26, జూన్ 2015, శుక్రవారం

పద్య రచన - 942

కవిమిత్రులారా,
పై చిత్రాన్ని పరిశీలించి తగిన పద్యము(ల)ను వ్రాయండి.

20 కామెంట్‌లు:

  1. ఎండకు వానకు గొడుగట
    నిండుగ తానీడ నిచ్చు నెయ్యపు మనమున్
    పండిన పచ్చని పైరులు
    పండుగ జేయంగ జగతి పరిపరి విధముల్

    రిప్లయితొలగించండి
  2. రాజేశ్వరి అక్కయ్యా,
    మీ పద్యం బాగున్నది. అభినందనలు.
    కాని చిత్రంలోని వ్యంగ్యాన్ని మీరు గమనించలేదనుకుంటాను. వర్షం పడుతుండగా గొడుగు పట్టుకొని చెట్లకు నీళ్ళు పెడుతున్నాడు.

    రిప్లయితొలగించండి
  3. ఎట్టి పరిస్థితినైనన్
    చెట్టుకు నీ రందఁజేయఁ జేసితి ప్రతినన్
    బిట్టుగ వానలు పడినను
    గట్టిగ నామాట నిలుపగా దొరకొంటిన్.

    రిప్లయితొలగించండి
  4. పిచ్చి వాడేమొ చూడగ నచ్చట తడు
    భూమి యంతయు వరదతో మునిగి యుండ
    పోయు చుండెను నీటిని పుష్ప పొ దకు
    నవునొ కాదోమ ఱి పరి కిం చువన జయట

    రిప్లయితొలగించండి
  5. పూలమొక్క నీట మునిగి పోయినఁగూడ
    పైపుతోడ నీరుపట్టుచుండె
    నిచ్చినట్టి పనిని ఖచ్చితమ్ముగఁ జేయ
    వలయునన్న స్థిరపు వాంఛతోడ

    రిప్లయితొలగించండి
  6. జోరున వానలు గురియగ
    నీ రీతిన గొడుగు బట్టి యీ మొక్కలకున్
    నీరమ్ము బోయు నిను గని
    నౌరా! యని లోకమంత నబ్బుర మందున్!!!

    రిప్లయితొలగించండి
  7. పోచిరాజు సుబ్బారావు గారూ,
    మీ పద్యం బాగున్నది. అభినందనలు.
    ‘పుష్పపొద’ అన్నచోట ‘పూలచెట్టు| కవునొ కాదొ...’ అనండి.
    *****
    అన్నపరెడ్డి సత్యనారాయణ రెడ్డి గారూ,
    మీ పద్యం బాగుంది. అభినందనలు.
    *****
    శైలజ గారూ,
    మీ పద్యం బాగుంది. అభినందనలు.

    రిప్లయితొలగించండి
  8. పూనిన పని వ(యొ)త్తిడిలో
    తానేమో తనను మరచి తల్లటఁ బడుచున్
    వానైనను పట్టె గొడుగుఁ
    గానివ్వగ మొక్కఁదడుపు కార్యక్రమమున్!

    రిప్లయితొలగించండి
  9. గుండా వేంకట సుబ్బ సహదేవుడు గారూ,
    మీ పద్యం బాగున్నది. అభినందనలు.
    ‘పని యొత్తిడిలో’ సరియైనది. ‘కానివ్వక’ అన్నారు. ఏమి కానివ్వక? ఆటంకమా? అది చెప్పలేదు.. నా సవరణతో మీ పద్యం...
    పూనిన పని యొత్తిడిలో
    తానేమో నీరువోసెఁ దల్లడబడుచున్
    వానైనను నాటంకము
    గానివ్వగ మొక్కఁదడుపు కార్యక్రమమున్!

    రిప్లయితొలగించండి
  10. గురుదేవులకు ధన్యవాదములు. నేను 'కానివ్వగ ' అనివ్రాశానండి. నా భావం మొక్కఁ దడుపు కార్యక్రమము పూర్తి చేయడం కోసం వానైనను గొడుగు పట్టాడు అని. మీరు సవరణగా చెప్పిన పద్యంలో 'కానివ్వక' అంటే సరిపోతుందనిపిస్తోంది. గురువుగారూ పరిశీలించ ప్రార్థన.

    రిప్లయితొలగించండి
  11. సహదేవుడు గారూ,
    నిజమే సుమా!.. నేను కానివ్వక అనే చదువుకున్నాను. ‘కానివ్వగ’ అంటే ఏ సవరణా అవసరం లేదు. ధన్యవాదాలు. (నా తొందరపాటును మన్నించండి!)

    రిప్లయితొలగించండి
  12. ఈ కామెంట్‌ను రచయిత తీసివేశారు.

    రిప్లయితొలగించండి
  13. దాచిన నీటిచుక్కలను దానముజేయగ మేఘ మాలికల్
    తోచిన రీతి దొర్లుచును తొందర యందున భూమితాపమున్
    నోచక జేయుమార్గమొక నోముగ నీరటు నిల్వలుంచినా?
    చూచియు వానలో నొకడు “చోద్యము చెట్టుకు నీరుగొట్టుటా?
    2.చినుకుల నైఖ్యతే గలసి చిందులు వేసెడి వంక ,వాగులే
    అణకువ చేత గుంటలలొ హాయిగ నుండగ?”చెట్లు,చేమలున్
    మనుగడ సాధ్య మవ్వునని మౌ నముగాతలలూపు చుండగా”?
    దినసరిచర్యగా నొకడు –త్రిప్పుచు నీటిని చల్లుటాయెగా|

    రిప్లయితొలగించండి
  14. కరముగ గురియు వానల గారణమున
    బట్టు చీడల, మందున బాపు నొకక
    రమున, ఛత్రము నితరక రమున బట్టె
    మొక్క లన్ననా తనికంత ముదమ దేమొ!

    రిప్లయితొలగించండి
  15. అవని శరీర మంతటికి నాయువునింపెడి వర్ష ధారలే
    భువన మనోహరంబునకు పుట్టుక|భుక్తికి ,శక్తికిమూల హేతువై
    కవన వనంబు,లోకులకు కామిత సిద్ధిని బంచిపెట్ట?యీ
    యువకుడు జేయుకార్యము?ప్రయోజన మందగ దిద్దు బాటులే|
    2.చినుకుల చిత్రసీమ|పరిశీలనజేయ?పవిత్ర ధామమే|
    గనపడు చెట్ల సాగుకు-సకాలము నందున వర్ష ధారలే
    మనుగడ మంత్ర మౌనుగద|”మాధవ సేవకు పూల మొక్కలే
    దినమును తీర్చి దిద్దునని దేనికొ?చెట్టుకు నీరు గొట్టేగా|

    రిప్లయితొలగించండి
  16. కె. ఈశ్వరప్ప గారూ,
    మీ పద్యాలన్నీ బాగున్నవి. అభినందనలు.
    *****
    అశ్వత్థ నారాయణ మూర్తి గారూ,
    మీ పద్యం బాగుంది. అభినందనలు.

    రిప్లయితొలగించండి
  17. మాస్టరుగారూ ! మీ ప్రతిజ్ఞా పాలన పూరణ బాగుంది..
    నేనూ మీ బాట లోనే....

    మీరేమన్నను సరియే
    మీరెను తెలివంచు నన్ను " మెచ్చిన " సరియే
    నీరును గారగ నీయను
    నీరును నే చెట్లకిడెడు నీమంబెపుడున్.

    రిప్లయితొలగించండి
  18. గోలి హనుమచ్ఛాస్త్రి గారూ,
    మీ పద్యం బాగున్నది. అభినందనలు.

    రిప్లయితొలగించండి