శంకరాభరణం: సమస్యా పూరణం

14, ఆగస్టు 2010, శనివారం

సమస్యా పూరణం - 66

కవి మిత్రులారా,
ఈ రోజు పూరించ వలసిన సమస్య ఇది ............

పసులఁ గొల్చి ముక్తిఁ బడయుమయ్య!

వారాంతపు సమస్యా పూరణం - ౪ ( ఈ రోజు చివరి రోజు )

మాంసాహారమె శ్రేష్ఠమైన దనుచున్ మాన్యుండయెన్ విప్రుఁడే.

13 కామెంట్‌లు:

రవి చెప్పారు...: పిన్న వాఁడ నీవుఁ యన్నుల మిన్నవు
క్రూర రక్కసులను పోరు సల్పి
జంపి వైచి మఖము సలుపెఁడు గొప్ప తా
పసులఁ గొల్చి ముక్తిఁ బడయుమయ్య!; శనివారం, ఆగస్టు 14, 2010 3:14:00 PM
chinna చెప్పారు...: srishti loni ea jeeviki nyunyata ledani
elugetti chate mana sanskriti .yogyatha nanusarinchi;
paamu,nandi,kaalabhairava,mooshikambu,gajaaswambulu ,kesarityaadi pasula golchi mukthi badayumayya!; శనివారం, ఆగస్టు 14, 2010 5:18:00 PM
కంది శంకరయ్య చెప్పారు...: చిన్నా గారూ,
శంకరాభరణం బ్లాగు మీకు స్వాగతం పలుకుతోంది. మీరు గద్యరూపంలో వెలిబుచ్చిన భావానికి పద్యరూపం ఇచ్చే ప్రయత్నం చేస్తాను. వీలైతే రేపు ఉదయం పోస్ట్ చేస్తాను. ధన్యవాదాలు.; శనివారం, ఆగస్టు 14, 2010 7:47:00 PM
కంది శంకరయ్య చెప్పారు...: రవి గారూ,
మంచి సందర్భంతో పూరణ చేసారు. అభినందనలు.
నాకు తెలిసినంత వరకు "అన్నులమిన్న" శబ్దాన్ని స్త్రీ పరంగా వాడతారు. మీ పద్యంలో మొదటి పాదాన్ని
"పిన్నవాడ ననక వీరత్వముం జూపి" అని సవరిస్తే ఎలా ఉంటుంది?; శనివారం, ఆగస్టు 14, 2010 7:55:00 PM
రాజేశ్వరి నేదునూరి చెప్పారు...: మంచి యన్న నేమి మానవత్వ మొకింత
యెంచి చూడ జనుల కాంచ లేము.
కంచె చేను మేయ వంచకుల పూజించి
పసుల గొల్చి ముక్తి బడయు మయ్య; ఆదివారం, ఆగస్టు 15, 2010 2:14:00 AM
కంది శంకరయ్య చెప్పారు...: నేదునూరి రాజేశ్వరి గారూ,
పద్యం బాగుంది. అభినందనలుల్. మూడవ పాదంలో "వంచకుల పూజించి" అన్నచోట గణదోషం, విపరీతార్థం ఉన్నాయి. దానిని "వంచకుల త్యజించి" అంటే బాగుంటుందేమో!; ఆదివారం, ఆగస్టు 15, 2010 6:07:00 AM
రాజేశ్వరి నేదునూరి చెప్పారు...: dhanya vaadamulu + august 15 SubhA kaamkshalu; ఆదివారం, ఆగస్టు 15, 2010 8:13:00 AM
కంది శంకరయ్య చెప్పారు...: చిన్నా గారి వ్యాఖ్యకు పద్యరూపం ......
సృష్టిలోని యెట్టి జీవికి న్యూనతఁ
గనని సంస్కృతి గల ఘనత మనది
పాము, నంది, కాలభైరవాశ్వాదుల
పసులఁ గొల్చి ముక్తిఁ బడయుమయ్య!; ఆదివారం, ఆగస్టు 15, 2010 9:17:00 AM
కంది శంకరయ్య చెప్పారు...: నా పూరణ ......
ఈతిబాధ లంది యెటులొ యీ సంసార
జీవనమ్ముఁ గడిపి తీవు; జ్ఞాన
ధనులు, నీతిబోధ ఘనముగాఁ జేయు తా
పసులఁ గొల్చి ముక్తిఁ బడయుమయ్య!; ఆదివారం, ఆగస్టు 15, 2010 9:18:00 AM
గోలి హనుమచ్చాస్త్రి చెప్పారు...: ఆల మందలన్న నవి దేశ భాగ్యమ్ము
గోవు తల్లి వలెను గొప్ప గాదె !
మురళి లోలు డధిక ముచ్చట గాగాచు
పసులఁ గొల్చి ముక్తిఁ బడయుమయ్య !!; ఆదివారం, జులై 24, 2011 2:01:00 PM
కంది శంకరయ్య చెప్పారు...: గోలి హనుమచ్ఛాస్త్రి గారూ,
మీ పూరణ అద్భుతంగా ఉంది. అభినందనలు; ఆదివారం, జులై 24, 2011 3:03:00 PM
గోలి హనుమచ్చాస్త్రి చెప్పారు...: శంకరార్యా ! ధన్యవాదములు.; ఆదివారం, జులై 24, 2011 3:41:00 PM
సంపత్ కుమార్ శాస్త్రి చెప్పారు...: నిరత తపము చేత, నిశ్చల భక్తితో,
ధ్యానమందు, నిత్య యాగమందు,
పరమపురుష నామ పఠనంబుజేయు తా
పసుల గొల్చి ముక్తి బడయుమయ్య.; శుక్రవారం, నవంబర్ 25, 2011 11:23:00 PM

కామెంట్‌ను పోస్ట్ చేయండి