శరణం శ్రీ సుబ్రహ్మణ్యం!
(ఈరోజు సుబ్రహ్మణ్యషష్ఠి. ఈ సందర్భంగా నే నెప్పుడో వ్రాసిన పాట)
శరణు శరణు శరణం మురుగా!
శరణం శ్రీ బాలమురుగా!
వరమిచ్చే దైవం నీవని - మేము
చేరినాము స్వామీ నీదరి || శరణు ||
పళనిమలై మందిరమందు
వెలసిన ఓ కుమార స్వామీ!
శరవణభవ! సుబ్రహ్మణ్యం!
శరణం నీ దివ్యచరణం
నీ నామగానం మధురము - మాకు
నీ పాదసేవే శుభకరం || శరణు ||
నెమలి నెక్కి తిరిగే స్వామివి
వల్లీ దేవసేనా పతివి
తారకుని చంపిన దేవా!
దయ చూపి కావగ రావా
పాలాభిషేకం చేయగా - నీకు
తెచ్చినాము పాలకావడీ || శరణు ||
ఉమామహేశ్వర సుతుడవు నీవు
గణపతి అయ్యప్పల కన్నవు
వీరబాహు మిత్రుడి వంట
ఆరుకొండల కధిపతి వంట
నమ్మినాము నిన్నే షణ్ముఖా! - మురుగా!
మమ్ము బ్రోవ రావా వేగమే || శరణు ||
చాలా బాగుందండీ... ఇంకా సుబ్రహ్మణ్య స్వామి వారి పాటలు/పద్యాలు అందించగలరు.
రిప్లయితొలగించండి