6, ఆగస్టు 2010, శుక్రవారం

సమస్యా పూరణం - 58


కవి మిత్రులారా,
ఈ రోజు పూరించ వలసిన సమస్య ఇది ...
ఆలి నంపుచుంటి నేలుకొనుము.

వారాంతపు సమస్యా పూరణం - 3
చదువులు వ్యర్థమే కద ప్రశస్త సుఖాస్పద జీవనమ్ముకై.

22 కామెంట్‌లు:

  1. శిష్య గణము చేత దుష్యంత! నేను నీ
    ఆలి నంపుచుంటి నేలుకొనుము.
    ఆర్య భూమి నెలమి నలరార్చు పుత్రుండు
    కలుగునంచు నంపె కణ్వుడెలమి.

    రిప్లయితొలగించండి
  2. శంకరయ్య గారూ,
    మీ సమస్యలో యతి సరిపోయిందా?

    రిప్లయితొలగించండి
  3. సామరస్యమున్న సంసారమది నిల్చు
    సతిని వీడు టదియు సబబు కాదు
    అలుక చాలు నింక అల్లుడా యిదె నీదు
    ఆలినంపుచుంటి నేలుకొనుము

    రిప్లయితొలగించండి
  4. అజ్ఞాత గారూ,
    మీ ప్రశ్న చూసి నేను ఒక్క క్షణం సందిగ్ధంలో పడ్డాను. అందులో యతిదోషం ఏమాత్రం లేదు. ప్రాసయతి ( ఆలి - నేలు ) ప్రయోగించాను.

    రిప్లయితొలగించండి
  5. ధర్మజుండు జెప్పె తమ్ముడర్జునికిటుల
    "ఆలి నంపుచుంటి నేలుకొనుము"
    అర్జునుండె బలికె "అగ్రజా, మరితివా?
    భీమసేన వంతు ఝామునుండి"

    రిప్లయితొలగించండి
  6. లక్ష లిచ్చి కొంటి నల్లుడ మెరికయని
    కాల మెన్న డుండ దొక్క రీతి
    జాబు పోయి నంత జాతకము మారునా ?
    ఆలి నంపు చుంటి నేలు కొనుము

    రిప్లయితొలగించండి
  7. శకుంతలా దుష్యంతుల ఘట్టాన్ని మనోహరం గా గుర్తు చేసి కణ్వునితొ రసరమ్య మైన పద్యాన్ని అందించిన చింతా వారు కడు ప్రశంస నీయులు

    రిప్లయితొలగించండి
  8. చింతా రామకృష్ణారావు గారూ,
    అద్భుతమైన మీ పూరణతో నా బ్లాగు ధన్యతను పొందింది. ధన్యవాదాలు.

    రిప్లయితొలగించండి
  9. ఫణిప్రసన్న కుమార్ గారూ,
    చక్కని పూరణ నందించారు. అభినందనలు.

    రిప్లయితొలగించండి
  10. నచికేత్ గారూ,
    మీ పూరణ చమత్కారంగా ఉంది. అభినందనలు. అయితే మీరే సవరించుకున్న మీ పద్యంలో ఇంకా కొన్ని లోపాలున్నాయి. నా సవరణలతో మీ పద్యం .....
    ధరంజుండు సెప్పుఁ దమ్ముఁ డర్జును తోడ
    నాలి నంపుచుంటి నేలుకొనుము
    ఆర్జునుండు సెప్పె నగ్రజా మరచితే
    భీమసేను వంతు ఝామునుండి.

    రిప్లయితొలగించండి
  11. నేదునూరి రాజేశ్వరి గారూ,
    మీ పూరణలో విషయం బాగుంది. కాని మొదటి రెండు పాదాల్లో యతి తప్పింది. మూడవ పాదం చివర గణదోషం ఉంది. నా సవరణలతో మీ పద్యం ....
    లక్షలిచ్చి కొంటి లండను వరుఁడని
    కాలముండ దొక్క గతిని చూడు
    జాబు పోయినంత జాతక మెటు మారు?
    నాలి నంపుచుంటి నేలుకొనుము.

    రిప్లయితొలగించండి
  12. నా పూరణ -
    పెండ్లియైన పిదప పెద్దకాలం బేగె
    కానుపునకు వచ్చె కన్నబిడ్డ
    కోర్కె దీరఁ గన్న కొడుకుతో పాటు నీ
    యాలి నంపుచుంటి నేలుకొనుము.

    రిప్లయితొలగించండి
  13. శంకరయ్య గారూ,
    మీ సవరణ నాకు అర్ధం కాలేదు. ధరంజుండు అంటే చందస్సు సరిపోదు. ధర్మజుండు అంటేనే సరిపోతుంది. 'త' కు, 'ధ' కు యతి సరిపోతుంది కాబట్టి తమ్ముడు అని ప్రయోగించినా తప్పులేదని నాకనిపిస్తుంది.

    రిప్లయితొలగించండి
  14. నచికేత్ గారూ,
    అది టైపింగ్ పొరపాటు. నేను ధర్మజుండు కొట్టబోయి rma (ర్మ) కు బదులు ram (రం) కొట్టాను.

    రిప్లయితొలగించండి
  15. శంకరయ్య మాష్టారు గారూ,
    (రం) కొట్టాను.

    ఇందులో శ్లేష గానీ దాచారా? :)

    రిప్లయితొలగించండి
  16. లేదండీ. అయినా అది rum కదా! నేను రాసింది ram.

    రిప్లయితొలగించండి
  17. అంతేలెండి, యద్భావం తద్భవతి అని, మీరు రాముడిని చూశారు, నేను రమ్ము చూశాను.
    ఊఱకనే సరదగా అడిగాను మాష్టారు, ( సమస్యా పూరణల పానకం లో నా పుడక )
    మిమ్మల్ని నొప్పిస్తే పెద్దమనసు తో మన్నించండి.
    భవదీయుడు
    ఊకదంపుడు

    రిప్లయితొలగించండి
  18. ఊకదంపుడు గారూ,
    దానిని నేను సాహితీ చమత్కారంగానే తీసుకున్నాను. సరదాగా నవ్వుకున్నాను. అంతే. ఆ మాత్రం "సెన్స్ ఆఫ్ హ్యూమర్" లేకుంటే ఎలా?

    రిప్లయితొలగించండి
  19. అల్లుని తో మామ...

    ఆరు మంది పిల్ల లాడు వా రాయెను
    ఏడు యాడు దైన నేలు కొనను!
    యనుచు పంపి నావు, అబ్బాయి పుట్టెను
    యాలి నంపుచుంటి నేలుకొనుము!

    రిప్లయితొలగించండి
  20. గోలి హనుమచ్ఛాస్త్రి గారూ,
    మనోహరంగా ఉంది మీ పూరణ. అభినందనలు.

    రిప్లయితొలగించండి