గురువుగారికీ, పెద్దలకు నమస్కారం. నాకు వచ్చిన రీతిలో రెండు పూరణలు చేశాను. ఎంతో కష్టమైన షన్మతసారమును ఈషన్మాత్రమున నేర్చిన షణ్ముఖుడనే చిన్నవాడు సంవత్సరమంటే మాత్రం ఆరునెలలే అని తప్పుగా అనుకున్నాడు అని. అలాగే షాణ్మాతురుడైన కుమారస్వామి ఎంతో సులువుగా షణ్మతములను నేర్చుకున్నాడు కాని తప్పుగా సంవత్సరమంటే ఆరునెలలే అనుకున్నాడు అని. భావం తప్పయినా, పద్యంలో తప్పులున్నా మన్నించి సవరణలు తెలియచేయగలరు. ధన్యవాదలు. కం:
గుండు మధుసూదన్ గారు బహుకాల దర్శనము. నమస్కారములు. నన్నయ భట్టారకుని భారతములో ఆది పర్వము చతుర్థాశ్వాసము లో 37 వ పద్యమును గమనించండి. రెండవ పాదములోని “నిన్నుఁ దొట్టి” లో సహజ సరళమైన “దొ” వెనుకనున్నట్టి యరసున్న. పరిశీలించి మీ యభిప్రాయము తెలుప గోర్తాను. ముద్రణా దోషము కాక పోవచ్చునని భావిస్తాను. [దొట్టి= తో, కూడా అనే యర్థమే యన్వయమవుతుంది. తొట్టి = 1. నోరు వెడల్పును, అడుగు సన్నమునైన గంపవంటి మట్టి పాత్రము; 2. పసులు నీళ్లుత్రాగుట లోనగువాని కుపయుక్తముగ ఱాతితో కట్టిన కట్టడము; 3. కొప్పెర. అన్వయమవదు కద.]
కామేశ్వర రావు గారూ, ‘నిన్నుఁ దొట్టి’ లోని అర్ధానుస్వారం ముద్రణాదోషమని నేను నమ్ముతున్నాను. ప్రస్తుతం నా దగ్గర మహాభారతం ప్రతులు లేవు. వాటిని గుండు మధుసూదన్ గారికే ఇచ్చాను. గత సంవత్సరం తిరుమల తిరుపతి దేవస్థానం వారి భారత సంపుటులను నేనే వారికి తెచ్చి ఇచ్చాను. వారి సమాధానం కోసం ఎదురుచూద్దాం.
కామేశ్వర రావు గారూ, నిశిత పరిశీలన చేయకుండా ‘ముద్రణాదోషం’ అన్నందుకు మన్నించండి. గుండు మధుసూదన్ గారి సమాధానం చూచిన తర్వాత ‘ఆంధ్రభారతి’ని సంప్రదిస్తే తెలిసిన విషయాలివి. ‘తొట్టి’ అనేది తొట్టు అనే అకర్మక క్రియాపదానికి క్త్వార్థకరూపం. కొట్టు > కొట్టి వలె. తొట్టు శబ్దానికి అకర్మక క్రియగా ‘స్పృశించు, అవలంబించు, మొదలుకొను’ అనే అర్థాలిచ్చి మొదలుకొను అనే అర్థానికి ఉదాహరణగా “క. వనకేళీ కౌతుకమునఁ, జనియెను శర్మిష్ఠఁ దొట్టి సఖులెల్ల ముదం, బునఁ గొలిచిరాఁగ. (భార. ఆది. ౩, ఆ.) ఇచ్చి ‘ఈ యర్థమునకు క్త్వార్థమునందే ప్రయోగము’ అని కూడ చెప్పింది. మార్గదర్శకులైన గుండు మధుసూదన్ గారికి ధన్యవాదాలు.
సాహితీ సంబంధమైన చర్చల వలన రచనా మార్గము సుగమమగును! నిశిత పరిశీలనము వలన ప్రయోగ పటిమ పటిష్టమగును! ఇది కవులకు, రచయితలకుఁ జాల యవసరము! ఇట్టి పరిశీలనా మార్గముం ద్రొక్కుటకు మార్గదర్శకులు శంకరయ్యగారు, మీరే కదా!
ఈ ’తొట్టి’ శబ్దమునకు మరిన్ని ప్రయోగములు కలవు... తొట్టి = మొదలు చేసికొను, మొదలుకొను (ఈ యర్థమున నిది "తొట్టి" అను క్త్వార్థక రూపముతోనే యుండును.) చం. హిమకరుఁ దొట్టిపూరు భరతేశ కురు ప్రభు పాండుభూపతుల్, క్రమమున వంశకర్తలనఁగా మహి నొప్పిన యస్మదీయ వం,శమున.... భార. ఆది.1.14. ఉ. కావలివారిఁ దొట్టి పురిఁ గల్గు జనంబులలోన గాఢ ని,ద్రా వివశత్వమొందని విధంబున వాఁడొకరుండు లేఁడు..... హరి.పూ.5.117. చం.సురపతిఁ దొట్టి దేవతలు శుంభ నిశుంభ ముఖోగ్ర దానవే, శ్వరులకుఁ వాఱుచుండుదురు సంగర భూముల.... మార్క.6.150.
>>ఇట్టి పరిశీలనము నాకు ఆమోదయోగ్యము...మోదదాయకము! మిత్రులు కామేశ్వరరావుగారికి, శంకరయ్యగారికి ధన్యవాదములు!! స్వస్తి.
పూజ్యులు శంకరయ్య గారికి వందనములు. నిన్నటి సమస్యా పూరణ లో కవివరుల “భవజంజాటము” “వివిధ వితమ్ముల” పద ప్రయోగములు సరి గావేమోనని నా సందేహము. నా సంశయము తీర్చ గోర్తాను.
గురువు గారికి నమస్కారము
రిప్లయితొలగించండితాతతో ఒక మనుమడు విరహముతో పలికిన మాటగానూహించిన పూరణము
మన్మడు పురిటికి తనసతి
చిన్మయి నేపంపి పిదప చింతించుచు దా
నున్మాదముతో పలికెను
షన్మాసములనగ నొక్క సంవత్సరమే.
చిన్మయి = అతని భార్యపేరు
ఉన్మాదము = విరహము
గురువు గారికి నమస్కారము
రిప్లయితొలగించండితాతతో ఒక మనుమడు విరహముతో పలికిన మాటగానూహించిన పూరణము
మన్మడు పురిటికి తనసతి
చిన్మయి నేపంపి పిదప చింతించుచు దా
నున్మాదముతో పలికెను
షన్మాసములనగ నొక్క సంవత్సరమే.
చిన్మయి = అతని భార్యపేరు
ఉన్మాదము = విరహము
ఆంజనేయ శర్మ గారూ,
తొలగించండిమీ ప్రయత్నం ప్రశంసింపదగినదే. పూరణ కూడ బాగున్నది. కాని సమస్యలో ప్రాసాక్షరం ‘ణ్మ’ కదా! దానిని మార్చకూడదు.
ఈ కామెంట్‌ను రచయిత తీసివేశారు.
రిప్లయితొలగించండిషణ్ముఖుడు కార్తి కేయుడు
రిప్లయితొలగించండిషణ్మతములు నారు దశములు చార్వాకమనన్
షణ్మత స్తాపన శంకరు
షణ్మాసము లనఁగ నొక్క సంవత్సరమే
హమ్మయ్య కిట్టించాను గానీ ! ఎన్నితప్పులో ?
క్షమించాలి
రిప్లయితొలగించండిషణ్మత " స్థాపన " శంకరు అని ఉండాలి
రాజేశ్వరి అక్కయ్యా,
తొలగించండిమీరే ‘కిట్టించాను’ అన్నాక ఏమంటాను? బాగుందంటాను.
‘షణ్మత స్థాపన’ అన్నపుడు ‘త’ గురువై గణదోషం. ‘షణ్మతముల నిడె..’ అనండి.
షణ్ముఖుడు కార్తి కేయుడు
తొలగించండిషణ్మతములు నారు దశములు చార్వాకమనన్
షణ్మత ములనెడి శంకరు
షణ్మాసము లనఁగ నొక్క సంవత్సరమ
రిప్లయితొలగించండిషణ్మాసము లనఁగ నొక్క సంవత్సరమే
లాగగును ? కంది వారు బ్లాగు నందు
దినమునకు రెండు ప్రశ్నలరయ గాంచిన
షణ్మాసము లనఁగ నొక్క సంవత్సరమే !
శుభోదయం
జిలేబి
జిలేబీ గారూ,
తొలగించండిమీ భావంలో చక్కని ‘లాజిక్కు’ ఉంది. బాగుంది. కాని ఆ భావానికి ‘ణ్మ’ ప్రాసతో కందం వ్రాయడం నా వల్ల కాదు. __/\_
కంది వారు,
తొలగించండిహమ్మయ్య! వచన కవిత కి పెద్ద పీట వేసుకోవచ్చు :)
జేకే !
చీర్స్
జిలేబి
గురువుగారికీ, పెద్దలకు నమస్కారం. నాకు వచ్చిన రీతిలో రెండు పూరణలు చేశాను. ఎంతో కష్టమైన షన్మతసారమును ఈషన్మాత్రమున నేర్చిన షణ్ముఖుడనే చిన్నవాడు సంవత్సరమంటే మాత్రం ఆరునెలలే అని తప్పుగా అనుకున్నాడు అని. అలాగే షాణ్మాతురుడైన కుమారస్వామి ఎంతో సులువుగా షణ్మతములను నేర్చుకున్నాడు కాని తప్పుగా సంవత్సరమంటే ఆరునెలలే అనుకున్నాడు అని. భావం తప్పయినా, పద్యంలో తప్పులున్నా మన్నించి సవరణలు తెలియచేయగలరు. ధన్యవాదలు.
రిప్లయితొలగించండికం:
షణ్ముఖుడనుచిరుతజదివె
షణ్మతసారమునొకనీషణ్మాత్రమునన్
షణ్ముఖుడెతలచెతప్పుగ
షణ్మాసములనఁగనొక్కసంవత్సరమే
షణ్మత ములవిభ వములీ
షణ్మాత్రమునజదివెచిరుషాణ్మాతురుడే
షణ్ముఖుడనుకొనెతప్పుగ
షణ్మాసములనగనొక్కసంవత్సరమే
వేదుల సుభద్ర గారూ,
తొలగించండిమీ పూరణలు బాగున్నవి. అభినందనలు.
మొదటి పూరణ రెండవ పాదంలో గణదోషం. ‘షణ్మతసారమ్ము నొక్క క్షణమాత్రమునన్’ అందామా?
ధన్యవాదాలు గురువుగారు. సవరించి తిరిగి రాస్తాను
తొలగించండిమిత్రులందఱకు నమస్సులు!
రిప్లయితొలగించండిషణ్ముఖ శర్మయె తెలిపెను
మృణ్మయ పాత్రలె మదీయ మిత్రములని! యీ
షణ్మాత్రముఁ గన ద్విగుణిత
షణ్మాసములనఁగ నొక్క సంవత్సరమే!!
గుండు మధుసూదన్ గారూ,
తొలగించండిమీ పూరణ అద్భుతంగా ఉంది. అభినందనలు.
గుండు మధుసూదన్ గారు బహుకాల దర్శనము. నమస్కారములు.
తొలగించండినన్నయ భట్టారకుని భారతములో ఆది పర్వము చతుర్థాశ్వాసము లో 37 వ పద్యమును గమనించండి.
రెండవ పాదములోని “నిన్నుఁ దొట్టి” లో సహజ సరళమైన “దొ” వెనుకనున్నట్టి యరసున్న. పరిశీలించి మీ యభిప్రాయము తెలుప గోర్తాను. ముద్రణా దోషము కాక పోవచ్చునని భావిస్తాను.
[దొట్టి= తో, కూడా అనే యర్థమే యన్వయమవుతుంది.
తొట్టి = 1. నోరు వెడల్పును, అడుగు సన్నమునైన గంపవంటి మట్టి పాత్రము;
2. పసులు నీళ్లుత్రాగుట లోనగువాని కుపయుక్తముగ ఱాతితో కట్టిన కట్టడము;
3. కొప్పెర.
అన్వయమవదు కద.]
వనజభవప్రభావుఁ డగువాని వసిష్ఠు నపత్యశోక మ
న్వననిధి లోన ముంచిన యవారిత సత్త్వుఁ డు నిన్నుఁ దొట్టి యీ
యనిమిషు లెల్ల వానికి భయంపడుచుండుదు రట్టి యుగ్రకో
పనుకడ కిప్పుడేఁ గు మని పాడియె యిప్పని నన్నుఁ బంపఁ గన్.
కామేశ్వర రావు గారూ,
తొలగించండి‘నిన్నుఁ దొట్టి’ లోని అర్ధానుస్వారం ముద్రణాదోషమని నేను నమ్ముతున్నాను. ప్రస్తుతం నా దగ్గర మహాభారతం ప్రతులు లేవు. వాటిని గుండు మధుసూదన్ గారికే ఇచ్చాను. గత సంవత్సరం తిరుమల తిరుపతి దేవస్థానం వారి భారత సంపుటులను నేనే వారికి తెచ్చి ఇచ్చాను. వారి సమాధానం కోసం ఎదురుచూద్దాం.
మిత్రులు కంది శంకరయ్య గారు, కామేశ్వర రావు గార్లకు నమస్సులు!
తొలగించండినేను పాఠశాలనుండి నేరుగ వరంగల్ చౌరస్తాకు వచ్చుటచే, నింటియందుఁగల భారతమునుం జూచునవకాశ మిప్పుడు నాకు లేదు. అయినను నాకుం దెలిసినంతవరకు నిది ముద్రణదోషము కాదు. ఎందుకనఁగ నిచ్చట "నిన్నున్ + తొట్టి" యనియే రావలెను. తొట్టి యనఁగాఁ [దొంటి...తొల్లిఁటి...తొలుతటి...తోడుకొని... యను రూపాంతరముతోఁబాటు] మొదలు, మొదలుకొని యను నర్థములున్నవి. తొట్టి యను పదమునకు మీరు చెప్పిన యర్థములే కాక, తొట్టి యను ప్రత్యయార్థమునఁ గూడ [తోన్, తోడన్...వలె] నున్నది. నన్నయయే గ్రంథ ప్రారంభమునఁ జేసిన "హిమకరుఁ దొట్టి..."యను ప్రయోగము "హిమకరుని మొదలుకొని..."యనునర్థమునే నిరూపించుచున్నది.అటులనే "నిన్నుఁ దొట్టి..." యనఁగ "నిన్ను మొదలుకొని..." యను నర్థమే వచ్చుచున్నది. కావున నిది "తొట్టి"యే కాని, "దొట్టి"కాదు. ఇంటికిఁ బోయిన పిదప నిదియే యర్థమున్నచో నూరకుండెదను. నా విశ్లేషణము విభేదించినచోఁ దగు సమాచారముతో మఱలఁ దెలిపెదను. స్వస్తి.
మధుసూదన్ గారు ధన్యవాదములు.
తొలగించండికామేశ్వర రావు గారూ,
తొలగించండినిశిత పరిశీలన చేయకుండా ‘ముద్రణాదోషం’ అన్నందుకు మన్నించండి. గుండు మధుసూదన్ గారి సమాధానం చూచిన తర్వాత ‘ఆంధ్రభారతి’ని సంప్రదిస్తే తెలిసిన విషయాలివి.
‘తొట్టి’ అనేది తొట్టు అనే అకర్మక క్రియాపదానికి క్త్వార్థకరూపం. కొట్టు > కొట్టి వలె.
తొట్టు శబ్దానికి అకర్మక క్రియగా ‘స్పృశించు, అవలంబించు, మొదలుకొను’ అనే అర్థాలిచ్చి మొదలుకొను అనే అర్థానికి ఉదాహరణగా “క. వనకేళీ కౌతుకమునఁ, జనియెను శర్మిష్ఠఁ దొట్టి సఖులెల్ల ముదం, బునఁ గొలిచిరాఁగ. (భార. ఆది. ౩, ఆ.) ఇచ్చి ‘ఈ యర్థమునకు క్త్వార్థమునందే ప్రయోగము’ అని కూడ చెప్పింది.
మార్గదర్శకులైన గుండు మధుసూదన్ గారికి ధన్యవాదాలు.
పూజ్యులు శంకరయ్య గారికి వందనములు. మంచివిషయములు తెలిసినవి. ధన్యవాదములు.
తొలగించండిసాహితీ సంబంధమైన చర్చల వలన రచనా మార్గము సుగమమగును! నిశిత పరిశీలనము వలన ప్రయోగ పటిమ పటిష్టమగును! ఇది కవులకు, రచయితలకుఁ జాల యవసరము! ఇట్టి పరిశీలనా మార్గముం ద్రొక్కుటకు మార్గదర్శకులు శంకరయ్యగారు, మీరే కదా!
తొలగించండిఈ ’తొట్టి’ శబ్దమునకు మరిన్ని ప్రయోగములు కలవు...
తొట్టి = మొదలు చేసికొను, మొదలుకొను (ఈ యర్థమున నిది "తొట్టి" అను క్త్వార్థక రూపముతోనే యుండును.)
చం. హిమకరుఁ దొట్టిపూరు భరతేశ కురు ప్రభు పాండుభూపతుల్, క్రమమున వంశకర్తలనఁగా మహి నొప్పిన యస్మదీయ వం,శమున.... భార. ఆది.1.14.
ఉ. కావలివారిఁ దొట్టి పురిఁ గల్గు జనంబులలోన గాఢ ని,ద్రా వివశత్వమొందని విధంబున వాఁడొకరుండు లేఁడు..... హరి.పూ.5.117.
చం.సురపతిఁ దొట్టి దేవతలు శుంభ నిశుంభ ముఖోగ్ర దానవే, శ్వరులకుఁ వాఱుచుండుదురు సంగర భూముల.... మార్క.6.150.
>>ఇట్టి పరిశీలనము నాకు ఆమోదయోగ్యము...మోదదాయకము!
మిత్రులు కామేశ్వరరావుగారికి, శంకరయ్యగారికి ధన్యవాదములు!!
స్వస్తి.
గుండు మధుసూదన్ గారూ,
తొలగించండిధన్యవాదాలు.
షణ్మాస దక్షిణాయన
రిప్లయితొలగించండిషణ్మాసపుటయనమొకటి సరియుత్తరమే
షణ్ముఖ !వినుమా రెండగు
షణ్మాసములనగనొక్కసంవత్సరమే
గోలి హనుమచ్ఛాస్త్రి గారూ,
తొలగించండిమీ పూరణ అద్భుతంగా ఉంది. అభినందనలు.
షణ్ముఖుడ ! యారునెలలెగ
రిప్లయితొలగించండిషణ్మాసములనగ, నొక్క సంవత్సరమే
షణ్మాసపురెండింతలు
షణ్మతములుజెప్పెనిట్లు సరియా?కాదా?
పోచిరాజు సుబ్బారావు గారూ,
తొలగించండిమీ పూరణ బాగున్నది. అభినందనలు.
‘...యారు నెలలే’ అనండి.
ఈ కామెంట్‌ను రచయిత తీసివేశారు.
రిప్లయితొలగించండిషణ్ముఖి చదువుచు నిట్లనె
రిప్లయితొలగించండిషణ్మాసములనగ నొక్క సంవత్సరమే
మృణ్మయి సరిదిద్దుచు ననె
షణ్మాసములనగ నారు సరిగా గనుమా!!!
శైలజ గారూ,
తొలగించండిమీ పూరణ బాగున్నది. అభినందనలు.
షణ్ముఖుడు కార్తికేయుడు
రిప్లయితొలగించండిషణ్మతముల సంఖ్యయారు సందియ మది యీ
షణ్మాత్రము లేదు యుగళ
షణ్మాసము లనఁగ నొక్క సంవత్సరమే.
పోచిరాజు కామేశ్వర రావు గారూ,
తొలగించండిమీ పూరణ బాగున్నది. అభినందనలు.
షణ్మాసము లుత్తరదిశ
రిప్లయితొలగించండిషణ్మాసమ్ములు వలకడ చరియింపంగన్
రాణ్మణి రవి,నీ యుగళపు
షణ్మాసము లనగ నొక్క సంవత్సరమే
కెంబాయి తిమ్మాజీ రావు గారూ,
తొలగించండిమీ పూరణ బాగున్నది. అభినందనలు.
షణ్ముఖ శాస్త్రి కళత్రము
రిప్లయితొలగించండిషణ్ముఖి పురిటికి వెడలగ సంతాపితుడై
షణ్ముఖుడీరీతి పలికె
షణ్మాసములనగ నొక్క సంపత్సరమే
షణ్మాసములన నేమని
మృణ్మయ బుద్ధిని గలిగిన మిత్రుని యడగన్
షణ్ముఖుడిట్లుతె లిపెనట
షణ్మాసములనగనొక్క సంవత్సరమే
పూజ్యులు శంకరయ్య గారికి వందనములు. నిన్నటి సమస్యా పూరణ లో కవివరుల “భవజంజాటము” “వివిధ వితమ్ముల” పద ప్రయోగములు సరి గావేమోనని నా సందేహము. నా సంశయము తీర్చ గోర్తాను.
రిప్లయితొలగించండికామేశ్వర రావు గారూ,
తొలగించండిరెండూ దోషాలే. నిన్న నాన్నగారి ప్రథమ మాసికంలో రోజంతా వ్యస్తుడనై అలసి ఉండడంతో మరీ లోతుగా పరిశీలించలేదు. ధన్యవాదాలు.
పూజ్యులు శంకరయ్య గారికి వందనములు. ధన్యవాదములు.
తొలగించండిషణ్ముఖ! మాసమ్మనినన్
రిప్లయితొలగించండివిన్మోయీ ఋతు వనియును వేరొక యెరుకౌ
మన్మదికి దోచె గనుకను
షణ్మాసము లనఁగ నొక్క సంవత్సరమే.
మిస్సన్న గారూ,
తొలగించండిమీ పూరణ బాగున్నది. అభినందనలు.
*గు రు మూ ర్తి ఆ చా రి *
రిప్లయితొలగించండి,,,,,,,,,,,,,,,,,,,,,,,,,,,,,
షణ్ముఖ. ! ఆరు నెలలె గద
షణ్మాసము లనగ | లేదు స౦శయ మిక నీ
షణ్మాత్రమ్మును నీకు : -- ద్వి
షణ్మాసములనగ నొక్క. స౦వత్సరమే
గురుమూర్తి ఆచారి గారూ,
తొలగించండిమీ పూరణ బాగున్నది. అభినందనలు.
గురువుశిష్యునితోదెలుపు పాఠము
రిప్లయితొలగించండిషణ్ముఖ|”ఆయనమేగద
షణ్మాసములనగ”నొక్కసంవత్సరమే
షణ్మాసపు జత గలియగ
షణ్మతసమ్మతముజూడ సర్వుల కిలలో”
ఆయనము=ఉత్తర,దక్షనాయనములు.
కె. ఈశ్వరప్ప గారూ,
తొలగించండిమీ పూరణ బాగున్నది. అభినందనలు.
ఈ కామెంట్‌ను రచయిత తీసివేశారు.
రిప్లయితొలగించండిగండూరి లక్ష్మినారాయణ గారి పూరణ....
రిప్లయితొలగించండిషణ్మాసముల్దక్షిణమున
షణ్మాసము లుత్తరమున సాగు ఖచరుడున్
షణ్ముఖ! విను ద్విగుణీకృత
షణ్మాసము లనఁగ నొక్క సంవత్సరమే.
గండూరి లక్ష్మినారాయణ గారూ,
తొలగించండిమీ పూరణ బాగున్నది. అభినందనలు.
మొదటి పాదంలోని గణదోషాన్ని గమనించి మీరు పూరణను తొలగించారు. ‘షణ్మాసమ్ములు వలకడ’ అంటే సరి. (వలకడ = దక్షిణము)
షణ్ముఖు డైనట్టి గుహుడు
రిప్లయితొలగించండిషణ్మాతలయొక్కపాలు చవి చూచెనుదాన్
షణ్ముఖు సోదరుడనె యిరు
షణ్మాసము లనగ నొక్క సంవత్సరమే.
డా. బల్లూరి ఉమాదేవి గారూ,
తొలగించండిమీ పూరణ బాగున్నది. అభినందనలు.
చిన్మయి తో పెల్లి చేసుకొనబోయే ప్రియుని ఆవేదన:
రిప్లయితొలగించండితన్మయమందెడు కాలము
మున్ముందుగనున్నదనుచు ముద్దుకు సెలవా?
చిన్మయి! మనువాడగ నీ
షఱ్మాసములన్న నొక్క సంవత్సరమే!
గుండా వేంకట సుబ్బ సహదేవుడు గారూ,
తొలగించండిమీ పూరణ బాగున్నది. అభినందనలు.
షణ్ముఖ శాస్త్రి కళత్రము
రిప్లయితొలగించండిషణ్ముఖి పురిటికి వెడలగ సంతాపితుడై
షణ్ముఖుడీరీతి పలికె
షణ్మాసములనగ నొక్క సంపత్సరమే
షణ్మాసములన నేమని
మృణ్మయ బుద్ధిని గలిగిన మిత్రుని యడగన్
షణ్ముఖుడిట్లుతె లిపెనట
షణ్మాసములనగనొక్క సంవత్సరమే
ఆంజనేయ శర్మ గారూ,
తొలగించండిమీ రెండు పూరణలు బాగున్నవి. అభినందనలు.
‘మితుని నడుగన్’ అనండి.
ఆరుగురు మునులు కలసి క్షణము యుగమను రీతి మంత్రములు పఠిస్తూ వేచి చూచిరని చెప్పుట.
రిప్లయితొలగించండిషణ్మాత్రల కాలంబును
షణ్మాసము లనఁగ నొక్క సంవత్సరమే
ఫణ్మంత్రములు పఠించుచు
షణ్మునులు నిరీక్షణంబు సలిపిరి భక్తిన్
[ఫట్+మంత్రములు=ఫణ్మంత్రములు; ఫట్ మొదలగు మంత్రములు]
పోచిరాజు కామేశ్వర రావు గారూ,
తొలగించండిమీ పూరణ ప్రశస్తంగా ఉంది. అభినందనలు.
పూజ్యులు శంకరయ్య గారికి వందనములు. ధన్యవాదములు.
తొలగించండిషణ్ముఖుడగు కందుండీ
రిప్లయితొలగించండిషణ్మాత్రమువెను దిరుగడు సంగ్రామమునన్
షణ్మాత్రలారె యవ ద్వై
షణ్మాసము లనఁగ నొక్క సంవత్సరమే.
భాగవతుల కృష్ణారావు గారూ,
తొలగించండిమీ పూరణ బాగున్నది. అభినందనలు.
‘షణ్మాత్ర లారు గద ద్వై...’ అనండి.
ఈ కామెంట్‌ను రచయిత తీసివేశారు.
రిప్లయితొలగించండిశ్రీగురుభ్యోనమః
రిప్లయితొలగించండిఈణ్మా ప్రాసను కూర్చగ
షణ్ముఖునిన్ దలచినంత చయ్యన దోచెన్
రాణ్మని వినుమా ద్విగుణిత
షణ్మాసము లనఁగ నొక్క సంవత్సరమే
శ్రీపతి శాస్త్రి గారూ,
తొలగించండిమీ పూరణ బాగున్నది. అభినందనలు.