2, ఆగస్టు 2011, మంగళవారం

సమస్యా పూరణం -413 (గౌరి ముఖమును చుంబించె)

కవి మిత్రులారా,
ఈ రోజు పూరించవలసిన సమస్య ఇది ....
గౌరి ముఖమును చుంబించెఁ గరివరదుఁడు.
ఈ సమస్యను పంపిన చింతా రామకృష్ణారావు గారికి ధన్యవాదాలు.

24 కామెంట్‌లు:

  1. కరివరదు డన్న హరియగు హరుడునగును,
    కరిని గాచెను శ్రీహరి! కరిక ళేబ-
    రమును దాల్చెను హరుడును! ప్రమద మొప్ప
    గౌరి ముఖమును చుంబించెఁ గరివరదుఁడు!

    పెద్దలు శ్రీ రామకృష్ణా రావు గారు, గురువుగారు
    నా భావనలో గానీ, పూరణలో గానీ దోషమున్న యెడల
    మన్నింప వేడెదను.

    రిప్లయితొలగించండి
  2. చేర కైలాస మొకనాడు చక్రి, యచట
    ముద్దులొలికెడు శ్రీ గజ ముఖుని జూచె
    ఎత్తు కొమ్మని గణపతి నీయ తల్లి
    గౌరి; ముఖమును చుంబించెఁ గరివరదుఁడు.

    రిప్లయితొలగించండి
  3. చిన్న సవరణ తో..

    చేర కైలాస మొకనాడు శౌరి,యచట
    ముద్దులొలికెడు శ్రీ గజ ముఖుని జూచె
    ఎత్తు కొమ్మని గణపతి నీయ తల్లి
    గౌరి; ముఖమును చుంబించెఁ గరివరదుఁడు.

    రిప్లయితొలగించండి
  4. మురిసి శ్రీకరు రమణియు, మూర్ధమందు
    గౌరి ముఖమును చుంబించె. కరివరదుడు,
    గజపు చర్మపు ధారుడు గాంచి రచట
    కన్ను విందుగ రమణుల గాఢ ప్రీతి.

    రిప్లయితొలగించండి
  5. శుక్లాంబరధరం .. విష్ణుం ..

    కరి ముఖమ్మును గలిగిన కంతుడవులె
    గుజ్జు రూపివి చదువుల యొజ్జ యనుచు
    గౌరి ముఖమును చుంబించెఁ ;గరివరదుఁడు
    హరికి సముడని దీవించె గరిక ప్రియుని

    రిప్లయితొలగించండి
  6. తల్లి చేసిన భక్ష్యము దాను తినుచు
    గౌరి ముఖమును చుంబించె; కరివరదుడు
    ముద్దు గణపతి చేష్ఠలఁ, ముచ్చటలనుఁ
    సంతసమ్మున తిలకించి, సాగిపోయె.

    రిప్లయితొలగించండి
  7. అమృతమును పంచి యందాల నారబోయు
    మోహినీ రూప లాస్య సమ్మోహి యైన
    గరళ కంఠుని జేరి - యక్కజమున గన
    గౌరి - ముఖమును చుంబించె గరివరదుడు

    --- వెంకట రాజారావు . లక్కాకుల

    రిప్లయితొలగించండి
  8. మిస్సన్న గారూ,
    గజాసుర వృత్తాంత ప్రస్తావనతో మీ పూరణ ఆమోదయాగ్యమే అని భావిస్తున్నాను. ఏదో ఒక విధంగా సమస్యపాదాన్ని సార్థకం చేయడమే కదా పూరణా నైపుణ్యం. అందులో మీరు కృతకృత్యులయ్యారు. అభినందనలు.
    *
    గోలి హనుమచ్ఛాస్త్రి గారూ,
    మీ రెండు పూరణలూ ప్రశస్తంగా ఉన్నాయి. అభినందనలు.
    *
    మందాకిని గారూ,
    మీ రెండు పూరణలూ మనోహరంగా ఉన్నాయి. అభినందనలు.
    మొదటి పూరణలో ‘గాఢప్రీతి‘ అన్నప్పుడు ‘ఢ’ గురువవుతుంది. ‘గాఢమైత్రి’ బాగుంటుందేమో?

    రిప్లయితొలగించండి
  9. వసంత కిశోర్ గారూ,
    మీ పూరణ బాగానే ఉంది కదా! ఎందుకు తొలగించారు?

    రిప్లయితొలగించండి
  10. శ్రీపతిశాస్త్రిమంగళవారం, ఆగస్టు 02, 2011 7:06:00 PM

    శ్రీగురుభ్యోనమ:

    విఘ్నములనన్ని తొలగించు వీరుడనుచు
    తనదు పుత్రుని జూపించె తన్మయమున
    గౌరి, ముఖమును చుంబించె గరివరదుడు
    కరిముఖుంజేర్చి ప్రేమతో కౌగిలించి

    రిప్లయితొలగించండి
  11. అందరికీ వందనములు !
    అందరి పూరణలూ అలరించు చున్నవి !

    శంకరార్యా ! ప్రాస పూర్వాక్షరం తేడా వచ్చింది ! సరిచేశాను !

    01)
    _________________________________

    తెలివి , తల్లి దండ్రుల చుట్టు - తిరుగు కతన
    శరవణోద్భవు గెల్చిన - పరశు ధరుని
    గౌరి , ముఖమును చుంబించె !- గరివరదుఁడు
    చేకితానుడు , సురలును - చేరి పొగడ !
    _________________________________

    రిప్లయితొలగించండి
  12. వసంత కిశోర్ గారూ,
    బాగుంది మీ పూరణ. అభినందనలు.
    *
    శ్రీపతి శాస్త్రి గారూ,
    చక్కగా ఉంది మీ పూరణ. అభినందనలు.

    రిప్లయితొలగించండి
  13. గౌరి గాని గిరితనయ గాదు, గౌరి
    యనగ భూమి, మున్నావరా హావతారు
    సంగడముఁ గోరిన సరస సంజె వేళఁ
    గౌరి ముఖమును చుంబించెఁ గరివరదుఁడు

    రిప్లయితొలగించండి
  14. చంద్రశేఖర్ గారూ,
    ‘పర్యాయపద నిఘంటువు’ చూసి గౌరి శబ్దానికి భూమి అనే అర్థం ఉన్నట్లు నిర్ధారించుకున్నాను. వరాహావతార ప్రస్తావనతో మీ పూరణ బాగుంది. అభినందనలు.

    రిప్లయితొలగించండి
  15. గురువు గారూ, నిజమే. గణదోషం సవరించినందుకు ధన్యవాదములు.
    అసలు ప్రీతి కన్నా మైత్రి అనే పదమే సూటబుల్గా ఉంటుంది,అక్కడ.

    రిప్లయితొలగించండి
  16. భాద్రపద శుద్ధచవితిన భాగ్యనగర
    గణపతుల శోభ కనులార గాంచి మురిసి
    గౌరి ముఖమును చుంబించె , గరివరదుడు
    లేచి చెయిసాచి దలయూచి చూచి మెచ్చె!

    రిప్లయితొలగించండి
  17. మంద పీతాంబర్ గారూ,
    పూరణ మనోహరంగా ఉంది. అభినందనలు.

    రిప్లయితొలగించండి
  18. లక్కాకుల వెంకట రాజారావు గారూ,
    మీ పూరణ నా దృష్టికి రాలేదు. మన్నించాలి.
    అతి మనోహరంగా ఉంది పూరణ. అభినందనలు.

    రిప్లయితొలగించండి