వారాంతపు సమస్యాపూరణం
కవిమిత్రులారా,
ఈ వారాంతానికి పూరించవలసిన సమస్య ఇది ..
పంచమవేదమై పరగు
భారతమున్ బఠియింప దోషమౌ.
ఈ సమస్యను సూచించిన ‘కవిమిత్రునకు’ ధన్యవాదాలు.
కవిమిత్రులారా,
ఈ వారాంతానికి పూరించవలసిన సమస్య ఇది ..
పంచమవేదమై పరగు
భారతమున్ బఠియింప దోషమౌ.
ఈ సమస్యను సూచించిన ‘కవిమిత్రునకు’ ధన్యవాదాలు.
పంచమవేదమౌ పరగు భారతమున్ పఠియింప దోషమౌ
రిప్లయితొలగించండినంచు చెలంగి పోయిరిట నాస్తిక వర్గము లేమిచెప్పెదన్,
సంచిత పాప శాపములశాంతులుబాసి విశుద్ధ నిర్మలో
దంచిత భావముల్ కలిగి, తాత్విక భావము వృద్ధి పొందునే.
ఆరోగ్యం కోసం పానకమిస్తే త్రాగటానికి ప్రయత్నించక పానకంలో పుడకలను యెంచుచు పానకాన్ని వదులుకొనే రంద్రాన్వేషుల గురించి....
రిప్లయితొలగించండిదంచిన బెల్లమున్ మరియు దానిలొ మిర్యము లిన్ని యాలకుల్
మంచిగ నీటిలో గలిపి మాదురి యొప్పగ పానకమ్మిడన్
యించుక బుద్ధిలేక మరి యెంచుచు పుల్లల జూపు రీతిగా
పంచమవేదమై పరగు భారతమున్ బఠియింప దోషమౌ.
శాస్త్రిగారూ, మొత్తానికి పానకం ఫార్ములా దంచి పడేశారు. మొదటి పాదంలో “దానిలొ” లొ కి దీర్ఘం వుండాలి కాబట్టి “దానికి” అందాం. . టైపాటులో ధ కారం దకారం అయింది రెండో పాదంలో. కొంచెం కీబోర్డును ఘట్టిగా ధట్టించండి:-)
రిప్లయితొలగించండిశ్రీగురుభ్యోనమ:
రిప్లయితొలగించండివంచకులైన కౌరవుల వారసులైరట నేడు నాయకుల్
మంచిని విస్మరించుచును మానవ ధర్మము మంటగల్పుచున్
కుంచుచు వక్రభాష్యములు గూర్చుచు చెప్పెడి వారలెందుకో
పంచమవేదమై పరగు భారతమున్ బఠియింప? దోషమౌ
కుంచుచు = క్రుంగజేయుచూ
అంచిత సత్కధా కలితమై ,జన జీవన మార్గ దర్శి యై
రిప్లయితొలగించండిమించిన కావ్య రాజమును మెచ్చు వివేకము లేక వీక వా
దించెడు వక్ర బుధ్ధి గల దేని - మహాత్ములు ! మీరు వద్దు !మా
పంచమ వేదమై పరగు భారతమున్ బఠియింప దోషమౌ
సుజన-సృజన
ఈ సమస్యను ఇంతకు మునుపే ఇచ్చారేమో ననిపిస్తోంది.
రిప్లయితొలగించండిఈ కామెంట్‌ను రచయిత తీసివేశారు.
రిప్లయితొలగించండివంచన, దుష్టచింతనలు, వంశము నాశము చేయుబుద్ధులున్
రిప్లయితొలగించండిమంచివి కావటంచుఁ దగ మాలిమి తోడను జెప్పు నేర్పుగాన్.
చంచలమైన భాష్యములఁ సత్యమసత్యముఁ జేసి వ్రాసినన్
పంచమ వేదమై పరగు భారతమున్ బఠియింప దోషమౌ !
'మన' చంద్ర శేఖర్ గారూ! పానకం రుచి ' లో' (low) కాకుండా 'కీ ' ఇచ్చి మాధుర్యం పెరిగేట్లు చేసిన మీకు ధన్యవాదములు. ఇప్పుడు రుచి చూడండి
రిప్లయితొలగించండి.
దంచిన బెల్లమున్ మరియు దానికి మిర్యము లిన్ని యాలకుల్
మంచిగ నీటిలో గలిపి మాధురి యొప్పగ పానకమ్మిడన్
యించుక బుద్ధిలేక మరి యెంచుచు పుల్లల జూపు రీతిగా
పంచమవేదమై పరగు భారతమున్ బఠియింప దోషమౌ.
అంచిత భక్తి భావమున నాది కవీంద్రుఁడు నన్నపార్యుడే
రిప్లయితొలగించండియంచలఁ దెచ్చె శారదను నా యమ పల్కగ నాంధ్రభాషలో
సంచిత మయ్యె సత్కృతియు సమ్మద మమ్మను సన్నుతింపచో
పంచమ వేదమై పరగు భారతమున్ బఠియింప దోషమౌ !
మిత్రులందరి పంచమవేద నుతులు శ్లాఘనీయముగా నున్నవి.
రిప్లయితొలగించండినాదొక ప్రయోగము:
వంచన చేయు వారలకు వంతుల తమ్ముల కీని వారకున్
పంచమ వేదమై పరగు భారతమున్ బఠియింప దోషమౌ
వంచన రోయు వారలకు వాక్కుల సత్యము నిండు వారికా
పంచమ వేదమై పరగు భారతమున్ బఠియింప దోషమౌ ?
ఈ కామెంట్‌ను రచయిత తీసివేశారు.
రిప్లయితొలగించండికంచికి చేరు కాకికథ కాదది సత్య జయోపదేశమే
రిప్లయితొలగించండికొంచెమసూయ లేక జతగూడిననిర్మలమానసంబుతో
వంచిన మస్తకంబునటు వ్యాసుని భక్తిగ నెంచలేకనా
పంచమవేదమై పరగు భారతమున్ బఠియింప దోషమౌ.
ఈ కామెంట్‌ను రచయిత తీసివేశారు.
రిప్లయితొలగించండిదోషము అంటే రాత్రి అనే అర్ధాన్ని చెప్పుకున్నాను, పూరణలోని ఉచితానుచితాలు పెద్దలు తెలియజెప్పాలి.
రిప్లయితొలగించండిఎంచగ వ్యాపకాన్యములవేలయ?కాలము ప్రొద్దుబుచ్చగా
నించుకలేనివాడ,దినమేవిధివర్తిలునందువేని,ధ్యా
నించెదకృష్ణునిన్, బవలునేనుభుజించియె ఉద్యమింపగాన్
పంచమ వేదమై పరగు భారతమున్ బఠియింప "దోషమౌ".
ముంచిరి తీయఁ దేనియలఁ బూజ్య కవిత్రయ మాంధ్ర సంతతిన్
రిప్లయితొలగించండిసంచిత భారతాఖ్యమను సత్కృతి యొప్పగ దివ్య సూనమై
వంచనఁ ద్రుంచ దత్సుమము వారక దూరగ నన్నయాదులన్
బంచమ వేదమై పరగు భారతమున్ బఠియింప దోషమౌ !
అంచిత వీరగాథల ననంతుని దివ్య విచార బోధనల్
రిప్లయితొలగించండికాంచగ ధర్మ సూక్ష్మముల గావ్యగుణ ప్రశస్తి నొందుచున్
మంచిని బెంచు గ్రంథమును మాటికి దప్పులు బట్టు చుందురే
కొంచెపు బుద్ధితో మెలగు కొందరు నవ్య విమర్శ కేంద్రులున్
పంచమ వేదమై పరగు భారతమున్ బఠియింప దోషమా?
-----------------
నాస్తిక వాదము:
రిప్లయితొలగించండివంచన లెన్నియో పొసగి వందల వీరుల కూల్చినట్టివౌ
సంచుల నిండు గాథలను సాగుచు పీకుచు కూర్చి చెప్పుచున్
కొంచెము గూడ శాంతియును కొండొక రీతిని నీతిలేనిదౌ
పంచమవేదమై పరగు
భారతమున్ బఠియింప దోషమౌ