24, ఫిబ్రవరి 2016, బుధవారం

సమస్య – 1954 (పగటినిద్ర బద్ధకము...)

కవిమిత్రులారా,
ఈరోజు పూరించవలసిన సమస్య ఇది...
పగటినిద్ర బద్ధకము సంపదల నొసఁగు.

28 కామెంట్‌లు:

  1. గురువు గారికి నమస్కారములు

    ఇనుప గజ్జెల తల్లినే యింపుగాను
    గౌరవించుచు పిలిచెడు కార్యమనగ
    పగటి నిద్ర బద్దకము, సంపదల నొసగు
    యుక్తి యుక్తమైన శ్రమయేనుర్వియందు

    రిప్లయితొలగించు
    రిప్లయిలు
    1. ఆంజనేయ శర్మ గారూ,
      మీ పూరణ బాగున్నది.
      'కార్యము లన' అనండి. అలాగే 'శ్రమయే యుర్వియందు' అనండి.

      తొలగించు
  2. సందె వేళల నిదురించ సబబు గాదు
    పగటి నిద్రబద్ధ కము,సంపదల నొసఁగు
    సంజ దీపము వెలిగించి సంత సముగ
    గృహిణి చిరునవ్వు లొలికించ నహర హమ్ము

    రిప్లయితొలగించు
    రిప్లయిలు
    1. రాజేశ్వరి అక్కయ్యా,
      మీ పూరణ బాగున్నది.
      'నిదురించ సబబె, వలదు | పగటినిద్ర... ' అనండి.

      తొలగించు
    2. సందె వేళల నిదురించ సబబె, వలదు
      పగటి నిద్రబద్ధ కము సంపదల నొసఁగు
      సంజ దీపము వెలిగించి సంత సముగ
      గృహిణి చిరునవ్వు లొలికించ నహర హమ్ము

      తొలగించు

  3. సరసి ! వదులుము చప్పున సంకటమగు
    పగటి నిద్రబద్ధకము!, సంపదల నొసఁగు
    తరుణి! వినవోయి సోమరి తనము వలదు
    గనుము నిదియే గదా సృష్టి గమన మనగ !

    రిప్లయితొలగించు
    రిప్లయిలు
    1. జిలేబీ గారూ,
      మీ పూరణలో 'సంపదల నొసగు' అన్న దానికి అన్వయం లేదు. '... గనుము + ఇదియే =... గను మిదియే' అవుతుంది. మీ పూరణకు నా సవరణ....
      సరసి! వదలుము చప్పున సంకటమగు
      పగటినిద్ర; బద్ధకము సంపదల నొసఁగు
      ననకు; వినవోయి సోమరితనము వలదు
      కనవె యిదియే కదా సృష్టిగమన మనఁగ.

      తొలగించు


  4. బధ్ధకమునొనగూర్చును బాల!వినుము పగటినిద్ర,బధ్ధకముసంపదలనొసగు ననుటహాస్యాస్పదమగునునరయ.సంప దలనుబోగొట్టునిజముగ నిలనుసుమ్ము

    రిప్లయితొలగించు
    రిప్లయిలు
    1. పోచిరాజు సుబ్బారావు గారూ,
      మొదటి పాదానికి అన్వయం? మీ పూరణకు నా సవరణ...
      బద్ధకము కీ డొనర్చును బాల! వినుము
      పగటినిద్ర బద్ధకము సంపదల నొసఁగు
      ననుట హాస్యాస్పదమ్మగు నరయ సర్వ
      సంపదలను బోగొట్టు నిజము జగమున.

      తొలగించు
  5. చలము నుత్సాహముం గృషి సరస మధుర
    భాషణమ్ముల నిమ్ముగ వసుధఁ బరగు
    చుండ తనదరి రానీయ కుండ నున్న
    పగటినిద్ర బద్ధకము సంపదల నొసఁగు.

    నా శతక పద్యము:
    అపరాహ్నపు తానంబులు
    విపరీతపు జాప్యములును వికటపు నిద్రా
    జపము పగలందు తగదు గ
    ద పని వదలి పోచిరాజతనయా వినుమా

    రిప్లయితొలగించు
    రిప్లయిలు
    1. పోచిరాజు కామేశ్వరరావు గారూ,
      మీ పూరణ, శతక పద్యం రెండూ బాగున్నవి. అభినందనలు.

      తొలగించు
  6. సంజ వేళన నిదురించ సమయు సిరులు
    పనికి చేటును దెచ్చుచు ప్రజకు పెంచు
    పగటి నిద్ర బద్ధకము, సంపదలనొసగు
    వేగు జామున దైవమున్ వేడు కొనిన!!!

    రిప్లయితొలగించు
  7. సూర్యకాంతి చైతన్యపు స్ఫూర్తినీయ
    ముందుకేగి కర్తవ్యము పూనినీవు
    కర్మఁ జేయుము మానవా! కదలి!! విడువఁ
    బగటి నిద్ర, బద్ధకము!, సంపదల నొసఁగు!

    రిప్లయితొలగించు
    రిప్లయిలు
    1. గుండా వేంకట సుబ్బ సహదేవుడు గారూ,
      మీ పూరణ బాగున్నది. అభినందనలు.

      తొలగించు
  8. రేయి కనులకూరుకు లేక సేయుచున్న
    కార్యభారము చే యంత్ర కార్మికులకు
    పగటి నిద్ర బద్ధకము, సంపదలనొసగు
    నేమొ. ఆరోగ్యమకట క్షీణించు గాదె

    రిప్లయితొలగించు
    రిప్లయిలు
    1. కెంబాయి తిమ్మాజీ రావు గారూ,
      మీ పూరణ బాగున్నది. అభినందనలు.

      తొలగించు
  9. కార్య దక్షత దగ్గు,వికారమంటు
    పగటినిద్ర బద్దకము|”సంపదల నొసగు
    విసుగుమానియు-విజ్ఞాన విధులయందు
    స్వార్థ చింతనవిడనాడి సాగునపుడు.”

    రిప్లయితొలగించు
  10. పనినిచెరచును మనుజుల కనవరతము
    పగటినిద్ర బద్ధకము, సంపదలనొసగు
    ప్రకృతి ననుసరించి తగిన పనుల జేయ
    తెలిసి మెలగ వలయు నట్లు తీరుగాను

    రిప్లయితొలగించు
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ పూరణ బాగున్నది. అభినందనలు.

      తొలగించు
  11. పాద ఘట్టన సోకిన ప్రాణి జచ్చు
    ప్రాణి జచ్చిన రాదకో పాప ములును
    పాపములను బడయుటేల పనుల సేసి
    పగటి నిద్రబద్దకము సంపదల నొసగు
    ననుచు చెప్పెడు మూఢుడా కను మిదియును
    సోమరితనమెపుడు నీకు క్షేమమవదు

    రిప్లయితొలగించు
  12. నిశిని జూదపానముల వివశు నకగు
    పగటినిద్ర బద్ధకము ; సంపదల నొసఁగు
    సమయపాలన సద్గోష్టి సాధనమున
    నిత్య కృత్య ములొనరించ, సత్యమిదియె

    రిప్లయితొలగించు
  13. పగటివేళలందలయక పనుల నెల్ల
    చేయుచుండ వలెను గాని వడలి పోయి
    పగటినిద్ర బద్దకము;సంపదలొసగు
    గాదె కన్నయ్య గాథలన్ గడుపు చుండ.

    పనుల యందును యాసక్తి పడిపోవు
    పగటి నిద్ర బద్దకము;సంపదలనొసగు
    పొద్దు పొడుపున చేసెడి పూజలెల్ల
    సత్ఫలితముల నొసగును సత్యమిదియె.

    రిప్లయితొలగించు
    రిప్లయిలు
    1. డా. బల్లూరి ఉమాదేవి గారూ,
      మీ రెండు పూరణలలోనూ అన్వయలోపం ఉన్నది. సవరించండి.

      తొలగించు