అల్లము - చింతపండు - కోతిమీర - జీర
పై పదాలను ఉపయోగిస్తూ మీకు నచ్చిన ఛందస్సులో
భారతార్థంలో పద్యం వ్రాయండి.
అవధాని అనిల్ మాడుగుల గారి పూరణ....
అల్లమునీంద్ర సంస్తుతు కటాక్షము నొందగ పాండునందనుల్
త్రెళ్ళున చింత పండునది తేలిక గాలికి లేచిపోయె, హా
యు(ఉ)ల్లము కోతి మీరవలయున్ హరినే స్మరియించి, భక్తి కో
కొల్లగ జీర పాండవులకున్ జయమొందగజేసె చూడుమీ !
(రవి గారికి ధన్యవాదాలతో....)
పై పదాలను ఉపయోగిస్తూ మీకు నచ్చిన ఛందస్సులో
భారతార్థంలో పద్యం వ్రాయండి.
అవధాని అనిల్ మాడుగుల గారి పూరణ....
అల్లమునీంద్ర సంస్తుతు కటాక్షము నొందగ పాండునందనుల్
త్రెళ్ళున చింత పండునది తేలిక గాలికి లేచిపోయె, హా
యు(ఉ)ల్లము కోతి మీరవలయున్ హరినే స్మరియించి, భక్తి కో
కొల్లగ జీర పాండవులకున్ జయమొందగజేసె చూడుమీ !
(రవి గారికి ధన్యవాదాలతో....)
అల్ల ముప్పతిప్పలుఁ బెట్టు మల్లు భీము
రిప్లయితొలగించండిచింత పండుట నెరిఁగిన చెంత వృష్ణి
సైగజేసె కోతి మీర చెలగి వేగ తొడలు
జీర నా సుయోధను, గదన్ దూరు మనుచు
అల్ల ముక్కంటి దయతోడ నస్త్రమొందు
రిప్లయితొలగించండివీడు నీ చింత, పండును విజయ తపము
రథ పతాకమె కోతి, మీరగ బలంబు
ధన్వి రిపులఁజీర జయమె ధర్మరాజ!!
గుండుమధుసూదన్ గారి పూరణ....
రిప్లయితొలగించండి(కర్ణ జనన సమయాన కుంతీ భాస్కరుల సంభాషణము)
సూర్యుఁడు:
"అల్ల మునిచంద్రు వరమునఁ బిల్లవాఁడు
ప్రభవ మందె! వలదు చింత! పండు గిదియ!"
కుంతి:
"కోరి మంతుఁ జదువ నేను కోతి! మీర
రవియగా! నేను జీరఁగ రాఁగఁ దగునె?"
రిప్లయితొలగించండిభీ ముడు జేసెను బచ్చడి
ప్రేమగ మఱి చింత పండు బెల్లము ,జీ రన్
వామును నల్లము కలిపియు
గోముగ నిక కొత్తి మీ ర కూడను గలి పీ .
చంద్రశేఖర్ గారూ,
రిప్లయితొలగించండిమీ పూరణ బాగుంది. అభినందనలు.
మూడవ పాదంలో గణదోషం ఉంది. సవరిందండి.
*
జిగురు సత్యనారాయణ గారూ,
మీ పూరణ అద్భుతంగా ఉంది. అభినందనలు.
*
గుండు మధుసూదన్ గారూ,
చాలా బాగుంది మీ పూరణ. అభినందనలు.
‘పండు గిదియ’ను ‘పండుగ యిదె’ అనీ, ‘రాఁగఁ దగునె’ను ‘రాఁ దగునొకొ’ అనీ చెపితే ఇంకా బాగుంటుందేమో!
*
సుబ్బారావు గారూ,
చక్కని ఆలోచన. వలలుడిని విషయంగా తీసుకొని మంచి పూరణ చెప్పారు. అభినందనలు.
అల్ల ముదమందగా కౌరవాధముండు
రిప్లయితొలగించండికోతి!మీరడె సభలోనఁగొంగులాగి
వానిఁ జంపఁదీరు చింత,పండుగనుచుఁ
జీదె పాంచాలి తనగొంతు జీరబోగ!
రిప్లయితొలగించండిఅల్ల ముప్పుతిప్పలన్ బెట్టె రారాజు;
యంత పాండవ మది చింత పండె ;
కోతి మీరె రథము గుర్తుగా ; ప్రభవించె
మారుతి కనులందు యెరుపు జీర !
అజ్ఞాతవాసం లో భీముడు:
రిప్లయితొలగించండిఅల్లము నూరుచుండునపుడయ్యదె వేలువలెన్ దలంచుదా
నుల్లముఁ బిండునట్లు గొను నూహలు పిండుచు చింతపండునున్
ఘొల్లున నవ్వి,కేలనుచుఁ గూరలఁ ద్రుంచును కోతిమీరలన్
జెల్లని వాదులన్ దలచి చేసెడు సాధనొ జీరగుండెలన్
కవి మిత్రుల 'పాకములు ' బహు రుచిగా నున్నవి.
రిప్లయితొలగించండిద్రౌపది అర్జునునితో...
అల్ల ముక్కంటి నెదిరిన మల్లు మీరు
కోతి మీరథమున దీర గొల్వు, దీరు
చింత, పండుగ గానగు జేసి సమర
మందు జీరగ పగతుర నపుడె శాంతి.
అల్లము కోతి మీరయును
రిప్లయితొలగించండిజిల్లన చింత పండు జీర చిత్రాన్నము లన్ !
పుల్లని చారులు జిహ్వకు
కొల్లలు వండెను వడముడి కొసరి భుజిం పన్ !
రిప్లయితొలగించండిస్వామి సౌగంధికా పుష్ప సౌరభమ్ము
యుల్లమును జేసె కోతి మీరల్ల ముందు
పోవ నాచింత పండ నా పుణ్య ఫలము
తెచ్చి నాకీయుడని జీర మచ్చె కంటి
భీము డేగెను వెదకుచు వృద్ధుడైన
వానరముగాంచి ద్రోవలో పరిహసించి
వాలమును పైకి నెట్టగా వలను కాక
వేడి శరణమ్ము పూవొందు వీలు దెలిసె.
అల్ల ముప్పతిప్పలుఁ బెట్టు మల్లు భీము
రిప్లయితొలగించండిచింత పండువేళ నెరి౦గి నంత వృష్ణి
చేతిసైగఁ జేసెను వేగ కోతి మీర
చెలగి యాసుయోధను తొడన్ జీరమనుచు
సహదేవుడు గారూ,
రిప్లయితొలగించండిమీ పూరణ బాగుంది. అభినందనలు.
మూడవ పాదంలో గణదోషం. ‘జంపఁదీరు చింత’ అన్నదానిని ‘జంపఁదీరును చింత’ అంటే సరి! బహుశా మీది టైపాటు కావచ్చు!
*
నాగరాజు రవీందర్ గారూ,
బాగుంది మీ పూరణ. అభినందనలు.
మొదటి పాదంలో యతిదోషం. ‘అంత ముప్పు తిప్ప లందించె..’ అందాం. ‘రారాజు + అంత’ అన్నప్పుడు యడాగమం రాదు. అందువల్ల ‘అంత’ను ‘సుంత’ చేద్దాం. ‘కోతి మీర’ను కోతిమీరె అని దత్తపదిలో మార్చరాదు. ‘కోతి మీర’ అన్నా అన్వయదోషం లేదు.
*
రామకృష్ణ గారూ,
గుండెలన్ జీర సాధన చేస్తున్నాడా? బాగు బాగు! చక్కని పూరణ. అభినందనలు.
*
గోలి హనుమచ్ఛాస్త్రి గారూ,
ఈనాటి మీ పూరణ ప్రశస్తంగా ఉంది. అభినందనలు.
*
రాజేశ్వరి అక్కయ్యా,
మీ ప్రయత్నం బహుధా ప్రశంసనీయం. బాగుంది. అభినందనలు.
మొదటి రెండు పాదాల్లో గణదోషం. నా సవరణలతో ఆ రెండు పాదాలు....
‘అల్లమును కోతి మీరయు
జిల్లనగా చింతపండు జీరాన్నములన్...’
(ఇక్కడ జీరాన్నము అంటే జీరారైస్ కాదు. జీరకము ఉంది కాని జీర(ము) లేదు. జీరా శబ్దానికి చక్కెరపాకము అనే అర్థం ఉంది. కాబట్టి జీరాన్నము అంటే చక్కెర పాకముతో కలిసిన అన్నం అని అర్థం చెప్పుకోవాలి)
*
మిస్సన్న గారూ,
మొదటి పద్యంలోనే దత్తపదిని సమర్థవంతంగా పూరించారు. బాగుంది. అభినందనలు.
‘సౌరభమ్ము + ఉల్లమును’ అన్నపుడు యడాగమం రాదు. ‘సౌరభ మది/ యుల్లమును...’ అందాం.
*
చంద్రశేఖర్ గారూ,
బాగుంది మీ పూరణ. అభినందనలు.
గుండు మధుసూదన్ గారి వ్యాఖ్య...
రిప్లయితొలగించండిశ్రీ శంకరయ్యగారికి నమోవాకములు! మీరు నాపద్యమునకు సూచించిన సవరణములు నద్భుతముగ నున్నవి. తమరు సవరణములు సూచించినందులకు ధన్యవాదములు! కృతజ్ఞుఁడను.
రవి గారి పూరణ....
రిప్లయితొలగించండిఅల్ల మురారి మాధవుని న్యాయము నెంపక మట్టువెట్టగా
చెల్లగ లేక సోలితిరి చిక్కులు దాల్చిరి, చింత పండెఁ బో
ఉల్లము కోతి; మీరలకు నొల్లవిఁ జేసిక యేగుదెంచిరే,
చిల్లరపూజ సేయనిటుఁ జీరుడి సేనల భండనంబునన్.
రవి గారూ,
రిప్లయితొలగించండిమీ పూరణ బాగుంది. అభినందనలు.
రిప్లయితొలగించండిఅల్ల ముద్దుల సతి కోర్కె ననిలసుతుడు,
పయనమాయెను హిమవంత పర్వతమున
పండు కోతిమీరగ నడ్డుపడెను ,లేక
చింత పండుకొనియె దాని జీర ,భీము
డనియె నీ తోక తీయు నా కడ్డు తొలగ.
ఈ కామెంట్‌ను రచయిత తీసివేశారు.
రిప్లయితొలగించండిఅందరికీ వందనములు !
రిప్లయితొలగించండిఅందరి పూరణలూ అలరించు చున్నవి !
మిత్రులందరికీ ముందుగానే వినాయక చవితి శుభాకాంక్షలు !
సౌగంధికోపాఖ్యానం :
01)
_______________________________
అల్ల మురిపెంపు సతి గోర - యామె చింత
పండు నట్లుగ జేయగా - పర్వతముల
పయన మైనట్టి భీముని - వనము నందు
జీర వలె నేల జీరాడు - చిత్రమైన
వాల మడ్డముగా జాపి - పండు కోతి
మీర లేనట్టి భీముని - మేల మాడ;
పావనని యెంచి , ప్రార్థించి - పవన సుతుడు
పథము నెరిగెను; సౌగంధ - వనము జేరి
పూవులను దెచ్చె పూబోణి - పొంగు నటుల !
_______________________________
కమనీయం గారూ,
రిప్లయితొలగించండిమీ పూరణ బాగుంది. అభినందనలు.
‘నీ తోక తీయు నా కడ్డు తొలగ’ అన్నదానిని ‘నీ తోక తొలగించు మడ్డు తొలగ’ అందాం.
*
వసంత కిశోర్ గారూ,
మీ ‘సౌగంధికోపాఖ్యానం’ బాగుంది. అభినందనలు.
‘సతి గోర నామె’ అనీ, ‘పావనిగ నెంచి’ అని నా సవరణలు... ‘కోరన్ + ఆమె’ అన్నప్పుడు యడాగమం రాదు. ‘పావని + అని’ అన్నప్పుడు యడాగమం వస్తుంది.
గురువుగారూ సవరణకు ధన్యవాదాలు.
రిప్లయితొలగించండిశంకరార్యా ! ధన్యవాదములు !
రిప్లయితొలగించండి