25, ఫిబ్రవరి 2016, గురువారం

పద్యరచన - 1175

కవిమిత్రులారా,
“పలుకె బంగార మాయెనా...”
ఇది పద్యప్రారంభం. దీనిని కొనసాగిస్తూ మీకు నచ్చిన అంశంపై పద్యాన్ని వ్రాయండి.

37 కామెంట్‌లు:

  1. పలుకె బంగార మాయెనా పవన పుత్ర
    పిలిచితి హనుమాయనుచును పేరుతోడ
    కరుణతోడపలుకవేమి కపివరేణ్య
    రామ నామమ్ము పలుకుమా రమ్యముగను

    రిప్లయితొలగించండి
  2. పలుకె బంగార మాయెనా యలిగిన చెలి
    తగదు నీకింత పంతంబు తగవు చాలు
    నొప్పుకొందును నీముందునోడినాను
    పట్టుకొందును నీకాళ్ళు పట్టు విడుము

    రిప్లయితొలగించండి
    రిప్లయిలు
    1. చంద్రమౌళి సూర్యనారాయణ గారూ,
      మీనుండి నేనూహించిన పద్యమే వచ్చింది. బాగుంది. అభినందనలు.

      తొలగించండి
  3. పలుకె బంగార మాయెనా చిలిపి సకియ
    యలుక దీర్చగ దెచ్చితి వలపు పూలు
    కలల తేలించి కరిగించు కాచి నన్ను
    మదిని వేధింప తగదులే మగువ నీకు

    రిప్లయితొలగించండి
  4. శుభోదయం !

    పలుకె బంగార మాయెనా పతికి నేడు ?
    పలుకు లేమి పలుక ? తొలి పలుకు నీది
    మరియు మలి పలుకును నీది ! మగడు వేరు
    పలుకు పలుకనేల జిలేబి? పలుక జాల !

    సావేజిత
    జిలేబి

    రిప్లయితొలగించండి
    రిప్లయిలు
    1. జిలేబీ గారూ,
      కులుకు పలుకుల ములుకుల చిలికిన మీ పద్యం బాగున్నది. అభినందనలు.

      తొలగించండి
  5. రిప్లయిలు
    1. ముత్యాల సరము2:

      పలుకె బంగార మాయెనా క
      నలుటె సింగారమాయేనా
      కులుకెవిడ్డూరమాయేనా
      సలుపు రామా కృప
      దత్త పాదమున కించుక సవరణతో:
      పలుకె బంగార మాయేనా
      యలుకె సింగారమాయేనా
      కులుకెవిడ్డూరమాయేనా
      సలుపు రామా కృప

      తొలగించండి
    2. పలుకె బంగార మాయెనా భద్ర శైల
      వాస కలనైన కనిపించవా యినకుల
      సోమ జాగేల నను బ్రోవ సురవిభు నుత
      సుంతయిన దయ జూపవా సుంద రాంగ

      తొలగించండి
    3. పోచిరాజు కామేశ్వర రావు గారూ,
      మీ పద్యాలన్నీ బాగున్నవి. అభినందనలు.
      ‘ఆయేనా’ అనడం గ్రామ్యం.

      తొలగించండి
    4. పూజ్యులు శంకరయ్య గారికి వందనములు. రామదాసు కీర్తనలో ఉన్నది కదా యని వ్రాసాను. ఆ సందేహముతోనే తేటగీతిలో కూడా పూరణ చేశాను. ధన్యవాదములు.

      తొలగించండి
    5. కామేశ్వర రావు గారూ,
      గాయకులు అలా పాడతారు కాని నిజానికి ఆ కీర్తనలోనిది ‘ఆయెనా’ అనే.

      తొలగించండి


  6. పలుకెబంగారమాయెనాలలిత!నీకు నీదునామంబులన్నియుదినము
    దినముబారాయణంబు నుదీక్షతో!డ చేయుచుంటినిగదయమ్మ!వేయి మార్లు

    రిప్లయితొలగించండి
    రిప్లయిలు
    1. పోచిరాజు సుబ్బారావు గారూ,
      మీ పద్యం బాగున్నది.
      రెండవపాదంలో గణదోషం. యతి తప్పింది. ‘నీదు నామంబు లన్నియు నేను దినము’ అనండి.

      తొలగించండి
  7. పలుకె బంగార మాయెనా వారిజాక్షి
    అలుకవీడి నీప్రియ సఖు నాదరించు
    తప్పులన్నియు మన్నించి దెప్పకుండ
    కౌ గిలింతల నియ్యవే కరము వేగ

    రిప్లయితొలగించండి
    రిప్లయిలు
    1. అన్నపరెడ్డి సత్యనారాయణ రెడ్డి గారూ,
      మీ పద్యం బాగున్నది.అభినందనలు.

      తొలగించండి
  8. పలుకె బంగారమాయె నోపడతికపుడు
    పతికి కట్నాల మోజున్నపాలుబంచ
    శోభనంబున శోధనా లాభమేమి?
    ననుచు వరుడెంచు భావాలు మనసు ద్రుంచు|

    రిప్లయితొలగించండి
    రిప్లయిలు
    1. కె. ఈశ్వరప్ప గారూ,
      మీ పద్యం బాగున్నది.
      దత్తాంశంలో ‘ఆయెనా’ను మీరు ‘ఆయెనో’ అన్నారు. ‘లాభమేమి|యనుచు...’ అనండి.

      తొలగించండి
  9. మధురాక్కర
    పలుకె బంగారమాయెనా, పలుకవే లలనరో, నీ
    కలువ పువ్వుల వంటి యా కన్నులెఱదనముల
    చిలుకుచున్నవి గాదటే! చిరునవ్వు విసరవు గ
    ద,లుక మానవే కోమలా, యౌరౌర! బిగువిదేలో!

    రిప్లయితొలగించండి
    రిప్లయిలు
    1. లక్ష్మీదేవి గారూ,
      మీ పద్యం బాగున్నది.
      ‘కద+అలుక’ అన్నపుడు సంధి లేదు, యడాగమం వస్తుంది.

      తొలగించండి
    2. గురువుగారు, సవరించిన పద్యం-

      పలుకె బంగారమాయెనా, పలుకవే లలనరో, నీ
      కలువ పువ్వుల వంటి యా కన్నులెఱదనముల
      చిలుకుచున్నవి గాదటే! చిరునగవులొలుకవె,
      యలుక మానవే కోమలా, యౌరౌర! బిగువిదేలో!

      తొలగించండి
  10. పలుకె బంగారమాయెనా చిలిపి భామ
    మౌనమే శరణమయేన, మనసు దోచి
    నట్టి మగువవె నీవని నమ్మి వచ్చి
    నాను నారీశిరోమణి నన్ను గనవె

    రిప్లయితొలగించండి
  11. గెలిచిన వారిపై బడుగు, బలహీన వర్గాల ఆవేదన:

    పలుకె బంగార మాయెనా పట్టమంద!
    పూరి గుడిసెల సందుల దూరి దూరి!
    ఓట్లనడుగు నపుడు మాదు పాట్లఁ గనియు
    మిన్నకున్నారు మీకిది మేలు కాదు!

    రిప్లయితొలగించండి
    రిప్లయిలు
    1. గుండా వేంకట సుబ్బ సహదేవుడు గారూ,
      మీ పద్యం బాగున్నది. అభినందనలు.

      తొలగించండి
  12. పలుకె బంగారమాయెనా పరమ పురుష
    వేడుకొందును వినవయ్య విన్నపాలు
    దురితములు తొలగించి యాదుకొన వయ్య
    కరుణ జూపుము కంసారి ఖలవిదారి.
    2పలుకె బంగారమాయెనా కలికి నీకు
    మనసు పడి దెచ్చితి నిట మల్లెపూలు
    అలక మానవె శరణంటి నందుకొనుము
    తప్పిదమునిక చేయను తరుణి రావె.

    రిప్లయితొలగించండి
  13. పలుకె బంగార మాయెనా భారతప్ర
    ధాని నోట ప్రత్యేక హోదా నొసంగు
    చుంటి మాంధ్రదేశమునకు చూడు డనఁగ
    నాస లడియాస లాయె పో యాంధ్రులకును.

    రిప్లయితొలగించండి
  14. పలుకె బంగార మాయెనా? పలుకు మోడి!
    కులుకు హెచ్చగ రాహులు డులుకు వీడె
    నిలను వీడి డీసెలు ధర నింగి నంటె
    వెలవెలను వోయె రూపాయ విలువ నిలను!

    రిప్లయితొలగించండి


  15. పలుకె బంగార మాయె, నా పల్కు నిన్ను
    కలల లోనదేల్చు మగడ కాచు కొనుమ
    మిలమి లమెరిసె తారలు మేడ పైన
    కలల రాణిని రాజా సకలము నేను :)


    జిలేబి

    రిప్లయితొలగించండి