిమీ పద్యము బాగున్నది. 7 న గణములు 1 గురువుతో ఉన్న ఛందముగా చేయుటకు నేను తగిన మార్పు చేసేను. ఈ వృత్తము పేరు నాకు గుర్తు లేదు.
మధువు లొలుకు పదము లొసగి మది నలరుము కరుణతో
నధరములను చిరునగవుల ననవరతము నిలుపుమా
విధిని దలచి నడచు కొనుచు వివిధ రిపుల గెలువగా
బుధవరులగు ఘనులు పెరుగ పురము నెపుడు నిలుపుమా
మందాకినిగారి వృత్తము
రిప్లయితొలగించండిదానికి నేమానివారి సవరణ బహు చక్కగా నున్నవి !
అయ్యా !
7 న-గణములు+గురువు-యతి-13- గలిగిన వృత్తమును "తరళము " అందురు !
ఉత్సాహము ఇది. ౭ సూర్యగణములు, ఒక గురువు.
రిప్లయితొలగించండిధన్యవాదములు.
మందాకినిగారూ మీరువ్రాసిన దానిలో
రిప్లయితొలగించండి1 మరియు 3 వ పాదములు "ఉత్సాహ" వృత్తము
2 మరియు 4 వ పాదములు "తరళము "
నేమానివారు సవరించినది పూర్తిగా తరళమే !
ఉత్సాహకు పాదానికి కనీసం ఒక్కటైనా "హ" గణము ఉండవలెను !
7-హ-గణములు+గురువు-యతి-9- గలిగిన " సుగంధి" యగును !(వృత్తము)
7-న-గణములు+గురువు- యతి 13-గలిగిన "తరళము" యగును !(వృత్తము)
7- సూర్య(న+హ)గణములు+గురువు గలిగిన "ఉత్సాహ" యగును !(జాతి)
శంకరార్యా ! రాముని డాగురించి -అంటే అర్థమూ , భావమూ చెబుతారా !
రిప్లయితొలగించండిశంకరార్యా ! దొరికినది !
రిప్లయితొలగించండిడాగురించి - అంటే మోసగించి యని అర్థము !
ధన్యవాదములు !
వసంతకిశోర్ గారు,
రిప్లయితొలగించండిఆలస్యంగా స్పందిస్తున్నాను, విద్యుత్తు సమస్య వలన. మన్నించండి.
అయితే నేనింకా అధ్యయనం చేయాల్సి ఉన్నది.
ఏడు సూర్యగణములు అని చదివి ఉండుట తో అన్నీ నగణములతో చేయాలని అనుకున్నాను. కానీ ఈ భేదాలతో వేరే రీతులున్నాయని తెలియలేదు.
మీ వలన కొన్ని వివరములు తెలిసినవి.అనేక ధన్యవాదాలండి
శ్రీ శంకరయ్య గారికి,నేదునూరి వారికి,శతసహస్ర వందనములు...
రిప్లయితొలగించండిమా నాన్నగారు,స్వర్గీయ యడవల్లి వేంకటేశ్వర శర్మ గారు,మాకు తరగతి గదిలో చెప్పిన పద్యాన్ని,పూర్తిగా తెలియజేసినందులకు,
మరొక్క మారు..ధన్యవాదములు....
హితైషి,
-యడవల్లి వేంకట సత్యనారాయణ శర్మ.