13, మార్చి 2016, ఆదివారం

సమస్య – 1971 (మధువును గ్రోలెదరు...)

కవిమిత్రులారా,
ఈరోజు పూరించవలసిన సమస్య ఇది...
మధువును గ్రోలెదరు దైవమందిరమందున్.

48 కామెంట్‌లు:

  1. సదనము నిదియే కవివర
    కదనము జేయన్, కవనపు కందివరు సభా
    సదు లార మీరు కవితా
    మధువును గ్రోలెదరు దైవమందిరమందున్ !

    సావేజిత
    జిలేబి

    రిప్లయితొలగించండి
  2. గురువు గారికి ప్రణామములు .....మీ ఆరోగ్యమెలా వుందండి? శ్రధ్ధగా మందులు వాడగలరు.

    1.
    విదురుడు భగవంతుని స
    న్నిధిలో రామాయణమును నిత్యము జెప్పన్
    మధురమ్మౌ భక్తి రసపు
    మధువును గ్రోలెదరు దైవ మందిర మందున్ .

    2.
    ఉదయము కోవెల యందున
    వదలక రాముని భజనలు భక్తిగ జరుప
    న్నదివినుచు రామ నామపు
    మధువును గ్రోలెదరు దైవ మందిరమందున్ .

    రిప్లయితొలగించండి
  3. బెదరక నేర్వగ వచ్చును
    పదిలము గావ్రాసి యిచట పరిణతి నొందన్
    సుధలూ రెడికవ నములను
    మధువును గ్రోలెదరు దైవ మందిర మందున్

    రిప్లయితొలగించండి
  4. మధువాజ్యము దధి యు మరియు
    మధువును శర్కర కలిసిన మాధుర్యముతో
    మదిదోచెడు తీర్థమనెడు
    మధువును గ్రోలెదరు దైవ మందిరమందున్

    1. మధువు=పాలు
    2. మధువు=తేనె
    3. మధువు=నీరు

    రిప్లయితొలగించండి
  5. మధు సూదన భక్తులకున్
    సుధయగు పంచామృతములు! చూడగ ఘృతమున్
    దధిని జలంబును పాలను
    మధువును గ్రోలెదరు దైవమందిరమందున్!!

    రిప్లయితొలగించండి
  6. సదమలహృదయున్ పరిపరి
    విధములకొల్తురు సతతము బిడియము లేకన్
    మధుసూధనునభిషేకపు
    మధువును గ్రోలెదరు దైవమందిరమందున్.

    వదలక నేర్చిరి జనములు
    సుధలూరెడు కవనములను సులలిత రీతిన్
    పదిలముగానవ కవితా
    మధువును గ్రోలెదరు దైవ మందిరమందున్.

    రిప్లయితొలగించండి

  7. అధునాతనకాలములో మధువునుగ్రోలెదరుదైవమందిరమందున్ మధువునుద్రాగెడువారికి మధనంబేగలుగదెపుడుమందిరమనియున్

    రిప్లయితొలగించండి
  8. . మధుసూధన బృందమ్మె
    మధుసూధను నెంచు భక్తి మై మరపించే
    విధమై భజనల సారపు
    మధువును గ్రోలెదరు దైవ మందిరమందున్.

    రిప్లయితొలగించండి
    రిప్లయిలు
    1. మీ పూరణ బాగున్నది. అభినందనలు.
      ‘మరపించే’ అని వ్యావహారికాన్ని ప్రయోగించారు.

      తొలగించండి
  9. వ్యథలన్ని మాసిపోవగ
    క్షుధయెంతయు క్షోభలిడిన శూలికి భక్తిన్
    విధిహిత నివేదిత పరమ
    మధువును గ్రోలెదరు దైవ మందిర మందున్ !

    రిప్లయితొలగించండి
  10. * గు రు మూ ర్తి ఆ చా రి *
    ,,,,,,,,,,,,,,,,,,,,,,,,,,,,,,,,,,,,,,,,,,,,,

    అదియే , భద్రాచలము ! ప్ర
    తి దినము వినుచు౦ద్రు రామ దీవ్యత్కథలన్ |
    మధురమగు రామ భజనల
    మధువును గ్రోలెదరు దైవ మ౦దిర మ౦దున్

    రిప్లయితొలగించండి
  11. విధివ త్కృత మంత్ర శబ్ద
    ప్రధాన పూజాభిషిక్త పరమాత్ముని స
    న్నిధి పంచామృత సారఘ
    మధువును గ్రోలెదరు దైవమందిరమందున్.

    రిప్లయితొలగించండి
    రిప్లయిలు
    1. దీర్ఘ సమాసములతో మీ పద్యము శోభిల్లుతున్నది.అభినందనలు. మొదటి పాదములో గణభంగమైనట్లున్నది?

      తొలగించండి
    2. వేంకట సుబ్బ సహదేవుడు గారు ధన్యవాదములు. ముందు “వచః” వ్రాసి తర్వాత “శబ్ద” గా మార్చితిని. గణదోషము గమనించలేదు.
      సవరణ చేసిన పద్యము చూడ గోర్తాను.

      విధివత్కృత మంత్రవచః
      ప్రధాన పూజాభిషిక్త పరమాత్ముని స
      న్నిధి పంచామృత సారఘ
      మధువును గ్రోలెదరు దైవమందిరమందున్.

      తొలగించండి
    3. దీర్ఘ సమాసములతో మీ పద్యము శోభిల్లుతున్నది.అభినందనలు. మొదటి పాదములో గణభంగమైనట్లున్నది?

      తొలగించండి
    4. ఆర్యా సవరణ తెల్పితిని గదా! ప్రమాదవశమున మీ వ్యాఖ్య పునర్ముద్రిత మైనట్లు భావిస్తాను.

      తొలగించండి
  12. వ్యథలన్ని మాసిపోవగ
    క్షుధయెంతయు క్షోభలిడిన శూలికి భక్తిన్
    విధిహిత నివేదిత పరమ
    మధువును గ్రోలెదరు దైవ మందిర మందున్ !

    రిప్లయితొలగించండి
  13. మధురాను భూతులందుచు
    బుధవర్గము పాడి తూల మోదమటంచున్
    మధుర హరినామ స్రవిత
    మధువును గ్రోలెదరు దైవమందిర మందున్!

    రిప్లయితొలగించండి
    రిప్లయిలు
    1. గురుదేవులకు ధన్యవాదములు. టైపాటు సవరణతో:
      మధురాను భూతులందుచు
      బుధవర్గము పాడి తూల మోదమటంచున్
      మధుర హరినామ స్రవితఁపు
      మధువును గ్రోలెదరు దైవమందిర మందున్!

      తొలగించండి
    2. గురుదేవులకు ధన్యవాదములు. టైపాటు సవరణతో:
      మధురాను భూతులందుచు
      బుధవర్గము పాడి తూల మోదమటంచున్
      మధుర హరినామ స్రవితఁపు
      మధువును గ్రోలెదరు దైవమందిర మందున్!

      తొలగించండి
  14. ఈ కామెంట్‌ను రచయిత తీసివేశారు.

    రిప్లయితొలగించండి
  15. అధిదైవము నారాయణు
    యధావిధిగ పూజజేసి యాకరుణావా
    ర్నిధి శ్రీచరణాబ్జమ్ముల
    మధువును గ్రోలెదరు దైవమందిరమందున్.

    రిప్లయితొలగించండి
  16. కదలక క రమగు భక్తిన్
    మదిలోనిల్పి కమలాక్షు మాధవు సతమున్
    మధురమగువాని నా మపు
    మధువును గ్రో లుదురు దైవ మందిర మందున్

    రిప్లయితొలగించండి
  17. * గు రు మూ ర్తి ఆ చా రి *
    ,,,,,,,,,,,,,,,,,,,,,,,,,,,,,,,,,,,,,,,,,,,,,

    అదియే , భద్రాచలము ! ప్ర
    తి దినము వినుచు౦ద్రు రామ దీవ్యత్కథలన్ |
    మధురమగు రామ భజనల
    మధువును గ్రోలెదరు దైవ మ౦దిర మ౦దున్

    రిప్లయితొలగించండి
  18. ఆధివ్యాధుల బాపును
    సాధించు నకాలమృత్యుజాలము నఘమున్
    వేధించును శ్రీ తీర్థపు
    మధువును గ్రోలెదరు దైవ మ౦దిర మ౦దున్.

    రిప్లయితొలగించండి
  19. మధురము సంగీతమిచట
    మధురము సాహిత్య మన్న మధురము భక్తిన్,
    మధురపు మాధుర్య మనెడి
    మధువును గ్రోలెదరు దైవ మందిర మందున్
    కొరుప్రోలు రాధా కృష్ణ రావు

    రిప్లయితొలగించండి
  20. మధుసూదను సన్నిధిలో
    విధివిధమున పూజజేసి వేకువ భక్తుల్
    అధినాయక సుధ గీతా
    మధువును గ్రోలెదరు దైవ మందిర మందున్

    రిప్లయితొలగించండి
    రిప్లయిలు
    1. గోలి హనుమచ్ఛాస్త్రి గారూ,
      మీ పూరణ బాగున్నది.
      ‘వేకువ జనులా| యధినాయక...’ అని సవరణ సూచించినట్లు గుర్తు.

      తొలగించండి
  21. ఎదలో భక్తియు ముదరన్

    సాధులు గానము జేయుచు సామిని గాంచన్;

    మోదము మీరన్ భక్తుల్

    మధువును గ్రోలెదరు దైవ మందిర మందున్.

    డాక్టర్ మూలె రామమునిరెడ్డి విశ్రాంత తెలుగు పండితులు ప్రొద్దుటూరు 7396564549

    రిప్లయితొలగించండి
  22. అధములు కొల్లలు కొట్టగ
    విధివశమున శిథిలమవగ వేడుక కొరకై
    వెధవలు రాత్రించరులును
    మధువును గ్రోలెదరు దైవమందిరమందున్

    రిప్లయితొలగించండి