గురువుగారికి, పెద్దలందరికీ నమస్కారం. తన మాట కాదన్నాడన్న కోపంతో తమ్ముడు విభీషణుడిని రావణాసురుడు ఇంట్లోంచి తరిమివేయడంవల్లనే అతడు రాముడి శరణుకోరి, లంక గుట్టు చెప్పి అన్న చావుకు కారణమయ్యాడు. ఒక రకంగా రావణాసురుడే తన మరణ రహస్యం చెప్పి సులువుగా సం హరించబడ్డాడు కనక పరోక్షంగా తానే రాముడిని రక్షంచాడు అన్న భావనతో పూరించాను. భావం తప్పైనా, పద్యం లో తప్పులున్నా క్షమించి తెలియచేయవలసినదిగా కోరుతున్నాను. తే.గీ:
గురుమూర్తి ఆచారి గారూ, మీ పూరణ బాగున్నది. అభినందనలు. గుండా వారి అభ్యంతరం కూడా ఆలోచింపదగినదే... ***** సహదేవుడు గారూ, మీ అభ్యంతరం సహేతుకమే. కాని సమస్యాపూరణాల్లో మరీ అంత లోతుగా లాజిక్కులకోసం వెదకాలా?
గుండా వేంకట సుబ్బ సహదేవుడు గారు నమస్కారములు. మీకు వచ్చిన సందేహానికి నివృత్తికై వ్రాస్తున్నాను. మేఘనాధుని నాగాస్త్రానికి బద్ధులైన రామ లక్ష్మణులను గరుత్మంతుడు వచ్చి నాగ బంధన విముక్తి చేసి కాపాడుతాడు. అప్పుడు రాముడన్న మాటలు:
తదుపరి మేఘనాధుని బ్రహ్మవర ప్రసాద మహిమ తో శరవర్ష జాలానికి పీడితులై మూర్ఛపోయిన రామ లక్ష్మణులను వానర సైన్యాన్ని సంజీవని మొదలైన మూలికలతో ఉన్న పర్వతాన్ని తెచ్చి ఆ మూలికల వాసనకి రామ లక్ష్మణులతో సహ వానర వీరులు తేరుకోవటానికి కారణమవుతాడు. ఈ విధముగా వైనతేయుడు, మారుతాత్మజుడు రాముణ్ణి రక్షించినటులే కదా.
సత్య ధర్మము వీడని నిత్య వ్రతుడు
రిప్లయితొలగించండిరామ చంద్రుని రక్షించు ,రావ ణుండు
లంక నిండిన యసురుల సంక టములు
వాన రమ్ముల బారిన బడయు నంట
రాజేశ్వరి అక్కయ్యా,
తొలగించండిమీ ప్రయత్నం ప్రశంసనీయం. కాని పద్యంలో అన్వయలోపం ఉంది.
సత్య ధర్మము వీడని నిత్య వ్రతుడు
తొలగించండిరామ చంద్రుని రక్షించు ,రావ ణుండు
పరమ పావని సీతను బట్టి దెచ్చె
పాప మేరీతి పండునో భగవ దేచ్చ
గురువుగారికి నమస్సుమాంజలులు....ఈరోజు సమస్య చాలా సమస్యగానే వుంది తప్పో ఒప్పో మరి దయతో చూసి సరిచేయగలరని విన్నపం
రిప్లయితొలగించండివిజ్ఞతగల మండోదరి వేడె నిటుల
రామచంద్రుని! రక్షించు, రావణుండు
దానవగుణ సంపన్నుడు, ధర్మ మనక
ఉర్వి తనయను చెరపట్టె గర్వమందు
కరుణ జూపించి పతిభిక్ష వరము నొసగు
ఆంజనేయ శర్మ గారూ,
తొలగించండిమీ పూరణ (నిస్సందేహంగా) బాగుంది. అభినందనలు.
రమణి సీతమ్మ ధ్యానించు రామ స్మరణ
రిప్లయితొలగించండిరామచంద్రుని రక్షించు, రావణుండ
మిత శివునిభక్తు డవనేమి? హతము గాక
తప్పదికను జానకి శోక తప్తమందు.
ఆంజనేయ శర్మ గారూ,
తొలగించండిమీ రెండవ పూరణ బాగున్నది. అభినందనలు.
పడతి జానకి భర్తగా బడిసె నెవని
రిప్లయితొలగించండిపరమ పురుషుని శరణన్న ఫలితమేమి?
అపహ రించిన దెవరంట యవని సుతను
రామచంద్రుని రక్షించు రావణుండు.
ఆంజనేయ శర్మ గారూ,
తొలగించండిక్రమాలంకారంలో మీ మూడవ పూరణ బాగున్నది. అభినందనలు.
అశోకవనిలో రాక్షస స్త్రీలు సీతతో...
రిప్లయితొలగించండిశోకమును బాపి నిన్ను యశోకవనిని
మార్చి చేరుచుగా తన మందిరమున
మాదుమాటలవిని సీత ! మరువ నిపుడు
రామచంద్రుని, రక్షించు రావణుండు.
గోలి హనుమచ్ఛాస్త్రి గారూ,
తొలగించండిమీ పూరణ బాగున్నది. అభినందనలు.
తండ్రి యా జ్ఞను బాటించు తనయు డగుట
రిప్లయితొలగించండిరామచంద్రుని రక్షించు, రావణుం డు
పరమ శివుని నా రాధించు భక్త వరుడు
వేయి శివలింగ ములకుదా జేయు బూజ
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
కూడ దీసుకు ప్రాణముల్ వేడుకొనుచు
రిప్లయితొలగించండిరామచంద్రుని , రక్షించు, రావణుండు
సీత నెత్తుకు బోయెను, శీఘ్రముగను
బోయి కాపాడు మానీదు జాయననుచు
కేలుమోడ్చి జటాయువు కూలి పోయె!!!
శైలజ గారూ,
తొలగించండిమీ పూరణ బాగున్నది. అభినందనలు.
దూషణ ఖరాసురులు మునిదుఃఖకరులు
రిప్లయితొలగించండిదండకారణ్య రాక్షసాధము లనిశము
వారి, భావినిహతులు కోపానలము న
రామచంద్రుని, రక్షించు రావణుండు.
పోచిరాజు కామేశ్వర రావు గారూ,
తొలగించండిమీ పూరణ బాగున్నది. అభినందనలు.
నాదు మాయల నెదురాడ నరుల వశమె
రిప్లయితొలగించండిలక్షణమ్ముగ లక్ష్మణా! రణము వీడి
శరణుజొచ్చిన మాతండ్రి సంతసించి
ప్రాణభిక్షను బెట్టుచు నాణెముగను
రామచంద్రుని రక్షించు రావణుండు
యనుచు రావణి బల్కెను నహము మీర!!!
రావణి = ఇంద్రజిత్తు
శైలజ గారూ,
తొలగించండిమీ రెండవపూరణ బాగున్నది. అభినందనలు.
‘రావణుండు+అనుచు’ అన్నప్పుడు యడాగమం రాదు. ‘రావణుం డ|టంచు రావణి...’ అనండి.
గురువుగారికి, పెద్దలందరికీ నమస్కారం. తన మాట కాదన్నాడన్న కోపంతో తమ్ముడు విభీషణుడిని రావణాసురుడు ఇంట్లోంచి తరిమివేయడంవల్లనే అతడు రాముడి శరణుకోరి, లంక గుట్టు చెప్పి అన్న చావుకు కారణమయ్యాడు. ఒక రకంగా రావణాసురుడే తన మరణ రహస్యం చెప్పి సులువుగా సం హరించబడ్డాడు కనక పరోక్షంగా తానే రాముడిని రక్షంచాడు అన్న భావనతో పూరించాను. భావం తప్పైనా, పద్యం లో తప్పులున్నా క్షమించి తెలియచేయవలసినదిగా కోరుతున్నాను.
రిప్లయితొలగించండితే.గీ:
తన్నుకాదనుతమ్మునితరుమ,నతడు
కోశ లీశుని కినుడివె కోట కిటుకు
తెలియకుండనె పరునికి తెలిపి గుట్టు
రామచంద్రునిరక్షించురావణుండు
వేదుల సుభద్ర గారూ,
తొలగించండిమీ పూరణ బాగున్నది. అభినందనలు.
‘కోసలేశుని’ అనండి.
ధన్యవాదాలు గురువుగారు. సవరిస్తాను
తొలగించండిసర్వ శక్తిమంతుడనని గర్వ పడుచు
రిప్లయితొలగించండివాయు దేవుని గమనంపు వరుస మార్చు!
వెన్నెలన్ గోర తలవంచి వెలుఁగ, రామ!
రామ! చంద్రుని రక్షించు రావణుండు!
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
శత్రువన్నచొ భయమేగ-శాంతమేది?
రిప్లయితొలగించండిభయమునశియించు శత్రువే బ్రతుకకున్న
రామచంద్రుని రక్షించె|” రావణుండు
అసువుబాయగ రాముని కభయమేగ|
2.కామ,-క్రోదాది మొహాలుకలువగానె
అహము నధికార దర్పంబు యశముగాదు
అట్టి హృదయంబు రామునికంటనీక
కీర్తి నిల్పెను| రావణ స్పూర్తిజచ్చి
రామచంద్రుని రక్షించె రావణుండు
నాటిఆదర్శభావాలుచాటునట్లు.
కె. ఈశ్వరప్ప గారూ,
తొలగించండిమీ రెండు పూరణలు బాగున్నవి. అభినందనలు.
రావణు సతి తా కోరెను రఘుకులేశు
రిప్లయితొలగించండిరామచంద్రుని,రక్షించు.రావణుండు
భూసుతనుదెచ్చి తప్పిదమునిట జేసి
నాడు మన్నించు రామ,నా నాథు నిచట.
డా. బల్లూరి ఉమాదేవి గారూ,
తొలగించండిమీ పూరణ బాగున్నది. అభినందనలు.
రిప్లయితొలగించండి* గు రు మూ ర్తి ఆ చా రి *
,,,,,,,,,,,,,,,,,,,,,,,,,,,,,,
పలికె నిట్లు మహేశుడు పార్వతి గని
" ఈశ్వరా౦శ స౦భూతు డనశ్వర మహి
మాన్వితు౦డైన. యా మారుతాత్మజు౦డు
రామచ౦ద్రుని రక్షి౦చు | రావణు౦డు
చచ్చు | లక్ష్మీస్వరూపిణిన్ జనకసుతను
వా౦ఛిలిన కూళ యి౦కను బ్రతుక గలడె ? "
శ్రీరామచంద్రమూర్తి భక్తుని రక్షించడం సరియైనమాట.
తొలగించండిమారుతి ఆయన ఆదేశమును పాటించే బంటు.
ఆలోచించండి.
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
గుండా వారి అభ్యంతరం కూడా ఆలోచింపదగినదే...
*****
సహదేవుడు గారూ,
మీ అభ్యంతరం సహేతుకమే. కాని సమస్యాపూరణాల్లో మరీ అంత లోతుగా లాజిక్కులకోసం వెదకాలా?
అన్నింటికీ అంత లోతుగా వెదుకనే వెదకను. గురువుగారూ! శ్రీరామచంద్రమూర్తిని తక్కువ చేసే మాటవినలేక అలా స్పందించాను.మన్నించండి.
తొలగించండిఈ కామెంట్‌ను రచయిత తీసివేశారు.
తొలగించండిగుండా వేంకట సుబ్బ సహదేవుడు గారు నమస్కారములు. మీకు వచ్చిన సందేహానికి నివృత్తికై వ్రాస్తున్నాను.
తొలగించండిమేఘనాధుని నాగాస్త్రానికి బద్ధులైన రామ లక్ష్మణులను గరుత్మంతుడు వచ్చి నాగ బంధన విముక్తి చేసి కాపాడుతాడు.
అప్పుడు రాముడన్న మాటలు:
భవత్ప్రసాదాద్వ్యసనం రావణిప్రభవంమహత్
ఆవాహమివ వ్యతిక్రాంతౌ పూర్వవద్బలినౌకృతౌ వా.రా. 6.50.42
తదుపరి మేఘనాధుని బ్రహ్మవర ప్రసాద మహిమ తో శరవర్ష జాలానికి పీడితులై మూర్ఛపోయిన రామ లక్ష్మణులను వానర సైన్యాన్ని సంజీవని మొదలైన మూలికలతో ఉన్న పర్వతాన్ని తెచ్చి ఆ మూలికల వాసనకి రామ లక్ష్మణులతో సహ వానర వీరులు తేరుకోవటానికి కారణమవుతాడు.
ఈ విధముగా వైనతేయుడు, మారుతాత్మజుడు రాముణ్ణి రక్షించినటులే కదా.
విషయాన్ని తెలియపరచిన పోచిరాజు వారలకు ధన్యవాదములు.
తొలగించండివిషయాన్ని తెలియపరచిన పోచిరాజు వారలకు ధన్యవాదములు.
తొలగించండిఅన్నింటికీ అంత లోతుగా వెదుకనే వెదకను. గురువుగారూ! శ్రీరామచంద్రమూర్తిని తక్కువ చేసే మాటవినలేక అలా స్పందించాను.మన్నించండి.
తొలగించండిభవత్ప్రసాదాద్వ్యసనం రావణిప్రభవంమహత్
తొలగించండిఆవామిహ వ్యతిక్రాంతౌ పూర్వవద్బలినౌకృతౌ వా.రా. 6.50.42
జూచి వానర మూకను గాచు నరుని
రిప్లయితొలగించండిరామచంద్రుని, రక్షించు రావణుండు
లంక వాసుల ; రక్కసులనిరి నగుచు
మర్కటము లేమి చేయును మనల నిచట
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిమిత్రులందఱకు నమస్సులు!
రిప్లయితొలగించండితనదు ఘనశాపమునకును దగిన త్వరిత
మైన యవధికై యట యుద్ధమను నెపమునఁ
దననుఁ గూల్చుటకునుఁ దానె ధారిక నిడి
రామచంద్రుని రక్షించె రావణుండు!
(ధారిక=ముహూర్తము)
గుండు మధుసూదన్ గారూ,
తొలగించండిమీ పూరణ బాగున్నది. అభినందనలు.
పవనసుతు డెవ్వని భజించు భక్తితోడ?
రిప్లయితొలగించండినిచ్ఛతో వేడ రఘురాము డే మి చేయు ?
రాముతో నని చేసిన రాయడెవరు?
రామచంద్రుని, రక్షించు, రావణుండు.
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
ధర్మమును రక్షసేయగ ధర్మమెపుదు
రిప్లయితొలగించండిరక్ష సేయుననెడి సూక్తి ప్రథ వహించి
రామచంద్రుని రక్షించు.రావణుండు
ధర్మహానిని గావించి జచ్చె గాదె
ధర్మమును రక్షసేయగ ధర్మమెపుదు
రిప్లయితొలగించండిరక్ష సేయుననెడి సూక్తి ప్రథ వహించి
రామచంద్రుని రక్షించు.రావణుండు
ధర్మహానిని గావించి జచ్చె గాదె
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
తొలగించండికంది వారు కూడా రాముల వారి మీద పడ్డారూ :)
రామా నీ తరమా నిను మేము మరువ :)
జిలేబి