కన్నీటి కష్టాలు కడవలతో నింప -----నీటియెద్దడి మనము నిలుపగలమ? వర్ష బింధువులన్నివసుధయే నిలువుంచ -------ఇంకుడు గుంతల నెంచుకొనుము భూగర్భ జలములే పూర్తిగనిండిన ----జీవరాసికెపుడు జీవమగును చెట్ల పెంపక మందె చేటునుమాన్పును -----కొట్టినకష్టాలు ?కోట్లు బెరుగు| అవసరానికి నీరు నిన్నాదుకొనును ------పొడుపు జేసెడి మార్గాలు పొందుబరచు అన్నసత్యంబు నిత్యంబునాచరించ సర్వ జీవుల సౌఖ్యంబు సాకుటగును
ధారావాహిక లెన్ని చూచినను కాంతాశోకజాశ్రుల్ మహా ధారల్ యేరులు కాల్వలున్ సుజలపాతాల్ బావులున్ చెర్వు లా పారావారపు పొంగులింతియ కదా పాత్రౌచితీశూన్యమై దూరాలోకనపు ప్రసార సరణుల్ తోచున్ సదా హేయమై.
దూర దర్శనమును ధూర్త దర్శనమంచు
రిప్లయితొలగించండిదూఱు టేల నికను వారి సేవ
వారి కొరకు జనుల పాట్లనే గాంచెనో
అశ్రుధారలుమనకంద జేసె.
ఆంజనేయ శర్మ గారూ,
తొలగించండిమీ పద్యం బాగున్నది. అభినందనలు.
కడివెడు కన్నీళ్లు కురువ
రిప్లయితొలగించండికడవన బట్టితి జిలేబి కన్నుల దానా
గడగడ నిండెను కడవలు
వడివడి బట్టితి గదోయి వరుసన గూడన్ :)
జిలేబీ గారూ,
తొలగించండిమీ పద్యం బాగున్నది. అభినందనలు.
కడవ నిండగ కన్నీట కనక లక్ష్మి
రిప్లయితొలగించండినీటి కరువును దెలుపుచు మేటి గాను
వార్త జదువగ దర్శిని యార్తి నొంది
భార మైనట్టి కొలువున బ్రతుక వలదు
రాజేశ్వరి అక్కయ్యా,
తొలగించండిమీ పద్యం బాగున్నది. అభినందనలు.
పూజ్యులు శంకరయ్య గారికి వందనములు. సర్వలఘు కందము గ సవరించిన నిన్నటి పద్యము. పరిశీలించ గోర్తాను.
రిప్లయితొలగించండివిమల ధవళ తనురుచి ప్రభ
శమ సహన విజిత ధరణి వృషభవరు సఖునిన్
మమత నధర సుధఁ దనిపెను
సుమమృదునిభతను సలలిత సుహృదయ మలరన్
పోచిరాజు కామేశ్వర రావు గారూ,
తొలగించండిమీ సర్వలఘుకందం అద్భుతంగా ఉంది. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిధారా వాహిక విలసి
రిప్లయితొలగించండిద్వారిజ నయనాంబక స్రవ వారి ఘన సుధా
ధారా భరిత కలశ నివ
హారవ సంభ్రమము దెలుపు నక్షయ వారిన్
పోచిరాజు కామేశ్వర రావు గారూ,
తొలగించండిమీ దీర్ఘసమాసభరిత పద్యం ప్రశస్తంగా ఉంది. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండి
రిప్లయితొలగించండి›
ఏమిబాధలువచ్చెనోనేమొకాని దూరదర్శినియందునదుహితయొకతె దుఃఖమొందుచుగనబడెదోయజాక్షి! కారణంబునునడుగుముకలతకుమరి
పోచిరాజు సుబ్బారావు గారూ,
తొలగించండిమీ పద్యం బాగున్నది. అభినందనలు.
కంట నుండి పొంగు కన్నీటి విలువయే
రిప్లయితొలగించండిమరచి పోయిరేమొ మాధ్యమమ్ము
పంపు వెట్టి నీరు నింపుకో మనిరేమో
ఏడ్పు గొట్టు కథల నిచ్చు చుంద్రు
ఆంజనేయ శర్మ గారూ,
తొలగించండిమీ రెండవపద్యం ప్రశస్తంగా ఉంది. అభినందనలు.
కన్నా!రారా చూపెద
రిప్లయితొలగించండికన్నీరును గార్చుచుండె ఘనమగు టీవీ!
ఎన్నోకథలను జెప్పుచు
విన్నాణమునీనుచుండు విచ్చలవిడిగా.
పొన్నెకంటి సూర్యనారాయణ గారూ,
తొలగించండిమీ పద్యం చక్కగా ఉంది. అభినందనలు.
పద్య రచన
రిప్లయితొలగించండి* గు రు మూ ర్తి ఆ చా రి *
,,,,,,,,,,,,,,,,,,,,,,,,,,,,,,,,,,,
మగడు వేసరి సతి నిట్లు మ౦దలి౦చె :-
" ఏడ్పు గొట్టు సీరియలుసు ఏల చూడ. ? "
నగుచు నిడె సమాధానము నాతి యిటుల. :-
" తీరు నీటెద్ద. డామెకన్నీరు వలన "
టీ.వి. ఢామ్మనె ని౦త. షా ర్టే జి వచ్చి
,,,,,,, ,,,,,,,,,,,,,,,, , ,,,,,,,,,,,,,,,,
ి
పద్య రచన
రిప్లయితొలగించండి* గు రు మూ ర్తి ఆ చా రి *
,,,,,,,,,,,,,,,,,,,,,,,,,,,,,,,,,,,
మగడు వేసరి సతి నిట్లు మ౦దలి౦చె :-
" ఏడ్పు గొట్టు సీరియలుసు ఏల చూడ. ? "
నగుచు నిడె సమాధానము నాతి యిటుల. :-
" తీరు నీటెద్ద. డామెకన్నీరు వలన "
టీ.వి. ఢామ్మనె ని౦త. షా ర్టే జి వచ్చి
,,,,,,, ,,,,,,,,,,,,,,,, , ,,,,,,,,,,,,,,,,
ి
గురుమూర్తి ఆచార గారూ,
తొలగించండిమీ పద్యం బాగున్నది.
‘సీరియలుసు+ఏల’ అన్నపుడు సంధి నిత్యం. విసంధిగా వ్రాయరాదు కదా! ‘సీరియలుల నేల చూడ’ అందామా?
ఈ కామెంట్‌ను రచయిత తీసివేశారు.
రిప్లయితొలగించండినీరే జీవాధారము!
తొలగించండికూరిమితో 'దూరదర్శి' కుడువగ నశ్రుల్!!
ధారాపాతమ్ముగ!!! నది
నేరమగున్నొక కుళాయినిడి గొనకున్నన్!!!!
గుండా వేంకట సుబ్బ సహదేవుడు గారూ,
తొలగించండిమీ పద్యం బాగున్నది. అభినందనలు.
కన్నీటి కష్టాలు కడవలతో నింప
రిప్లయితొలగించండి-----నీటియెద్దడి మనము నిలుపగలమ?
వర్ష బింధువులన్నివసుధయే నిలువుంచ
-------ఇంకుడు గుంతల నెంచుకొనుము
భూగర్భ జలములే పూర్తిగనిండిన
----జీవరాసికెపుడు జీవమగును
చెట్ల పెంపక మందె చేటునుమాన్పును
-----కొట్టినకష్టాలు ?కోట్లు బెరుగు|
అవసరానికి నీరు నిన్నాదుకొనును
------పొడుపు జేసెడి మార్గాలు పొందుబరచు
అన్నసత్యంబు నిత్యంబునాచరించ
సర్వ జీవుల సౌఖ్యంబు సాకుటగును
కె. ఈశ్వరప్ప గారూ,
తొలగించండిమీ పద్యం బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిధారావాహికలను గని
రిప్లయితొలగించండిధారగ కన్నీరు గార్చి దడియుచు టీవీ
నీరేదయినను నీరే
తీరుగ మరి వాడుడనుచు తెలుపుడి జేసెన్!!!
శైలజ గారూ,
తొలగించండిమీ పద్యం బాగున్నది. అభినందనలు.
నీటి పొదుపులేక నిలువవుబ్రతుకులు
రిప్లయితొలగించండి-----ముందుచూపు మనకు ముఖ్యమనగ
ఇల్లంటు కొనుచుండ-ఇస్మాయిలందున
------బీడి నంటించెడి వాడివిధము
శివరంజనీ రాగ వివరణ బాడగ?
-----కన్నీటి దారలే కార్చటివి|
వచ్చిన నీటిని- నచ్చినరీతిగా
-------పట్టెడి మార్గాన బట్టుకొనుట|
కలికి కన్నీరు గార్చిన కరుగు సుఖము
అన్నసామెత మనయందునున్నఫలమ?
గాలి,నీరు,తిండి దరుగ?కలిమిబలిమి
నిలచునా?నీరుపొదుపున నిలవలుంచు.
కె. ఈశ్వరప్ప గారూ,
తొలగించండిమీ రెండవ పద్యం బాగున్నది. అభినందనలు.
మొన్నటి శుక్లాంబరధర శ్లోకమునకు పద్యం !
రిప్లయితొలగించండిశ్వేతాంబరధర ! నాలుగు
చేతులు గలదొర ! శుభకర ! చేకూర్చుము సం
ప్రీతిని శశివర్ణ ! నమో
వ్రాతము విఘ్నోపశమన ! వారిజ నయనా !!!
మంద పీతాంబర్ గారూ,
తొలగించండిమీ పద్యం బాగున్నది. అభినందనలు.
ధారావాహిక లెన్ని చూచినను కాంతాశోకజాశ్రుల్ మహా
రిప్లయితొలగించండిధారల్ యేరులు కాల్వలున్ సుజలపాతాల్ బావులున్ చెర్వు లా
పారావారపు పొంగులింతియ కదా పాత్రౌచితీశూన్యమై
దూరాలోకనపు ప్రసార సరణుల్ తోచున్ సదా హేయమై.
మిస్సన్న గారూ,
తొలగించండిమీ రామేశ్వర యాత్ర శుభంగా చేసికొన్నందుకు అభినందనలు.
మీ పద్యం బాగున్నది.
‘ధారల్+ఏరులు’ అన్నపుడు యడాగమం రాదు. ‘ధారల్ కాల్వలు నేరులున్ సుజల...’ అనండి. ‘దూరాలోకనపు ప్రసార’ అన్నచోట గణదోషం. ‘ప్ర’తో ‘పు’ గురువు కాదు. దూరాలోకనపుం బ్రసార...’ అందామా?
గురువుగారూ మీ అభినందనలకు, తప్పుల సవరణలకు ధన్యవాదాలు.
తొలగించండినీరే దొరకదుయిక క
రిప్లయితొలగించండిన్నీరే గతియనుచు జెప్పు నీరజముఖి యే
దారావాహికగన సమ
కూరును దగినంత నీరు కూయుము తల్లీ !!!
మంద పీతాంబర్ గారూ,
తొలగించండిమీ పద్యం బాగున్నది.
‘దొరుకదు+ఇక’ అన్నపుడు యడాగమం రాదు. ‘దొరకదులే క|న్నీరే...’ అందామా?
నిన్నటి పద్యాలనోసారి చూడండి అన్నయ్యగారూ.
రిప్లయితొలగించండితలరాతను నిందించుచు
తలపుల లోనమునిగి కలతను చెందన్ యా
తలనొప్పి యధిక మగుచును
తలతిరుగుడు మొదలగు వనితామణికిన్.
తలవాకిట నిలబడి నీ
తలపుల ఝరిలో మునుగుచు దారిన్ చూడన్
తలకున్ మీరిన వెతలిట
తలపున్ తబ్బిబ్బు చేసి తల్లడ పరచున్.
నిన్నటి పద్యాలనోసారి చూడండి అన్నయ్యగారూ.
రిప్లయితొలగించండితలరాతను నిందించుచు
తలపుల లోనమునిగి కలతను చెందన్ యా
తలనొప్పి యధిక మగుచును
తలతిరుగుడు మొదలగు వనితామణికిన్.
తలవాకిట నిలబడి నీ
తలపుల ఝరిలో మునుగుచు దారిన్ చూడన్
తలకున్ మీరిన వెతలిట
తలపున్ తబ్బిబ్బు చేసి తల్లడ పరచున్.
డా. బల్లూరి ఉమాదేవి గారూ,
తొలగించండిమీ రెండు పద్యాలు బాగున్నవి.
మొదటి పద్యంలో ‘కలతను చెందగ నా...’ అనండి. ‘చెందన్+ఆ’ అన్నపుడు యడాగమం రాదు.