4, నవంబర్ 2017, శనివారం

సమస్య - 2510 (కార్తిక పూర్ణిమను...)

కవిమిత్రులారా,
ఈరోజు పూరించవలసిన సమస్య ఇది...
"కార్తిక పూర్ణిమను గంటిఁ గద నెలవంకన్"

79 కామెంట్‌లు:

  1. పూర్తిగ చీకటి గుడిలో
    మూర్తిగ దీపమున వెలుగు ముక్కంటిఁ గన
    న్నార్తుల నన్నిటిని మరచి
    కార్తిక పూర్ణిమను గంటిఁ గద నెలవంకన్

    రిప్లయితొలగించండి
  2. కీర్తియను సఖిని తోడ్కొని
    యార్తిగ దేవాలయమున కరిగియు,కరుణా
    మూర్తి శివుని శిరమున నే
    "కార్తిక పూర్ణిమను గంటిఁ గద నెలవంకన్"

    రిప్లయితొలగించండి


  3. వర్తము శివసన్నిధికిన్
    కార్తిక పూర్ణిమను గంటిఁ గద ! నెలవంకన్,
    భర్తగ గంగను, తలనిడి
    నర్తన మాడెడు నభవుని, నందను గనెదన్ !

    శుభాకాంక్షలతో
    జిలేబి

    రిప్లయితొలగించండి
  4. వార్తను వినినంత ముదముగ
    కార్తిక పూర్ణిమను గంటిఁ గద నెలవంకన్
    పూర్తిగ చంద్రుని సొగసుల
    యార్తిగ నేగాంచి యుంటి యానం దమిడన్

    రిప్లయితొలగించండి
    రిప్లయిలు
    1. అక్కయ్యా,
      పద్యం బాగుంది. కాని సమస్య పరిష్కరింపబడినట్లు లేదు.
      మొదటి పాదంలో గణదోషం. "వినగా ముదమున" అనండి. అలాగే "సొగసుల నార్తిగ" అనండి.

      తొలగించండి
    2. వార్తను వినగా ముదమున
      కార్తిక పూర్ణిమను గంటిఁ గద నెలవంకన్
      పూర్తిగ చంద్రుని సొగసుల
      నార్తిగ నేగాంచి యుంటి యానం దమిడన్

      తొలగించండి
  5. (ఆదర్శదర్శకుడు జంధ్యాల గారి మానవతాచిత్రం "నెలవంక"గురించి)
    స్ఫూర్తిని గొలిపెడి దర్శక
    మూర్తియె జంధ్యాల;వారు మురియగ ప్రజలే
    యార్తిగ దీసిన చిత్రము
    గార్తికపూర్ణిమను గంటిగద "నెలవంకన్."



    రిప్లయితొలగించండి
  6. డా.పిట్టా
    వార్తలలో నగు బూర్ణత
    ఆర్తిని బెంచంగ రాష్ట్ర మరకొర ప్రగతిన్
    ధూర్తుల యవినీతిని యీ
    కార్తిక పూర్ణిమన గంటి గద నెలవంకన్

    రిప్లయితొలగించండి
  7. డా.పిట్టా
    పూర్తిగ ప్రతిపద మొదలుగ
    నార్తిని దీపాల వెలుగులానందములై
    మూర్తిని బెంచడె చంద్రుడు!?
    కార్తిక పూర్ణిమన గంటిగద నెలవంకన్!

    రిప్లయితొలగించండి
  8. డా.పిట్టా
    *మూర్తిని బెరుగ మరచెనె?*
    3వ పాద పాఠాంచరము

    రిప్లయితొలగించండి
    రిప్లయిలు
    1. డా. పిట్టా వారూ,
      మీ రెండు పూరణలు బాగున్నవి. అభినందనలు.
      మీ సవరణ పాఠంలో గణదోషం. 'బెరుగగ మరచెనె' అంటే సరి!

      తొలగించండి
  9. పూర్తి కుముదునీ నాయకు
    కార్తిక పూర్ణిమను గంటి గద, నెలవంకన్
    మార్తాండు నిభపు తేజో
    మూర్తి శివుని శిరమునందు ముద్దులొలకుచున్

    రిప్లయితొలగించండి
    రిప్లయిలు
    1. అన్నపరెడ్డి వారూ,
      విరుపుతో మీ పూరణ బాగున్నది. అభినందనలు.
      'కుముదినీ' అనండి. బహుశా టైపాటు కావచ్చు.

      తొలగించండి
  10. కర్తయు,భవహర్తయు శుభ
    మూర్తియు నగు పార్వతిపతి మూర్దము పైనన్
    ఆర్తిని బాపగ వెలిగెడు
    కార్తిక పూర్ణిమను, గంటిగద నెలవంకన్

    రిప్లయితొలగించండి
  11. నెలవంక...అంటే నఖక్షతము అన్న అర్ధం కూడా ఉంది. జిలేబి లాంటి వారు దీనిని ఉపయోగించి ఒక ప్రియురాలికి కలిగిన చక్కని అనుభూతిని వివరించగలరని భావిస్తున్నాను.

    రిప్లయితొలగించండి
    రిప్లయిలు

    1. జర్తి,తలకోన యురుకుల
      కార్తిక పూర్ణిమను గంటిఁ గద, నెలవంకన్
      వర్తులముగ గోముగనన్
      వర్తనమొనరిచి రమణుని పయిదలి గనవే !



      జిలేబి
      పరార్ :)

      తొలగించండి
    2. జిలేబీ గారూ,
      విరుపుతో బాగుంది మీ పూరణ. అభినందనలు.
      "తలకోన నురుకుల" అనండి.

      తొలగించండి
  12. గు రు మూ ర్తి ఆ చా రి
    ,,,,,,,,,,,,,,,,, ,,,,,,,,,,


    భర్తను గిరిజా భర్తను

    కార్తికపూర్ణిమను గ౦టిగద , నెలవ౦కన్ ( ..తో )

    మూర్తీకరి౦చు = త్రిభువన

    కర్తను శ౦కరు వినీలక౦ధరు >>> గుడిలో

    రిప్లయితొలగించండి
    రిప్లయిలు
    1. గురుమూర్తి ఆచారి గారూ,
      విరుపుతో మీ పూరణ బాగున్నది. అభినందనలు.

      తొలగించండి


  13. వర్తి సుధాకుండలికన్,
    కార్తిక పూర్ణిమను గంటిఁ గద, నెలవంకన్
    వర్తన మొనర్చి దానిన్
    భర్తకు నిడెదను రమణుని పయిదలి నేనే !

    రిప్లయితొలగించండి
  14. పూర్తి గ ను డు పతి కనబడు
    కార్తిక పౌర్ణమను ;;గంటి గద నెలవంక న్
    మూర్తి గ వెలుగొందు శివుని
    కీర్తి కిరీటం బ నంగ కె ర ల గ తల పై

    రిప్లయితొలగించండి
    రిప్లయిలు
    1. రాజేశ్వర రావు గారూ,
      విరుపుతో మీ పూరణ బాగున్నది. అభినందనలు.

      తొలగించండి
  15. పూర్తిగ పస్తున చంద్రుని
    కార్తిక పూర్ణిమను; గంటి గద; నెలవంకన్,
    వర్తిలగ శుక్ల పక్షా
    వర్తితమగు విదియనాటి ప్రదోషమందున్!

    రిప్లయితొలగించండి
    రిప్లయిలు
    1. శిష్ట్లా శర్మ గారూ,
      మీ పూరణ బాగున్నది. అభినందనలు.
      "ప్రదోష" మన్నచోట గణభంగం. అక్కడ జగణం రాకూడదు.

      తొలగించండి
    2. సవరణతో....

      పూర్తిగ పస్తున చంద్రుని
      కార్తిక పూర్ణిమను; గంటి గద; నెలవంకన్,
      వర్తిలగ శుక్ల పక్షా
      వర్తితమయి విదియసంధ్య భాసించంగన్!


      (విదియ సంధ్య....అనవచ్చునా! విదియ సాంధ్య...అనాలా!)

      తొలగించండి
  16. పూర్తి జలధిజుని జూసితి
    కార్తిక పూర్ణిమను, గంటి గద నెలవంకన్
    మూర్తిగ వెలుగుచు సతతము
    నార్తిని తొలగించు శివుని యాభరణముగన్!!!

    రిప్లయితొలగించండి
  17. గుఱ్ఱం సీతా దేవి గారి పూరణ:

    కర్తను భగీరధ మిషను
    కార్తిక పూర్ణిమను గంటిగద, నెలవంకన్
    స్ఫూర్తిగ పేరును దాల్చిన
    మూర్తిగ సాధించగ జలమును దక్షతతో!

    రిప్లయితొలగించండి
    రిప్లయిలు
    1. సీతాదేవి గారూ,
      మీ పూరణ వైవిధ్యంగా చక్కగా ఉన్నది. అభినందనలు.

      తొలగించండి
  18. ఆర్తుల వేదన బాపు త్రి
    మూర్తులలో నొకడు శివుడు మోదముతో సం
    పూర్తిగ జూడగ సిగలో
    కార్తిక పూర్ణిమ నాడుగంటి గద నెలవంకన్

    రిప్లయితొలగించండి
  19. కార్తీకపౌర్ణమి శుభవేళ కృత్తికా చంద్రుల సంభాషణ....

    కం.
    వర్తులముగ శశినుండఁగ
    కర్తగ భక్తుండు కృత్తికా! భువిఁ దీర్చన్
    మూర్తినట వ్యోమకేశుగ
    కార్తిక పూర్ణిమను గంటిఁ గద నెలవంకన్!

    రిప్లయితొలగించండి
  20. నర్తన కర యుగ సంచల
    నార్త సువిన్యాస గతుల నతి చిత్రముగన్
    నర్తకి శశి నిభ ముఖమునఁ
    గార్తిక పూర్ణిమను గంటిఁ గద నెలవంకన్

    [నెలవంక = నఖక్షతము]

    రిప్లయితొలగించండి
    రిప్లయిలు
    1. కామేశ్వర రావు గారూ,
      మనోహరమూ అద్భుతమూ అయిన పూరణ మీది. అభినందనలు.
      "సంచల దార్త.." అంటె ఎలా ఉంటుంది?

      తొలగించండి
    2. పూజ్యులుశంకరయ్య గారికి నమఃపూర్వక ధన్యవాదములు.
      మీ సూచన సుందరము. కదలికల విన్యాసపు గతులను (వలన కలిగిన నఖక్షతము) భావమున వాడితిని

      తొలగించండి
    3. నర్తన కర యుగ సంచల
      దార్త సువిన్యాస గతుల నతి చిత్రముగన్
      నర్తకి శశి నిభ ముఖమునఁ
      గార్తిక పూర్ణిమను గంటిఁ గద నెలవంకన్

      తొలగించండి
  21. పూర్తిగ మబ్బులు గ్రమ్మగ
    నార్తిగ నే వేచియుండ నంగన తోడన్
    వర్తిలు జంద్రుడు కదలగ
    కార్తిక పూర్ణిమను గంటిఁ గద నెలవంకన్

    రిప్లయితొలగించండి
  22. కార్తీక మాస చవితిన
    కార్తిక ,పూర్ణిమను గంటి గద!నెలవంకన్
    మూ ర్తియు దల పై గనబడె
    కార్తీకము నందు దీప కళికల మ ధ్యన్ .

    రిప్లయితొలగించండి
    రిప్లయిలు
    1. ఈశ్వరప్ప గారూ,
      మీ పూరణ బాగున్నది. అభినందనలు.
      కార్తీకము అనడం సాధువు కాదనుకుంటాను. మాస చవితి.. దుష్టసమాసం అవుతుంది. 'చవితిని' అనవలసి ఉంటుంది. "కార్తిక మాసపు చవితిని... కార్తిక మాసమున దీప..." అంటే ఎలా ఉంటుంది?

      తొలగించండి
  23. క్రొవ్విడి వెంకట రాజారావు:

    కార్తిక మందున లింగని
    మూర్తికుపాస్తిని చలుపుచు మృడుడుని తలపై
    స్ఫూర్తించు శశిని సతితో
    కార్తిక పూర్ణిమను గంటి గద నెలవంకన్

    రిప్లయితొలగించండి
  24. *మూర్తిన్ హిమఘృత ములఁ వన*
    *పర్తిశివాలయమునందు భక్తిన్ నిల్పన్*
    *మూర్తికి శిరమున వింతగ*
    *కార్తిక పూర్ణిమను గంటి గద నెలవంకన్*

    *శ్రీమతి జి సందిత బెంగుళూరు*



    నేను కార్తీక మాసములో నెయ్యి తో మంచుగడ్డలసాయం తో గణేశసహిత పార్వతీ పరమేశ్వరుల విగ్రహాలను ఏర్పాటు చేయగా పలు ఈశ్వరక్షేత్రములలో మా తండ్రితో పాటు వెళ్ళిచూశాను.

    ప్రతిమలో ఉన్నచంద్రుడెప్పుడూ నెలవంకయే పున్నమి కదా అని పూర్ణ చంద్రుడు అచట కనిపించకపోవటం వింతయే కదా
    ప్రకృతి ధర్మం మారటం శివుని జటాఝూటంలోనే🙏🌹🌹🕉

    రిప్లయితొలగించండి
    రిప్లయిలు
    1. సందిత గారూ,
      మీ పూరణ బాగున్నది. అభినందనలు.
      'ఘృతముల' తరువాత అర్ధానుస్వారం అవసరం లేదు.

      తొలగించండి
  25. కీర్తి గడించిన విప్రుడు
    కార్తీకమునందు '' శుక్ల ''గణనమునకు ము
    మ్మూర్తుల ''కృష్ణ ''యనుచుననె
    కార్తిక పూర్ణిమను గంటిఁ గద నెలవంకన్

    పూర్తిగ చీకటి నిశి న
    న్నార్తులు తిను తిండి లోన నంద గుడుంబా
    కీర్తనల పాడి యనిరట
    కార్తిక పూర్ణిమను గంటిఁ గద నెలవంకన్

    నిన్నటి సమస్యకు నా పూరణ

    కలనైనను దలపోయని
    కులనైజము వీడి విప్రకోవిదుడే మే
    కల నశనమునకునిచె
    పలలమ్మును గోరి చిలుక ఫలముల రోసెన్

    రిప్లయితొలగించండి
  26. మూర్తీవింటివెయీయది
    కార్తికబూర్ణిమనుగంటిగదనెలవంక
    న్నార్తిని నేగుడికేగగ
    గార్తికదామోదరుండుగనబడెనటులన్

    రిప్లయితొలగించండి
  27. గూర్తి దినమందురు ప్రజ
    కార్తిక పూర్ణిమను, గంటిఁ గద నెలవంకన్
    మూర్తి తలపైన కలలో.
    ఆర్తి నొసంగిన తదుపరి నాహ్లాదముతోన్

    రిప్లయితొలగించండి
    రిప్లయిలు
    1. కృష్ణ సూర్యకుమార్ గారూ,
      మీ పూరణ బాగున్నది. అభినందనలు.
      మొదటి పాదంలో గణదోషం. "దినమందురు ప్రజలు" అనండి. ప్రజ వల్ల రు గురువు కాదు, లఘువే.

      తొలగించండి
    2. రు తర్వాత ప్ర అన్నది కావున రు గురువు అనుకున్నాను గురువు గారు క్షమించండి

      తొలగించండి
  28. గుర్తించి ప్రియుని రాకను
    వర్తులమౌ మోము వెలిగి పడతి పెదవులన్
    నర్తించగ ధరహాసము
    కార్తిక పూర్ణిమను గంటిఁ గద నెలవంకన్

    రిప్లయితొలగించండి
    రిప్లయిలు
    1. సూర్యనారాయణ గారూ,
      ఎలాంటి సమస్యకైనా ప్రణయ భావాన్ని జోడించి పూరణ చెప్పడం మీకే చెల్లు! చక్కని పూరణ. అభినందనలు.

      తొలగించండి
  29. వార్తాకపు శాకంబును
    కీర్తించెడి రీతి జేయ గేలను దినుసుల్
    పూర్తిగ బట్టిన దానిని
    కార్తిక! పూర్ణిమను గంటిఁ గద నెలవంకన్.

    రిప్లయితొలగించండి
  30. కార్తిక మాసము నందున
    నార్తులను బాపు మనుచు నభవుని వేడన్
    పూర్తిగ చంద్రోదయమవ
    కార్తిక పూర్ణిమను గంటిఁ గద నెలవంకన్ఁ.

    రిప్లయితొలగించండి
  31. ఈ కామెంట్‌ను రచయిత తీసివేశారు.

    రిప్లయితొలగించండి
  32. నర్తనమాడెను సాంబుడు
    కార్తిక పూర్ణిమను, గంటి గద నెలవంకన్
    వర్తి వలె శివుని జడలను
    వర్తి.ల్లుచు కదలాడెను బంధుర రీతిన్ .

    రిప్లయితొలగించండి
  33. స్ఫూర్తిని నిత్యము పొందురు
    మార్తాoడుడి పగటి వెలుగు భాస్వత్ కళయే
    నార్తిగ ప్రపూత విలసత్
    కార్తీక పౌర్ణిమ ను గంటిని గద నెలవంకన్.

    రిప్లయితొలగించండి
  34. మృ కు మ ప్రాస సరియగునా?దయచేసి నా సందేహము
    తీర్చుడు.
    వందనములు

    రిప్లయితొలగించండి
  35. గురువు గారు పూరణ గురించి తమరి అభిప్రాయము తెలుపుడు.

    రిప్లయితొలగించండి