6, డిసెంబర్ 2015, ఆదివారం

సమస్య - 1876 (కుసుమము తాఁకఁగనె...)

కవిమిత్రులారా, 
ఈరోజు పూరించవలసిన సమస్య ఇది... 
కుసుమము తాఁకఁగనె నుసురుఁ గోల్పడె నయ్యో. 

46 వ్యాఖ్యలు:

  1. వసుధను నీటిని జల్లగ
    కుసుమము తాఁకఁగనె నుసురుఁ గోల్పడె న్యాం
    బసురులు నమృతము కొఱకని
    మిసిమిగ మోహిని నిగాంచె మీరిన కోర్కెన్

    ప్రత్యుత్తరంతొలగించు
    ప్రత్యుత్తరాలు
    1. రాజేశ్వరి అక్కయ్యా,
      మీ పూరణ బాగున్నది. అభినందనలు.
      '... గోల్పడె నయ్యో | యసురులు... ' అన్నా సరిపోతుంది.

      తొలగించు
    2. క్షమించాలి రెండవ పాదంలో చివర ' న్యాయం " కి బదులు న్యాం ' అని టైపాటు

      తొలగించు
  2. ప్రత్యుత్తరాలు
    1. ఆంజనేయ శర్మ గారూ,
      సమస్యలోని టైపాటును సవరించాను. ధన్యవాదాలు.
      మీ పూరణ బాగున్నది (సవరించిన సమస్యకు అనుగుణంగా ఉంది). అభినందనలు.

      తొలగించు
    2. శర్మగారూ నమస్కారం. భావాన్ని కొంత విపులీకరించ మనవి

      తొలగించు
    3. తమ సంతానమును మానవులు కర్కశంగా తమనుండి లాక్కుంటున్నారని విసిగిన
      వృక్షాలన్ని బ్రహ్మను మొరపెట్టు కున్నాయట తమ సుకుమార మైన పుష్పాలనెవరైనా తాకితే వెనువెంటనే వారి మరణము స్థిరమవ్వాలని

      తొలగించు

    4. విసిగిన కుటజము లన్నియు
      నొసగమనుచు గోరె ధాత నొకవర మదియే 
      కుసుమాలను గావుమనుచు,
      కుసుమము తాకగనె నుసురు గోల్పడె నయ్యో

      తొలగించు
  3. గుసగుస లాడెను మల్లెలు
    రుసరుస లాడుచును నవ్వె రోజా పూవుల్
    కసికసిగ పలికె నప్పుడు
    కుసుమము తాఁకఁగనె నుసురు గోల్పడె న్యాయం

    ప్రత్యుత్తరంతొలగించు
  4. స్విఫ్ట్ కీ కీబోర్డ్ లో టైప్ చేయడంలో 'నయ్యో' అన్నది 'న్యాయం' అయింది. మన్నించండి. సవరించాను.

    ప్రత్యుత్తరంతొలగించు
  5. ఒసగుటకై నీ పూజన
    కుసుమము తాఁకఁగనె నుసురుఁ గోల్పడెనయ్యో
    యసువులు బాపుట తగదని
    కుసుమాల వదిలి లతలను కొలుతును దేవా

    ప్రత్యుత్తరంతొలగించు
    ప్రత్యుత్తరాలు
    1. శశికాంత్ మల్లప్ప గారూ,
      మీ పూరణ బాగున్నది. అభినందనలు.
      పూజన అనకుండా పూజను / పూజకు... అనండి.

      తొలగించు
    2. ధన్యవాదాలు గురువుగారూ

      తొలగించు
  6. ముసియించగ కాలము తా
    పసియిచ్చిన శాపమునను పాండు విభుండే
    స్వసతిగూడ మనసిజు
    కుసుమము తాఁకఁగనె నుసురుఁ గోల్పడెనయ్యో

    ప్రత్యుత్తరంతొలగించు
  7. మిసమిసల విద్యుదమరిత
    ప్రసూన మని యెరుగనట్టి భ్రమరము సుధకై
    బిసబిసఁ గ్రోలఁగ వాలిన
    కుసుమము తాకఁగనె నుసురుఁ గోల్పడెనయ్యో!

    ప్రత్యుత్తరంతొలగించు
  8. అసురున్ గూల్చెడు కొమరుని
    ప్రసాదముగ నీయ శివుఁడు, పార్వతిని గనన్
    విసరగ మన్మధుఁడు, హరున్
    గుసుమము తాకఁగనె, నుసురుఁ గోల్పడె నయ్యో!

    ప్రత్యుత్తరంతొలగించు
    ప్రత్యుత్తరాలు
    1. గుండా వేంకట సుబ్బ సహదేవుడు గారూ,
      మీ రెండు పూరణలు బాగున్నవి. అభినందనలు.

      తొలగించు
  9. మిసమిసలాడెడి విరులతొ
    నసమాక్షుని గొల్వనెంచి హరుషము తోడన్
    విసవిస నడచుచు మొరటుగ
    కుసుమము తాకగనె నుసురు గోల్పడె నయ్యో.

    ప్రత్యుత్తరంతొలగించు
  10. మిసమిసలాడెడి విరులతొ
    నసమాక్షుని గొల్వనెంచి హరుషము తోడన్
    విసవిస నడచుచు మొరటుగ
    కుసుమము తాకగనె నుసురు గోల్పడె నయ్యో.

    ప్రత్యుత్తరంతొలగించు
    ప్రత్యుత్తరాలు
    1. డా. బల్లూరి ఉమాదేవి గారూ,
      మీ పూరణ బాగున్నది. అభినందనలు.
      తో ప్రత్యయాన్ని హ్రస్వంగా ప్రయోగించరాదు. 'మిసమిసలాడు విరులతో' అనండి.

      తొలగించు
  11. కుసుమపు దళములమాటుగ
    ముసుగున విష కల్పితంబు ముంచుట చేతన్
    పసివాడట నాడుచుగని
    కుసుమము తాకగనె నుసురు గోల్పడి నయ్యో|
    ౨కుసుమేసిన పైరందున
    పసరంబటు గడ్డిమేయు పనిలో నుండన్
    బుసగొట్టు పాముకాటుకు
    కుసుమము తాకగనె నుసురు గోల్పడి నయ్యో|


    ప్రత్యుత్తరంతొలగించు
  12. గౌతమ మహర్షి భార్య అహల్యను నిరాహారిగ వాయు భక్షిణిగ భస్మ శాయినిగ తపిస్తూ అందరికీ అదృశ్య రాలుగ వేల సంవత్సరాలు, శ్రీ రాముడు అక్కడికి వచ్చి ఆతిధ్యము స్వీకరించు నంత వరకు, ఉండుమని శపించెను. శ్రీరాముడు విశ్వామిత్రుని సూచన మేర కాశ్రమములో అహల్యను చూచి పాదములకు నమస్కరిస్తాడు. అహల్యకు శాప విమోచనమవుతుంది. ఆధారము: వాల్మీకి రామాయణము

    అసుర సుర నరుల కగపడ
    ని సతి యహల్య పతి శాప నిందిత ఘన తా
    పసి యట రాముడు దన పద
    కుసుమము తాఁకఁగనె నుసురుఁ గోల్పడె నయ్యో.
    [తాఁకఁగనెను= తాకగా చూచెను; కోల్పడు=అగపడు; ఉసురు= ప్రాణము; అయ్యో=ఓ అయ్యా]

    ప్రత్యుత్తరంతొలగించు
    ప్రత్యుత్తరాలు
    1. పూజ్యులు శంకరయ్య గారికి వందనములు.” తాఁకఁగనె” లో “క” తర్వాత అర్ధానుస్వారముంది గనుక తాకాగానె అని అర్థము రాదు గద.

      తొలగించు
    2. పోచిరాజు కామేశ్వరరావు గురూ,
      మీ పూరణ బాగున్నది. అభినందనలు.
      సోకఁగ, ప్రాకఁగ, ఇంకఁగ.... ఇత్యాదులందు క తర్వాత అరసున్నా ఉంటుంది.

      తొలగించు
    3. పూజ్యులు శంకరయ్య గారికి వందనములు. ధన్యవాదములు.

      తొలగించు
    4. తాకంగ; శోకంగ ... లకు మారు రూపములనుకుంటాను.

      తొలగించు
    5. పోచిరాజు కామేశ్వరరావు గురూ,
      అది సోకఁగ.... శోకంగ కాదు.

      తొలగించు
    6. పూజ్యులు శంకరయ్య గారికి వందనములు. అది ముద్రా రాక్షస ఫలితము.

      తొలగించు
  13. కుసుమించిన కుసుమ ముపై
    రసాయనమ్ముల విరివిగ రైతులు వాడన్
    విషయ మెఱుంగని భ్రమరము
    కుసుమము తాకగనె నుసురు గోల్పడె నయ్యో

    ప్రత్యుత్తరంతొలగించు
  14. :వ్యసనపరుడైన భ్రమరము
    విసుగును జెందక మధువును వేమరి గ్రోలన్
    వసి వెదజల్లిన నొక విష
    కుసుమము తాకగనె నుసురు గోల్పడె నయ్యో !

    ప్రత్యుత్తరంతొలగించు
  15. కుసుమపు తీవెల దాగిన
    బుసపుర్వును గానలేక పుష్పలిహమ్మే
    బిసబిస మధువును గ్రోలగ
    కుసుమము తాకగనె నుసురు గోల్పడె నయ్యో!!!

    ప్రత్యుత్తరంతొలగించు
  16. విసమును చిమ్మెడి వ్రణమున
    పసిబాలుని బోలు ముసలి వగ్గును గాంచన్
    పసగల వైద్యుని శస్త్రము
    కుసుమము తాఁకఁగనె నుసురుఁ గోల్పడె నయ్యో.

    ప్రత్యుత్తరంతొలగించు
  17. కుసుమము వెనుకన పురువది
    కసికసిగా దినుచురేకు కాపుర ముండన్
    విసమునుగానక తుమ్శెద
    కుసుమముదాకగ నె నుసురుగోల్పడెనయ్యో

    ప్రత్యుత్తరంతొలగించు
  18. విసమంచు కీటకములకు
    రసాయనములు వెదజల్ల రైతన్నచటన్
    రసమును కోరిన భ్రమరము
    కుసుమము తాఁకఁగనె నుసురుఁ గోల్పడె నయ్యో :(

    ప్రత్యుత్తరంతొలగించు
  19. ముసలము పుట్టిన రోజున
    నసుగుచు ద్వారక నగరిని నారద పూజన్
    ముసలిది విషవృక్షమ్మున
    కుసుమము తాఁకఁగనె నుసురుఁ గోల్పడె నయ్యో

    ప్రత్యుత్తరంతొలగించు