25, జూన్ 2015, గురువారం

పద్య రచన - 941

కవిమిత్రులారా,
పై చిత్రాన్ని పరిశీలించి తగిన పద్యము(ల)ను వ్రాయండి.

16 కామెంట్‌లు:

  1. నోరూరించెడి రుచితో
    వారించిననాగలేని వాంఛ గొలుపుచున్
    తీరైన గులాబ్ జాముల
    నూరూరా జనులుతిందురోహొయనుచున్

    రిప్లయితొలగించండి
  2. ఎంతో రుచికర మైనవి
    వంతులుగా తినెదరంట పాకము తోడ
    న్నెంతటి తీయని వంటని
    సంతో షంబున గులాబు జాముల ప్రీతిన్

    రిప్లయితొలగించండి
  3. చంద్రమౌళి సూర్యనారాయణ గారూ,
    మీ పద్యం బాగున్నది. అభినందనలు.
    ‘ఊరూరా’ అంటే వ్యావహారికం. ‘ఊరూరను’ అనండి.
    *****
    రాజేశ్వరి అక్కయ్యా,
    మీ పద్యం బాగుంది. అభినందనలు.

    రిప్లయితొలగించండి
  4. జిలేబిలకి పోటీ గా
    గులాబ్జామున్ల పెట్టిన వైనం
    ఫారెన్ను బొక్కసానికి పోటీ గా
    రాజే లలిత మోడీ మోదుడు !!

    శుభోదయం
    జిలేబి

    రిప్లయితొలగించండి
  5. గుల్లాబ్ జామూన్ గనగా
    నుల్లాసము, జలము నోట నూరుచు నుండున్
    మెల్లగ తినుడీ రొజే
    యిల్లాలే ప్రియముతోడ నింటను జేయన్.

    రిప్లయితొలగించండి
  6. జిలేబీ గారూ,
    _/\_
    *****
    గోలి హనుమచ్ఛాస్త్రి గారూ,
    మీ పద్యం బాగున్నది. అభినందనలు.

    రిప్లయితొలగించండి
  7. చిత్రము జూడగ బెదవులు
    నాత్రుతతో కదులు చుండె హర్షము తోడన్
    మిత్రమ ! తెమ్ముము నాకొక
    పత్రము నగులా బుజాము వందన మిడుదు న్

    రిప్లయితొలగించండి
  8. గులగులలాడును తనమది
    గులాబి జాములను గాంచ కొమరున కెపుడున్
    కలలందు కలవరించును
    తలపుల మళ్ళించ లేడు తనియుచుఁగుడుచున్

    రిప్లయితొలగించండి
  9. పోచిరాజు సుబ్బారావు గారూ,
    మీ పద్యం బాగున్నది. అభినందనలు.
    *****
    అన్నపరెడ్డి సత్యనారాయణ రెడ్డి గారూ,
    మీ పద్యం బాగున్నది. అభినందనలు.

    రిప్లయితొలగించండి
  10. చిక్కని గులాబు జాములు
    చక్కెర పాకమును బీల్చి జవరగ నుండున్
    పెక్కురు జేయుదు రిండ్లను
    చక్కని జామూన్ల రుచిని చాటగ తరమే? !!!

    రిప్లయితొలగించండి
  11. మధుర మకరంద మాధుర్య మహిమ సమము
    శర్కరాపూర్ణ సంపూర్ణ స్వాదు భరము
    జలము లూరించు జామూను జయము జయము
    నీకు నీడొచ్చు నెద్దియు నేను గనను

    రిప్లయితొలగించండి
  12. జామునుండలన్ని జతగ కలసిపోయి
    పాకమందు మునిగి పరవశాన
    ఆలుమగల రీతి ఆనంద బంధపు
    రుచిని బంచగలుగు రూప మౌర|

    రిప్లయితొలగించండి
  13. రుచికర మైన గులాబ్ జామ్
    రచనల సారాంశమెల్ల?రసగుల్లలుగా|
    నచిరంబందున వంటై
    సచివులు మెచ్చంగ నుండు సంఘము నందున్.
    2.తీపిని దాచిపెట్టి తగు తీరిక యందున పంచి బెట్టగా?
    రూపపుగోలియుండలుగ|రోదనమాన్పునుపిల్లవాళ్లకున్
    నీపనియన్న చందమున నిక్కుచునున్న”గులాబు జామువై”
    చూపరులెంచు రీతిగ రశోత్తమమట్లు |”గులాముజామువా”.?

    రిప్లయితొలగించండి
  14. నోరులూరఁగ పళ్లెరమ్మునున్నగున్నవి మెత్తగన్ !
    జీరఁ బట్టి గులాబు జాములు!! జివ్వుమన్నది ప్రాణమే!!!
    యోరి నాయనొ! నిల్వపెట్టిన నోగిరమ్ములఁ దిన్నచో!!
    దారదమ్మని మాధ్యమమ్ములు త్రవ్వి చెప్పుచునున్నవే!!!
    ( దారదము = విషము)

    రిప్లయితొలగించండి
  15. శైలజ గారూ,
    మీ పద్యం బాగుంది. అభినందనలు.
    *****
    అశ్వత్థ నారాయణ మూర్తి గారూ,
    మీ పద్యం బాగుంది. అభినందనలు.
    *****
    కె. ఈశ్వరప్ప గారూ,
    మీ పద్యాలు బాగున్నవి. అభినందనలు.
    *****
    గుండా వేంకట సుబ్బ సహదేవుడు గారూ,
    మీ పద్యం బాగుంది. అభినందనలు.
    మొదటిపాదంలో గణదోషం. ‘పళ్ళెరమ్మున నున్నగున్నవి...’ అన్నదానికి టైపాటా?

    రిప్లయితొలగించండి
  16. గురుదేవులకు ధన్యవాదములు. టైపాటు సవరణతో :
    నోరులూరఁగ పళ్లెరమ్మున నున్నగున్నవి మెత్తగన్!
    జీరఁ బట్టి గులాబు జాములు!! జివ్వుమన్నది ప్రాణమే!!!
    యోరి నాయనొ!నిల్వ పెట్టిన నోగిరమ్ములఁ దిన్నచో!!
    దారదమ్మని మాధ్యమమ్ములు త్రవ్వి చెప్పుచునున్నవే!!!
    ( దారదము = విషము)

    రిప్లయితొలగించండి