ఆంజనేయ శర్మ గారూ, మీ పూరణ బాగున్నది. అభినందనలు. వంటచెఱుకు అమ్మడానికే కదా పట్టణానికి వచ్చింది... వేసారి చివరి కింధనము నమ్మి అనడంలో ఔచిత్యం లోపించినట్లుంది. ‘వీధులన్ని తిరిగి బేరమ్ములాడి యిం|ధనము నమ్మి...’ అంటే బాగుంటుందేమో?
రెండు పూరణలూ బాగున్నాయండి, మీ ఇంధనం పూరణ చూసి , నేను లంచం అంశం గా పూరిద్దామని, పద్యం పట్టుకొని వచ్చే లోపు, ఆ పద్యం కూడా మీరే ప్రచురించేశారు :) "వంట చెఱుకు గాను పట్టమున" వద్ద టైపాటు దొరలింది చూడండి
గురువుగారికి, పెద్దలకు నమస్కారం. కరణేషు మంత్రి యైన ఇల్లాలు కష్టాలు కలకాలముండవు అని భర్తకు ధైర్యము చెప్తూ, చెప్పిన సలహామేరకు ఆమె స్త్రీధనమునమ్మి ధనము తెచ్చాడు అనే భావన లో రాశాను. స్రీ ధన ప్రయోగము కుదరలేదు నాకు, అందుకని ఆలి ధనము అని రాశాను. భావము, పద్యము సరిగా ఉన్నాయా లేదా ని పరిశీలించి తెలుపగలరు. ధన్యవాదాలు.
ధన్యవాదాలు గురువుగారు. ముందు మంచి అనే రాసుకుని ఆ తర్వాత మార్చాను. సవరించిన పద్యమిదిగో. చిక్కులుండవుకద చిరకాలమనుచును మగువచెప్పెనపుడుమంచిహితము కరణమునకుమంత్రికలికికోరంగస్త్రీ ధనమునమ్మిధనముదారకొసగె!
కామేశ్వర రావు గారూ, సుభద్ర గారి పాదం “మగువచెప్పెనపుడుమేటిహితము”. ఇందులో మ-మే అని యతిదోషం. దానిని తొలగించడానికి “మగువ చెప్పె నపుడు మంచిహితము” అన్నాను. ‘మంచిహితము’ అనడం దోషం కాదు. పూర్వపదం ఆచ్ఛికం, ఉత్తరపదం తత్సమం ఉండవచ్చు. మంచికార్యము, గొప్పదైవము... ఇలా. పూర్వపదం సంస్కృతం, ఉత్తరపదం తెలుగు ఉండరాదు.
గోలి హనుమచ్ఛాస్త్రి గారూ, కూతురు కూలితోపాటు తన కూలిని భార్య కిచ్చాడన్న మీ పూరణ బాగున్నది. అభినందనలు. మా మేనకోడలు పేరు అమల. ఇంట్లో ‘అమ్మి’ అని పిలుస్తారు.
కానల తిరుగాడి కాష్టముల్ సాధించి
రిప్లయితొలగించండివంట చెఱుకు గాను పట్టమున
వీధు లన్ని దిరిగి వేసారి చివరకిం
ధనము నమ్మి ధనము దార కొసఁగె .
ఆంజనేయ శర్మ గారూ,
తొలగించండిమీ పూరణ బాగున్నది. అభినందనలు.
వంటచెఱుకు అమ్మడానికే కదా పట్టణానికి వచ్చింది... వేసారి చివరి కింధనము నమ్మి అనడంలో ఔచిత్యం లోపించినట్లుంది. ‘వీధులన్ని తిరిగి బేరమ్ములాడి యిం|ధనము నమ్మి...’ అంటే బాగుంటుందేమో?
గురువు గారికి ధన్యవాదములు.......మీ సూచన ప్రకారము సవరించిన పద్యము......
తొలగించండిగురువుగారికి ప్రణామములు
కానల తిరుగాడి కాష్టముల్ సాధించి
వంట చెరుకు గాను పట్టణమున
వీధు లన్నిదిరిగి బేరమ్ము లాడి యిం
ధనము నమ్మి ధనము దార కొసగె
లంచ మెరుగ నట్టి మంచివాడిని భార్య
రిప్లయితొలగించండిపట్టు చీర కొరకు బట్టు బట్టె
వేగ లేక కడకు వృత్తి ధర్మమనెడు
ధనము నమ్మి ధనము దార కొసఁగె.
రెండు పూరణలూ బాగున్నాయండి, మీ ఇంధనం పూరణ చూసి , నేను లంచం అంశం గా పూరిద్దామని, పద్యం పట్టుకొని వచ్చే లోపు, ఆ పద్యం కూడా మీరే ప్రచురించేశారు :)
తొలగించండి"వంట చెఱుకు గాను పట్టమున" వద్ద టైపాటు దొరలింది చూడండి
ఆంజనేయ శర్మ గారూ,
తొలగించండిమీ రెండవ పూరణ బాగున్నది. అభినందనలు.
ఊకదంపుడు గారికి నమస్కారములు....
తొలగించండిధన్యవాదములు.....
కోర ననుదినమ్ము క్రొంగొత్త కోర్కులు
రిప్లయితొలగించండిదీర్చలేక యింటఁ దృప్తి లేక
ఆర్జ నొకటె ధ్యేయమై కటా! తన మాన
ధనము నమ్మి ధనము దార కొసఁగె
ఊకదంపుడు గారూ,
తొలగించండిమీ పూరణ బాగున్నది. అభినందనలు.
ఆధు నికపు మోజు లవుసరా నికిమిన్న
రిప్లయితొలగించండితీర్చ లేని భర్త దిక్కు లేక
మీస మందు నొక్క కేశమ్ము యభిమాన
ధనము నమ్మి ధనము దార కొసఁగె
క్షమించాలి " కేశమ్ము నభిమాన " అని ఉండాలి
రిప్లయితొలగించండిరాజేశ్వరి అక్కయ్యా,
తొలగించండిమీ పూరణ బాగున్నది. అభినందనలు.
‘అవసరానికి’ అనండి.
ఆధు నికపు మోజు నవసరా నికిమిన్న
తొలగించండితీర్చ లేని భర్త దిక్కు లేక
మీస మందు నొక్క కేశమ్ము నభిమాన
ధనము నమ్మి ధనము దార కొసఁగె
కట్టుకున్న సతికిఁ గన్నవారలకెల్లఁ
రిప్లయితొలగించండిగూడుఁ బెట్ట లేని కొలువుఁ గనక
తగని దనుచుఁ దెలిసి తప్పక నంతర్ద
ధనము నమ్మి ధనము దారకొసగె!
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
గురుదేవులకు ధన్యవాదములు. సవరించిన పూరణ:
తొలగించండికట్టుకున్న సతికిఁ గన్నవారలకెల్లఁ
గూడుఁ బెట్ట లేని కొలువు గనుక
తగని దనుచుఁ దెలిసి తప్పక నంతర్ద
ధనము నమ్మి ధనము దారకొసగె!
ఈ కామెంట్‌ను రచయిత తీసివేశారు.
రిప్లయితొలగించండిగురువుగారికి, పెద్దలకు నమస్కారం. కరణేషు మంత్రి యైన ఇల్లాలు కష్టాలు కలకాలముండవు అని భర్తకు ధైర్యము చెప్తూ, చెప్పిన సలహామేరకు ఆమె స్త్రీధనమునమ్మి ధనము తెచ్చాడు అనే భావన లో రాశాను. స్రీ ధన ప్రయోగము కుదరలేదు నాకు, అందుకని ఆలి ధనము అని రాశాను. భావము, పద్యము సరిగా ఉన్నాయా లేదా ని పరిశీలించి తెలుపగలరు. ధన్యవాదాలు.
రిప్లయితొలగించండిచిక్కులుండవుకద చిరకాలమనుచును
మగువచెప్పెనపుడుమేటిహితము
కరణమునకుమంత్రి,కలికికోర్కెనయాలి
ధనమునమ్మిధనముదారకొసగె!
వేదుల సుభద్ర గారూ,
తొలగించండిమీ పూరణ బాగున్నది. అభినందనలు.
రెండవపాదంలో యతి తప్పింది. ‘మగువ చెప్పె నపుడు మహితహితము/ మంచి హితము’ అనండి. ‘కలికి కోరంగ స్త్రీ|ధనము...’ అంటే బాగుంటుందేమో?
ధన్యవాదాలు గురువుగారు. ముందు మంచి అనే రాసుకుని ఆ తర్వాత మార్చాను. సవరించిన పద్యమిదిగో.
తొలగించండిచిక్కులుండవుకద చిరకాలమనుచును
మగువచెప్పెనపుడుమంచిహితము
కరణమునకుమంత్రికలికికోరంగస్త్రీ
ధనమునమ్మిధనముదారకొసగె!
ఈ కామెంట్‌ను రచయిత తీసివేశారు.
తొలగించండిపూజ్యులు శంకరయ్య గారికి వందనములు. హితము కరణము సమాసమయినపుడు “హితకరణము” అవుతుందికద.
తొలగించండిమంచి హితము కూడ సరికాదేమో కద. మంచి (దేశ్యము), హితము(సం. సమము) విశేషణము కద. నా సంశయము తీర్పగోర్తాను.
కామేశ్వర రావు గారూ,
తొలగించండిసుభద్ర గారి పాదం “మగువచెప్పెనపుడుమేటిహితము”. ఇందులో మ-మే అని యతిదోషం. దానిని తొలగించడానికి “మగువ చెప్పె నపుడు మంచిహితము” అన్నాను. ‘మంచిహితము’ అనడం దోషం కాదు. పూర్వపదం ఆచ్ఛికం, ఉత్తరపదం తత్సమం ఉండవచ్చు. మంచికార్యము, గొప్పదైవము... ఇలా. పూర్వపదం సంస్కృతం, ఉత్తరపదం తెలుగు ఉండరాదు.
పూజ్యులు శంకరయ్య గారికి వందనములు. ధన్యవాదములు. హితకరణము కూడ నివృత్తి చేయ గోర్తాను.
తొలగించండికరము, కరణము లకు అర్థభేదం ఉంది. హితకరము సరియైన ప్రయోగం. హితకరణము అంటే అర్థం మారుతుంది.
తొలగించండిపూజ్యులు శంకరయ్య గారికి వందనములు. ధన్యవాదములు. అప్పుడు “హితపు కరణము” అని అర్థమా?
తొలగించండిదయచేసి ఒకసారి ‘ఆంధ్రభారతి’లో కరము, కరణము అర్థాలను పరిశీలించండి.
తొలగించండిపూజ్యులు శంకరయ్య గారికి వందనములు. ధన్యవాదములు.
తొలగించండిపట్టణమ్ములోని ప్రఖ్యాతమైనట్టి
రిప్లయితొలగించండిబడినిఁ జేర్చె సుతుని బడుగురైతు;
రుసుముఁ గట్టఁ జేత రూకలు లేక గో
ధనము నమ్మి ధనము దార కొసఁగె.
పనులు దొరుకకున్న వడ్రండి యొక్కఁడు
తొలగించండిసంతు తిండి లేక వంతఁ జెంద
వారి కడుపు నింప వలెనంచు వృత్తిసా
ధనము నమ్మి ధనము దార కొసఁగె.
కట్టుకున్న సతికిఁ గన్నవారలకెల్లఁ
రిప్లయితొలగించండిగూడుఁ బెట్ట లేని కొలువుఁ గనక
తగని దనుచుఁ దెలిసి తప్పక నంతర్ద
ధనము నమ్మి ధనము దారకొసగె!
‘కొలువు గనుక’ అనండి. అర్ధానుస్వారం అక్కరలేదు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిగురువుగారికి నమస్కారాలు. నిన్నటి సమస్యకు నా పూరణ. ఆలస్యంగా పూరించడంవల్ల ఇక్కడ ప్రచురిస్తున్నాను. తప్పులుంటే తెలుపగలరు.
రిప్లయితొలగించండిజీవితంబునందు చేదు, మధురమైన
సన్నివేషములవి చాలయుండు
తీపి చేదునొక్క తీరుగా గణియింప
చేఁదు తీయ నగుచు క్షేమ మొసఁగు
రవికాంత్ మల్లప్ప గారూ,
తొలగించండిమీ పూరణ బాగున్నది. అభినందనలు.
రెండవపాదాన్ని ‘సన్నివేశములవి చాల నుండు’ అనండి.
దన్యవాదాలు. సవరించాను.
తొలగించండిజీవితంబునందు చేదు, మధురమైన
సన్నివేశములవి చాలనుండు
తీపి చేదునొక్క తీరుగా గణియింప
చేఁదు తీయ నగుచు క్షేమ మొసఁగు
దన్యవాదాలు. సవరించాను.
తొలగించండిజీవితంబునందు చేదు, మధురమైన
సన్నివేశములవి చాలనుండు
తీపి చేదునొక్క తీరుగా గణియింప
చేఁదు తీయ నగుచు క్షేమ మొసఁగు
క్షణము క్షణము ధనమె ఘనమంచు ప్రేమించె
రిప్లయితొలగించండిమనము నందు నదియె వ్రణము జేసె
గుణము గల్గ నొక్క ధనవంతుడే ప్రాణ
ధనము నమ్మి ధనము దార కొసఁగె.
శశికాంత్ మల్లప్ప గారూ,
తొలగించండిమీ పూరణ బాగున్నది. అభినందనలు.
'అమ్మి' తనదు సుతయె నాతడు కూలీయె
రిప్లయితొలగించండిపంట చేనుకేగె ప్రత్తికోయ
కూడుకొరకు తనదు కూలి సంపాదన
ధనము 'నమ్మి ధనము' దారకొసగె.
గోలి హనుమచ్ఛాస్త్రి గారూ,
తొలగించండికూతురు కూలితోపాటు తన కూలిని భార్య కిచ్చాడన్న మీ పూరణ బాగున్నది. అభినందనలు.
మా మేనకోడలు పేరు అమల. ఇంట్లో ‘అమ్మి’ అని పిలుస్తారు.
మాస్టరుగారూ ! ధన్యవాదములు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండికె. ఈశ్వరప్ప గారూ,
తొలగించండిమీ మూడు పూరణలు బాగున్నవి. అభినందనలు.
మొదటిపూరణలో ‘దార కొసగె నేల’, ‘అర్ధనారి యయ్యు’ అనండి. రెండవపూరణలో ‘ధనము+ఇంధన’ మన్నపుడు యడాగమం రాదు. ‘ధనమె యింధన’ మనండి. మూడవపూరణలో ‘అందును+అన్న’ అని విసంధిగా వ్రాయరాదు. ‘...యిల్లాలికే యందు| నన్న...’ అనండి.
వేద వేద్యుడైన విఖ్యాత పండితు
రిప్లయితొలగించండినాదరించ బోక చీదరించ
గోవుదానమొంది కుములుచునంత గో
ధనము నమ్మి ధనము దార కొసఁగె.
కొండ కోనలందు కొట్టిన కట్టెలు
పట్టణమ్ము నందు పట్టిపట్టి
పొట్ట కొఱకు తనకు గిట్టినధరకు యిం
ధనము నమ్మి ధనము దార కొసఁగె.
భాగవతుల కృష్ణారావు గారూ,
తొలగించండిమీ రెండు పూరణలు బాగున్నవి. అభినందనలు.
ఇనకులాబ్ధి సోము డీ హరిశ్చంద్రుడు
రిప్లయితొలగించండిసత్య వచన బద్ద సత్పురుషుడు
స్వార్జిత పితృ దత్త సకలోర్వి గృహ పశు
ధనము నమ్మి ధనము దార కొసఁగె.
[ధనమును+ అమ్మి = ధనము నమ్మి; దారకు = దానమునకు]
ఇనకులాబ్ధి సోము డీ హరిశ్చంద్రుడు
తొలగించండిసత్య వచన బద్ద సత్పురుషుడు
స్వార్జిత పితృ దత్త సకలోర్వి గృహ దార
ధనము నమ్మి ధనము దార కొసఁగె.
ఈ కామెంట్‌ను రచయిత తీసివేశారు.
తొలగించండిపూజ్యులు శంకరయ్య గారికి వందనములు. నాకు స్ఫురించిన యీ సమస్యను పరిశీలించ గోర్తాను.
తొలగించండి“విజయుండామీనభేదవిఫలుండయ్యెన్”
పోచిరాజు కామేశ్వర రావు గారూ,
తొలగించండిమీ పూరణ బాగున్నది. అభినందనలు.
మీరు పంపిన సమస్య బాగుంది. పరిశీలించి బ్లాగులో ప్రకటిస్తాను. ధన్యవాదాలు.
దార,సుతులు, గలుగు తన పూర్వ కృతమున
రిప్లయితొలగించండివారి ఋనము దీర్చ వలయు గనుక
ధర్మయుతములైన కర్మలచే పుణ్య
ధనము నమ్మి,ధనము దార కొసగె
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
కట్నమిడక బిడ్డ కళ్యాణ మొనరించ
రిప్లయితొలగించండిభర్త దలచె గాని భార్య వినని
కారణమ్ముచేత కడకు తప్పక మూల
ధనము నమ్మి ధనము దార కొసఁగె.
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
సమస్య
రిప్లయితొలగించండి* గు రు మూ ర్తి ఆ చా రి *
,,,,,,,,,,,,,,,,,,,,,,,,,,,,
పట్టు వస్త్రములను , స్వర్ణభూషణములన్
కోర గానె --- నొక్క చోర వరుడు
ధ న ము నమ్మి - ధనము దార కొసగె | దొర
సాని యయ్యె దొ౦గ వాని భార్య. ! !
{ ధ న ము నమ్మి = దోచు కొని తెచ్చిన
సొమ్ము నమ్మి వేసి }
.......................................................... ి
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
ఆలి మిత్రురాలు యాపదలో నుండ
రిప్లయితొలగించండిఆదుకొనగ దలచి యతివ వేడ
స్వీకరించ మనుచు చెలితోడ స్నేహభం
ధనము నమ్మి ధనము దార కొసగె.
2.పట్టు కోక వలయు ప్రాణనాథ యటంచు
పడతి చెంత చేరి పతిని కోర
అప్పు చేసి యొసగె నాపతి యభిమాన
ధనము నమ్మి ధనము దార కొసగె.
డా. బల్లూరి ఉమాదేవి గారూ,
తొలగించండిమీ రెండు పూరణలు బాగున్నవి. అభినందనలు.
‘మిత్రురాలు+ఆపదలో’ అన్నప్పుడు యడాగమం రాదు. ‘ఆలి యనుగుచెలియ యాపదలో’ అందామా?
మనకు లోటు లేదు మానినీ నీ చిన్ని
రిప్లయితొలగించండికోర్కె తీర్చగలను కొనెద నగను
రమ్ము వేగ మనెను రంగ డుద్యోగ బం
ధనము నమ్మి ధనము దార కొసఁగె.
మిస్సన్న గారూ,
తొలగించండిమీ పూరణ బాగున్నది. అభినందనలు.
చీరెను కొన మంచు శ్రీమతి కోరగా
రిప్లయితొలగించండిపెళ్లిరోజు నాడుప్రీతితోడ
వంట కోసము పతి వనము న గొనిన యిం
ధనము నమ్మి ధనము దార కోస గె
అన్నపరెడ్డి సత్యనారాయణ రెడ్డి గారూ,
తొలగించండిమీ పూరణ బాగున్నది. అభినందనలు.
కన్న వారి కతడు కడుపు నిండుగ గూడు
రిప్లయితొలగించండిపెట్టలేక తనదు కొట్టమందు
గున్న వోలెయుండుగోమాతదూడను
ధనమునమ్మి ధనముదారకొసగె
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
‘గున్నవోలె నుండు’ అనండి.
నిన్నటి పూరణ:
రిప్లయితొలగించండిమంచి యుపశమనముమాపతి నగరంపు
పసరు నిడగ పక్షవాతమునకు
శిబిరమందు నను సుశిక్షతులీయగ
చేఁదు తీయనగుచు క్షేమమొసఁగు
మీ పూరణ బాగున్నది. అభినందనలు.
తొలగించండిఈ కామెంట్‌ను రచయిత తీసివేశారు.
రిప్లయితొలగించండిమిత్రులందఱకు నమస్సులు!
రిప్లయితొలగించండి(ప్రభువులిడిన పసదనమునుంగొని యాశ్రమమున కేఁగిన తాపసి, యర్థార్థియై యొకఁడు దారా సహితుఁడై రాఁగఁ, దన తపోధనమును నమ్ముకొని, ప్రభువులిచ్చిన ధనమంతటిని యతని దార కొసఁగిన సందర్భము)
తపసి ప్రభువు లిడిన ధనమంతయునుఁ గొని
యాశ్రమమున కేఁగ, నర్థితులయి
ధవుఁడు దార రాఁగఁ, దడుమక, తన తపో
ధనము "నమ్మి", ధనము దార కొసఁగె!
గుండు మధుసూదన్ గారూ,
తొలగించండిమీ పూరణ వైవిధ్యంగా ఉంది. అభినందనలు.
మొన్నటి పూరణ:
రిప్లయితొలగించండియమబంటువోలె సర్పము
కమనీయముగ శలభమ్ము గాంచినటునిటుల్
సమయముఁగని తప్పించుకు
పామును, తినగోరి కప్ప బారెడు సాగెన్!
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
గౌరవీయులగు గురువర్యులకుసవరణ పద్యము వందనములతోపంపుచున్నాను
రిప్లయితొలగించండి18.12.15.ధనమునమ్మి|ధనము దారకొసగెనేల?
వంశ వృద్ధి బరచు వనిత యనుచు,
అర్ధనారి యయ్యు నాయుష్యు బెంచెడి
శక్తి,యుక్తి యున్న సాధ్వి గాన
2.ధన మధాందులకది దర్జాలు బంచును
ధనము| దానధర్మ దయనుదలచి
ధనమునమ్మిధనము దారకొసగెనట
ధనమెయింధనమగు మనకటంచు.
3.ధనమునమ్మి .ధనముదార కొసగెను వే
దనము మాన్పు పాడితగ్గకున్న
ఇంటి ఖర్చులన్నియిల్లాలికేయందు
అన్నభావమందె నాథుడొసగె. {ధనము=గోధనము}