లక్ష్మీదేవి గారూ, చక్కని పూరణ చెప్పారు. అభినందనలు. * చంద్రశేఖర్ గారూ, బాగుంది మీ పూరణ. అభినందనలు. * పండిత నేమాని వారూ, మీ మొదటి పూరణ ఉత్తమంగా ఉంది. ‘పరధర్మో భయవహః’ అన్న మీరెండవ పూరణ ప్రశస్తంగా ఉంది. అభినందనలు. * సుబ్బారావు గారూ, బాగుంది మీ పూరణ. అభినందనలు. * గుండు మధుసూదన్ గారూ, మీ పూరణ బాగుంది. అభినందనలు.
నాగరాజు రవీందర్ గారూ, బాగుంది మీ పూరణ. అభినందనలు. ‘చెప్పు + అడిగిన, తోడ + ఇటుల’ అన్నప్పుడు యడాగమం రాదు. ‘చెప్పు నడిగినతోడ నిటుల’ అవుతుంది. ‘లేదు + అన్యాయము’ అన్నప్పుడూ యడాగమం రాదు. ఆ పాదంలో ప్రాసయతి కూడా సర్వజనామోదం కాదు. దధప్రాస క్వాచిత్కంగా కనబడుతుంది. ఎవరో ప్రయోగించారు కదా అని మనమూ ప్రయోగించరాదు. * మిస్సన్న గారూ, చక్కని పూరణ చెప్పారు. అభినందనలు. కాకుంటే మొదటి పాదంలో యతి (చిత్రంగా) తప్పింది! ‘ధర్మజునకు రాజ్యమ్మును ధారపోయ’ అందామా? * రాజేశ్వరి అక్కయ్యా, మీ పూరణ బాగుంది. అభినందనలు. * గోలి హనుమచ్ఛాస్త్రి గారూ, ‘స్వధర్మో నిధనం శ్రేయః’ అన్న భావాన్ని చక్కగా ఆవిష్కరిస్తూ మంచి పూరణ చెప్పినారు. అభినందనలు. ‘ప్రాణత్యాగము’ అన్నప్పుడు గణభంగం. అలాగే ‘త్యాగముకు’ అనకుండా ‘త్యాగమునకు’ అనాలి కదా! ‘ప్రాణగండము నందైన పారరాదు’ అంటే ఎలా ఉంటుందంటారు? * గండూరి లక్ష్మినారాయణ గారూ, బ్లాగులోకంలోకి మీ రాక సంతోషదాయకం. ధన్యవాదాలు. మీ పూరణ ప్రశస్తంగా ఉంది. అభినందనలు.
సహదేవుడు గారూ, ఈరోజు మీ ‘అటెండెన్స్’ పడలేదేమిటా అని చూస్తున్నాను. సంతోషం. చక్కని పూరణ. రాముడు ధరపాలనకు లోబడి భార్యాత్యాగమనే పాతకము చేసాడు. బాగుంది. అభినందనలు.
వేదవిహితమై యలరారు విధులనన్ని
రిప్లయితొలగించండిపాలనము జేయుటయె పుణ్యఫలమునిచ్చు.
పాపరాశిని పెంచగ బ్రతుకునంద
ధర్మపాలన కంటెఁ బాతకము లేదు.
ధర్మ మన్నిటిఁ బొందను మర్మమనుము
రిప్లయితొలగించండిధర్మ రాజును రక్షించె ధర్మమెపుడు
నలుని బాసటగ నిలచె నదియె కనన
ధర్మపాలన కంటెఁ బాతకము లేదు
ధర్మము జయించు భువి ననృతమ్ము వీగు
రిప్లయితొలగించండిననెడు సూక్తులు పూర్తిగ నంతమొందె
స్వార్థరతుల దుశ్చిత్తుల భావము గన
ధర్మ పాలన కంటె బాతకము లేదు
పుణ్య మెచటను గలుగదు పుడమి మీ ద
రిప్లయితొలగించండిధర్మ పాలన కంటె బాతకము లేదు
భూ త హింసను మించిన భూ రి నవల
ప్రాణ రక్షణ ముఖ్యము ప్రాణి కోటి.
పరమ శ్రేయమ్ము నిజధర్మ పాలనమ్ము
రిప్లయితొలగించండియశము సుఖ శాంతులును గల్గు నందువలన
నటులనే నేరికేనియు నవని నన్య
ధర్మ పాలన కంటె పాతకము లేదు
ధర్మ పాలన వృద్ధి, నధర్మ పాల
రిప్లయితొలగించండినమ్ము క్షయము నొందించును; నమ్ముఁడిది! య
ధర్మి దశవక్ర్తుఁ డేమయ్యెఁ? దడవఁగా, న
ధర్మ పాలన కంటెఁ బాతకము లేదు!
లక్ష్మీదేవి గారూ,
రిప్లయితొలగించండిచక్కని పూరణ చెప్పారు. అభినందనలు.
*
చంద్రశేఖర్ గారూ,
బాగుంది మీ పూరణ. అభినందనలు.
*
పండిత నేమాని వారూ,
మీ మొదటి పూరణ ఉత్తమంగా ఉంది.
‘పరధర్మో భయవహః’ అన్న మీరెండవ పూరణ ప్రశస్తంగా ఉంది. అభినందనలు.
*
సుబ్బారావు గారూ,
బాగుంది మీ పూరణ. అభినందనలు.
*
గుండు మధుసూదన్ గారూ,
మీ పూరణ బాగుంది. అభినందనలు.
దుర్జనుడు జెప్పు యడిగిన తోడ యిటుల -
రిప్లయితొలగించండి"లేదు యన్యాయమును మించి సాధు గుణము
ధర్మపాలన కంటె పాతకము లేదు
నమ్ము ! వ్యర్థము ఋజువర్తనమ్ము సుమ్ము !"
ఈ కామెంట్‌ను రచయిత తీసివేశారు.
రిప్లయితొలగించండినీతి నియమము లన్నవి నేతి బీర
రిప్లయితొలగించండిధర్మ మేరీతి రక్షించె ధరణి లోన
కలి యుగమ్మున ధర్మము గనుట సున్న
ధర్మ పాలనము కంటెఁ బాతకము లేదు !
శ్రేయ మెపుడు స్వధర్మమ్ము సేయు చుంట
రిప్లయితొలగించండిప్రాణ త్యాగము కైనను పార రాదు
మెరుపు లున్నను దలచుచు మెరుగు, పరుల
ధర్మపాలన కంటెఁ బాతకము లేదు.
రాజు లెందరో పూర్వము రాజ్యములను
రిప్లయితొలగించండిబ్రజల సంక్షేమ మాశించి పరమ ధర్మ
పాలన మొనర్చి ప్రఖ్యాతి బడసినా ర
ధర్మ పాలన కంటె బాతకము కలదె.
నాగరాజు రవీందర్ గారూ,
రిప్లయితొలగించండిబాగుంది మీ పూరణ. అభినందనలు.
‘చెప్పు + అడిగిన, తోడ + ఇటుల’ అన్నప్పుడు యడాగమం రాదు. ‘చెప్పు నడిగినతోడ నిటుల’ అవుతుంది. ‘లేదు + అన్యాయము’ అన్నప్పుడూ యడాగమం రాదు. ఆ పాదంలో ప్రాసయతి కూడా సర్వజనామోదం కాదు. దధప్రాస క్వాచిత్కంగా కనబడుతుంది. ఎవరో ప్రయోగించారు కదా అని మనమూ ప్రయోగించరాదు.
*
మిస్సన్న గారూ,
చక్కని పూరణ చెప్పారు. అభినందనలు.
కాకుంటే మొదటి పాదంలో యతి (చిత్రంగా) తప్పింది! ‘ధర్మజునకు రాజ్యమ్మును ధారపోయ’ అందామా?
*
రాజేశ్వరి అక్కయ్యా,
మీ పూరణ బాగుంది. అభినందనలు.
*
గోలి హనుమచ్ఛాస్త్రి గారూ,
‘స్వధర్మో నిధనం శ్రేయః’ అన్న భావాన్ని చక్కగా ఆవిష్కరిస్తూ మంచి పూరణ చెప్పినారు. అభినందనలు. ‘ప్రాణత్యాగము’ అన్నప్పుడు గణభంగం. అలాగే ‘త్యాగముకు’ అనకుండా ‘త్యాగమునకు’ అనాలి కదా! ‘ప్రాణగండము నందైన పారరాదు’ అంటే ఎలా ఉంటుందంటారు?
*
గండూరి లక్ష్మినారాయణ గారూ,
బ్లాగులోకంలోకి మీ రాక సంతోషదాయకం. ధన్యవాదాలు.
మీ పూరణ ప్రశస్తంగా ఉంది. అభినందనలు.
రామరాజ్యాన ధర్మ విరామ మేది?
రిప్లయితొలగించండివిశ్వమంతయునమ్మెడువిషయ మైన!
గర్భవతి సతి కంతటి కష్ట మేల?
ధర్మ పాలన కంటెఁ బాతకములేదు!
సహదేవుడు గారూ,
రిప్లయితొలగించండిఈరోజు మీ ‘అటెండెన్స్’ పడలేదేమిటా అని చూస్తున్నాను. సంతోషం. చక్కని పూరణ. రాముడు ధరపాలనకు లోబడి భార్యాత్యాగమనే పాతకము చేసాడు. బాగుంది. అభినందనలు.
గురువు గారూ ! మీ సూచనలకు కృతజ్ఞుడను
రిప్లయితొలగించండిదుర్జనుడు జెప్పు నడిగిన తోడ నిటుల
"ధర్మ పాలన కంటె పాతకము లేదు
మోక్షమే లేదు న్యాయ వివక్షునకును
నమ్ము ! వ్యర్థము ఋజువర్తనమ్ము సుమ్ము !"
గురువుగారూ తప్పు దిద్దినందుకు ధన్యవాదాలు.
రిప్లయితొలగించండిమరింత జాగ్రత్తగా ఉంటాను.
ధర్మజునకు రాజ్యమ్మును ధారపోయ
ధర్మ పాలన మిడు నని తగదు పలుక
మాయ మాటలు గోపాల మాకు వారి
ధర్మపాలన కంటెఁ బాతకము లేదు
శంకరార్యా ! నాపూరణ లోని దోషమును సరిజేసి చక్కని సవరణ చూపి నందులకు ధన్యవాదములు. మీ సూచనతో..
రిప్లయితొలగించండిశ్రేయ మెపుడు స్వధర్మమ్ము సేయు చుంట
ప్రాణ గండము నందైన పార రాదు
మెరుపు లున్నను దలచుచు మెరుగు, పరుల
ధర్మపాలన కంటెఁ బాతకము లేదు.