3, ఫిబ్రవరి 2016, బుధవారం

సమస్య – 1933 (నాచెంతకుఁ జేరినావు...)

కవిమిత్రులారా,
ఈరోజు పూరించవలసిన సమస్య ఇది...
నాచెంతకుఁ జేరినావు న్యాయమ చెలియా.
ఈ సమస్యను సూచించిన చంద్రమౌళి సూర్యనారాయణ గారికి ధన్యవాదాలు.

55 కామెంట్‌లు:

  1. ఓ చెలియా నా హృదినే
    దోచితివని చెప్పినంత దూరిన నీవే
    నాచెలిమిని యాశించుచు
    నాచెంతకు జేరినావు న్యాయమ చెలియా

    రిప్లయితొలగించు
    రిప్లయిలు
    1. ఆంజనేయ శర్మ గారూ,
      మీ పూరణ బాగున్నది. అభినందనలు.
      ‘చెలిమిని నాశించుచు’ అనండి.

      తొలగించు
  2. వేచితిని నీకొరకెదురు
    చూచితి కనులార నీదు సోకులు చూడన్
    వాచితి నాలస్యమ్ముగ
    నాచెంతకు జేరినావు న్యాయమ చెలియా

    రిప్లయితొలగించు
    రిప్లయిలు
    1. చంద్రమౌళి సూర్యనారాయణ గారూ,
      మీ పూరణ బాగున్నది. అభినందనలు.

      తొలగించు
  3. ఏచెంత నుంటి వోమరి
    నాచెంతకుఁ జేరినావు న్యాయమ చెలియా
    నీచెంత నుండు వారలు
    నీచింతన మందు మునిగి నిస్త్రాణు లగున్
    ------------------------------
    జూచితి నిన్నొకనాడని
    నాచెంతకుఁ జేరినావు న్యాయమ చెలియా
    నాచెంత నున్న సతిగని
    నీచెంపలు వాయ గొట్టు నిక్కము సుమ్మీ

    రిప్లయితొలగించు
    రిప్లయిలు
    1. రాజేశ్వరి అక్కయ్యా,
      మీ రెండు పూరణలు బాగున్నవి. అభినందనలు.

      తొలగించు
  4. ఈ కామెంట్‌ను రచయిత తీసివేశారు.

    రిప్లయితొలగించు
  5. రాచెంత కనెను కనులే
    మాచెంతకు రా యనెనుగ మానస మధురా
    నీచెంతకు తను రాగన
    నాచెంతకు జేరినావు న్యాయమ చెలియా :)

    సావేజిత
    జిలేబి

    రిప్లయితొలగించు
  6. (సారంగధరుడు చిత్రాoగితో )

    నా చినతల్లివి, కొడుకగు
    నాచెంతకు జేరినావు న్యాయమ? చెలియా
    వేచితి ననెడు నరేoద్రుడె
    నీ చంద్రుoడౌను గాదె నిజముగ జననీ !!!

    రిప్లయితొలగించు
  7. నాచెలి కానిని వలచియు
    నాచెంతకుచేరినావు న్యాయమ చెలియా
    చాచానెహ్రూపటమును
    దాచితినిట నీకుగానుదల్లీ! గొనుమా!

    రిప్లయితొలగించు
    రిప్లయిలు
    1. పోచిరాజు సుబ్బారావు గారూ,
      మీ పూరణ బాగున్నది. అభినందనలు.

      తొలగించు
  8. ఆచారవంత గృహమున
    ప్రాచార్యుని భార్యవగుచు భద్రతనుండన్
    గోచారమేల కాదనె ?
    నాచెంతకు జేరినావు న్యాయమ చెలియా ?

    రిప్లయితొలగించు
    రిప్లయిలు
    1. పొన్నెకంటి సూర్యనారాయణ రావు గారూ,
      మీ పూరణ బాగున్నది. అభినందనలు.

      తొలగించు
  9. ఆచారవంత గృహమున
    ప్రాచార్యుని భార్యవగుచు భద్రతనుండన్
    గోచారమేల కాదనె ?
    నాచెంతకు జేరినావు న్యాయమ చెలియా ?

    రిప్లయితొలగించు
  10. వేచితి నే బహు కాలము
    చూచితి పలుచోట్లు వెదకి సుందర వదనా!
    నా చివరి గతిని గాంచగ
    నాచెంతకుఁ జేరినావు న్యాయమ చెలియా!

    రిప్లయితొలగించు
    రిప్లయిలు
    1. గండూరి లక్ష్మినారాయణ గారూ,
      మీ పూరణ బాగున్నది. అభినందనలు.

      తొలగించు
  11. సమస్య నీ చింత దీర్చ నెంచగ
    నాచెంతకు జేరినావు న్యాయమచెలియా
    ఏచింత నుండదిక ని
    శ్చింతగ బ్రతుక గలము విను చింతేల ప్రియా.
    2.దాచిన ప్రేమను దోచియు
    నాచెంతకు జేరినావు న్యాయమ చెలియా
    బ్రోచెడి నీ సహనంబే
    ఆచరణా దరణ లుంచ?ఆనందంబే|

    రిప్లయితొలగించు
  12. వరూధినితో ప్రవరాఖ్యుడు....



    ఆచారపు గేస్తునయిన
    నాచెంతన జేరినావు న్యాయమ చెలియా?
    నీచేదోడు నడుగు నను
    చేచాచుట సబబు గాదు శిఖరిణి విడుమా!!!

    రిప్లయితొలగించు
  13. రాముఁడు శూర్పణఖతో....

    ఆ చెంతను తా నొంటరి
    గా నా తమ్ముండు గలఁడు కడఁగి యతనినిన్
    యాచింపక సతి గలిగిన
    నా చెంతను జేరినావు న్యాయమె చెలియా?

    రిప్లయితొలగించు
    రిప్లయిలు
    1. పూజ్యులు శంకరయ్య గారికి వందనములు. చక్కటి యితి వృత్తము తో మీ పూరణ భాసిస్తున్నది. రెండవ పాదము లో ప్రాస మరచినట్టున్నారు.

      తొలగించు
    2. కామేశ్వర రావు గారూ,
      నిజమే... ధన్యవాదాలు. సవరిస్తాను.

      తొలగించు
    3. (సవరించిన పూరణ)
      రాముఁడు శూర్పణఖతో....
      ఆ చెంతను తా నొంటరి
      యై చింతిలు లక్ష్మణుఁడు నయంబుగ నతనిన్
      యాచింపక సతి గలిగిన
      నా చెంతను జేరినావు న్యాయమె చెలియా?

      తొలగించు
  14. నీ చూపుతూపు గాయము
    నీ చెయిదము మరచిపోతి నిప్పట్టున ప్రే
    రేచగ మానిన ఘాతము
    నా చెంతకు చేరినావు న్యాయమ చెలియా

    రిప్లయితొలగించు
    రిప్లయిలు
    1. కెంబాయి తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  15. ఓ చంచరీకమా! నువు
    నా చెంతకు జేరినావు న్యాయమ చెలి, యా
    పూచిన సంపంగి పిలిచె
    నీ చెలిమిని గోరి, కాదనేవే ల సఖా.

    చెలి=స్నేహితుడు, స్నేహితురాలు, ఆడుది

    రిప్లయితొలగించు
    రిప్లయిలు
    1. ఆంజనేయ శర్మ గారూ,
      మీ పూరణ బాగున్నది. అభినందనలు.
      'నువు' అనడం దోషం. 'ఓ చంచరీకమా యిటు...' అనండి. ఇటు = ఈవిధంగా.

      తొలగించు
  16. దాచిన దాగునె మోసము
    నీచేసిన ద్రోహ మాగునే యూరక నిం
    గాచెడి వారలు లేకన
    నాచెంతకుఁ జేరినావు న్యాయమ చెలియా.

    రిప్లయితొలగించు
    రిప్లయిలు
    1. పోచిరాజు కామేశ్వరరావు గారూ,
      మీ పూరణ బాగున్నది. అభినందనలు.

      తొలగించు
  17. సర్వము కోల్పోయి వనవాసమేగు నలుడు దమయంతితో...

    సైచదు నీ దేహమ్మిది
    కాచెదరని తల్లిదండ్రి గడపమనంటున్
    వాచించిన కానలకిల
    నాచెంతకు చేరినావు న్యాయమ? చెలియా!

    రిప్లయితొలగించు
    రిప్లయిలు
    1. గుండా వేంకట సుబ్బ సహదేవుడు గారూ,
      మీ పూరణ బాగున్నది. అభినందనలు.

      తొలగించు
  18. ఈచలి చంపుచునుండగ
    నాచెలి బిగికౌగిలినిగొన హృది తపించన్
    కాచుకొనియుంటి, తడవుగ
    నాచెంతకు చేరినావు న్యాయమ చెలియా!

    రిప్లయితొలగించు
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించు
  19. వరూధిణితో ప్రవరుడు:

    ఆచారము వీడను విధి
    వైచిత్ర్యమునన్ హిమగిరి పాలైతినిలన్!
    చూచెడు సతినింటగలదు!
    నాచెంతకు చేరినావు న్యాయమ? చెలియా!

    రిప్లయితొలగించు
  20. అన్నయ్యగారూనమస్తే.నిన్నటి సమస్యను ఒకసారి చూడండి.
    నిండు కొలువులో నానాతిని యవమాన
    పరచినట్టి యా దుష్టుని పవనసుతుడు
    చంపి వానిరక్తము ద్రావె సంగరమున
    రక్తమును త్రాగువాడెఫో భక్తి పరుడు.

    నేటిపద్యము:
    నాచిన్నప్పటి సఖియవు
    ఓచెలియ నాచెంతకు చేరినావు న్యాయమ చెలియా
    దాచుచువలపును మదిలో
    వేచిన నను మోసపుచ్చ వేడుకయౌనా!

    రిప్లయితొలగించు
    రిప్లయిలు
    1. డా. బల్లూరి ఉమాదేవి గారూ,
      మీ రెండు పూరణలు బాగున్నవి. అభినందనలు.
      నిన్నటి సమస్యలో ‘నాతిని నవమాన...’ అనండి.
      నేటి సమస్యలో రెండవపాదంలో గణదోషం.‘ఓ చెలియ’ను తొలగిస్తే సరి!

      తొలగించు
  21. అన్నయ్యగారూనమస్తే.నిన్నటి సమస్యను ఒకసారి చూడండి.
    నిండు కొలువులో నానాతిని యవమాన
    పరచినట్టి యా దుష్టుని పవనసుతుడు
    చంపి వానిరక్తము ద్రావె సంగరమున
    రక్తమును త్రాగువాడెఫో భక్తి పరుడు.

    నేటిపద్యము:
    నాచిన్నప్పటి సఖియవు
    ఓచెలియ నాచెంతకు చేరినావు న్యాయమ చెలియా
    దాచుచువలపును మదిలో
    వేచిన నను మోసపుచ్చ వేడుకయౌనా!

    రిప్లయితొలగించు
  22. ఏ చింతను జేసితి వో
    నా చెంతను వీడి ''యమర నాధు '' ని గనగ
    న్నీ చలిలో , జూడగ దగు
    నా ?, చెంతకుఁ జేరినావు న్యాయమ చెలియా!

    రిప్లయితొలగించు
    రిప్లయిలు
    1. భాగవతుల కృష్ణారావు గారూ,
      విలక్షణమైన విరుపుతో మీ పూరణ బాగున్నది. అభినందనలు.

      తొలగించు
  23. రిప్లయిలు
    1. చూసి వ్యాఖ్యానించాను కదా! మీ పూరణలు రెండు సార్లు ప్రకటింపబడ్డాయి. మొదటి సారి ప్రకటించిన పూరణలపై వ్యాఖ్యానించాను.

      తొలగించు
  24. నా చెంత జానకి యుండ

    నీ చింతను దీర్పనలవి నెట్లగు జెపుమా?

    ఈ చింతలు మా నుకొనక

    నా చెంతను జేరినావు న్యాయమ చెలియా!

    అరణ్య వాసములో శ్రీరాముని మోహించి చెంత చేరిన శూర్పణఖ నుద్దేశించి

    శ్రీరాముని ప్రశ్న యిది.

    విద్వాన్ మూలె రామమునిరెడ్డి విశ్రాంత తెలుగు పండితులు ప్రొద్దుటూరు

    రిప్లయితొలగించు
    రిప్లయిలు
    1. విద్వాన్ మూలె రామముని రెడ్డి గారూ,
      మీ పూరణ బాగున్నది. అభినందనలు.
      మొదటిపాదంలో మూడవగణంగా ‘కియుండ’ అని జగణం వేశారు. ‘నా చెంత సీత యుండగ’ అందామా?

      తొలగించు

  25. * గు రు మూ ర్తి ఆ చా రి *
    ,,,,,,,,,,,,,,,,,,,,,,,,,,,,,,,,,

    { ద్రౌపది ని దుశ్శాసనుడు అవమాని౦చినపుడు మిగత నల్వురు భర్తలు
    ఊరకు౦డ గా , భీముడు ఒక్కడే ఆగ్రహ౦చెను.
    అపుడ౦దరు అనుకున్నారు = " ద్రౌపది శోకము బాప భీము డొకడే ద్రౌపది భర్త. "ి
    ి
    ………………………………………………..



    పాపము పుణ్య మ౦ చనక పయ్యెద
    నిగ్గుచు , కొప్పు నీడ్చుచున్ ,

    ద్రౌపది నోలగమ్మునకు లాగెను దుష్టుడు
    దుస్ససేను ; డే

    పాప మెరు౦గ మే ( ఏ ) మనుచు భర్తలు
    నల్వురు మౌనమూనగా ,

    నా పవమానపుత్రుడు మహాగ్రహ మొ౦ది
    తురమ్ము న౦దు మి

    మ్మే పడగి౦తు న౦చనియె | " ని౦తకు
    నాయమ. శోక మార్పగా

    ద్రౌపది కొక్కడే పతి గదా " యని చెప్పిన
    మెచ్చి రెల్లరున్

    రిప్లయితొలగించు
  26. నే చెప్పిన వినకయె నీ
    వా చింతలచెట్టు నీడ నండను గొనుచున్
    వేచిన దయ్యము దిగగా
    నాచెంతకుఁ జేరినావు న్యాయమ చెలియా :)

    రిప్లయితొలగించు


  27. నీ చెక్కిళ్ళ నిమర లే
    నే! చక్కగ కాచినావు ణిసిధాత్వర్థం
    బే చిక్కనీక రమణీ
    నా చెంతకుఁ జేరినావు న్యాయమ చెలియా !


    జిలేబి

    రిప్లయితొలగించు
  28. ఉద్ధవ్ ఠాకరే:

    "నా చింతన హిందూత్వము
    నీ చిత్తము రోమునుండు నిరతము సోనీ!
    కాచేయుచు నాదు మనము
    నాచెంతకుఁ జేరినావు న్యాయమ చెలియా!"

    రిప్లయితొలగించు


  29. కాచి దరి యట్లకాడని
    సాచి చురచురయని చూచి జ్వాలపు వేగం
    బై చరచుచున్ జిలేబీ
    నాచెంతకుఁ జేరినావు న్యాయమ చెలియా!


    నారదా!
    జిలేబి

    రిప్లయితొలగించు