రామనవమికి పుట్టిన - రామ కృష్ణ రామనవమికే పుట్టిన - రామసీత రామమూర్తికి పిల్లలు - రమ్యగుణులు ! రామునకు సీత సోదరి - గోములొలుకు ! _______________________________ ( రామునకు గోములొలుకు సీత సోదరి )
తిరిగి వచ్చిన రాముని స్వాగతిస్తూ భర్తతో గూడి మాండవి :
04) _______________________________
నళిన నేత్ర నిన్ను - కొలిచెద మిక మీద నగరి లోనికి దయ - నడువు మనుచు నమతు లిడెను రాము - నకు సీత సోదరి నగరి వెలుపల తన - నాథు గూడి ! _______________________________
కవిమిత్రులకు నమస్కృతులు. ఈనాటి ఛందోగోపన సమస్యకు మంచి స్పందన లభించింది. ఎంతో ఆనందంగా ఉంది. ఇప్పటికి వచ్చిన 16 పూరణలలో 6 తేటగీతులు, 7 కందాలు, 3 ఆటవెలదు లున్నాయి. అందరికీ ధన్యవాదాలు. * పండిత నేమాని వారూ, మీ పద్యం నాకు ఆనందాన్నీ, ఆత్మస్థైర్యాన్నీ కలిగించింది. ధన్యవాదాలు. మీ రెండు పూరణలూ వైవిధ్యంగా ఉత్తమంగా ఉన్నాయి. అభినందనలు. * ఫణి ప్రసన్న కుమార్ గారూ, మీ పూరణ బాగుంది. అభినందనలు. * గుండు మధుసూదన్ గారూ, మీ పూరణ ప్రశస్తంగా ఉంది. అభినందనలు. * సుబ్బారావు గారూ, బాగుంది మీ పూరణ. అభినందనలు. మొదటి పాదంలో గణదోషం. "జనకుని జ్యేష్ఠ" అన్నప్పుడు "ని" గురువు కాదుకదా. "జనకనృపు జ్యేష్ఠ" అందాం. * వసంత కిశోర్ గారూ, గన్నవరపు వారు మీకు ప్రత్యేక శుభాకాంక్షలు పంపారు. అందుకున్నారా? మీ ఐదు పూరణలూ వైవిధ్యంగా బాగున్నాయి. అభినందనలు. * చంద్రశేఖర్ గారూ, మీ పూరణ బాగుంది. అభినందనలు. * గండూరి లక్ష్మినారాయణ గారూ, బాగుంది మీ పూరణ. అభినందనలు. * నాగరాజు రవీందర్ గారూ, మీ క్రమాలంకార పూరణ బాగుంది. అభినందనలు. మూడవ పాదంలో యతిదోషం ఉంది. "చుప్పనాతి రాక్షసి దెట్టి చుట్టఱికము?" అంటే సరి! * గోలి హనుమచ్ఛాస్త్రి గారూ, మీ పూరణ బాగుంది. అభినందనలు. * రాజేశ్వరి అక్కయ్యా, బాగుంది మీ పూరణ. అభినందనలు. రెండవ పాదంలో గణదోషం. `యవీయసులు"..?
అయ్యా! శ్రీ నాగరాజు రవీందర్ గారూ! శుభాశీస్సులు. మీ పద్యము 3వ పాదములో ప్రాస యతి వలన దోషము లేదు. శ్రీ శంకరయ్య గారే సమముగా దోషమును చూపించ లేదు. అసలు దోషము వేరు -- చుప్పనాతి రాక్షసెవరు చెప్పుటకును అనే పాదములో రాక్షసి + ఎవరు = రాక్షసెవరు అని సంధి చేయరాదు. యడాగమము చేసి రాక్షసి యెవరు అనాలి. అందుచేత శ్రీ శంకరయ్య గారు సూచించిన మార్పు బాగున్నది. స్వస్తి.
మా చిన్న ప్రయత్నము:
రిప్లయితొలగించండిరామునకు సీత సోదరి సోమవదన
ఊర్మిళా మహిళామణి యుల్లమందు
పరమ పూరుషుడనెడు భావమ్ము మెరయ
భక్తితో నొనరించెను వందనములు
శుభమస్తని దీవించుచు
రిప్లయితొలగించండినభినందన గూర్తు శంకరయ్య! హితైషీ!
ఇభచర్మధారి శంకరు
డభయమ్మిడి మిమ్ము బ్రోచు ననవరతమ్మున్
పతిని యెడబాసె పదునాల్గు వత్సరములు
రిప్లయితొలగించండిపిదప పతిగాంచెనూర్మిళ పదములంటె
అవనిసుత గూడి యరుదెంచు హరిని జూచి
రామునకు సీతసోదరి నమతులిడెను.
రామాంకిత రాజ్యమ్మును
రిప్లయితొలగించండిరామయ్యనె యేలుమంచు బ్రతిమాలుచు నా
రామునకు సీత సోదరి
యౌ మాండవి భరతసహితయై ప్రణతులిడెన్.
జనకుని జ్యేష్ఠ కొమరిత జాయ యగును
రిప్లయితొలగించండిరామునకు సీ త, సోదరి రమ్య వనిత
రమ్య పేరున నొప్పిన రామ యామె
సకల సుగుణాల రాశియు సద్వ నిత యు .
తనరు నర్ధాంగి యగుచు రామునకు సీత
రిప్లయితొలగించండిసోదరిగ నూర్మిళకు, నట్లె సుతగ జనక
భూపతికి, నామె శ్రీదేవి పుష్కరాక్షి
భూమిపై నవతరించిన భువనమాత
అందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
ఊర్మిళ :
01)
_______________________________
రామునకు , సీత సోదరి
రామానుజు డైనయట్టి - లక్ష్మణు సతియే
రామామణియౌ యూర్మిళ !
రాముని సేవించు భక్తి - లక్ష్మణు తోడన్ !
_______________________________
శ్రీరామ భక్తుడిడె సీ
రిప్లయితొలగించండితారాముల నామములను తనబిడ్డలకా
శ్రీరాముని తలఁపుగ నా
తీరుగ రామునకు సీత సోదరి యయ్యెన్.
రావణుని జంపి సతితో
రిప్లయితొలగించండిరాఘవు డరుదెంచె రామ రాజ్యమయోధ్యా
రామునకు, సీత సోదరి
కోమలి ఊ ర్మిళ యొసంగె కోరి నివాళుల్ .
రావణుని జంపి సతితో
రిప్లయితొలగించండిరాఘవు డరుదెంచె రామ రాజ్యమయోధ్యా
రామునకు, సీత సోదరి
కోమలి ఊ ర్మిళ యొసంగె కోరి నివాళుల్ .
ఈ కామెంట్‌ను రచయిత తీసివేశారు.
రిప్లయితొలగించండిమాండవి :
రిప్లయితొలగించండి02)
_______________________________
రావణాసురు జంపిన - రఘుకులేంద్ర
రమణి మా సీతతో గూడి - రమ్యమలర
రాజ్యభారము వహియించు - పూజ్యచరిత
రక్షకుడ వీవె మాకింక - రాజు వనుచు
రామునకు , సీత సోదరి - రమ్య,సుగుణ
రామ, పతితోడ గూడి, ప్ర - ణామ మిడెను !
_______________________________
రామ - స్త్రీ(మాండవి)
వెఱచి సుగ్రీవు డెవరికి శరణు జొచ్చె ?
రిప్లయితొలగించండితొలుత నాగటి చాలున దొరికె నెవరు ?
చుప్పనాతి రాక్ష సెవరు చెప్పుటకును ?
రామునకు, సీత, సోదరి - రావణునకు.
చంద్రశేఖరులవారి స్ఫూర్తితో :
రిప్లయితొలగించండి03)
_______________________________
రామనవమికి పుట్టిన - రామ కృష్ణ
రామనవమికే పుట్టిన - రామసీత
రామమూర్తికి పిల్లలు - రమ్యగుణులు !
రామునకు సీత సోదరి - గోములొలుకు !
_______________________________
( రామునకు గోములొలుకు సీత సోదరి )
ఈ కామెంట్‌ను రచయిత తీసివేశారు.
రిప్లయితొలగించండితిరిగి వచ్చిన రాముని స్వాగతిస్తూ భర్తతో గూడి మాండవి :
రిప్లయితొలగించండి04)
_______________________________
నళిన నేత్ర నిన్ను - కొలిచెద మిక మీద
నగరి లోనికి దయ - నడువు మనుచు
నమతు లిడెను రాము - నకు సీత సోదరి
నగరి వెలుపల తన - నాథు గూడి !
_______________________________
రిప్లయితొలగించండిరామునకు సీత సోదరి
ప్రేమగ నొక తోడు జూచి పెండ్లిని చేసెన్
సోమున కిల్లరికమనుచు
తామంతయు నుండెనొక్క దరి వేడుకగా.
నంది గ్రామంలో రాముని స్వాగతిస్తూ భర్తతో గూడి మాండవి :
రిప్లయితొలగించండి05)
_______________________________
నల్లనయ్య ! రార ! - నళినాక్ష ! రావయ్య !
నరుల బ్రోవ , మరల - నయము గలుగ
ననుచు ప్రణతి ,రాము - నకు సీత సోదరి
నంది గ్రామమునను - నగుచు జేసె !
_______________________________
నందిగ్రామంలో "ది" గురువౌతుందా ? ఐతే
రిప్లయితొలగించండి*****
నంది గ్రామంలో రాముని స్వాగతిస్తూ భర్తతో గూడి మాండవి :
05అ)
_______________________________
నల్లనయ్య ! రార ! - నళినాక్ష ! రావయ్య !
నరుల బ్రోవ , మరల - నయము గలుగ
ననుచు ప్రణతి ,రాము - నకు సీత సోదరి
నాథు గూడి మిగుల - నగుచు జేసె !
_______________________________
రామునకు సీత సోదరి
రిప్లయితొలగించండియా మాండవి యవీయసులు నమస్కృతి జేయన్ !
మేమెటుల బ్రతుక గలమిక
రాముడు లేనట్టి కరణి రాజ్యము నందున్ !
కవిమిత్రులకు నమస్కృతులు.
రిప్లయితొలగించండిఈనాటి ఛందోగోపన సమస్యకు మంచి స్పందన లభించింది. ఎంతో ఆనందంగా ఉంది.
ఇప్పటికి వచ్చిన 16 పూరణలలో 6 తేటగీతులు, 7 కందాలు, 3 ఆటవెలదు లున్నాయి. అందరికీ ధన్యవాదాలు.
*
పండిత నేమాని వారూ,
మీ పద్యం నాకు ఆనందాన్నీ, ఆత్మస్థైర్యాన్నీ కలిగించింది. ధన్యవాదాలు.
మీ రెండు పూరణలూ వైవిధ్యంగా ఉత్తమంగా ఉన్నాయి. అభినందనలు.
*
ఫణి ప్రసన్న కుమార్ గారూ,
మీ పూరణ బాగుంది. అభినందనలు.
*
గుండు మధుసూదన్ గారూ,
మీ పూరణ ప్రశస్తంగా ఉంది. అభినందనలు.
*
సుబ్బారావు గారూ,
బాగుంది మీ పూరణ. అభినందనలు.
మొదటి పాదంలో గణదోషం. "జనకుని జ్యేష్ఠ" అన్నప్పుడు "ని" గురువు కాదుకదా. "జనకనృపు జ్యేష్ఠ" అందాం.
*
వసంత కిశోర్ గారూ,
గన్నవరపు వారు మీకు ప్రత్యేక శుభాకాంక్షలు పంపారు. అందుకున్నారా?
మీ ఐదు పూరణలూ వైవిధ్యంగా బాగున్నాయి. అభినందనలు.
*
చంద్రశేఖర్ గారూ,
మీ పూరణ బాగుంది. అభినందనలు.
*
గండూరి లక్ష్మినారాయణ గారూ,
బాగుంది మీ పూరణ. అభినందనలు.
*
నాగరాజు రవీందర్ గారూ,
మీ క్రమాలంకార పూరణ బాగుంది. అభినందనలు.
మూడవ పాదంలో యతిదోషం ఉంది. "చుప్పనాతి రాక్షసి దెట్టి చుట్టఱికము?" అంటే సరి!
*
గోలి హనుమచ్ఛాస్త్రి గారూ,
మీ పూరణ బాగుంది. అభినందనలు.
*
రాజేశ్వరి అక్కయ్యా,
బాగుంది మీ పూరణ. అభినందనలు.
రెండవ పాదంలో గణదోషం. `యవీయసులు"..?
గురువు గారూ ! నేను తీసుకున్నది ప్రాస యతి - చుప్ప..... చెప్పు. తప్పంటారా ?!
రిప్లయితొలగించండిశ్రీమదపర్ణా హృదయా
రిప్లయితొలగించండిరామునకును సోమునకు సురక్షిత బహు సు
త్రామునకు సీత సోదరి
రామా! సుగుణాభిరామ! రవికుల సోమా!
అయ్యా! శ్రీ నాగరాజు రవీందర్ గారూ!
రిప్లయితొలగించండిశుభాశీస్సులు.
మీ పద్యము 3వ పాదములో ప్రాస యతి వలన దోషము లేదు. శ్రీ శంకరయ్య గారే సమముగా దోషమును చూపించ లేదు. అసలు దోషము వేరు --
చుప్పనాతి రాక్షసెవరు చెప్పుటకును అనే పాదములో రాక్షసి + ఎవరు = రాక్షసెవరు అని సంధి చేయరాదు. యడాగమము చేసి రాక్షసి యెవరు అనాలి. అందుచేత శ్రీ శంకరయ్య గారు సూచించిన మార్పు బాగున్నది. స్వస్తి.
శంకరార్యా ! ధన్యవాదములు.
రిప్లయితొలగించండిశ్రీ పండిత నేమాని గారికి... మీ పూరణ
శ్రీమదపర్ణా హృదయారామునకును సోమునకు...
చాలా బాగుంది..