6, మార్చి 2016, ఆదివారం

సమస్య – 1964 (కలవారలకున్ గరళము...)

కవిమిత్రులారా,
ఈరోజు పూరించవలసిన సమస్య ఇది...
కలవారలకున్ గరళము గావలెను సుమీ.
ఈ సమస్యను సూచించిన కందుల వరప్రసాద్ గారికి ధన్యవాదాలు.

36 కామెంట్‌లు:

  1. గురువు గారికి కవిమిత్రులకు ప్రణామములు

    ఇల వైకుంఠమ్మౌ తిరు
    మలలో కొని తెచ్చితి గద మధురపు లడ్డూల్
    పిలువుమిటకు బంధువులను
    కలవారలకున్ గరళము గావలెను సుమీ
    గరళము= స్వల్పము


    రైతుతో మిత్రుని మాటగా

    పొలముకు చీడయె పట్టగ
    విలపించుట యేలమందు వేయుదు రెరుకల్
    పిలువుము వారినిటకు యెరు
    కలవారలకున్ గరళము గావలెను సుమీ

    ఎరుకలు = ఒకానొక కులము వారు

    రిప్లయితొలగించండి
    రిప్లయిలు
    1. మీ రెండు పూరణలు బాగున్నవి.
      మొదటి పూరణలో ‘పిలువుము బంధుల నెయ్యము| కలవారలకున్...’ అంటే బాగుంటుందేమో?
      రెండవపూరణలో ‘పొలముకు’ అనరాదు. ‘పొలమునకు చీడ పట్టగ’ అనండి.

      తొలగించండి
  2. అలరించు వేల్పు నైనను
    కలిమిలే ములయం దైన కలలో నైనన్
    చెలిమిని గోరుచు సరసన
    కలవారలకున్ గరళము గావలెను సుమీ !

    గరళము = అమృతము, మందు , మధురము ,రసము

    రిప్లయితొలగించండి
    రిప్లయిలు
    1. మీ పూరణ బాగున్నది.
      రెండవపాదంలో గణదోషం. ‘కలిమిన్ మఱి లేమినైన కలలోనైనన్’ అనండి.

      తొలగించండి
    2. అలరించు వేల్పు నైనను
      కలిమిన్ మఱిలేమి నైన కలలో నైనన్
      చెలిమిని గోరుచు సరసన
      కలవారలకున్ గరళము గావలెను సుమీ !

      తొలగించండి
    3. అలరించు వేల్పు నైనను
      కలిమిన్ మఱిలేమి నైన కలలో నైనన్
      చెలిమిని గోరుచు సరసన
      కలవారలకున్ గరళము గావలెను సుమీ !

      తొలగించండి
  3. అలవోకగ బతుకు సుఖము
    గల పురజనులకు సకలము గరయుట కొరకున్
    యిల జన కష్టము తెలియన్
    కలవారలకున్ గరళము గావలెను సుమీ :)

    రిప్లయితొలగించండి
    రిప్లయిలు
    1. మీ పూరణ బాగున్నది.
      ‘కొరకున్+ఇల’ అన్నపుడు యడాగమం రాదు. ‘...కొరకై| యిల జన...’ అనండి.

      తొలగించండి
  4. ఇలలో విజ్ఞులు " త్రాగుట "
    వలదని యది గరళమంచు వచియింతురుగా
    యలవాటు విడని పెడమతి
    కలవారలకున్ గరళము గావలెను సుమీ.

    రిప్లయితొలగించండి
  5. పొలములు పిల్లలు నున్నయె
    డల వలయునిక దమవాకిట పశుగణములు
    న్నిల పశు సంపద నింపుగ
    గలవారలకున్ గరళము గావలెను సుమీ.

    రిప్లయితొలగించండి
    రిప్లయిలు
    1. మీ పూరణ బాగున్నది.
      ‘గరళము’ ఏ అర్థంలో స్వీకరించారు?

      తొలగించండి
    2. పూజ్యులు శంకరయ్య గారికి వందనములు.
      గరళము = కసవు ప్రోగు; గడ్డి మోపు గా తీసుకొని పూరించితిని.

      తొలగించండి
  6. ఇల నెన్నియొ నేరములను
    నలవోకగ జేయువార లాప్తులు నైన
    న్గలగల లాడగ ధనములు
    కలవారలకున్ గరళము గావలెను సుమీ

    రిప్లయితొలగించండి
  7. విలువైన జీవితమ్ములు
    పలువిధములగు వ్యసనముల పాడుబడంగన్
    సలిపెడు చెడురోగమ్ములు
    గలవారలకున్ గరళము కావలెను సుమీ !
    గరళము: మందు

    రిప్లయితొలగించండి
  8. శ్రీ శంకరయ్య గారికి నమస్సులు. సవరణకు ధన్యవాదాలు

    నేటి పూరణ

    కలలోనైన దలంపని
    పలువిధ యిడుములను గూర్చు పాపులు ధరలో
    చెలరేగగ , నా యూహలు
    కలవారలకున్ గరళము గావలెను సుమీ.

    రిప్లయితొలగించండి
    రిప్లయిలు
    1. మీ పూరణ బాగున్నది.
      ‘పలు విధ యిడుములు’ అని సమాసం చేయరాదు కదా! ‘పలువిధముల యిడుముల నిడు పాపులు...’ అందామా?

      తొలగించండి
  9. కలకలమురేగ కడలిన్
    జిలికెడు వేళన్ జనించ! సేమము ప్రజకన్
    దెలియుమను సర్వమంగళఁ
    గలవారలకున్ గరళము గావలెను సుమీ!

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      ‘ప్రజకున్’ టైపాటువల్ల ‘ప్రజకన్’ అయినట్టుంది.

      తొలగించండి
    2. గురుదేవులకు ధన్యవాదములు. సవరించిన పూరణ:

      కలకలమురేగ కడలిన్
      జిలికెడు వేళన్ జనించ! సేమము ప్రజకున్
      దెలియుమను సర్వమంగళఁ
      గలవారలకున్ గరళము గావలెను సుమీ!

      తొలగించండి
  10. కలుషిత భావనలిలలో
    కలవారలకున్ గరళము|”గావలెను సుమీ
    తలపున మంచిని బెంచెడి
    విలువలె ఆరోగ్యభాగ్య విజ్ఞత లొసగున్.”
    2.విలువగు విద్యే మనుగడ
    కలవారలకున్|”గరళము గావలెను సుమీ
    నిలలో మూర్ఖుడి భావన
    నిలువెత్తునముంచు బుద్ది నెగడక జేయన్”.

    రిప్లయితొలగించండి
  11. కలుముల నక్రమరీతిని
    విలాసముగ దాచు దేశవిద్రోహులకున్
    కులమత విద్వేషమ్ములు
    గలవారలకున్ గరళము గావలెను సుమీ

    రిప్లయితొలగించండి
  12. పొలమునకు పోదుమిప్పుడు
    తెలవారెను తొరగ లేచి తెములుము తాతా!
    బలితముగ పాడి యుండిన
    కలవారలకున్ గరళము కావలెను సుమీ!!!


    గరళము = కసవుప్రోగు, గడ్డి..

    రిప్లయితొలగించండి

  13. అలనాడా సాగరమున
    కలవరపడి కడలిని చిలుకంగా వచ్చెన్
    పలువస్తువు లచ్చోటన్
    కలవారలకున్ గరళము గావలెను సుమీ.

    విలువగు బతుకును చెరుపుకు
    నిలలో నటునిటు దిరుగుచు నెమ్మది లేకన్
    విలపించు చున్న దుర్మతి
    కలవారలకున్ గరళము గావలెను సుమీ.

    రిప్లయితొలగించండి
  14. మీ రెండు పూరణలు బాగున్నవి.
    మొదటి పూరణలో ‘చిలుకంగన్’ అనండి.

    రిప్లయితొలగించండి
  15. నమస్తే అండీ చిలుకంగన్ అంటే ఓక్షరం తగ్గుతుందండి

    రిప్లయితొలగించండి
    రిప్లయిలు
    1. అక్షరం తగ్గడం లేదు. చిలుకంగా, చిలుకంగన్ రెండూ నాలుగక్షరాలే.

      తొలగించండి
  16. పలురీతుల యత్నించితి
    కలుగున నున్నట్టి వార్ని కబ్జా చేయన్...
    తెలియదిక వేరు విధ...మెలు
    కలవారలకున్ గరళము గావలెను సుమీ!

    రిప్లయితొలగించండి
  17. మిలమిల లాడెడి నిర్మల
    చెలగుచు భారత ప్రజలను చెండాడంగన్
    తల మాయగ శిస్తులతో
    కలవారలకున్ గరళము గావలెను సుమీ

    రిప్లయితొలగించండి