మిస్సన్న గారూ, కుసంపదలను కోరి వ్రతం చేయవద్దన్న మీ పూరణ బాగుంది. అభినందనలు. * గోలి హనుమచ్ఛాస్త్రి గారూ, వ్రతం చేయడం వల్ల ప్రయోజనాలను వివరిస్తూ చక్కని పద్యం చెప్పారు. బాగుంది. కాని ‘వలదని రార్యుల్’ దేనితో అన్వయిస్తున్నది? ఓహో ... ‘కష్ట నష్ట పాపపు భయముల్’ తో అన్వయించుకోమంటారా? * ఫణి ప్రసన్న కుమార్ గారూ, ‘వెరువ వలదని రార్యుల్’ అన్న మీ పూరణ బాగుంది. అభినందనలు. కందంలో ‘ప్రాసయతి’ నియమం లేదు. * అజ్ఞాత గారూ, మిత్రుల పూరణలను నిశితంగా పరిశీలిస్తూ, గుణదోష విచారణ చేస్తున్నందుకు ధన్యవాదాలు. మీ పూరణ ప్రశస్తంగా ఉంది. అభినందనలు. ర-ఱ ప్రాస పండితసమ్మతమే. * మంద పీతాంబర్ గారూ, మనోహరంగా ఉంది మీ పూరణ. అభినందనలు. * వరప్రసాద్ గారూ, బాగుంది మీ పూరణ. అభినందనలు. ‘సిరిపుత్రులెల్లన్’ అన్నప్పుడు గణదోషం. ‘సిరిగలవారల్’ అందామా? * మందాకిని గారూ, పూజలే గాని వ్రతం చేసే సంప్రదాయం లేదంటారు. అద్భుతం. అభినందనలు. * లక్కాకుల వెంకట రాజారావు గారూ, మీ పూరణ బాగుంది. అభినందనలు.
కవి మిత్రులారా, శ్రీ చింతా రామకృష్ణారావు గారు తమ ‘ఆంధ్రామృతం’ బ్లాగులో ‘కట్టమూరి చంద్రశేఖరమ్’ కవి గారి సమస్యాపూరణలను ఇస్తూ వాటికి పూరణలు పంపమని కోరుతున్నారు. ఆ బ్లాగును వీక్షించి మీ మీ ప్రజ్ఞాపాటవాన్ని ప్రదర్శించ వలసిందిగా మనవి. దానికి లింకు ... http://andhraamrutham.blogspot.com/2011/08/1.html
శంకరార్యా ! ధన్యవాదములు. చాలా కాలం తరువాత మీ పూరణం చూచే భాగ్యం కలిగింది. మంచి పూరణ . ఆశౌచము మూలముగా వ్రతము చేయ రాదనే పూరణ చేయాలని మధ్యాహ్నము అనుకున్నాను.ఆఫీసు నుండి రాగానే చేద్దామని. ఈ లోగా మీరు చేసేశారు. ధన్యవాదములు.
శ్రీపతి శాస్త్రి గారూ, నెలనెలా వ్రతం చేయవద్దన్న మీ పూరణ చాలా బాగుంది. అభినందనలు. ‘శరణంచూ ...’? దానిని ‘శరణంబని / శరణమనుచు’ అంటే బాగుంటుంది. * గోలి హనుమచ్ఛాస్త్రి గారూ, ధన్యవాదాలు.
చంద్రశేఖర్ గారూ, మీ మూడు పూరణలూ వైవిధ్యంగా ఉండి అలరిస్తున్నాయి. చాలా బాగున్నాయి. అభినందనలు. * ఊకదంపుడు గారూ, అద్భుతమైన విరుపుతో చక్కని పూరణ నిచ్చారు. అభినందనలు. ఈ ఆలోచన నాకెందుకు రాలేదా అని ఆశ్చర్యపడుతున్నాను.
ఊకదంపుడు గారి విరుపు, భావం భలే ఉన్నాయి. చంద్రశేఖరుల మూడవ పూరణలో ఒకటీ, రెండూ పాదాలను వరుసగా మూడూ, నాలుగూ పాదాలుగానూ, మూడూ, నాలుగూ పాదాలను ఒకటీ రెండూ పాదాలుగానూ మారిస్తే మరింత బాగుండేది.
పరధనమును, నడమంత్రపు
రిప్లయితొలగించండిసిరులను, అవినీతి పనులఁ జెందెడి సొమ్మున్
పరిపరి విధములఁ గోరుచు
వరలక్ష్మీవ్రతముఁ జేయవల దని రార్యుల్.
దరి జేర వీతి బాధలు
రిప్లయితొలగించండిభరియించని కష్ట నష్ట పాపపు భయముల్
మరి శ్రావణ మాసంబున
వరలక్ష్మీవ్రతముఁ జేయ ; వల దని రార్యుల్.
మరియొక ఆర్థిక మాంధ్యము
రిప్లయితొలగించండిపరుగున భువి తాకునంచు వెరువగనేలా?
కరుణను గాచును శ్రీరమ
వరలక్ష్మీవ్రతముఁ జేయ! వలదనిరార్యుల్.
ఫణి ప్రసన్నకుమార్ గారూ ! ప్రాసయతి కందములో ?
రిప్లయితొలగించండిఅజ్ఞాత గారూ,
రిప్లయితొలగించండి‘పరుగున భువి తాకునంచు భయపడనేలా?’ అంటే సరి!
సిరిమెచ్చుబెరుగునాయువు
రిప్లయితొలగించండివరలక్ష్మీ వ్రతము జేయ; వలదనిరార్యుల్
పరపీడనమ్ము; మంగళ
కరమౌ శ్రీలక్ష్మిపూజ కమలాక్షులకున్.
కూడదా? కందము కూడా తెలుగు పద్యమే కదా, వేయవచ్చునేమో అనుకొన్నాను. శంకరయ్య గారూ, సందేహ నివృత్తి చేయవలసినదని ప్రార్థన.
రిప్లయితొలగించండిగురువు గారికి ధన్యవాదాలు,నమస్కారములతో
రిప్లయితొలగించండివరముల నాశించి జనులు
వరలక్ష్మీవ్రతము జేయ వలదని రార్యుల్
పరిపరి విధముల జెప్పిన,
సిరులను గోరుచునె జేయు సిరిపుత్రులెల్లన్,
సిరులొసగెడి మాతల్లికి
రిప్లయితొలగించండివిరులొసగుము పూజచేసి వేడుము. వ్రతముల్
జరిపెడి పద్ధతి లేదిట,
వరలక్ష్మీవ్రతముఁ జేయవల దని రార్యుల్.
పరుల శుభము మది గోరక,
రిప్లయితొలగించండివెరువక పాపపు పనులకు, విమల మతులు గా
క,రయక దానాది విధులు
వరలక్ష్మీ వ్రతము జేయ వలదని రార్యుల్
వఱువాతతలగడుగకను,
రిప్లయితొలగించండిమఱితీరికగామొదలిడి మధ్యాహ్నమునన్,
తెఱపిన టీవీ(T.V) చూచుచు
వరలక్ష్మీ వ్రతము జేయ వలదని రార్యుల్!!!
ఱ - ర లకు ప్రాస సమ్మతమేనాండీ?
మిస్సన్న గారూ,
రిప్లయితొలగించండికుసంపదలను కోరి వ్రతం చేయవద్దన్న మీ పూరణ బాగుంది. అభినందనలు.
*
గోలి హనుమచ్ఛాస్త్రి గారూ,
వ్రతం చేయడం వల్ల ప్రయోజనాలను వివరిస్తూ చక్కని పద్యం చెప్పారు. బాగుంది.
కాని ‘వలదని రార్యుల్’ దేనితో అన్వయిస్తున్నది?
ఓహో ... ‘కష్ట నష్ట పాపపు భయముల్’ తో అన్వయించుకోమంటారా?
*
ఫణి ప్రసన్న కుమార్ గారూ,
‘వెరువ వలదని రార్యుల్’ అన్న మీ పూరణ బాగుంది. అభినందనలు.
కందంలో ‘ప్రాసయతి’ నియమం లేదు.
*
అజ్ఞాత గారూ,
మిత్రుల పూరణలను నిశితంగా పరిశీలిస్తూ, గుణదోష విచారణ చేస్తున్నందుకు ధన్యవాదాలు.
మీ పూరణ ప్రశస్తంగా ఉంది. అభినందనలు.
ర-ఱ ప్రాస పండితసమ్మతమే.
*
మంద పీతాంబర్ గారూ,
మనోహరంగా ఉంది మీ పూరణ. అభినందనలు.
*
వరప్రసాద్ గారూ,
బాగుంది మీ పూరణ. అభినందనలు.
‘సిరిపుత్రులెల్లన్’ అన్నప్పుడు గణదోషం. ‘సిరిగలవారల్’ అందామా?
*
మందాకిని గారూ,
పూజలే గాని వ్రతం చేసే సంప్రదాయం లేదంటారు. అద్భుతం. అభినందనలు.
*
లక్కాకుల వెంకట రాజారావు గారూ,
మీ పూరణ బాగుంది. అభినందనలు.
నా పూరణ ... (ఎంతకాలానికి అవకాశం చిక్కింది!)
రిప్లయితొలగించండిమరణించెఁ దండ్రి, సంవ
త్సరకాల మ్ముండుగద మృతాశౌచము, త
త్తరుణమున నింటిలోనన్
వరలక్ష్మీవ్రతముఁ జేయవల దని రార్యుల్.
కవి మిత్రులారా,
రిప్లయితొలగించండిశ్రీ చింతా రామకృష్ణారావు గారు తమ ‘ఆంధ్రామృతం’ బ్లాగులో ‘కట్టమూరి చంద్రశేఖరమ్’ కవి గారి సమస్యాపూరణలను ఇస్తూ వాటికి పూరణలు పంపమని కోరుతున్నారు. ఆ బ్లాగును వీక్షించి మీ మీ ప్రజ్ఞాపాటవాన్ని ప్రదర్శించ వలసిందిగా మనవి. దానికి లింకు ...
http://andhraamrutham.blogspot.com/2011/08/1.html
శ్రీగురుభ్యోనమ:
రిప్లయితొలగించండివరమిచ్చెడు నాతల్లిని
శరణంచూ వేడుమమ్మ శ్రావణమందున్
మరిమరి మాసము కోకపరి
వరలక్ష్మీవ్రతముఁ జేయవల దని రార్యుల్
టైపాటు- మాసము *కొకపరి
రిప్లయితొలగించండిశంకరార్యా ! ధన్యవాదములు. చాలా కాలం తరువాత మీ పూరణం చూచే భాగ్యం కలిగింది. మంచి పూరణ . ఆశౌచము మూలముగా వ్రతము చేయ రాదనే పూరణ చేయాలని మధ్యాహ్నము అనుకున్నాను.ఆఫీసు నుండి రాగానే చేద్దామని. ఈ లోగా మీరు చేసేశారు. ధన్యవాదములు.
రిప్లయితొలగించండిశ్రీపతి శాస్త్రి గారూ,
రిప్లయితొలగించండినెలనెలా వ్రతం చేయవద్దన్న మీ పూరణ చాలా బాగుంది. అభినందనలు.
‘శరణంచూ ...’? దానిని ‘శరణంబని / శరణమనుచు’ అంటే బాగుంటుంది.
*
గోలి హనుమచ్ఛాస్త్రి గారూ,
ధన్యవాదాలు.
గురువుగారూ మీ పూరణ అద్భుతం. అభినందన లండీ.
రిప్లయితొలగించండికందమును కంది వారలు
రిప్లయితొలగించండిపందెపు గుర్రమ్ము రీతి బరుగెత్తించెన్
అందున భావప్రకటన
నందించిన తీరు జూడ నాహా! యోహో!
భావ స్పష్టత కొరకు చిన్న సవరణ తో ...
రిప్లయితొలగించండిదరి ధనము లేని చింతలు
భరియించని కష్ట నష్ట పాపపు భయముల్
మరి శ్రావణ మాసంబున
వరలక్ష్మీవ్రతముఁ జేయ ; వలదని రార్యుల్.
వరలక్ష్మీ వ్రతానికి కొత్త బంగారం కొని పూజలో పెట్టాలట:
రిప్లయితొలగించండిమరి బంగరు నగ బెట్టక
వరలక్ష్మీవ్రతముఁ జేయవల దని రార్యుల్
ధరలాకసమంటె ననుచు
చిరుబురు లాడెనట చంద్రశేఖరు డింటన్ !
గురువుగరూ మీ పూరణ చాలా బాగున్నది.
రిప్లయితొలగించండినాపద్యంలో సవరణ చక్కగా ఉన్నది. ధన్యవాదములు.
నాకై ఒక విరుపు మిగిల్చి నట్టున్నారు, మిస్సన్న వారి కవితా! వలె.
రిప్లయితొలగించండిసరిపడ డబ్బులులేని ఓ మొగుడు - శ్రీమతి ఆరోగ్యం పై నెపం, అవసరానికో అబద్ధం చెబుతున్నాడు :
భరియింపగలేవనిరోయ్
స్థిరముగకూర్చొనియెధరను సేవింపంగన్
సరిపెట్టుముదండముతోన్-
వరలక్ష్మీ!వ్రతముఁ జేయ వలదని రార్యుల్.
వై.యస్.ఆర్.విజయలక్ష్మిని టీవీలో చూస్తే, ఎవరూ కిరస్తానీయులు అనుకోరు. వీరూ ఒకప్పటి హిందువులే. ఆ నేపధ్యంలో,నాపూరణ:
రిప్లయితొలగించండిసూచన: వరలక్ష్మిని ముద్దుగా వరం అనటం మనకేరుకే, కానీ:
వరమెన్నియొ వత్సరములు
వరలక్ష్మీవ్రతముఁ జేయ; వలదని రార్యుల్
మరియిపు డేసును గొలిచెడి
మరియమ్మమతమునకేగ, మార్పు సులభమా?
అమెరికా పంపేటప్పుడు ప్రతి ఆడపిల్లకీ వాళ్ళ అమ్మ చెప్పే మాటే, "ఏమిటో అమెరికాట, ముత్తైదులుండరట, మరి నోములు వ్రతాలు పట్టింది మాఅమ్మాయి, ఎట్లానో ఏమో!" అదే నాపూరణలో:
రిప్లయితొలగించండివరమెన్నియొ వత్సరములు
వరలక్ష్మీవ్రతముఁ జేయ; వలదని రార్యు
ల్పర దేశమున సువాసిను
లరకొర, వాయనము లేరి కనియి చ్చెదవో ?
మిస్సన్న గారూ,
రిప్లయితొలగించండిలక్కాకుల వెంకట రాజారావు గారూ,
శ్రీపతి శాస్త్రి గారూ,
ధన్యవాదాలు.
చంద్రశేఖర్ గారూ,
రిప్లయితొలగించండిమీ మూడు పూరణలూ వైవిధ్యంగా ఉండి అలరిస్తున్నాయి. చాలా బాగున్నాయి. అభినందనలు.
*
ఊకదంపుడు గారూ,
అద్భుతమైన విరుపుతో చక్కని పూరణ నిచ్చారు. అభినందనలు.
ఈ ఆలోచన నాకెందుకు రాలేదా అని ఆశ్చర్యపడుతున్నాను.
ఊకదంపుడు గారి విరుపు, భావం భలే ఉన్నాయి.
రిప్లయితొలగించండిచంద్రశేఖరుల మూడవ పూరణలో ఒకటీ, రెండూ పాదాలను
వరుసగా మూడూ, నాలుగూ పాదాలుగానూ, మూడూ, నాలుగూ
పాదాలను ఒకటీ రెండూ పాదాలుగానూ మారిస్తే మరింత బాగుండేది.
కరవున రైతుల దోచెడి
రిప్లయితొలగించండినరవరులకు మ్రొక్కుచుండు నక్కల వోలెన్,
పరులను మోసము జేసి, చి
వర, లక్ష్మీవ్రతముఁ జేయవల దని రార్యుల్
కొరగాని వాడు నీవని
రిప్లయితొలగించండిబరువుగ నగలను కొనవని బారెడి నోటన్
అరచుచు భర్తను సతతము
వరలక్ష్మీవ్రతముఁ జేయవల దని రార్యుల్